snufKEI的个人专页

之後暑假呢間餐廳都冇開，見佢開返，但之前Openrice睇到嘅叉燒飯抹茶都冇，Lunch淨係賣車仔麵。$35三餸外賣仲加$2以大學canteen唔算平，而且佢地方好細繁忙時間好難堂食。啲餸又唔多，兩粒墨丸兩塊酸齋生菜都係兩條好細...(可能前幾日係紅磡食咗個好平車仔麵所以有比較）而且墨丸真係麻麻，一啲都唔彈牙。不過酸齊夠酸係正嘅，可以拉返我唔比笑笑或喊喊...同埋個舖啲裝修係得意，叫做有啲顏值，但我寧願佢比多啲心機係食物度。…查看更多

大學裡面嘅嘢食比出面平就唔出奇，但有時d 野食都伏伏地㗎嘛。呢間西式快餐我最近食過好幾次，質素都出乎我意料之外，再加上d店員姨姨都好有禮貌，比係其他canteen感覺好好多，所以真係要大推一下～食過呢度唔同野食，校園價錢當然唔貴，最重要係所有野即整，例如薯餅即炸夠脆夠熱，熱香餅即烘熱，聽落好似好簡單但唔係間間快餐店做到㗎。通常我都會加個湯因為佢每日嘅餐湯都唔係普通紅白湯，有薯仔洋葱湯、香橙甘筍湯呢類特別少少嘅西湯。餐廳唯一缺點係堂食係有蓋露天，如果夏天都真係熱嘅，冬天就適合chill吓啦～…查看更多

天氣咁熱食完lunch諗住買番杯嘢飲，呢間茶飲店仲可以加配甜品（$28）咁就一於買多件留返做下午茶！舖頭店名叫茶墨，一於就叫杯主打嘅水墨風飲品，要咗一杯芒果黑糖珍珠鮮奶（$39），果然水墨風好IGable適合港女打卡。😂味道方面又估唔到芒果都夾到黑糖珍珠，出嚟感覺好清新，唔會太漏。黑糖偏煙韌啱我，我叫正常甜度就剛好。另外加配咗件富士蘋果芝士蛋糕（因為見剩返一件所以我估係好嘢），雖然好細件但有啲驚喜！蘋果同芝士蛋糕好夾，而且佢啲芝士蛋糕好輕身，食落冇負擔。唯一可以改進嘅就真係太細件，食完唔夠喉！…查看更多

我第一次去呢間canteen，見佢門面我走簡約新潮路線，裏面仲有啲日式座位（要除鞋果隻），又有大好你個景都幾正。點知都係好一般嘅大學canteen。要咗個壽喜燒牛肉烏冬，見到原來運作模式都係好似三餸飯咁，飯麵烏冬我同埋好多餸任你自己揀，有日本茶或咖啡。不過味道就真係普通都好普通，叫壽喜燒有點語言藝術，其實都係普通吉野家牛肉咁，仲要好鞋口。我烏冬就係港式烏冬，當然呢個價錢就冇要求㗎喇，正在都有啲蔬菜健康啲。…查看更多

食海南雞飯雖然唔係我嘅至愛，但當我諗唔到食乜嘅時候點佢都冇死。最近見到有人話黃埔有間買海南雞飯好出名，成日都排唔到。要排隊嘅事就唔好預我啦，所以呢日放工搭車返紅磡順便係OpenRice order埋，揀咗附近另一間海南雞飯小店，落車去攞啱啱好。雖然見佢細細粒，但食落都好夠飽，仲要我再嗌多咗個芒果糯米飯。先講海南雞飯，真係好有驚喜，雞肉超滑嫩，飯落咗黃薑粉同充滿雞油味。雖然得個辣醬但其實淨係雞飯已經好夠味，成件事CP值高得嚟係認真好食。另外芒果糯米飯細細份最啱我自私做飯後甜品，食完飯食仲係暖暖地，同埋雙色米又多椰汁，比起九龍城嗰啲我覺得更有誠意！不過事先聲明呢間舖頭係喺差館里後巷，嗰度衛生情況唔使我講你都會知，所以對清潔程度好高要求嘅人可能就未必啱。不過我就眼不見為乾淨啦～…查看更多

