kwan0315的个人专页

中環soho區一向多外國人，理所當然，西餐廳、酒吧都唔少，今日我同朋友去左其中一間，叫uncle pizza pasta and grill。餐牌係全英文，但種類好多，酒品種都唔少，人少少都好夠食。首先叫左個appetizer，黑松露醬配薯條，基本係送酒必備，薯條金黃鬆脆，新鮮即炸，入口仲係熱辣辣，更突顯黑松露同芝士個香味。龍蝦湯。乍看之下平平無奇，入口先發現大錯特錯，口感濃郁，味道非常出色，係今晚最大驚喜，鮮味流連於舌尖！三文魚pizza，上面有芝士，味道好夾，不過不失，炸得剛剛好，有少少脆。既然個名都有「grill」，肯定要試試燒牛扒。上面有唔好調味料，牛肉嘅香味俾海鹽帶出，口感豐富，再加上肉汁充滿口腔，唔錯。餐廳好有西式風情，無論裝修同格局都同soho區好夾，食物都唔差，下次想飲酒會考慮再黎！…查看更多

旺角Le viet都唔係第一次食，街境都唔錯架，今之同購友入黎忙裡偷閒。餐牌都唔少選擇，圖文並茂，好方便我地揀，有埋配圖去令人知道究竟食咩野。芒果糯米飯，有紫糯米、白糯米，上面淋滿甜椰漿，有少少膩，但芒果新鮮，入口清新，中和番糯米飯甜膩感。Le viet精選拼盤，上菜賣相比圖片更靚，而且鮮炸，熱辣辣，香氣撲鼻，春卷更係有肉汁從中爆出黎，炸蝦餅亦好彈那牙，配上甜酸汁，好味道。食越南菜當然唔可以執輸，一定要叫串燒。串燒雞、牛、豬，夠曬火喉，入口有炭香同汁香，配埋沙爹汁，更顯肉味。飲品方面有椰奶同椰皇，椰奶好飲到飲左一半先記得影相。雖然主打快、靚、正，但Le viet食物質素都唔差，以後就做我嘅「旺角飯堂」啦！…查看更多

經開旺角想食放題，幾經掙扎決定揀大瀛喜，地方都幾就腳。晚市限時兩個鐘，每個日子埋單都唔同價錢，每個時段埋單又唔同價錢，睇黎計過度過先食可以慳唔少！放題有6張菜單，分別係刺身、炸物、煮物、主食、燒食，仲有「星級」類別，全部即叫即做，可以分幾輪落單。先黎冷盤，所有刺身放入一個盤，擺盤精美，以冰鎮防降溫，有甜蝦、玉子、帶子、魷魚、吞拿魚等，口感鮮美，非常開胃。接下來係炸物，一口芝士球、芝麻雞翼、燒骨，酥炸得鬆脆，入口飽滿，充滿肉汁，完全唔會乾。燒羊腿恰恰好，生熟剛好，非常嫩滑，刺激味蕾。另外亦有煮蛽同燒菠蘿，作為小小點綴。最後以甜品作結。有多種口味選擇，雪糕雪條都有，比起其他放題黎講算多樣化。人均二百幾左右，坐得舒服，兩小時慢慢食，值回票價！…查看更多

位於蘇豪區嘅西餐，朋友食過推介，決定食完再去飲返杯chill一下, 順道慶祝好姊妹生日鋪頭位於PMQ附近，經過PMQ再行上少少斜路就係，入到去見到有個open kitchen 可以睇到師傅手作pizza starter: meatballs al forna 豬肉加牛肉打成嘅肉丸，配上特製蕃茄sauce and mozzarella cheese，1starter 2食,除左有meatballs 外，仲有法包配sauce Pasta: garlic shrimp linguine 用garlic 炒香嘅蝦，肉質爽口，linguine麵質彈牙，有陣陣嘅white wine 香味Pizza al forno ,可以叫大雜燴pizza , 因為好多pizza都好吸引好想試，所以叫佢地推介，最後店員幫我地揀左佢地嘅特色pizza，因為咩都可以試下！濃濃芝士不在講，佢仲有chilli 味！好特別！仲有一樣窩心嘅係同行朋友生日，店員拎蛋糕出嚟時一齊唱生日歌，仲配上佢地提供嘅星星蠟燭, 好貼心！…查看更多

