TaiAnnie的个人专页

第一次去貓貓cafe，初初都認為會有陣貓味，點知一啲味都無無預訂 好彩去到唔洗等位，門口有部機係笠個鞋套，好方便，消毒埋雙手就入去。職員會被份注意事項你睇，要小心看管自己既食物，唔可以俾貓貓食，我地叫左個二人餐，不過入到去成個心飛左去貓貓到，一張野食相都無影但賣相係唔錯既，同埋味道都唔錯～整體野食同飲品都幾好，份量都算足夠，不過我地加左小食同心太軟，同埋⋯我一心想快啲食完玩貓貓🐱😝餐廳空間還好，唔算好大，但都夠位去睇貓，同埋啲貓貓好活躍 會自己周圍走，重要好為食，一有野食就衝過黎，隔離枱係餐廳買左貓罐罐餵食，然後就有以下幾張相🤣貓貓圍晒過黎，爭住食，感受被貓圍既感覺😂肉緊到企晒起身～不過大部分既貓貓都唔願俾人抱，我眼見都係坐枱🤭同埋係櫈到俾人摸多～但就全部都好乖～職員態度都好好，會主動收走枱面食完既餐具，等可以多啲空間同貓貓玩～整體黎講係個好開心滿足既體驗～會再搵時間去，希望下次可以抱住貓貓影相😚…查看更多

疫情搞到生日無得夜晚食生日飯⋯好多地方都去唔到～咁岩上網見到呢個咁靚既酒店下午茶～所以就決定生日去打下卡～呃下like首先酒店服務好好⋯職員態度好友善而我預早係OpenRice 買左餐飲券⋯真係抵好多🤗🤗俾個QR code 職員，叫左兩個2人餐「閃耀摩天輪」+「璀璨珍珠」，隨後職員就介紹套餐可以揀既飲品～四杯試晒🤣每一杯都好飲～係個檸檬柚子如果怕酸就要考慮下⋯因為都幾濃，朋友要溝水⋯🤣🤣兩個餐都好靚～勁岩打卡呃like完全係女士們最愛！兩個餐既野食唔同～可以試到唔同既野有咸有甜，各有特色！份量同味道都唔錯～雖然未至於好味到要再去食⋯但都叫中規中矩用黎打卡個外觀咁靚先係呢餐既重點我自己就先食咸再食甜⋯⋯食甜品果陣配杯拿鐵中和下～Perfect同埋餐廳本身有露天位⋯不過我揀左坐室內～職員都好好安排左我坐窗邊叫做可以睇到海景同埋職員會主動幫我地合照～真係好窩心成餐都食得好開心～如果快點無左個疫情就更好添…查看更多

呢排天天開始轉涼，朋友介紹左呢間燉湯外賣，真係好正！👍🏻佢係可以外賣送到，唔洗落街去拎！不過有小小比較麻煩就要提早廿四小時訂餐，但為左返工有得飲燉湯，都係試左😋😋我叫左燉湯套餐，有一個燉湯+一個細飯，同同事分別叫左三個餐：五指毛桃燉唐排，胡椒豬肚燉湯，南北杏菜干燉豬肺，配洋蔥豬扒飯，蜜糖雞翼飯，涼瓜菜圃煎蛋飯！預定既時候揀左1:00-1:30送到，不過就早左小小，約12:40就已經到左🤪一開始見到個包裝覺得都幾仔細，但見到個細飯咁細⋯⋯⋯心諗飽唔飽嫁～～驚唔飽要搵野食～打開發現原來湯料都唔少，可以做送食埋～同埋佢既湯本身無咩落鹽，會俾一包仔鹽你自己選擇落唔落～👍🏻五指毛桃個湯足料好飲，清清地，感覺無味精，唔落鹽始終淡d，所以我都有落鹽～😂胡椒豬肚味濃d，唔洗落鹽都夠味，有豬肚同唐排食～菜干豬肺湯都係清清地，真係有豬肺係入面三個飯入面呢，洋蔥豬扒飯感覺最送飯～因爲有汁，蜜糖雞翼飯得兩隻雞翼，涼瓜菜圃蛋都係兩片蛋角，不過好彩湯料可以當送食，食完唔會好飽，但都唔會餓，都幾好～👍🏻不過重會想飲多d湯～😂唔夠候😜總括黎講，成餐都好正，又方便！係個App到落單就得！今日落定聽日食～題外話個App重有得睇個廚房既直播，見到個廚房都好乾淨，食得都放心好多😉…查看更多

