彈彈旦

唔係第一次食, 我認為呢度既魚旦係值得番兜

記得上次係食炸魚旦,食既時候岩岩炸出黎熱辣辣咁食好正, 漿粉唔厚, 好似配左煙肉芝士, 成件事都match。 

今次食傳統魚旦, 細細粒既白色魚旦幾彈牙,唔腥,感覺唔係交行貨。( 8 / 10 分)

佢有好多隻醫汁口味選擇,今次試左黑椒龍蝦汁,隻汁夾得黎又唔會太重口味,龍蝦汁都冇令人失望,如果再thick番小小應該仲好味

廿蚊雞十粒,一個人食哂岩岩好,多個人都唔想Share~

呢個鋪位應該幾難做,之前好多間野開係度都好快bye bye,今次呢間做得住好耐, 祝佢長做長有

魚旦

$20