Wadeee的个人专页

而家生意好難做 除咗要有天時地利無論做人做生意都要有關公打開門好多時都係講溝通與關懷 易地而處 問/傾多句唔會死嘅如果好似啲藍色人咁樣未審先判 盲撐盲反諗嘢諗埋一邊就好易有好多不必要既誤會 所以話黃嘅人未必係好人黃店都唔一定好食㗎 好多嘢要試過先知 呢間野你可以話係黃金佈置相信有相同信念嘅人會食得好開心呢間野有少量企位做堂食 其實主打都係俾你嗌外賣 附近應該好多上班一族或者係工廈嘅客人 望下個餐牌 見到啲價錢你以為係咪搭咗時光機 返咗去10年前既香港咁樣喺度嗌一個主食滷肉飯再加一兩個小食男仔都會飽 除咗主食之外仲試到唔同小食 先等於出邊一個飯嘅價錢 性價比係十分之高 講返佢個古早滷肉飯 佢啲滷肉係大大嚿嗰種 鍾意呢款嘅必嗌 比某連鎖台式店既頹野好食另外都可以嗌第二款既滷肉飯配其他嘅餸 小食方面我食咗一個肉鬆蛋捲餅 蛋的確係一個百搭嘅食材 配咩都好食 件捲餅分開四件 中間足料又有啲蛋汁最好食 個紅油抄手係唔辣㗎 朋友完全唔食得辣都唔驚 照食可也 食落去係扎實既感覺而花枝丸不嬲都係一個安全之選 好難話中伏 所以佢都係不失所望嘅 咬落係彈牙既 雖然係冬天 本人其實都幾鍾意食冷盤所以嗌多咗個皮蛋豆腐嚟食 如圖所見佢係一舊大嘅豆腐上面放咗皮蛋碎同埋肉鬆 滑豆腐係就咁擺喺度都好食 加埋少少調味已經好OK 加埋其他配料更加有層次 呢個時勢生意咁難做都要逆流而行呢個老細實好有料好有質素啦 希望佢多啲有質素既客要生意興隆長做長有呀…查看更多

呢間野雖然細細間 唔係好多位坐 應該主要做外賣 但原來啲野食都ok 街坊得閒食下係唔錯既 餃子既選擇都算係咁唔會太油 皮唔會過厚 呢個雲吞都唔算太辣 唔係 辣喉嚨果隻辣所以我唔食得辣都接受到碟雞好有酒香味 食落都唔會鞋恰恰 果日超級熱所以有甜野清清地降溫係唔錯呢個朋友話幾好食 有燕窩碎同有牛奶香味同樣都係清清地唔會好滯食完最後皮蛋都好有風味 調味幾有誠意 食慣連鎖果啲可以試下呢度有咩唔同哈哈總結黎講係滿意既一餐 終於唔係好厚既中伏餃哈哈…查看更多

上到呢間餐廳既時候係大約7點 點知一個客都冇心諗係咪中伏 但佢既裝修都想唔錯 簡單文青feel咁 所以都想留低試下(後尾係坐滿左人既)首先係食左個薯條配黑松露醫 (原本想食魷魚圈不過冇)拿呢個薯條係真係盡得幾好食既即炸夠熱 夠脆 份量又唔少 同你見個賣相都幾好既OK之後朋友就食呢個大蝦意大利飯都唔錯既 佢唔會係太重芝士好漏果隻 岩番普遍亞洲人食不過睇你鐘意食硬D定軟D既飯 呢個D米飯係偏硬既我地仲食左個羊架 呢個真係全晚重點晚餐唔過2百食到呢個quality既羊架 我認為性價比係好高了佢有3隻小羊架 非常有羊味 D調味好夾 另外D菜都唔hea 烤得幾好食講真係TST比較出名既地方食羊架 (lunch)都差不多價 or 仲貴 所以呢度係抵食 Overall 呢度既野食都唔錯 仲有加錢可以飲養生茶有得refill 慢慢飲 冇咁滯 而且都落足料 再refill都唔會冇哂味!!所以呢間野係真心推介既…查看更多

