fatfatjai的个人专页

專登走入西營盤，試試支持呀正開既cafe ,睇咗好多留言/訪問話signature 好好飲，所以我地就試兩款signature ,一杯係花生椰奶咖啡，一杯係鹹柑桔咖啡，佢本身個名都唔太記得了🙊 前者 係冇花生味，冇椰奶味，冇咖啡味，係一杯好淡嘅[奶]🥲，至於個鹹柑桔咖啡，真係好伏，一d 都唔夾，我平時每日都飲咖啡，呢杯真係唔可以當係一杯咖啡黎對待，建議真係想飲到咖啡嘅人就唔好揀啦，而且佢地$58 一杯，好貴，唔知正常咖啡質素係點，反正無下次🥹，而且坐嘅環境都唔太舒服，兩個人坐咗喺張吊住喺牆嘅細枱，唔係好穩陣，坐一陣就走左了…查看更多

今日即興同男朋友係太子食野，諗唔到食咩就打算去金鳯鋸扒，正當行到去金鳯，旁邊有一間小店大大隻字寫住$45鐵板餐，咁抵唔係唔試呀嘛，於是我地坐低叫左2份西冷，分別跟薯菜同意粉，同樣係黑椒汁，加埋凍飲total 兩位$100仲有4蚊找🙈但最驚喜係，竟然好食過金鳯！！食物方面，西冷係薄薄地兩大塊，份量十足，無筋，重肉味，口感嫩滑，薯條有焦香味，最出色係個黑椒汁，好足料，岩岩抄起咁，唔係好辣十分惹味，聽到第二張枱讚個蒜蓉汁，下次要試😍飲品方面，凍奶茶係典型茶餐廳好飲既味道，忌廉湯熱辣辣唔錯。店內職員廚師都好nice，可能新開無咩客，出黎傾左幾句睇下我地有咩comment ，feel到佢地好有heart 去經營，加油啊👏$45 係試食價，下次去未必有啦，不過貴d都值得🍽️，個人認為$45抵得滯，令人錯覺係試伏😆，同埋我建議放返d靚相吸客金鳯一個餐都$1xx up ，大四喜無論性價比同食物品質都贏左，忍唔住即刻寫食評支持支持…查看更多

行過旺角想搵啲又平又好食嘅餐廳,上網搵吓見到呢間價錢唔貴，而且睇落啲野食幾吸引，就去試吓。去到門口見到滿座，不過等左一陣大概10分鐘左右就入得去啦。想食海南雞，但見到有得揀鴛鴦雞(無骨海南雞加蒜蓉牛油雞扒)，咁就貪心啲兩個都試吓!飯餐會跟一個湯,有得+$5揀椰汁酸湯,好似幾特別咁,好奇寶寶經常上線嘅我當然會試埋!另外叫左一杯越南乳酪三色冰,同埋嗌咗一個生牛肉+越式扎肉湯檬,都係揀左椰汁酸湯無骨鴛鴦雞配黃薑飯海南雞好滑,覺得唔錯!但蒜蓉牛油雞扒炸得比較乾,點埋汁食都覺得好乾椰汁酸湯作為餐湯,味道有啲太濃,比起一般冬蔭公湯更濃,不過幾特別,一試無妨越南乳酪三色冰三色分別係紅豆+綠豆+乳酪,飲落似紅豆冰加綠豆,但綠豆本身無乜味,算係增加左口感生牛肉+越式扎肉湯檬(椰汁酸湯)個人認為椰汁酸湯配搭湯麵比較適合,加埋麵一齊食感覺有啲中和效果整體上性價比都唔錯,下次可以再黎試下其他野食…查看更多

每逢假日,我去上水石湖墟美容店做FACIAL ，都會去學樂樂食水牛芝士豬扒焗飯，已經食左唔知幾多餐haa首先講下環境，舖頭比較細，座位之間的空間唔多，較為狹窄，適合快食，茶餐廳而言，衛生都算唔錯，見店員執枱會用消毒酒精抹。食物方面，真係睇個人口味，我帶過朋友去食就唔太喜歡，因為樂樂的水牛芝士豬扒焗飯，我覺得相對淡味，一般大家樂或者其他茶餐廳，落咗好多嘅茄膏同油，味道會比較咸/重口味，但我自己幾鍾意樂樂，抄飯底相對乾身，芝士份量好多，有拉絲嘅感覺，用新鮮蕃茄去整，而唔係用茄膏，豬扒唔會好油膩，唔重梳打粉，似係淨係煎過咁，曾經食過一啲得d肥肉連骨，仲炸到皮同肉分層。不過好似見佢不斷加價 ，上次食就$62，唔知下次幾多，價錢同食物而言，不過不失啦。🧐🧐…查看更多

拉麵凪呢間拉麵店真係不得之了！嚟過幾次試咗唔同款嘅拉麵，但我自己最鐘情嘅係呢到嘅小食，超高質！首先介紹下拉麵🍜綠骨拉麵🧀呢款我覺得係最特別，湯底有羅勒葉、橄欖油，同埋大量芝士調味，食落真係有種意式嘅味道，好似食緊pizza味🍕嘅拉麵咁！限定赤蝦拉麵🦐 (限定款，而家應該冇得食)好濃郁嘅蝦湯味，配料、麵硬度各樣都已經set好最好食嘅狀態俾你凪豚餃🥟 (真係驚為天人😱)凪豚餃🥟 (真係驚為天人😱)呢個餃子真係不得了！第一次食嘅時候簡直顛覆咗我對餃子嘅認知🤯咬落去完全想像唔到我食緊呢個係餃子！真係好脆而且好多汁，脆嘅程度好似係我個口裡面溶化左咁，好想再食多嚿！呢個高質程度黎講價錢絕對唔貴，$23有三件！去呢間拉麵店一定要試！阿波尾雞翼雞翼係生炸，裡面保持好多肉汁，而且仲落咗店嘅秘製醬汁甜甜地好好食，亦都係一款好值得推介嘅小食！黎嘅時候店員遞埋紙巾，提你拎住雞翼尖食會更方便，好貼心總括黎講我覺得各樣食物都好高質，價錢同一般拉麵店相約，而整體體驗都十分好最後都想讚下店員服務質素好好，會提你唔好影相太耐要趁熱食，服務同態度都好好，都令我真正感覺到係一間日本過江龍嘅拉麵店，高度推介！…查看更多