尖沙咀食店林立， 今次試下小店Moshi moshi 剩係聽個名已經覺得好可愛，係金巴利道地鋪螢光粉紅Logo 好搶眼店鋪走日本簡約風，粉紅色櫻花系餐紙剌身拼盤北海道馬糞海膽，南非鮑魚，三文魚，油甘魚，紋甲，上枱賣相已經好新鮮，好吸引油甘魚入口即溶，近魚腩位海膽仲有淡淡嘅海水味！南非鮑魚夠爽口，厚切三文魚紋甲包住青瓜都係第一次食活赤貝壽司又一爽口之選，另一款配上薄荷葉都好特別粒貝壽司黑松露魚裙邊壽司無論咩魚裙邊嘅壽司都係我的最愛生鱈場蟹腳壽司好似重拾返日本食蟹道樂嘅滋味和食，鹽燒吞拿魚下鄂大推介，好出色，切開左見佢啲魚油就想像得佢佢有幾yummy ! 第一次食吞拿魚下鄂，超級滑，燒到岩岩好！啲肉汁鎖住哂係在內燒豆腐，燒長石生蠔燒物同刺身一樣出色！…查看更多

西貢雖然出名食海鮮，但其他餐廳水準都唔錯。難得今日同朋友入左西貢，決定就去食西餐——momentai，貪佢海邊大景觀，海風吹入黎，環境舒服。睇見餐牌大部分都係酒，就知呢間係酒吧形式啦，氣氛幾好，光暗適中，先醫肚後飲野，可以慢慢傾計。先黎個吞拿魚他他開下胃，青瓜爽口，切得薄，包住吞拿魚唔會膩，細細份，以此開場唔錯。主菜係香菇意大利飯，每顆飯粒吸滿汁，粒粒飽滿，入口融化在舌尖，入面亦有淡淡香草味。另一款主菜為無問題漢堡配薯條，薯條新鮮炸起，上面有辣粉同椒鹽，份外惹味，送酒一流。漢堡好厚，咬落去肉汁滲透，配上芝士同醬汁，邪惡又好味！兩樣主菜仍未夠喉，再上安格斯牛扒7成熟，上面鋪滿炸薯角，但冇令牛扒失色，煮得恰到好處，滋味大滿足！最後以我地一齊乾杯🍺做結尾。momentai於西貢海邊，晚上寧靜，聽住蟬聲，先品食物再慢慢品酒，寫意得似渡假，推介！…查看更多

今日去左尖沙咀海港城，羲和雅苑，係中菜，主打片皮鴨三食。雖然價錢中上，高級中菜，可以面向海景食飯，享受下維港景色, 同媽媽8點幾去到，人流唔算好多一入去已覺得好舒服，仲有開放式bar 枱，一邊觀看廚師切鴨刀工。菜牌亦有介紹何謂「片皮鴨三食」，如何將一隻鴨食到盡。主菜係籠仔櫻花蝦海味蒸飯，可以見到飯係金黃色，粒粒吸滿汁，非常入味，海味同蝦鋪面，食時可以撈一撈，更加香更加鮮味。跟住係榆耳碧綠核桃，同。菜心界成八爪魚樣，每棵碧綠，核桃同榆耳更添色彩跟住就係重頭戲片皮鴨三食！半隻鴨切成一片片，配上調味料同蔬菜，可因應口味自己調整，擺盤好靚。最後以的兩款甜品做結尾，紅棗木耳羹，紫薯燕窩蒸蛋白，唔算太甜，不過好香蛋白味有海景，尖沙咀，食物多款，環境舒適，推介大家黎嘆一嘆！👍…查看更多