唔講唔知原來係蘭桂坊都開左間Steak Bar其實之前係CWB已經食過一次 都係值得encore既經驗所以見到有新分店就黎試多次 地點都幾易搵 就係蘭桂坊而呢間鑄鋪細細地有兩層 上層都坐得幾舒服老老實實, 上次去日本大阪食左間連鎖既吉列牛, 已經嗌質素so called好少少既牛, 但都係有D韌,令我失望而回講真呢度既吉列牛一分錢一分貨啦 好食過我之前係大阪食既 (好少見架lol)自己有得係個爐仔度燒燒下都幾過癮lol 個人覺得燒到D牛肉變哂色先食係最好食最冧 牛肉夠味仲有肉汁而D吉列皮既厚度都岩岩好,唔會好易同件牛分離左 整體上加埋個有味素既飯又夠飽 成件事唔會好油膩~~~ 而份量係岩岩好 另外如果點西冷牛扒都係一個好選擇~ 自己薄薄地切黎食, 中間既部份重牛味 夠冧 點埋鹽食就更正~~食完飯鋸完扒再飲番杯紅酒吹下水 都幾享受…查看更多

係友人推介下就去左呢間食,講真平時食壽司都係去開大型連鎖既多,比較少食中高價位既,不過食生冷野最好就唔好慳,因為一定要新鮮同衛生,如果唔係肚痛生蟲仲煩朋友之前去日本食左米芝蓮級既鰻魚飯,成千幾二千蚊, 但佢食完番黎依然都推介呢度既鰻魚飯老實講平時係香港都唔係好食到好味既鰻魚飯! 呢度既鰻魚肥美,冇骨,份量合理,仲好冧, 入味, 不過個人鐘意食番多小小口感既鰻魚(又唔可以硬lol)另外個海鮮魚生飯都好好食 佢一擺上檯心情已經變靚~~ 食慾大開, 刺身係水準之上, 海膽都完全唔伏(好關鍵lol), 有蝦有蟹肉, 全部都唔錯, 如果D刺身再厚多小小就完美啦~總括黎講呢間野既質素係有保證的, 相信lunch會更抵食, 可惜我唔係中環人, 平日lunch time 冇得黎試哈哈…查看更多

一直以為間野係銅鑼灣旺區但原來都要行多幾步先到未入到門口已經係前面受到女店員既熱情招待問我地係唔係食麵佢真係好敬業夏天咁熱都可以保持咁hyper lol黎到當然係食牛肉麵! 不過如果麵之外有更多既台灣小食就好啦呢間個牛肉麵的確係我心水, 因為我唔鐘意食太辣既牛肉麵, 之前去台灣食D出名既牛肉麵都比想像中辣, 個人認為太重口味,通常食完又會好口渴~但係呢間既牛肉麵夠味之餘唔會太辣, 個湯飲落去夠香得黎唔會話好濃味, 飲都幾啖都冇問題, 半筋q軟半肉夠冧, 食完之後都幾滿足!另外個土鳳梨特飲甜甜地夏天飲好爽,個好飲度係一個小驚喜~  …查看更多

呢間野都算係抵食推介既其中一間如果平日lunch time食既話每人只係$88蚊除左有鐵板炒雞豬牛之外之有個迷你buffet雖然係迷你, 但D野食都見得下人架食韓國野當然唔小得有炸雞, 趁佢岩岩refill仲熱就出擊, 食食下主菜都未到就回本啦lol炸雞之外仲有魷魚,海帶湯,沙律,薯餅等等…仲有港女至愛既紫薯小cake…$88 黎講算係咁啦主食方面, 我果日揀左個蒜容蜜糖底既炒雞, 但成件事係比想像中輕口味, 聞落係有蒜容既香味,但食落就唔係好濃, 食完都唔口臭! 成碟野都幾多菜, 食完都唔驚太熱氣或者便秘啦同埋D侍應會幫你炒埋 自己唔洗落手, 望住佢又快又認真咁炒雞都幾過癮, 不過有D就炒到出哂界lol…查看更多

睇完戲之後有小小肚餓, 晏晏地諗唔到食乜就去左呢間十八座狗仔粉其實我不嬲都唔係特別鐘意食狗仔粉 但係細細地一碗又夠平的確係宵夜既好選擇除左狗仔粉,我仲跟餐牌推介叫左生菜鯪魚肉 佢真係好食過平時係街邊小食店食到既質素平時果D可能會太重胡椒粉味, 搞到成碗野好似唔新鮮或者太辣, 但呢間既生菜鯪魚肉我認為係做得岩岩好,除左足料夠多鯪魚肉之外, 個湯既調味都恰到好處,令人不自覺飲多幾啖都唔會太重口味或者口渴。另外友人仲嗌左鴨脾黎食,大大隻都幾吸引, 佢都食得津津有味, 女仔既話兩個人分都仲得。不過我本身唔好鴨脾所以冇食。一路聽人講呢間野出名我都唔知有咩特別, 但食完之後係會有得閒encore既諗法, 可能就係勝左夠平民夠地道, 做做下就做出名堂~  …查看更多

