好啦，坐低左之後反而埋枱招呼嘅同事係有禮貌嘅。
出到去點嘢食，又見番頭先個領班。你如果唔係負責收錢你就唔好企係個收銀機前邊囉。我行到埋你你又話「我唔係做嘢你唔好煩我」喂大佬我點知你係咪做緊野㗎。而家我好想黎煩你咩？同埋我點知你哋有兩部收銀機呢。聽到咁樣對客人嘅態度我真係打咗個突。
食物質素方面，其實同其他店譬如尖沙咀店係爭少少嘅，可能真係因為整定左一部份啦，所以上菜時間好快。但係整體來講都唔算差。最有驚喜嘅係個龍蝦benedict蛋，定價$168 ，叫嘅時候係有少少猶豫，但好彩都冇失望。佢話係鹹蛋黃醬其實鹹蛋味就唔係好突出啦，反而最有驚喜係裏邊有青蘋果粒，同成件事有幾夾喎。龍蝦肉都唔少～
杯果茶就甜咗啲，如果冇咁甜清啲就好了。
三文魚benedict同其他店嘅質素差唔多
環境方面就好嘈，喺商場入邊冇辦法啦，想傾計就搵過第二個地方。
