osanne的个人专页

誤打誤撞試咗呢間新開餐廳，餐廳所在大廈入口好細，好易miss。餐廳用QR code 自助點餐，不一定要用WeChat，過程簡單清楚。餐牌選擇唔多。跟餐磨菇湯好足料，味道同質感俱佳。意粉好夠份量，排盤靚。煙三文魚好standard 味道，個意粉汁如果light 啲更好，而家食完感覺有點膩。是日水果茶係荔枝茶，偏甜。餐廳環境好舒服，可能客人未係好多都係其中因素。裝潢有舒適感覺。近窗三張「卡位」有咕𠱸，傾計飲野幾好。…查看更多

兩個人，6點入座食晚飯，唔使等位。但有點驚訝的是其實餐廳在這時間已經坐到差不多滿座了。枱排得比較密，加上是商場入面開放式設計的餐廳，要傾計就爭啲，都係快快手手食完野就算。野食上菜上得好快。招牌紅燒三星牛麵 — 牛肚牛筋牛腩都好入味同好腍；麵底揀了幼麵，我覺得質感麻麻地；湯底微辣，唔算好出色但都唔差。台灣腸唔錯，味道幾好。餐廳跟蒜蓉不是蒜片，個人喜歡蒜片多啲，蒜蓉好難夾上腸片度一齊食⋯⋯碟菜就好一般了，面頭啲炸蒜腍咗，質感好怪。這樣的份量兩個人食有點唔夠喉，但又諗唔到想食咩，唯有轉場再食。…查看更多

Walk in 幫襯。餐廳應該未領到酒牌，未有酒供應。service 方面，有waiter 唔清楚menu 入面combo嘅細節，我地俾佢點到陀陀令⋯Anyway 講番食物。上菜速度適中，食物似新鮮煮起。招牌芝士炸雞好味喎，我覺得我食過附近幾間。食落唔會一口炸粉，芝士夠，雞肉仲嫩，仲有肉汁，份量二人夠，食完仲唔會有油膩感。讚套餐沙律用料新鮮，份量足，dressing 稍嫌太多，整體滿意～炸芝士波同薯條都ok，有點炸過龍但唔算太過份，不過冷氣太凍所以所有炸物都凍得好快而變硬，有點浪費了原本的質感值得一提，薯條上面coat 咗層蜜糖的，所以味道唔止芝士醬，而選用之蜜糖又唔會太甜，加分！…查看更多

首先我覺得個領班係最冇禮貌嘅。你間店如果係半自助，你叫得個客自己去搵位，作為客人我入到店搵位又比你哋同事截停，感覺其實已經好難受。你叫我自己去搵位其實你可以順手交帶同事話呢位客人幾多位咁其實成件事會好流暢⋯好啦，坐低左之後反而埋枱招呼嘅同事係有禮貌嘅。出到去點嘢食，又見番頭先個領班。你如果唔係負責收錢你就唔好企係個收銀機前邊囉。我行到埋你你又話「我唔係做嘢你唔好煩我」喂大佬我點知你係咪做緊野㗎。而家我好想黎煩你咩？同埋我點知你哋有兩部收銀機呢。聽到咁樣對客人嘅態度我真係打咗個突。食物質素方面，其實同其他店譬如尖沙咀店係爭少少嘅，可能真係因為整定左一部份啦，所以上菜時間好快。但係整體來講都唔算差。最有驚喜嘅係個龍蝦benedict蛋，定價$168 ，叫嘅時候係有少少猶豫，但好彩都冇失望。佢話係鹹蛋黃醬其實鹹蛋味就唔係好突出啦，反而最有驚喜係裏邊有青蘋果粒，同成件事有幾夾喎。龍蝦肉都唔少～杯果茶就甜咗啲，如果冇咁甜清啲就好了。三文魚benedict同其他店嘅質素差唔多環境方面就好嘈，喺商場入邊冇辦法啦，想傾計就搵過第二個地方。…查看更多