放假黎荃灣搵下好野食，原本想掃街既⋯但太肚餓同太熱既關係⋯最後都係入左間鋪頭食米線～估唔到都有驚喜🤗我本身都係中意濃味小小既人⋯同埋中意帶糖味既野食～呢間餐廳都幾岩我口味～試左豬頸肉墨魚頭腩肉貢丸～腩肉同豬頸肉既味道都幾好，豬頸肉係爽既～腩肉甜甜地，墨魚頭個質地係幾好，彈牙，不過佢無咩味道，如果有醃過會好d⋯😝個酸辣湯底都好飲，不過我叫左小辣都幾辣⋯平時食開譚仔既酸辣都唔覺辣⋯但呢個小辣都差d頂唔順😅但係好味既重有個蒜泥白肉～同譚仔果隻係唔同既～蒜頭味重d，味道我覺得好食過譚仔～不過怕有口氣既朋友可能要考慮下，或者諗下辦法整體黎講下次去荃灣都可以去試下～…查看更多

今日帶朋友去深水埗行街，原來佢無去過西九龍中心，所以就帶佢去呢到搵食⋯點知朋友樣樣都唔太岩食⋯（因為佢唔食辣）所以揀黎揀去都係去返pizza hut食～😂😂大家都一定岩食～呢間pizza hut唔算好大，坐位都算唔太迫⋯可能我早到⋯唔算多人⋯唔洗等位就入左去坐喇～之後就花多眼亂⋯唔知揀咩好⋯初初想試新批⋯但又因為一堆原因⋯最後揀返千島海鮮😂第一個出場一定係忌廉湯啦～好好味～又滑又濃～pizza hut 既忌廉湯真係無得輸重有蒜蓉包⋯係絕配⋯而且呢個蒜蓉包岩岩出爐咁～熱辣辣～跟住就到由細食到大既千島海鮮批⋯好食～保持住水準普通批唔算太大，份量都岩岩好～最後到香蒜肉絲意⋯所謂愈普通既野愈難保持⋯不過pizza hut 做到⋯呢個意粉我只會係pizza hut食～…查看更多

開左咁耐終於都試到喇～～～之前上網睇到介紹已經一直想去試⋯但成日都一係太早，一係太夜⋯一直都食唔到呢間鋪既懷舊冷糕～今次終於教岩時間去試喇～叫左個紅豆冷糕⋯⋯要等大約10分鐘～因爲係即叫即整既～所以去旁邊買杯野飲一齊等雖然叫冷糕，但一拎上手係好好好熱既😂只可以揸個袋邊⋯⋯熱到食唔到⋯所以都吹左陣⋯⋯不過就聞到好香到凍左d⋯終於食得喇～～～第一啖個餅邊有小小微脆，中間有點微硬既⋯有香香既蛋味⋯而入面有超多紅豆唔太甜好香好好食～整體既味道係好似雞蛋仔加左紅豆咁⋯不過個口感係唔同既～好食下次重想試下佢個懷舊冷糕～睇睇個原味係點先～…查看更多

悠閒的早晨，因為早左⋯所以有時間食返個早餐⋯所以就黎左呢間感覺有多年歷史既餐廳試下⋯⋯餐廳既格局係舊式既茶餐廳樣，可能因為星期六所以都唔算多人～侍應姨姨好快就會問你食咩😅我都未睇⋯⋯不過都無吹我既⋯到我睇完再搵佢⋯都有禮貌咁幫我落單既～😉早餐既選擇都算多，有點花多眼亂同平時快餐店既配搭有d唔同～一場黎到⋯就試左個芝士火腿奄列配菠蘿油包～我都唔趕時間⋯所以佢個早餐都係慢慢上既⋯個菠蘿油包呢～好耐無食⋯個包有小小暖⋯配個凍凍地又好滑既牛油⋯係好食既～但唔會話特別到要特登黎呢到食🤣好邪惡咁食晒個包⋯就到奄列喇～係⋯⋯⋯⋯好普通既⋯個芝士係無溶既⋯⋯就係一個好普通既火腿奄列加左小小芝士⋯⋯可能我對個早餐抱太大期望⋯所以覺得普通左小小⋯不過諗返轉頭都好耐無食過菠蘿油喇～所以都滿足既～😋最後值得一提係佢杯凍咖啡～都幾好飲喎～…查看更多

好難得即慶約到幾個朋友出黎，唔知食咩好⋯所以就係旺角搵下有咩好食啦～經過朋友介紹就即刻打電話黎一鍋豐問下有無位⋯點知重有一張4人枱～好好彩我地就即刻上去🤪入到去地方都幾大，張4人枱感覺可以坐到六人～😂唔會好逼～坐得舒服～👍🏻佢有三個價錢揀既，我地因爲朋友都唔係樣樣食，所以揀左中間個價錢，一樣都有送個海鮮拼盤⋯都幾大盤～每樣大概有4隻，基本上都係冰鮮既⋯但都可以接受⋯佢自己落單有蜆同蝦可以叫⋯我地叫左都幾多～😂因爲蝦同蜆都好新鮮，好好食～其他野食都唔錯～食多兩轉蝦都回本啦😂同埋佢落單每樣都係俾人頭數你⋯唔會太多⋯唔洗驚浪費⋯另外牛肉都好食～有兩款揀⋯但我唔記得個名🤦🏻‍♀️佢飲品都好多款，都有唔同啤酒～滿足晒唔同既朋友～😉總括黎講呢間打邊爐野食新鮮，又多選擇～服務都唔錯～推介～👍🏻👍🏻…查看更多