呢間餐廳既環境真係好好, 係入面好似去左令一個世界, 睇得出係佈置上擺左好多心機～有咁既環境係食飯之前已經心情愉快, 咩都好食啲。果日食晚飯好似全部人都係黎慶祝生日咁,駐場既歌手已經慣哂。佢地唱歌幾好聽, 又識搞氣氛, 可以話係錦上添花今次我係食Bistro果邊, 氣氛係輕鬆啲, 同埋性價比都應該高啲。份menu係每日唔同 後面係當年今日既新聞 值得收藏!野食方面 in general 都係唔錯既 擺盤有心思～ …查看更多

唔係第一次食, 我認為呢度既魚旦係值得番兜記得上次係食炸魚旦,食既時候岩岩炸出黎熱辣辣咁食好正, 漿粉唔厚, 好似配左煙肉芝士, 成件事都match。 今次食傳統魚旦, 細細粒既白色魚旦幾彈牙,唔腥,感覺唔係交行貨。( 8 / 10 分)佢有好多隻醫汁口味選擇,今次試左黑椒龍蝦汁,隻汁夾得黎又唔會太重口味,龍蝦汁都冇令人失望,如果再thick番小小應該仲好味廿蚊雞十粒,一個人食哂岩岩好,多個人都唔想Share~呢個鋪位應該幾難做,之前好多間野開係度都好快bye bye,今次呢間做得住好耐, 祝佢長做長有…查看更多

諗住黎打下食評先發現原來呢間野既評價係麻麻 其實又唔係咁差既我覺得, 不過一入門口想攞位, 果個南亞裔侍應就冇乜禮貌咁叫番我地出去等~咁的確係出面企左一陣冇人理我嘛, 心諗做乜啫你。另外收錢個侍應又係, 會唔會趕急左小小, 比我感覺係趕我走。食物其實冇其他人講到咁唔掂啦,只不過同類野有平有貴,而且平既東南亞野食質素都通常唔會太差, 所以比人感覺唔抵食掛。炒金邊粉我認為佢係做得唔錯, 個味調到係大眾口味,蝦肉正常, 如果加多少少辣相信會更惹味。 (7.5 / 10分)炸軟殼蟹都唔失禮, 夠熱、脆, 蟹肉算多, 某一兩啖少番D漿粉就好好食! (8 / 10分)食3樣野每人2百幾蚊,係圓方都預左啦。…查看更多

假日黎大澳行個圈, 做左咁多年人都係第一次黎, 原來可以行既地方比想像中少, 不過都有遠離煩囂既感覺。行到攰就經網上介紹黎到呢間大澳文物酒店慢慢食番個下午茶,不失會一個唔錯既選擇,建議行完山黎食。環境係一個呃LIKE位,如果被安排去坐窗邊有得睇埋風景應該會更正!食物方面不過不失, 首先食左個蝦多士, 如果食到原隻蝦係入面既話相信會更正(個人preference), 不過入面既蝦肉都算足料, 多士夠脆夠熱, 可以一戰。 (7.5 / 10分) 至於蝦醫豬排菠蘿包個人感覺就一般般,可能唔特別鐘意食蝦醫,但我覺得蝦醫同豬排都唔係話天生一對,似GIMMICK多D。不過菠蘿包都夠脆,拉番小小分數。(7 / 10分)埋單大約$85蚊一位,話哂都係一間酒店, 抵唔抵就睇你點諗,但我黎得呢度都有小小旅遊心態,冇乜所謂。…查看更多

身為街坊既我初三晏就諗唔到食乜就黎左呢度食。新年期間要加二,變左唔係特別抵食,不過新年流流費時嘈啦當然。其實都唔係第一次黎食,今次想食牛坑腩,但賣鬼哂,唯有食多次清湯腩飯。首先佢D白飯係正正常常,似屋企食果D,唔係平時茶餐廳又乾又CHEAP果D米。講番個清湯腩,我覺得清湯既味係調得唔錯,感覺唔會濃同咸,夠熱,會想飲多兩啖,不過,我估唔多唔少都會落少少味精,飲完有小小咁多既口渴,當然唔會好似食譚仔咁誇張。至於個腩,其實都唔差,唔會韌,全部都係肉果幾舊我認為可以再冧多小小,咁就PERFECT啦。而果D白蘿蔔都幾甜,都算好食!如果平時正價黎食,六十幾蚊,性價比算唔錯,仲想點。衛生服務環境就冇特別,始終屬於新開,唔會差得去邊。…查看更多