梅花邨小館

营业中

休息中

呢排時常去明愛，經過呢間門面不大啲潮州菜館，終於喺星期六一試，3個人叫咗5個餸一個粥，都係$7xx真係抵同值，如果去潮x春一定唔止呢個價錢同質素👍鵝片鹵水味雖然唔夠濃，但肉味足，唔韌，墊底鹵水豆腐唔會太多太厚。蠔仔粥啲蠔仔大大粒，仲加咗紫菜，超正。煎蠔餅好有驚喜，以為會好似一般炸物，佢哋係煎蠔仔烙，好味。蜜餞梅花骨其實炸得啱啱好，肉質好鬆化，但自覺甜味過濃。炸蝦棗蟹棗都唔錯。