即慶同朋友食飯，星期六周圍都好多人，所以一次過拎左幾間籌，好彩咁岩和民等中枱既人都走左，所以我地都算好快入左去～因爲套餐得4人同2人餐⋯所以我地揀左個2人餐再加小小野～（其實都唔小😂）套餐都有好多選擇⋯⋯飲品叫左 青柑桔可樂&巨峰提子梳打，我自己中意青柑桔可樂多d，因為巨峰果個我只飲到梳打味芝士炸雞比較一般，味道唔豐富⋯沙律都係普通⋯不過個蒜味雞脾就好好食～首先個汁好出色～有蒜味又甜甜地～而個雞脾肉整得好嫩滑～好好食滑蛋豚肉飯都唔錯～我自己都幾中意食～石鍋飯都做得幾好～有小小飯焦～加埋個辣汁一齊撈～好惹味～我揀左牛肉壽喜燒鍋～我自己本身好中意食～但呢一間分店個壽喜燒湯底好淡⋯😞無左本身壽喜燒個甜味～有點失望呀⋯⋯下次都係去返平時食開果間分店食先得⋯…查看更多

同事介紹話lunch有一人鍋，所以就走去試下～因爲果日我地比較晏，所以去到得好少人，直接入去坐～由於我地兩個都怕太辣同熱氣，所以我地都係叫左蕃茄湯～入面環境幾舒服同寬敞～重有醬料俾你自己裝，野食好快就黎到～因爲我地時間有限，同埋唔係好食得太熱既野⋯⋯所以一黎就將要煮耐d既野食放晒入鍋！成個餐都幾多野食～每樣都有小小咁～初初以為會唔飽⋯點知食完都幾飽！首先佢個蕃茄湯好濃，唔會太假～然後佢個肥牛都算唔錯⋯⋯以呢個價錢黎講都算抵食～我重試左個淮山麵幾好食～不過煮得耐會好「杰」！每樣配料都有d，感覺無咁悶，重有汽水送！…查看更多

西灣河開左新店，約左一排終於去到試喇～我地一行六人去食，一入到去覺得好大，座位都幾 闊落，同隔離枱唔會好近，重有屏風間格都幾有古典風味～我地揀左美人鍋拼酸菜白肉鍋～美人鍋入面有半隻烏雞，味道都幾清甜，酸菜白肉鍋就有一碟酸菜同豬肉配俾你，應該係等加完湯可以再落入湯到煲，保持濃味～我地叫左好多野食，因為好餓，所以都叫左個滷味拼盤食住先，因為我唔係好食內臟，所以得牛𦟌岩食～味道都正常，夠淋！其他野食都係正正常常啦！最最最推介係果碟牛肉～我地叫左大碟，好好食～有牛味～脂肪分佈得好平均～豬肉都唔錯！好食～重有炸響玲都好新鮮，夠脆無「益」味～啊～差d漏左⋯我地本身想叫一渣野飲，但有d人想飲烏梅，有d想飲菊花～係我地重傾緊果陣⋯侍應姐姐就提醒我地係面書打卡就有送一人一杯，可以自己揀飲咩～所以我地就打晒卡，一人有一杯自己揀～我當然試晒兩隻味啦菊花係好清甜既～味道似係涼茶鋪到飲果d菊花茶咁～烏梅就濃味好多～酸梅湯既味～酸酸甜甜～如果飲完烏梅再試菊花可能會覺得菊花無味😂同埋聽人地話間鋪頭有得唱K⋯但我坐果張枱係無⋯唔知係間分店無定點⋯😅我地又無問喎⋯⋯有機會再去問下先～…查看更多

