karenw0115的个人专页

早前見到傳媒報道介紹呢間食店，見到伯伯非常用心製作越南河粉， 當然一定要黎試下 。鋪頭響附近好出名嗰間漢堡包店行過少少嘅一個小商場裏面 。 一去到和藹可親嘅老闆叫我哋坐低，諗到食乜就開聲啦 。我同老公一人叫咗一碗四寶河，有肥牛、雞肉、扎肉、 仲有一種餸，薄片，有啲似 豆腐皮， 幾好食嘅，不過我唔知係乜 。嗰個扎肉都好特別，有啲酸味嘅非常開胃。牛骨湯底味道好特別， 響第二度從來未食過呢個口味，清清地 ， 有啲檸檬嘅酸味，經味精敏感嘅老公測試過， 湯底完全冇味精。四寶可河36蚊一碗， 熱飲加三蚊，因為我食滯咗所以叫咗罐可樂消吓滯 ，可樂加8蚊一罐。兩個人埋單80蚊，好抵。另外，餐廳牆上貼咗好多香港舊鈔，幾十年前好大張嗰啲匯豐渣打銀紙， 應該係老闆啲珍藏 。有得食嘢又有得欣賞舊鈔， 正呀。…查看更多

今晚又同老公出去搵嘢食 ， 我哋行過呢間麵店好多次 ，始終冇入去食過 ，睇過佢嘅餐牌 ，總係覺得冇乜特別賣點， 今晚決定畀個機會佢， 入去試下。我哋叫咗兩個晚市套餐:鹽酥雞球~ 炸得都幾香口， 上枱時熱辣辣， 不過件數唔係好多囉口水雞~ 對我嚟講有啲過份辛辣， 我食咗兩件就食唔到餐廳稱湯麵嘅湯人底無味精，我地叫左豬骨湯，一般。另外叫咗一個撈麵， 呢個好食啲。配菜方面，青瓜 冇乜特別，清湯蘿蔔都幾甜，蚊得都幾林。餐飲叫左奶茶，太甜、唔係太香，冇飲晒。總括嚟講 ，呢間餐廳價錢都算抵食 ， 餐牌亦有唔少選擇 ，不過食物嘅味道 、質素同分量， 都冇令客人留下深刻印象，掛住想再去食。…查看更多

聽朋友介紹上環街市入面有好值得食幫襯嘅食店， 今日搵咗個同事陪我去試食。 呢間食肆嘅枱唔係太多，我哋等咗一陣，好好彩有人走，順利搵到一張枱坐。參考咗現場其他食客所選嘅食物，同埋openrice嘅食評，我地order左 :蛋牛包~ 好好食，飽內烘脆左，蛋牛好滑、好香。鮮牛麵~ 出前一丁麻牛麵底，牛肉香滑樽仔奶茶~ 好似冰鎮奶茶咁，冇加冰溝淡，令奶奶保持原味，又唔會太凍。香、濃、滑。呢度係用汽水樽裝嘅，睇起黎更有特色。熱奶茶~ 香、濃、滑。…查看更多

早幾日出席咗一個團體活動， 喺呢間餐廳又食又玩遊戲。去到坐低店員就開始為每枱人客斟豆漿或熱茶， 之後開始上菜。 頭盤係涼伴四疏、香脆薯條、吉列扒及漫如扒。 有啲熱氣不過都幾好食。主食係蜜汁叉燒、黃金粟米肉粒豆腐、九層塔茄子、菠蘿咕嚕玉及清炒時菜。一路食主菜 ，主辦機構亦一路同大家玩遊戲同埋表演 ，氣氛非常好。最後係哈仁撈麵及香椿炒飯，大家都已經好飽，食唔晒。甜品係手工脆皮撻、布朗尼及雲呢拿布甸。布朗尼特別好食。店舖嘅老闆同工作人員都非常和藹可親、服務態度好好及有耐性。呢一餐大家都食得好開心。…查看更多

今日過咗尖沙咀工作， 順便在哪裏食午飯。 行過呢間餐廳 ，俾佢嘅日本式裝修吸引住， 於是我哋入去試下。 餐廳裏裏外外都充滿日本拉麵壽司店嘅風情。 我哋去到嘅時候差唔多十二點45分， 座位大概七成滿 ，我哋唔使等位就順利坐低。午餐都有好多選擇， 價錢都大眾化 。我哋兩個女仔都唔想食生冷嘢 ，於是叫咗一個鍋燒烏冬 同一個 豬軟骨玉子石鍋。煱燒烏冬 ~ 湯底非常鹹， 除咗鹹亦冇其他清幽或者香嘅味道。 烏冬冇特別， 餸易唔多， 我覺得麻麻地。豬軟骨玉子石鍋飯~ 呢個冇覺得好鹹， 但又冇特別好。餐飲我叫咗熱咖啡， 同事叫咗熱柚子蜜。 兩杯飲品仲早過啲食物黎， 食完野兩杯熱飲已經變凍飲。…查看更多

