叫咗刺身定食配烏冬同埋和牛漢堡定食。刺身定食嗰碟刺身好豐富，有海膽、三文魚、魷魚、三文魚籽、鯛魚同竹筴魚，款式幾多。刺身好新鮮，尤其係海膽同三文魚都幾甜，質素保持到高水準。
和牛漢堡又腍又juicy，咬落去肉汁會滲出嚟，牛味夠香。
兩款定食都有送牛舌、炸三文魚、麵豉湯同麻醬豆腐。牛舌好入味，炸三文魚外脆內嫩。麵豉湯同麻醬豆腐就正常水準，係定食嘅常見配菜嚟。
另外叫咗芝麻雞翼，雞翼炸得幾香脆好食。
總括嚟講，午市定食性價比幾抵，刺身質素有保證，配菜又豐富。
11
如果喺旺角想搵間穩陣嘅日式定食食，申子係個唔錯嘅選擇。
