CoraChan的个人专页

因為要幫家人買外賣，沿路經過佐敦恒豐中心附近，見到新開左間Sukiya，鋪面裝修光潔明亮，玻璃外餐牌價錢相宜，侍應見到我就走出門口有禮貌地招攪生意，抱著一試何妨既心態入內選購，外賣機點餐後兩三分鐘，便叫到我的點餐號碼，我上前等店員幫忙包裝入袋... 初見透明膠盒漬物份量少得驚人，我已經忍唔住問店員份量如此少？職員回應是，我都冇咩可以講，覺得份量少得好離譜，在門外影左張相分享比朋友，後來家人說一啖唔夠就食晒，仲要係碎晒既椰菜，洗菜都唔會要既size, 如果咁樣加配收$9你比返我好過，太離譜🤬 …查看更多

住筲箕灣既同事知我鐘意食辣, 帶我黎呢間鋪頭試下, 9 pm 去到, 門外已坐左十幾台客, 好彩等左一陣有張鋪入面既細台, 可能新開既關係, 店面頗為潔, toilet 都唔污jo, 店員幾好禮貌, 好似好多熟客仔咁, 感覺良好... 但唔係個個位都睇到電視...一行3人, 叫左個唔辣既怪味雞煲, 麻辣田雞煲, 川北涼粉再加幾碟打邊爐野.... 個怪味雞煲同邊爐dishes既份量相當多, 最後call多個住o係附近既朋友先勉強食得完,以價錢計真係非常超值,一碟賣大約$38既luncheon meat 竟然原罐上(中size) overall 味道都幾好, 特別要讚既係豬紅(怪味雞煲配料), 非常good, 好多年冇食過咁好味既豬紅,呢種味係n年前細個時既手推車車仔麵風味 可惜川北涼粉唔夠辣 麻辣田雞煲都可以再辣d (落單既時候冇問幾辣, 下次係咪要講明呢 ?_? )如果去開o個頭, 會再去幫襯, 同埋要試水煮 …查看更多

尋日想食放題，但位置只限於荃灣區, 早幾個月食過panda hotel金田, 屬於價錢ok平但唔會再食第二次o個種, 友勢未試過又有d遠,所以今次就試呢間la, Sat 關係6pm入座8pm要走, 整個過程侍應服務幾好, 有禮貌識加水收碟快, 放低食物會講聲食物名,上菜有效率, 少漏單, 同埋我座二人台, 將個handbag放左o係隔離張二人台(其實係一個4人台分開兩半), 當時6:30pm,入座率未夠5成, 侍應叫我拎走個袋, 話陣間有客人(隔離係7pm到), 佢講呢番說話既同時, 拎左張bb chair放o係我旁邊, 我覺得呢個位好貼心, 要讚食物質素比差唔多級數既tw, wc金田, jordon 2000yen, cwb朗田, tw5月花, kf大阪, central吉壽為差, sashimi 係室溫亦冇鮮味(我以為係豉油問題, 佢用既係好大路既放題豉油, 會令到sashimi味道差左,食開放題既朋友會知我講既味道), 日食menu 選擇少得可憐, 好在有binlo叫做加下分,睇相以為好出色既芝士焗蚝, 蚝殼勁大隻, 蚝肉好細粒, 最慘係個salad sauce 鹹到阿媽都唔認得,連我呢個芝士怪想食佢面頭d焗芝士碎都食唔落口.... 可喜既係, 一口芝士條食得下, 夠熱又唔油除左sashimi, salty oyster 同cheese stick, 我冇一樣野order 第二次, 食到7pm 其實已經可以埋單,所以好同意樓下既食評講, 食物差, 服務好....…查看更多

同男友慶祝生日, 諗住o係荃灣搵個view 靚d 既地方食飯, 所以一早訂左呢度, 接電話既職員頗有禮貌,到達餐廳門口, 應該係走格調路線, 但design完全浪費左個view, 樓底好高(20呎)亦好spacious, 但set左好多到頂既通窿屏風, 我覺得好壓逼, 落地玻璃窗外景致一樣用通窿屏風擋住晒, 可以睇到view 既得幾個位咁大把.... 何必呢? 食物質素好一般, 冇一樣食物係味道好突出而要不斷encore:- 刺身有salmon, tuna 同octopus, 但味道呢, 我相信元氣板長會新鮮d同好食d- 壽司同3蚊件爭鮮壽司差唔多級數- 冷盤有龍蝦仔, 蟹腳, 蝦, 一般, 冇乜鮮味- 燒牛肉/羊脾/炸大蝦天婦羅, 冇人排隊, 唔明點解要切好晒/炸好晒一碟碟放出黎, 呢d 野凍左真係唔好食- 熱葷有燒雞, 蒸魚, 蒸粉c扇貝, 辣酒翡翠螺, 羊架, 炒花姿片, 咖哩豬肉/雞肉+薄餅, 炸蠔/焗蠔, 牛仔骨, 海鮮意粉, 龍脷魚柳, 已經列晒出黎, 因為星期二晚, 人好少, 入座率得3-4成既關係, 所以睇唔出refill 快唔快, 全部熱葷味道一般, 有部分唔知煮得太耐定擺得太耐, 羊架, 咖哩豬, 同扇貝好un, 比較出色係焗蠔(史), sauce味道好但細粒到食唔到蠔味- 甜品算係咁, creme brulee 同木糠布甸encore 左幾次, 雪糕係ppg, 但尋晚提供既味唔係我杯茶(mint chocolate, rasberry, peach yogurt 同埋pineapple)但以dinner buffet $298 + 10% 既價錢亦唔可以要求d咩, 不過返黎睇openrice發覺lunch 同dinner 係食一樣既野,咁一定係lunch 抵d 不過, 應該冇下次, 試過就算 …查看更多

見到食評唔錯, 一行 7 人用團購價每位$35 買左個套餐, 有湯有小菜有飯有甜品, 聽落好似幾好咁,點知最後食唔飽, 個個都要再去買野食 服務: 成間野得一個男人同一位阿姐, 十幾廿台客, 唔會expect 有咩服務, 我地仲要坐左o係角落頭,追order 次次都要自己行出去搵人,d 小菜上到台全部都係微暖, 反而最係o個碟漏單關係先係熱同有煙出既..份量:唔可以話好少, 但一定唔係多, 小菜連碟底都填唔滿, 建議佢換隻細d既碟冇咁肉酸 (唔知係咪團購cheap d, 我見人地台o個d 冇咁少)..味道: 1. 西洋菜湯 - 明顯溝左水 (仲要等左20+mins 千呼萬換先飲到) 2. 蒸水旦 - 可能團購關係要節省成本, 加多左水, 冇旦味 3. 蒸肉餅 - 唯一buy 既一碟, 幾好味 4. 介蘭炒臘味 - 微暖偏咸 5. 蒸雞 - 微暖偏咸, 但賣相感覺好差, 7 個人有7 件雞骨6. 紅燒豆腐 - 味道ok, 微暖, 有5小件燒豆腐, 1 "住"肉絲, 4 - 5 條bb菜心, 3 粒辣椒絲7. 白飯 - 微暖既1 pat 野 (白飯都可以咁差, 佩服)8. 甜品 - 飲完溝左水既湯, 唔會對個甜品有寄望, 點知得半碗份量既紅豆沙都要溝水, 真厲害我實在唔明之前既食評點解會係中上, 食完個個都要落樓買野食, 好少食lunch 食到咁淨係想快d走, 食物相都冇心機影…查看更多