餐牌睇落係好吸引嘅，新派素食，款式多，好多野都想試。但食完之後嘅conclusion 係⋯ 無下次！幫襯時人不算多，但等俾錢落單同等野食有點耐。期間限定主餐牌滿$100 加$1 可以試夾包一件。野食賣相係好ok 的，但⋯未來漢堡 deluxe - 所有材料好似各有各咁，仿肉餅好濃烈仿肉味。重點係，全個包+餡都唔熱。炸羽衣甘藍 - 份量算多，炸得夠輕身，但用益咗嘅油係一大敗筆。海南雞飯 - 全碟都係凍嘅，個飯有少少餘溫，但係好僵硬⋯ 味道非常一般⋯最驚喜算係呢個$1 包，但都唔叫好食…查看更多

餐廳就在商場的地下，位置尚算方便，一出馬鐵站就會見到。見到餐廳入邊都坐咗唔少人，咪諗住試吓囉，點知……先講all day breakfast，嘢食份量都算多，只不過質素方面：只有炒蛋係新鮮整嘅，質感尚算OK。其他野包括煙肉、牛角包、腸仔、炒薯、炒菇，都係凍嘅。炒薯同炒菇油份好多，應該炒左好耐擺咗喺度。至於個喇沙，究竟係咪喇沙嘅定義改咗呢？上咗枱簡直覺得俾人呃咗。唔係喇沙雞麵，係咖喱雞麵，再講多次係咖喱雞麵，完完全全係咖喱嘅味道。果半隻蛋仲搞笑，蛋黃極之僵硬兼且有就膠味，食咗一半已經放棄⋯餐飲方面，奶茶用紙杯上已經算了，但茶底過苦，去到澀的地步⋯ 嗯，應該無下次。完。…查看更多

Book位唔困難，因為餐廳顧客不多，餐廳內有很多吉位。一來到，門口的侍應小姐黑口黑面帶入座位，問多兩句，塊面再黑啲。以為淨係一個侍應嘅問題？錯啦！點菜嘅時候另一位男侍應再示範一次木口木面，而且眼見四周圍的顧客要叫侍應是何等艱難，但侍應們都站在一邊談笑甚歡，服務方面就是這樣。講返食物，上菜速度奇快。溫泉蛋芝士焗大啡菇，似乎每一位食客都會點，質素還不錯，但是一切開蛋，感覺太水，調味不足，味道偏寡；如果菜式入面加返少少肉味或者肉碎，整體感覺可能比較圓滿。蟹肉忌廉汁寬條麵，蟹的份量不多，蟹味都算濃郁，似係罐頭蟹肉。白汁算light，食落去唔覺得好肥膩。整體分量偏少，如果share嚟食每人得三四條麵⋯Side dish 牛油焗雜菇，呢味幾好食，啲菇夠肉地又夠入味，感覺新鮮。Side dish 黑松露甜薯，一陣黑松露油味撲鼻，感覺不太良好，薯仔切得太大件，而且不夠熱，所以整體感覺不是太好。甘筍、青瓜、薑鮮榨果汁，呢杯野先特別，用k11 kclub 會員優惠券兌換， size比鄰座循正常途徑點的同一杯飲品細一倍。你送得咁鬼鼠就不如唔好送啦，感覺公司很小氣。杯野味道用料都算新鮮，薑味好濃，幾乎蓋過了其他所有材料的味道。埋單＄400 （記住，已經冇計杯嘢飲）。講真，呢個價錢應該值得食更好嘅食物，兼且服務如此極品，下次來不來再幫襯都要諗清楚先。…查看更多

今天來到終於明白點解之前一直都未成功來過。1）因為booking 時間只容許6點或8點，一係太早一係太晏；2）地方真係唔大，好易full。枱的setting 比較適宜2-4人（2人最佳），有點迫，同隔離枱好近。景色搭夠，位處高層，望到海，夠開揚。講番食物。招牌bb 鴿，份份食評都有講，真的juicy + 肉夠嫩，無花假呢份蝦多士唔講得笑，堅係原隻大蝦夾响多士入面，係-原-隻-大-蝦，好誇張，個醬汁好特別，微辣，減低了油膩感，好滋味呢碟正正常常，薄薄的白汁感覺幾light，最驚喜係紫薯蓉（塊魚遮住咗），用料無腥味～本來想叫另一個甜品，但店員介紹這個，說另外一些都是採購回來，而這個是自家製的。整體偏甜，不過不失啦。Mystery mocktail, 都幾 mystery, 唔係好飲得出有咩料，不過幾清新的口味～仲有其他菜色想食，下次應該會再來:)…查看更多