今晚出席一位婆婆九十幾歲嘅壽宴， 她身體好壯健，頭腦非常清晰。忠心祝願她年年有今日歲歲有今朝， 身體越來越壯健!我返酒樓嘅食物:紅運乳豬全體~ 皮脆肉滑 ，都幾好食鵲巢海中寶~ 啲海鮮同蔬菜 ，都ok ，但係個雀巢有油益味 百花釀蟹鉗~ 新鮮炸起熱辣辣， 都幾彈牙原隻鮑魚扣玉掌~ 鮑魚炆得幾耐， 鵝掌多肉 ，味道都幾好紅燒海黃花膠翅~ ok啦清蒸大海星斑~ ok啦瑤柱花膠絲扒翡翠~ 花膠太碎， 唔係太食得出煌宴一品脆燒雞~ ok啦瑤柱海皇炒飯~ 都幾香上湯水餃伊麵~ ok啦添壽蟠桃~ 唔夠好食， 皮厚、 黏口糖水~ 紅豆沙有陣燶味 ，經要求後 ，換咗芝麻糊 。芝麻糊完全冇芝麻味， 連最鍾意食芝麻糊嘅老公 ，食咗兩啖都放低注意 : 原來商場嘅免費泊車要十點前處理。 我哋唔知，10:20先走，畀咗$104泊車…查看更多

今日同朋友隨緣搵間餐廳食午飯， 經過見呢間餐廳好大，有好多食物種類選擇， 我哋就決定入去試下。餐廳主要有幾類食物， 包括雲吞麵、盅頭飯及點心， 我地各自叫咗一碗雲吞麵同一碟油菜。 雲吞麵~ 聞起嚟非常香 ，我唔sure，但覺得好似蝦子味。 雲吞皮薄餡靚， 啲蝦好新鮮好彈牙， 好好食。 湯底鹹淡適中， 食完唔會好口渴， 應該冇乜味精。菜心~ 烚得軟硬到啱啱好， 加咗少少熟油，好香。我哋坐卡位，對面有兩位好斯文嘅日本藉太太， 佢哋order咗蝦餃同燒賣， 睇起上嚟好似好好食，於是我哋又跟佢哋order。佢地見我地跟佢地order, 豎起手指公點頭笑住同我地講 : Oishi 蝦餃 ~ 皮又薄又滑，餡又靚， 蝦好新鮮， 一客兩件，兩個人食啱啱好。燒賣~ 比蝦餃更好味， 餡料同口感更豐富， 都係一客兩件。Overall黎講，呢間餐廳嘅食品真係幾Oishi ，值得推介!下次我會試佢地嘅蒸盅頭飯，見d靚仔食得好滋味咁。…查看更多

周未同家人飲茶，6個大人，兩個食飽嘅小朋友，我都唔知點解叫咁多野 :金菇瑤柱炒米 ~ 味道唔錯，不過有人嫌冇肉煎蘿蔔糕 ~ ok叉燒包 ~皮薄、幼滑煎薄撐 ~ ok咸魚雞粒炒飯 ~ 好夠鑊氣，咸魚好香、炒得好好食流沙包 ~ 幼滑、唔會太甜 ，好食牛肚 ~燜得好林，味道啱啱好，好食潮州粉果 ~ 足料、大隻，媽咪話好食。不過我個人麻麻地潮州粉果蘿蔔千絲酥 ~ 皮脆酥，蘿蔔juicy有甜味，好食咸水角 ~皮薄、脆、小小甜，好食炸兩 ~ 都ok, 不過有麻醬、甜醬，食得唔滋味干炒牛河 ~ 好夠鑊氣、好香、唔會肥淋淋，好食有d食左冇記低。食好多野都係6-700蚊，又好食，好抵…查看更多

我與同事今日冇book餐廳，隨緣選擇。經過呢間餐廳，被佢嘅門面吸引住，好典型嘅日本拉麵店裝修，好新淨。而且居然仲冇人排隊，我地二話不說就入左去。我有考慮過叫濃厚味噌湯拉麵，因為有牛油，好似好香咁，不過怕肥，忍左手。結果我地叫左 :豬骨湯拉麵 - 同事話都幾好食，食完好飽豬骨湯拉麵加黑蒜油 - 我期望黑蒜油會好香，不過達唔到我要求。都粗幼軟硬適中。湯底可能有味精，食完口渴章魚小丸子 - 有3粒，ok迷你沙律 - ok呢間餐廳食物算ok, 離上環站好近，地點非常方便, 都值得推介。:)…查看更多