今個weekend,同女友去staycation 慶祝生日😌.. 揀左愉景灣，的確係遠離市區，好有歐陸度假風情，有如置身外國，雖然得兩日一夜，感覺好似放左個長假，好舒服💆🏻‍♀️💆🏻‍♂️今次Join 左個生日 package $28XX (Total) ,包左自助早&晚餐 汽酒 馬卡龍，book 果時職員話有神秘禮物，但原來係一隻著酒店logo 衫既mini🐻bear bear(小朋友會開心d),我女朋友就無咩感覺 haa講下呢度嘅自助晚餐食物質素中規中舉但選擇唔算十分多每樣食物嘅質素都ok唔難食可惜無生蠔食 有就更加好有凍龍蝦同長腳蟹，不過鮮味一般無話有咩款特別想encore戶外仲有燒烤區 好多燒烤食物選擇每人有一張換領西冷牛扒嘅票（覺得太飽可以留返d戰鬥力食其他）我地2個人都係換左一份去到甜品環節，雖然已經好飽，有多款式 有朱古力噴泉，味道有驚喜，款款都幾好食，居然試得曬fatfat啦呢次真係🤮…查看更多

行完大館想食甜品，搵到附近原來都有氷屋❄️！我之前自己食過銅鑼灣分店好好食，即刻想女朋友試吓！喺門口等咗大概15分鐘就入得去啦，好好彩呢一次唔使排好耐😌可能今日天氣比較凍，冇咩人咁凍都想食冰, 女友想食Classic嘅伯爵茶味，但我好想試一啲新野,就揀咗新限定款既"開心果味配佐賀士多"🍧 兩個人share 好夠食我地個位見到佢地整刨冰嘅過程，見到一大粒立方體，好清好通透嘅日本純水冰🧊刨成呢一間刨冰真係冇令我失望😀啲刨冰好綿，開心果味比想像中濃味偏甜，不過都好香果仁味，另外加咗黃豆粉忌廉（不過黃豆味唔夠香，同期望有d落差🥹）同埋本身個士多啤梨醬會夾啲，唔使額外加碼 食嘅時候要小心啲，要慢慢由上至下食，因為個刨冰真係好大好高，我哋就食到雪崩🥲食到落底依然仲好有味！呢一個刨冰質素真係好好，值得推介😌😌…查看更多

星期日我哋11:00去到hemma，門口已經大排長龍，但係其實朝早有得拎飛嘅，係唔需要排隊，不過派完籌就冇，下晝就要Walk in排隊，所以我哋拎完籌之後，見等10- 20個就去咗lunch，大概一個鐘後返嚟就差唔多到我哋，所以基本上冇乜點等，去到入邊叫咗2件CAKE 名同2 杯嘢飲(本身想叫Earl Grey 不過賣完)1.      Oero Burnt Cheesecake $682.      Vanilla Burnt Cheesecake $623.      Cold Brow Coffee $584.      Hot Chocolate with homemade marshmallow $65總括來講，蛋糕好滑，一啲都膩，配埋杯咖啡就一流，飲朱古力嘅話就會有啲滯，不過我覺得有啲細件，性價比唔高，但見到門口一直都有人排隊，感覺上有啲辛苦，去cafe 就應該要chill 下😌😌…查看更多

今年生日屋企人預訂左rosewood 既鹽味焦糖返屋企幫我慶祝生日🥰，買左12x12cm既size，一打開個盒已經聞到好濃郁嘅焦糖味，分出黎5個人食😊 其實6個人share都ok，飯後甜品來講都好飽肚，拿破崙嗰層酥皮一貫出色👍🏻 ，果然名不虛傳唔會一切開就散開，鬆脆可口，內層cream 好滑甜度啱啱好，一啲都唔膩。🤤🤤而且佢個價錢$408真係唔算貴，打卡一流（一般社交媒體網站shop都買呢個價錢😌）唯一係生日牌寫得一般…查看更多

計劃同女朋友慶祝生日，夜晚將會喺酒店食自助餐，所以我決定晏晝搵一間輕食嘅餐廳，最後就搵咗呢一間Que啦！喺呢一間餐廳嘅體驗唔錯環境好舒適，簡約日本風格裝修，再有植物元素點綴。我哋叫咗鰻魚玉子壽司塔河，紫菜炸得好脆，加上鰻魚肉軟林林感覺好有層次，好味！另外一個我哋叫咗軟殼蟹壽司塔可，軟殼蟹好香口，而且有啲蟹籽係上面，係另一種脆脆嘅口感！最後我好想令女朋友嘅生日有多點儀式感，覺得生日應該要有蛋糕食！​叫左呢到嘅Signature cake — Q-ube蛋糕，揀左焙茶味。其實我Book枱嘅時候一早Order左寫生日字句，睇得出店員好細心幫我哋寫，啲字寫得好工整好靚！蛋糕好簡單一個四方形，好有特色！食完都唔覺得膩…查看更多