在沙田搵食多年，其實這間日本居酒屋開了多時，卻一直沒有興致幫襯。可能因為價格偏高吧。離奇地咁耐都仲响度，仲有每次經過都坐滿人，仲見到OpenRice d comments positive 居多，即管試下。不得了，原來走寶咁耐。佢唔係一般嘅居酒屋，有好多創意料理，而且用料不錯燒河豚魚乾-從來未食過如此厚切、燒得香之餘唔覺乾同靭的版本魚生片同沙律菜用料新鮮，柚子醋份量剛剛好，菜的份量稍嫌少了一點，整體滿意！好香蔥味，夠多，肉汁夠之餘燒得香又唔靭，非常好。只是豉油落得比較重手。重點在外層的天婦羅，夠薄同香脆。中間吞拿魚新鮮但魚味稍稍欠奉。蔥唔太夠。蔥同吞拿魚形容如上。下面的是普通的米通，都香脆嘅，但兩樣野夾埋好似各有各咁⋯全晚最驚喜係呢碟。個牛舌外面香脆裏面仲有肉汁同腍，同個醬好夾，極速清碟，想再食吞拿魚同上，辣⋯ 就是加了 Tabasco 啦哈哈 辣度算適中，嗜辣者可能覺得不夠。唯一美中不足係座位編排偏密，同隔離枱太近。而且枱面細，建議分幾次叫餸，反正食物上枱速度快。呢間野值得再來…查看更多

趕時間所以沒有怎麼選擇餐廳，見有位就坐下了。午餐餐牌有6個餐選擇，配有牛油餐飽、湯或沙律、主食、餐飲。沙律菜算新鮮嘅，一人份量都算大碟，但係Salad dressing 太酸，落得太重手，在底下的菜極之酸餐飽上枱時仍是熱的，呢樣要讚呢碟忌廉蟹肉意粉，咁嘅質素呢個價錢實在有點那個。汁太多，好膩，蟹肉有好多殼，無乜蟹味，如果一早知有咁多三色椒我就叫另一樣野⋯ 份量算足夠A la carte menu 上面一碟野價位仲貴過一份午餐，所以散叫仲和味。埋單咁就$102 啦，唉⋯…查看更多

久仰大名，但始終不是就腳的位置，所以一直也未有機會試。今晚終於來到，但老實說，都幾失望⋯餐牌設計及門面裝修是唯一攞分的環節，感覺算舒適。但如果真的坐滿其實會有點迫⋯全晚最好食竟然是小食芝士年糕。等了又等才上枱，份量得少，唯獨口感和味道夠，價錢收$38 得兩小舊年糕⋯ 三文魚飯團定食，well, 豆腐和沙律其實係好味的，唯然份量非常少。飯團⋯ 無乜味，餸不多:(抹茶奶茶，極懷疑是沖粉的味道，淡。見OpenRice 人人都叫這杏仁甜品就試下啦，杏仁味其實欠奉，但如果喜歡食木槺布甸的朋友應該會喜歡這個，甜度口感都佳，推介蘋果撻，好～甜～ 過份甜明治綠茶雪糕就係標準野啦，唔會差得去邊。整體來說算是還了心願，但未必有下次。…查看更多