今日天氣好好，所以想同屋企人出去食嘢，之前經過虹橋見到呢間留白居酒屋，一直都好想試。去到門口咁啱好好太陽，出邊影相好靚，門口嘅牌匾同埋布幕好有特色。我同屋企人嗌咗兩個常餐，分別係一個特色丼飯同埋一個自家製烏冬拼炸雞，另外再嗌多個炸墨魚咀。首先會比一個沙律同埋一杯熱茶你，沙律冇咩特別。烏冬嚟到係熱辣辣，個石鍋外面唔會辣手，但係可以保持入邊嘅烏冬同埋湯嘅溫度一段頗長的時間，我哋食到最尾都仲係熱嘅，呢點好值得讚賞，蕃茄湯係自家製，食唔出有任何味精， 蕃茄味濃，拼烏冬同炸雞幾好食，炸雞嘅炸粉亦都非常薄，入面嘅雞好嫰滑。特色丼原來係滑蛋拼吉列豬扒丼。個滑蛋炒得好滑，吉列豬扒炸得好恰當。墨魚咀係全餐飯嘅驚喜，呢度嘅炸物處理得好好，查粉非常之薄，墨魚咬落去好鮮咪同有嚼勁。呢個價錢嘅常餐非常抵，下次會再嚟食，希望開返晚市之後再嚟試佢嘅串燒。…查看更多

好耐冇返去紅磡啦，難得返去要好好選擇食乜西，想揀啲特別嘅。所以今日拋棄一般burger食個panger～店舖有晒gimmick 行美式heroes style，係靚嘅，不過略棄舖頭menu好多張poster睇到好亂。每個包standard跟餐有罐裝飲品（雪櫃自取，選擇多）加薯條。我加錢要洋蔥圈不過普通，係碎洋蔥果隻，所以個人覺得唔駛嘥錢試。至於主角panger，overall係好食嘅，panger夠厚同啲料好夾，蛋超多，搞到我好飽。😅多到我覺得下次叫少一樣（either豬柳or蛋）已經夠食。$50樓下呢個價錢都ok。…查看更多

觀塘返工嘅好處係可以周圍食下唔同小店，尤其工廈嘅小單位，真係好多唔種類嘅野食，要令人留下深刻印象都唔容易。誤打誤撞去咗呢間餐廳，外面睇冇乜特別，位置仲咁偏僻（果層行到最入），但裡面成大幅牆都係手繪畫，又有屬於自己嘅可愛貓貓logo同自家製曲奇，相信呢間餐廳店主都係充滿夢想嘅年輕人（我估～)放假食太豐富所以都係想食個簡單健康lunch，叫咗個韓式慢煮豬扒三文治加杯芋頭鮮奶。其實我除咗isaac toast之外都未食過韓式三文治，所以唔知應該係點嘅樣，但呢個三文治確實唔錯，秘製醬汁真係好得，加咗啲黑椒少少惹味同豬扒好夾，麵包烤過同熱辣辣滑蛋加埋西生菜好好食（最緊要熱食！）。雖然只係方包size嘅三文治但啲料真係太多了所以對女仔黎講係超級飽肚。另外我都係第一次飲芋頭鮮奶，第一啖好多芋頭雪糕feel。飲落唔太甜但好多芋香，仲食到少少芋頭粒，冬天飲真係會有幸福暖笠笠嘅感覺。…查看更多

去開附近工作，一個人順便食個午餐，見到呢間餐廳主打台式料理就試下啦。本來見到有蛋餅想食（香港少啲見），點知menu話冇，可能lunch time人多啦。見到一個特別啲嘅芒果魯肉飯所以就揀呢個，本來想試多啲小食不過魯肉飯份量（同價錢）已經夠晒～野飲都要另外叫而且幾貴下，如果lunch time可以有啲set就會更好。至於味道，芒果加落去係特別（如果暖少少會更加）同夾嘅，但係個魯肉飯真係唔係咁台灣，味道只係一般，似港式茶記style多啲，唯一想讚嘅份量好大碗，女仔食係好飽。觀塘除咗塞車仲有大量食肆，要係度長期立足應該仲要花小小心機。…查看更多