灣仔一向平價美食多，咩菜式都有，今次我同朋友揀一間中位價東南亞餐廳，新泰，食泰國菜。盧押道間新泰分店好大，而且裝修擺設都好有特色，店要上樓上，沿路行忍唔住影一影，好有泰式風味，食飯唔止食物、亦食個環境！首先係小食，我地叫左蛹蝦，上菜後係煎麵餅，卜卜脆，金黃色，夾住蝦。品嚐時配上泰式辣醬，特別香口。第一次食呢種蝦，感覺好新鮮。最滿意主菜——鐵板蠔仔煎蛋。鐵板上時熱辣辣，滋滋聲，少許煙，香味湧上鼻尖。蠔仔大大隻，好有口感，飽滿有汁。蘸少少醬料，配上蛋一齊咬，少少脆多多汁，非常惹味。要飽肚當然要叫個炒飯！我地叫左一個海鮮飯share，分量恰好夠，料好足，每一口飯都食到海鮮，魷魚、蝦、八爪魚，伴碟有生菜，一齊食感覺冇咁肥膩，而且又爽口。最後做個小總結。可惜今次人少，菜式試得唔多，但環境中上，爆分，燈光適中，唔太嘈，坐得舒適，而且裝修有特式。決定下次再黎！😋…查看更多

去尖沙咀等人收工，見順路，決定訂個位食日本野，揀一樂放題，食個大餐。😋一樂放題裝修幾和式，而且唔同傳統用紙落單，係透過電話，用WeChat 點菜。感覺幾新鮮、環保，而且可以減低出錯機會。我地好快就落好單，比用紙剔剔剔快好多。食放題重點當然係壽司同刺身，刺食首選甜蝦，用小巧碗仔，加冰鎮，別緻又添食欲。壽司都唔錯，冇縮水，大大舊。生蠔一拎到過黎已經食指大動，而且有四種醬料選擇，其中紅酒香醋、莎莎醬都係第一次見。嘗試下唔同醬料配蠔，份量自己調較，各有特色，好有趣。生食完就到熟食，玉子燒火喉剛好，茶碗蒸入口嫩滑，可以暖下胃。輪到今次大餐主角，龍蝦！估唔到放題有龍蝦食，既有燒龍蝦、亦有芝士焗龍蝦。上菜熱辣辣，芝士滿溢出黎，咬落口感豐富，汁多鮮味，十分滿足。最後食雪糕，畫上一個完美句點。今次放題環境唔錯，而且淨食龍蝦同雪糕已經抵，人多人少都可以照試曬所有野，下次再黎👍…查看更多

中環蘭桂坊附近間好多人排隊拉麵店難得今日去中環開會，黎試下食個lunch 先！12點正唔洗排隊檸檬豚肉拉麵咁特別， 梗係要試吓啦淡淡嘅檸檬味， 令到拉麵冇咁滯豬骨湯嘅加豚肉，好夾！加左兩隻味玉大愛！沙拉唐楊炸雞炸得好香脆！！！不過已經食到飽飽地, KO唔哂添日本抹茶雪糕紅豆同抹茶真係好夾！抹茶雪糕好濃抹茶味，飯後甜品岩岩好！除左檸檬拉麵外，仲有豚骨濃湯拉麵辛辣炙燒豚肉拉麵，另外有得加不同嘅配料我見好多人都加味玉，因為真係好好食！…查看更多