呢間真係由細細個食到大，細個重係無冷氣係後巷果時爸B已經帶我地去食～而家再去食⋯⋯都仍然保留住果個味道！我最愛切腩片頭豉油撈粗，麵同豉油撈得岩岩好，唔會太咸，切腩煮得有咬口得黎唔會咬極唔斷，魚片頭就唔洗講啦⋯招牌黎嫁嘛～梗係有濃濃既魚味啦～重有撈粗必配既湯（其實我堅唔知碗湯叫咩，就算去其他地方食撈麵，都會俾碗有蔥既湯你）但安利呢碗湯，飲左咁多年都係咁好飲～其他地方通常因爲碗麵太乾我先落小小，但安利呢碗係會想飲晒佢！好鮮甜！魚蛋都好好食，好重魚味，係白色既魚蛋，唔會彈牙到好得人驚⋯另外重有一款邪惡既食物「鮮油奶多」係有一層牛油係中間再加煉奶～多士好脆，牛油同煉奶咸咸甜甜咁～好夾好好食～基本上而家每次去都會叫一份食，因為老實講而家碗麵係細碗左⋯可能我大食啦，一碗係唔飽既，所以加埋個多士就岩岩好！不過我一家人去食就要叫兩碟多士喇～因爲一碟得兩件😂會爭崩頭～同埋佢既茶走都好好飲，唔會太甜～唔知點解次次去到就會叫茶走飲～😂其實重有炸魚皮，但星期日先有，限量發售！所以我已經好耐無食過喇可能真係要搵日早d去買！同埋去安利食野，會有機會見到明星，我當日就巧遇阿葛 葛文輝～🤣🤣但我係無影相既～總括黎講，安利是好食既香港地道風味，不過而家安利係貴左同細碗左，但真係真材實料，而且保留到由細細個食到大既味道！除左有濃濃既回憶，重有濃濃既魚味！就算貴都值得👍🏻啊～重有樣野漏左，…查看更多

呢日經過尖沙咀～見到呢間好特別既店鋪，原來係早前係面書見過人分享既新食店～所以就襯住呢個新鮮感同朋友試左個套餐～店鋪有設一d好似吧位既坐位，而店員都好熱心介紹～最後朋友揀左豬爽肉，我就想食香炸菇菇～本身我想試個涼茶啤～但朋友唔飲～所以又揀返汽水⋯留返下次去試～成個套餐價錢都唔算平，如果要當午餐應該就唔太飽喇～套餐配一款醬，我地要咸蛋黃醬，但一開始佢俾錯左我地，所以店員哥哥就俾返個咸蛋黃醬我地，我地可以試埋個菠蘿咕佬醬～我同朋都覺得咕佬醬比較普通～咸蛋黃醬就有d咸香～配埋豬爽肉食係邪惡既美食😂另外我比較欣賞佢個香炸菇菇，平時其地地方食都係切開一條條好多炸粉咁炸，但佢係成個無切，重要唔多炸粉～感覺好香口，又保留到菇菇既味道！總括黎講～呢個套餐係邪惡既不過都係好食既～無試錯～…查看更多

平時好少會去上環搵野食～今次同朋友約左黎上環上堂學野，所以先有咁既機會～:)大家都想食濕濕地既野，上網搵左呢間魚湯米線決定去試下！我叫左個醉雞翼米線，因為我係雞翼控⋯見到醉雞翼一定要叫黎試下⋯朋友病病地，所以叫左個冬瓜粒湯飯，重加左個邪惡食物⋯芝士炸雞⋯一開始我都會驚個湯底腥，但估唔到佢個湯底一d腥都無，但就好好飲～係鮮魚湯既味～值得一讚！但醉雞翼就硬左d，芝士炸雞係炸得好香口，但可能有d太大舊⋯有d位好似唔太熟⋯另外個鋪位唔係好大⋯侍應姨姨既態度時好時壞⋯有時嗌佢會無反應⋯有時又講得好仔細～係有點搞笑既⋯多點包容就得～總括黎講下次有機會都會再去食既，但我會試其他款式啦～…查看更多

今次有朋友黎香港玩～盡地主之誼⋯梗係要帶佢去食香港特色既美食啦～落高鐵第一時間帶佢去醫肚，梗係帶佢去比較近高鐵站既佐敦分店食雞蛋仔啦～呢間雞蛋仔我食過好多次～就算唔同分店⋯都次次保持到水準～我個人係比較中意食栗子味雞蛋仔～真係有一粒粒栗子係入面！另外冬天出過紫薯味雞蛋仔都係好正！紫薯味好濃！又有一粒粒可以咬下～而且雞蛋仔外脆內軟～食左一粒就停唔到口～不過朋友第一次黎香港～所以今次揀左原味～都一樣咁好食～唔會太甜⋯我買既時候朋友本身係唔太想試咁，我堅持係超好食～所以佢先肯試⋯⋯但佢食左之後就一粒接一粒⋯好快食晒！我問佢覺得點，佢話估唔到咁好食～因爲佢係上海食過標榜「香港雞蛋仔」既店⋯但⋯⋯⋯⋯感覺唔良好！但今次試完⋯佢話原來係差咁遠～對雞蛋仔完全改觀～所以媽咪雞蛋仔真係超好食⋯⋯（不過價錢就真係有點貴⋯⋯但都值得既）…查看更多