同老公賣甩個仔出去食一餐，諗住試吓新嘢食澳門菜，有weekend lunchset所以叫一個豬仔包一個焗鴨飯，諗住叫啲特別啲嘅。我哋12點前到，坐咗六七成人到，樓面得一個人加一個門口似經理嘅員工。我話叫野食佢明明話好，點知送完手上嘅菜又經過咗我地而走咗入去拎第二啲嘢食。唉，我明你忙，咁我見到門口果經理入咗黎我咪舉手同佢點，點知遠處就大聲叫 咩事呀，行到埋黎就超級晦氣問 食咩呀；落完單print果張單就咁飛埋嚟...我老公全程玩緊電話但都feel到果個氣場有幾態度差。我地先啱啱入座乜都冇做過我覺得自己唔係西客呱。就算去茶記我都未遇過咁差嘅口吻，我唔係要求有咩服務，只係無端端好似比人鬧咁，未食已經好唔開心，後揀咗呢間...食物方面係ok嘅，豬扒包一啲都唔算輕盈午餐，仲大份過鴨飯，豬扒厚切大大件，個包夠鬆軟熱辣辣，值得一試。鴨飯味道都非常好食，夠濃味同牛肝菌味，但我係女仔都嫌細，得三細片肉腸同少少鴨絲。最差係個南瓜湯，平日我最鍾意南瓜湯因為好creamy甜甜地。但呢度一飲，冇味，似冇加奶就咁將南瓜蓉加落雞湯就算，可以用難飲黎形容。不過，遇到一個態度咁差嘅員工我點唔會再去～…查看更多

同十個月仔仔去玩，佢地方照顧到唔同年紀嘅小朋友，玩樂區夠大，小朋友玩得好開心。可惜我都要扣分因為實在唔係好乾淨，我摸完遊樂區啲墊隻手feel到晒啲塵，對於一間親子餐廳黎講我相信最緊要一定係乾淨...食物方面係真心好食，我老公叫咗個慢煮豬（冇影相）咁厚身肉質仲好嫩，又加埋燒菠蘿。我叫個健康嘅手撕雞紅米飯佢個汁都好清新。不過注意佢價錢認真酒店價格，所以我會覺得好食都係應該，唔會話CP值好高～小朋友收清潔費我覺得都幾貴，如果包少少生果/snack會感覺好啲。佢有送盒波波比我地，但我覺得係佢之前波波池啲波波...摸落去又係封晒塵 …查看更多

經過附近的餐廳間間都多人排隊，唯獨呢間冇人排，仲要$42連杯四季春，咁就試吓啦。Order完唔使一分鐘就比我，仲快過KFC....我叫咗牛肉烏冬，分量可能適合女士多啲。烏冬入口滑順，可以牛肉同湯底都好鹹。因為咁先配咁大杯飲品？平日一杯四季春平極起碼都$18-$20。不過我冇叫少甜（我以為四季春standard係無糖），佢嘅正常甜係好甜！我覺得呢度lunch確實抵食嘅，但質素真係好普通...要係食肆林立嘅工廠區做得住真係要落點工夫。…查看更多

用OpenRice點菜外賣自取，不過似乎去到仲要同店員講佢先整？其實餐廳只賣幾款食物應該要再快少少先比人感覺grab and go。餐廳好隱閉，得一個入左玻璃嘅logo，可能真係要做多啲宣傳先會有人知（前身係理髮店，所以我從來唔會入去）。賣相係靚嘅，用紙杯裝住，食叉燒飯突然潮咗。味道方面我見第一次試所以揀咗最原始嘅蜜味叉燒飯，又有溫泉蛋又有菜飯感覺健康啲。不過食完感覺係好乾身。我平日唔係追求叉燒多汁嘅人，不過食到底可能又有啲蛋汁漿住所以好乾，建議可以多返啲汁。叉燒細細舊但極厚切，好瘦，不過不失啦但蜜味可以再濃啲。可以係個圓盒，望落唔大盒，但因為好深所以食下食下好飽肚，男人都會好夠食。…查看更多

的確生煎包是好吃的，煎得有點硬的包底，一咬下去立即爆汁，十分juicy。不過值不值這價比便見仁見智。size偏小，成十元一個生煎包。這日不太餓便打算配個酸辣湯。怎料回office一打開竟然只有半碗湯...$47一個餐（生煎包、酸辣湯、豆漿）湯也值$20吧但份量有點令人嘩然...即使好吃但性價比太低沒有想吃第二次。…查看更多

一直想試呢間coffee shop好耐，係呢一區少有嘅小店；平時假日時間經過，都見到唔少人係裏面歎緊咖啡。趁住平日放假又少人啲，一定要去試下！名乎其實小店，大概有10個座位，所以可以靜靜地同朋友傾下計chill下；裝修走簡約風，比人感覺好舒服。我同朋友order左Matcha Latte、Cappuccino同埋一件Burnt Cheese Cake。特別係Matcha Latte 同Cheese cake 真係有驚喜，Matcha Latte綠茶味出得黎又無草青或苦澀味，非常香濃。我朋友杯Cappuccino就正正常常啦，但啲拉花都好靚。至於Cheese cake 好軟綿綿，入口好順滑！又唔會有好heavy嘅感覺但cream cheese味非常濃郁，配杯野飲坐下hea下一絕～…查看更多