二人世界食西餐浪漫下，尖沙咀行完海旁行返去地鐵方向見到有間餐廳有幅好特別嘅人手畫嘅畫，決定試下！二人晚餐set 有starter 有mani course 有pasta 唔洗自己慢慢諗頭盤揀咗烤雞雞鎚烤到好香脆，開胃餐湯加錢揀左黑松露野菌湯好香黑松露味，夠creamy 波士頓龍蝦半隻， 忌廉汁意式燴飯龍蝦用芝士焗，意大利飯粒粒充滿着忌廉汁主菜 美國安格斯牛扒9安士5成熟五成熟煮到岩岩好加錢轉左特飲: 冰檸係用檸檬， 青檸，薄荷，七喜好fresh 好襯西餐！好有心思嘅西餐小店，有機會一定會再去！…查看更多

今日去開行街，朋友話想食海鮮，一致決定去食蒸氣鍋！😋套餐有粥底+湯+海鮮四款，唔想全部落鍋蒸咁寡，亦有定食可以選擇，例如乳鴿。同一般打邊爐一樣，飲品任叫，神奇之處係，除氣水啤酒竟然有忌廉溝鮮奶，好別緻。由上而下有貝類，鮮鮑魚，象拔蚌。又肥美又大隻，蒸完都未有好縮水，肉質飽滿，好香，忍唔住啦！份量恰好夠食，入口非常鮮，蒸完都彈牙。食完其他海鮮終於來到最期待的——大閘蟹。一見蟹膏，當然相機食先。雖然唔係如想像中肥到滴油，但大大隻，咬落去口感豐富，蟹膏於嘴裡融化，好滋味。食完蒸鍋落粥底，一如預期，所有鮮味聚集哂鍋底，每口粥都又暖胃又好食。今次每人三百幾，但星期一至四會平少少，海鮮質素相當唔錯！…查看更多

今日心血來潮好想食日本菜銅鑼灣日本菜選擇真係有好多，金百利大廈入面有間叫築地，就試下哩間！（金百利商場旁邊）閒日7點唔算太多人，佈置有日本風格經過飲品櫃仲有自家製梅酒侍應好好俾咗個4人卡位我地,坐得好闊落唔想煩諗食咩有幾款set dinner 可以叫收工梗係要食好啲獎勵自己叫左個特上二人前，種類豐富啲沙律叫左松露和牛溫泉玉子沙律溫泉玉子拌均，蛋汁充滿成個沙律搭配松露同和牛肉粒前菜：三品盛盒 刺身拼盤有海膽！最愛海膽！其他刺身都好新鮮個拼盤上枱時仲有乾冰效果睇得又食得鵝肝雞卷脆脆𩶘魚泡飯鍋仲有甜品和特飲好滿足嘅一餐…查看更多

利舞台18樓有間韓式烤雞食店dodam chicken 無大大幅oppa 相，不過有型格嘅裝潢一睇個logo 就間鋪係食雞！招牌甜辣芝士無骨烤雞小辣口味，甜甜酸酸辣辣的好開胃，無骨烤雞啖啖肉 （個感覺好似中式嘅咕嚕肉😂）芝士溶面可以做到拉絲嘅感覺好match 個烤雞！招牌年糕有手指公梗係要試下年糕好有口感，醬汁比甜辣烤雞辣其實餐牌見到香辣海螺麵同脆雞都好想試下！仲有個可以滿意女士有甜品又有脆雞嘅set蜂蜜牛油窩夫脆雞(下次一定要試下！）…查看更多

穿過諾士佛台附近嘅日式居酒屋感覺秋田浜燒食堂外面有位泊車，望住唔驚抄牌閒日7點鐘，鋪頭未開始多人靜靜地傾下計，摸下酒杯底每枱有埋個燒烤爐預備藍鮨吞拿雜錦魚生飯好大碗，不同嘅魚生款鋪滿面吞拿魚好鮮，三文魚好肥美藍鮨吞拿油甘左口魚裙邊丼厚切魚生左口魚裙邊入口即溶刺身盛·松睇相都見到魚生有幾厚切食店新張遊戲，男友拎到成9隻侍應話試過成男士拎到13隻，好厲害！一隻手拎到幾多蝦就送俾你食我地決定一半刺身一半譏燒好鮮甜！！^…查看更多