Kamlojk的个人专页

清明正日去西貢隨便揀間食野，入去間野半滿，我地想坐室內，個侍應阻止我地話室內三人位。我解釋我太太懷孕，坐門口唔係好想。但侍應話今日位好tight。好！坐低左無耐order埋，即刻有兩位坐左入去個window seat度。過多幾分鐘又有2人坐喺三人位度，仲要係有侍應帶位。。。我唔明。結果間唔中要食埋街邊二手煙味，真係食到一肚氣。野食正常，同區另一間墨西哥野好食少少亦貴少少，但整體體驗好太多。我唔知係咪個別事件，定係個別侍應問題，不過一定唔推薦呢間。…查看更多

豬老婆買完飛睇戲，忽發奇想bk左呢間餐廳。我去到門口先知呢排有Kumamon活動，好似order指定餐有紀念品。所以叫左一個all day breakfast 同 漢堡蛋包飯。個早餐沙律冇醬汁， pancake冇糖漿，收成百幾蚊個餐，但服務仲差過茶記。重災區喺個漢堡度，鐵匙羹要好用力先扒得開，入口係非常非常乾同實嘅肉餅，我相信係用咗好大量嘅瘦肉先可以做到呢個效果，但用料貴唔代表好食。同時佢個汁都係用碎豬肉做，兩樣鞋嘅嘢造成唔係和諧，而係鞋口鞋面。食完嗰餐俾錢時，要提佢先肯拎個紀念品出嚟，仲要唔係一個餐送一個，係一張單先送一個，但門口個提示唔係咁寫。坐低水都冇杯，全場廿幾枱先坐得三枱人，啲侍應行行企企吹水。呢間嘢食係超飽，係食飽一肚氣。…查看更多

路過豬嬸用app一搜，這間勁多人推薦，即刻去試吓。舖面可能無一百尺，坐位同枱都好小，櫈又矮，有人坐到腳痺。。。叫了一口牛，被𣺉上了黑椒汁，肉軟但沒太多牛味，粒粒大小差距大，很一般。羊架勁重蒜蓉味，調味好奇怪，不推薦。魷魚鬚正正常常，可以。牛肉金針菇，牛肉熟了縮小到差點看不見，味道很一般。雞髀菇好吃，應該説很難弄得難吃。由於不喝凍飲，所以沒吃太多種類。極少出現烤焦，但也未有十分惹味，感覺這店合格以上，但不至於必吃。…查看更多

跟咗YouTuber馬先生嘅介紹，黎試咗幾款菜。有梅子芋頭鴨，錦鹵雲吞，枝竹豆腐火腩鱔煲，芝麻雞。好食嘅有鱔煲，正常嘅煲仔菜都有少少嘢未，所以如果難食嘅就執得。錦鹵雲吞，我覺得正正常常，汁唔算太酸，正常生炒骨嗰啲汁，雲吞入邊得隻蝦，其實冇乜驚喜。佢哋嘅金牌芝麻雞，我就真係唔覺得有咩好食，芝麻冇煎香，隻雞又冇咩雞味，完全被芝麻味冚咗。最慘係梅子芋頭鴨，個梅子汁其實冇乜梅子味，只係少少酸有啲似生炒骨汁，成隻鴨啲味俾個汁蓋過晒，芋頭又唔係好入味。結果主菜雞同鴨都唔理想。可能各花入各眼，不過我覺得有好多舊排檔都好食啲。…查看更多

豬嬸牛一，睇完utuber的推廣（好明顯的廣告）即刻bk了來試試。一開始上了生蝦沙律，蝦很新鮮亦不冰，整體不錯。之後一度帶子簿切，普通。再上青螺，汁水十分香，連白蘿蔔也好吃，螺有微微腥味，但螺肉一只爽彈鮮，一只微𣺉。合格吧。再上一客立鱗燒。嘩！個汁好香亦惹味，但不知道是蝦還是蟹膏。鱗燒得脆，但魚肉味全被汁蓋過。整體不錯。之後上燒廣島蠔，大概一拇指大小，外脆內綿，吃完一口蠔味。本人不是十分喜好蠔，所以立即點了梅酒和梳打。但這度菜好吃。再上一度貝類炒菜，只有一塊貝，但菇炒得好好吃，希望下次多啲菇，少啲甜豆。最好吃是烤大蝦，大蝦上是海胆（汁？），色香味俱全，正！每度菜份量不多，但哦得飽飽。店員有禮，在bk位時説過有人生日就特別在甜品加了祝福語，非常之好服務。…查看更多

路過美食沙漠馬鞍山，豬嬸肚餓發作求其走去一間吃下午茶結果出事。我叫了冬陰功香茅燒骨公仔麵加泰式凍奶茶，，豬咁你食嬸叫了一個雞髀沙律。結果係一個微微冬陰功味嘅公仔麵+3小塊香茅豬扒？個泰式奶茶極度甜。豬嬸個雞髀冇乜雞味加少少霉，個沙律仲要好冰到佢啲牙接受唔到。兩個人一舊水，喺自己屋企整都冇咁失望。…查看更多