街坊行過來幫襯，本身都帶著點期望，畢竟它是取代了之前做得不錯的銀杏館，再者如果好食的話可以多一間食肆選擇。不過⋯ 言之過早。一坐低記得驗查下枱面的碟。油淋淋令人懷疑究竟洗了沒有⋯ 未叫野食已經失望這個牛肉羹做得中規中矩，算是個好開始。羌茜同葱令味道幾配合，但唔喜歡的朋友就想清楚才叫，因為都幾多，要挑走有難度！蒜香骨算是全晚最好味的一味餸了，骨肉易分離，蒜味不太濃烈但香口，肉也不太肥膩，整體唔錯豆腐也算ok, 無乜驚喜。基本上同一般中菜酒家出品一致。菇菌算多種類，豆腐份量多，不老，但整體唔夠香。呢碟野叫招牌滋味雞。非常失色。味道獨特但唔夠入味，偏油，肉質算嫩，上枱不夠熱⋯ 用來做招牌是否說明了這餐館最好的水平就到此？每位客人有一碗白飯不額外收費。晚上有solo singer 自彈自唱表演，7pm 8pm 9pm 三個時段。侍應可能比較多新人，全晚不斷上錯餸菜。但加水勤力和態度良好（比captain 好），挽回一點分數。不過，未必會再專程行上來食。…查看更多

在大角咀深處朝聖，這小店並不起眼，但OpenRice 個個讚好一定有原因⋯這個！得奬黑松露pizza, 個個po 都話要試，咁就一定要捧場。結論係：一定要試、一定要試、一定要試好重要所以要講三次。相信沒有第二間餐廳可以食到。兩塊脆pizza 夾著黑松露醬，香濃而不膩。外層芝士烤得香脆。一上枱唔使五分鐘兩個人已清碟。配提子醋是畫蛇添足，我認為不點醋比較好。這碟豬肋骨的精髓是可以不用刀，因為肉煮得好焾、好入味。個醬比較稀，但亦因為呢個緣故，多點醬也不會膩。唔停得口飲品不是這裏的強項吧。這杯紅豆抹茶奶昔就有點失色。抹茶比較淡。服務員態度友善，中途勤加水，服務抵讚。如果行開呢頭，應該會再幫襯～…查看更多

想試好耐，但見到OpenRice 兩極化的 comments ，有點卻步。不過這一晚walkin 都有位，就即管試下啦。餐廳不大，坐位都幾擠迫。bar 枱坐得唔太舒服。150cm 小矮人有點吊腳呀入座又唔出聲，坐低咗一陣先話要1.5 小時還枱，有點扣分。食物速度上得太快，強烈建議分幾次叫野食。一次過上哂好狼吞虎嚥feel ，食物又快涼，食得不暢。金菇肥牛卷係驚喜。我一向都很怕食這個，因為好黐牙。不過這裏的一點都沒有黐，很久都沒遇過，係今晚最出色的燒大啡菇。size 適中，仲juicy ，有人話貴但我覺得ok燒雞軟骨。夠味，脆，唔錯。黑松露牛油帆立貝。好香！不過牛油咁樣上有點奇怪芝士蟹肉玉子燒。無乜蟹肉味，整體一般啦。芝麻凍豆腐，中規中矩。深宵薄餅。有點像大阪燒但又唔完全係，都幾好食，兩個人食份量有點多。汁燒醃𪂹蛋，唔夠熱，無乜特別，唔推介。兩個人食到捧住個肚走，好飽，埋單400+大廈等𨋢等好耐，比d 耐性。另外餐廳有一半座位在戶外的。…查看更多

餐廳好近黃埔站其中一個出口，行一分鐘就到。餐牌選擇唔算多，大致為appetiser, main course, pasta, pizza, dessert，都係一般西餐廳的選擇。最吸引的莫過於酥皮pizza，都有三、四款口味揀。Pizza / 主菜轉套餐就有湯/沙律+飲品。餐湯周打蜆湯就比較一般。稍為淡及稀，料不算多⋯ 嗯，唔係好正宗嘅周打蜆湯啦。小食拼盤好快便上枱，食物就熱，炸物新鮮炸起，幾香口。肉丸都好味，雞翼少少辣幾好味。德國腸分量都唔少。總括來說個 platter 都幾滿意。重點來啦～ pizza 超正！酥皮底真係好特別，好香脆。肉料好夠，啖啖夠餸。食都最後一塊，個餅底仲係熱的，可想而知銷情幾好要補差價的caramel oolong tea 係茶包貨色，中規中矩啦。呢間野我地應該會返轉頭再幫襯的…查看更多