放假同老公出咗去遊車河 ，黃昏時間去咗馬鞍山嗰邊搵食。 呢間餐廳嘅原址好多年前係一間西餐廳當，時我哋仲拍緊拖去食。中間已經轉咗幾手，而家變咗泰國菜餐廳。我上openrice睇過食評，見啲朋友講都幾好食，可以試下。我哋叫咗啲基本泰國菜dishes，包括pad thai、菠蘿炒飯、同埋炸蝦餅 。呢間餐廳好好，pad thai同菠蘿炒飯有套餐，包餐湯同飲品。個菠蘿炒飯好好食，熱辣辣、好香、飯裏面嘅雞肉煎得好香、伴碟嘅腰果炸得好脆、 菠蘿新鮮菠蘿 。但個pad thai就唔ok，唔夠茄酸味、魚露味太重。炸蝦餅: 面頭嘅炸漿好似係天婦羅粉 ， 特別熱氣 ，不過都好食檸茶係泰式茶…查看更多

同朋友食lunch, 我地叫左3個set lunch, basic set lunch 包main course dessert 同drink。 我地top up左 soup 或salad。 三個main course : Rib eye steak: 好好食， 肉質幾靚， 煎得好香 Pasta of the day ~ 蜆肉意粉 : 入口好香 ，意粉彈牙Baked sole fillet : 我鍾意食比較實用嘅魚，呢隻唔啱我，不過味道ok嘅南瓜湯、甜品 : 幾好Coffee :麻麻地…查看更多

今日共13人食晚飯，叫左個 '9大簋套餐'。呢間酒樓嘅餐具好特別。食物方面: 小食係炸秋葵 ，落咗啲啲鹽調味， 都幾好食頭盤~ 手拍爽脆青瓜: 味道ok啦麻香伍仁口水雞，都ok惹味，不過辣嘅 ，唔係人人受到。宮廷貴妃明蝦球: 蝦都幾大隻幾爽，汁味道係wasabi味清蒸海沙巴斑，奶奶讚係新鮮海魚，有魚味響螺瑤柱燉冬瓜盅 : standard甜品 ~紅棗圓肉山楂糖水: 第一次食，幾得意好味醬碧翠炒象拔蚌: 冇乜特別鮮摘蟲草花泡菜苗: 點解菜苗係菜心呢? 炸鮮奶條: ok啦帝王蜂蜜小米糕: 第一次食， 咬落去有啲黏黏地 ，都ok屋企人今餐唔係太滿意， 嫌坐得迫 ， 口水雞 同青瓜太辣食唔到， 起菜時間太耐。…查看更多

尋晚約咗個friend 食飯傾偈， 由於我好鍾意食放題， 揀咗呢間餐廳。 其實我之前都黎過，感覺幾好 ，今次再去試下。我 through OpenRice book左位， 去到即刻有得入去坐低。餐廳已經放咗一本好厚嘅簿， 裏面夾咗好多款 唔同嘅點食物紙。最吸引嘅當然係刺身， 有一盆冰墊底，面頭有個杯仔載咗少少乾冰冒著煙咁，餐廳都花在啲心思去做點綴。啲刺身非常新鮮。 我哋點咗 三文魚、 帶子、 希靈魚、 甜蝦 、油甘魚 、象拔蚌。 刺身方面大家不妨數量點多啲， 因為全部都係好薄切 ，帶子四片等於平常一粒。另外我哋有叫咗海膽手捲， 都係一口可以食完嘅size，大家都可以叫多啲。其他食物我覺得牛舌、羊架同埋燒菠蘿係值得推介嘅呢間餐廳食物飲品選擇都算多、價錢適中、地點方便， 食物都上得幾快 ，都幾好。唯一唔係咁好嘅就係坐得比較迫同埋都幾嘈。…查看更多

今晚同朋友行街睇戲 ，由於早食飯， 九點鐘又肚餓， 於是我哋搵地方飲嘢食甜品。 朋友提議去呢間餐廳， 鍾意佢坐得舒服、靜靜地、可以傾計， 食物飲品又靚 ，其實我都好鍾意。我哋一人點咗一壺茶， 朋友叫咗桂圓紅棗茶，非常滋陰養生， 好啱女士飲。 我就叫咗熱帶水果茶， 好鍾意佢裏面有好多水果， 有得食有得飲 ，同埋佢嘅味道好特別 ，次次飲完都覺得好開心。甜品當然唔少得。 我哋叫咗兩個甜品蛋糕， 賣相好靚， 賞心悅目。我哋食下飲下咁， 就坐咗兩個鐘喇。…查看更多

UCC好耐冇食過，N年前在TST食，記憶中幾好食，想懷舊吓。呢間UCC好近我公司，不過冇得訂位，之前未試過。今日早左小小出去，多d時間，我地試吓去門口排隊。去到門口有大概7、8個人，結果我地傾住計等，等左大概10分鐘有位可以入去。有8款SET LUNCH選擇，由於我係黎懷舊，我選番當年我覺得好好食嘅食物 - 茄汁味意粉:鮮蝦雜菇意粉 ~好失望，未能尋回當年嘅味道。我個人喜歡比較酸同濃味嘅茄汁。同事叫左 :帶子意大利飯 ~我試左小小，唔夠香，唔惹味全餐嘅亮點係 : 咖啡 ~香、濃、滑，靚質量嘅奶…查看更多