最愛放題自助餐的個人專頁

第一次去試年代久遠嘅餐廳，見到喺旺角新開近近地，入門口已有員工推薦鐵板餐，還送上$30鐵板餐券，坐低睇menu啲鐵板價錢都唔平，所以只叫咗一個鐵板雜扒，一個粟米牛脷飯。先講餐湯～好罐頭嘅粟米湯，沒有加任何其他配料，只有粟米🌽粟米牛脷飯～牛脷夠淋，粟米汁用粟米湯嘅杰身版調製鐵板雜扒餐～份量足（豬、牛、雞、煙肉、煎蛋、腸仔）雖然係送甜品，但如果你忘記問，佢哋係唔會主動攞過嚟，所以我哋係無食到就埋咗單。埋單嘅時候先發現落單嘅員工搞錯咗啲優惠，令到我要俾多$38（大蝦🍤）事源落單時order 雜扒餐已知跟大蝦或田螺要另外收費，所以選擇不需要，跟著侍應回頭說這個餐亦可以免費送三項其中一項，叫我哋選擇，單上亦清楚寫明是免付，但到我哋埋單時收銀才說大蝦是要另外收費，是剛才的員工搞錯了，現在更正返，當場真係覺得非常可笑，你哋出收費單時發現搞錯，沒有立即通知顧客還要唔要？而是埋單時照收費用，直到問點解會多收$38先講，你們做了餐飲服務咁耐，可以將自己嘅錯漏要客人承擔？這少少錢就沒有回頭客。…查看更多

3個人去到，侍應招呼熱情，可能book了8點9,就算平安夜廳面都唔多人，啲vip房就滿晒好熱鬧，我哋坐卡位。因為佢冇三人餐，所以叫咗個二人餐：喇沙豬骨鍋：湯底喇沙味香濃👍不過啲豬骨係食唔返😂雜菜盤啲蔬菜新鮮安格斯牛小排脂肪分布均勻韭菜豬肉餃、鮮蝦水餃一般炸響鈴鬆化👍烏冬得一個細細個嘅稻庭烏冬2罐飲品因為3個人所以再加左碟安格斯牛小排、美國黑豚肉、響鈴同埋黑松露蝦滑。整體食物質素服務都唔錯，尤其是黑松露蝦滑好彈牙好新鮮；安格斯牛小排脂肪均勻厚薄適中。不過埋單時，原來卡機壞咗，好彩老公有帶現金。而且廳面有陣陣煙味🥲…查看更多

呢排時常去明愛，經過呢間門面不大啲潮州菜館，終於喺星期六一試，3個人叫咗5個餸一個粥，都係$7xx真係抵同值，如果去潮x春一定唔止呢個價錢同質素👍鵝片鹵水味雖然唔夠濃，但肉味足，唔韌，墊底鹵水豆腐唔會太多太厚。蠔仔粥啲蠔仔大大粒，仲加咗紫菜，超正。煎蠔餅好有驚喜，以為會好似一般炸物，佢哋係煎蠔仔烙，好味。蜜餞梅花骨其實炸得啱啱好，肉質好鬆化，但自覺甜味過濃。炸蝦棗蟹棗都唔錯。…查看更多

每次天氣涼少少都會借啲2打邊爐，食過啲高質素真係好難返轉頭。今次又有超大花竹蝦，本來介紹做刺身蝦，但我地麻麻地，所以直接用黎打邊爐，超正👍今次肩胛肥牛就比上次食薄咗少少，唔夠質感。但蝦丸、墨丸同響鈴都仲係保持水準。水餃比雲吞好，雲吞豬肉過多，有隻仲無蝦😂…查看更多

其實真係勁失望, 因為年頭食過覺得啲扒類晚餐唔錯, 所以再來, 點知........首先, 碳燒鹿兒島黑豚西冷扒配藍梅燒汁- 黑豚西冷肉質粗鞋, 一啲都唔爽脆, 藍梅燒汁無藍梅香味得燒汁味其次碳燒紐西蘭牛肉眼扒配黑松露燒汁- 真係未試過食五成熟牛肉眼扒塊扒係要出盡力先切得開, 就算切得開都趙唔開, 啲黑松露燒汁又係得燒汁味, 一啲黑露味都無。幸好, 仲有個香烤澳洲羊架配薄荷燒汁肉質嫩滑, 而且無騷味。…查看更多

因為要叫2個$168套餐, 所以我哋要揀4個點心: 蝦餃皇、蒸排骨、腐皮卷(非常油浸, 剪開了有大量油漏出)叉燒包, 點心比較一般湯羮就揀咗老火湯(西洋菜鹹腎)夠火侯; 酸辣羮足料不過辣不過酸小菜: 竹笙扒如意淡而無味; 燒汁銀鱈魚處理得味道剛剛好最後2個炒飯其實已經食唔落要打包回家, 不過見到炒得幾乾身…查看更多

老公喺附近上完堂，就搵咗呢間無負評嘅意大利餐廳，真係唔錯👍因為本身食唔到西餐嘅牛油、芝士、同濃忌廉，呢度就好多其他選擇。我地叫咗:鮮蠔忌廉湯~蠔味好濃，唔會比忌廉味蓋過柚子麥啤浸脆皮德國咸豬手~本身好鍾意試唔同餐廳嘅鹹豬手，好多都講到幾咁脆皮肉嫩，多數名不副實，呢間真係做到啲皮凍咗都仲係脆嘅😋啲肉又唔過乾，啲柚子醬實在畫龍點睛刺身帶子蛋白露筍炒飯~帶子處理時間剛剛好，不會過火，炒飯夠乾身。另外叫了2個串燒: 1)黑松露金菇牛肉卷~黑松露味超濃，不會只放少少。2)燒安格斯牛肉~牛味濃郁油香，無筋玫瑰荔枝凍飲~荔枝味濃厚所以搶哂玫瑰味…查看更多

食咁多次放題，第一次有中伏感覺😠差啲攪錯咗另外間『築地番本』上年去過一次呢間食夜晚，諗住唔係咁差，但今次食晏真係非常唔掂。上到去見無人都心知不妙，同5點半時段一樣嘅價錢，但蟹粥又無，牛腩又無，連清酒煮蜆，燒羊架都無，似樣啲嘅無都算喇，有嘅又勁漏單❨唔知唔想出單定真係漏❩，有入單嘅要追先嚟。講返啲食物：魚生新鮮❨但款少❩; 天婦羅蝦、鹽燒牛舌、和風牛肉粒都唔錯。其他鹽燒大蝦❨唔新鮮❩燒菠蘿❨唔覺佢係燒，似煎多啲，有魚腥味❩黃金焗蠔❨好辛苦先搵到粒蠔❩。服務基本上無乜❨茶唔會主動加，碟又無換過❩其實如果唔夠人做嘢，晏晝就唔好做放題喇，做定食咪算囉，真係未試過係放題會唔飽…查看更多