鋸左幾次outback 都無咩新意，睇完Data君 utube 介紹就黎試吓。點知都係俾OpenRice張地圖冼左一獲，標左喺同一個block嘅對角。星期五黎晚上六點無咩人，播柔和嘅英文音樂情調幾好。Menu 有好多選擇，但都係叫左set。豬嬸叫三文魚沙律加沙朗牛扒五成熟，沙律唔錯，牛扒多咗少少肥膏還可以。我叫咗雞肉沙律，加五成熟羊扒。羊扒size俾牛扒少，但夠羊味亦不蘇。餐前麵包比較像小蛋糕，點上意大利醋和橄欖油非常好吃。每位188加10%，個人覺得還算抵吃。…查看更多

豬氏夫婦又去西貢作亂，豬嬸target白鬚作補給點，1140到左先知1200正開，但員工好有禮貌請我地一陣再來。環境氣氛都好好，簡樸又有內涵的設計，坐位也寬躺。叫咗一個牛骨湯飯和印尼牛丸米粉，再加一個魚餅同埋蝦多士。魚餅普普通通不推薦，蝦多士有驚喜，咬落口感酥酥脆脆，$40超高CP。牛丸米粉豬嬸嬸比7/10分。牛骨湯飯雖然味道比較淡，但正合我們口味，胡椒湯底送上來是熱騰騰，吃完滿身溫暖，正！好無聊，要夠200字先可以打分。…查看更多

半年前睇完YouTube介紹就食過一次，今日行山再來一次果然沒失望。海南雞飯雞肉滑嫩而夠雞味，份量亦對得起價錢。油飯有炸蒜片夠香脆，亦可自選白飯。咸魚肉餅是豬嬸最愛，香脆0.6cm肉餅飄出濃濃咸魚香，超正！…查看更多

陪豬嬸食飯，上網隨手睇見好多like就嚟試下。門面幾靚，坐位都寬敞，不過臨走時人多就覺得回音好嘈吵，可能因為水泥牆完全唔吸音。我哋兩公婆叫咗一個和牛粒飯同埋法國春雞。和牛粒飯喺牛上邊落咗好多蒜片，完全蓋過咗啲牛肉味，牛肉好𣺉都算入口即化，但冇牛味之後令成個飯都失色。法國春雞會連一個薯條，薯條幾幼所以好脆，我個人不太喜歡這種薯條，所以不予置評。春雞有寫明會有辣椒粉，但估唔到辣到出汗水鼻水，又係食唔出雞味。兩種食物都係食唔出食材味道，可能唔會再理呢一間食嘢。…查看更多

又同豬嬸揾食，講左好耐話黎食終於還願。食店位置於商場中央又半開放式坐位，感覺係俾流動人群圍住及俾人睇住食咁。叫左一個蠔餅，一個海鮮喇沙，同埋一個文昌雞半隻，另外叫咗兩杯飲品少冰。但結果兩杯飲品都係超多冰，我可以飲咗成個鐘頭都仲有冰喺度係。個蠔餅基本上不差，不是太多粉，每啖有蠔味，旁邊個辣汁係泰式蒜蓉辣汁，醬汁可以加減添味。另外個海鮮喇沙真係災難，蝦甩頭甩尾，未食已經知唔新鮮。魷魚完全唔上味，好似食橡膠咁，青口腥又有沙，只有豆卜同埋粉絲正常發揮，但當啲粉絲吸晒成碗喇沙之後，真係飯都唔使食已經好飽。上菜好慢，大約20 分鐘先上一個菜。最慘係個文昌雞一早冇貨，冇人出聲，食咗成個鐘追問先同我哋講，雖然張單打咗九折，但係基本上一定唔會嚟食第二次。兩個餸+2杯嘢飲要成330港幣，每個餸近百幾蚊，完全質素不符合價格。…查看更多

為食豬忽然想据扒，豬嬸就帶左黎呢間Dan Ryan。又一城呢間地方都幾大，不過無隔音設備，就算坐唔滿（兼兩人限聚）都有D嘈。招呼ok. 有帶位，有水，不過可以再做夠D. 叫左Rib eye 7成熟，Buffalo wing，同素沙律。個扒一端焦、另一端有微量血水，一端薄一端厚，不過最大問題係上面pat香草牛油，喺塊唔多熱嘅扒上面已經唔識溶（上左無耐），口感不理想。雞翼炸得太透，直頭乾到硬，食到第4-5隻已經受不了。我相信下次想剧扒首選不會是這裏。…查看更多

同老婆去睇中午电影🎬之前食個輕早餐，一入去無人招呼又唔係滿場，我見應該只坐半滿，於是對侍應話兩人就坐下。幾分鐘後個侍應放低張單，話‘’手機落單‘’就走開，又係無感情無禮貌嘅表現。兩份早餐蕃茄通粉、薏米檸檬水、兩份多士盛惠86. 價錢貴都唔算係問題，個通粉連匙上係成隻浸左喺湯入邊，同個侍應講完係冇反應嘅。薏米水有洗潔精味。咁岩又有幾個廢人坐咗喺隔離枱，未食嘢就除口罩仲不停咁咳，又不停講粗口，我只可以話間舖頭好啱佢哋嚟食。不過我哋以後都唔會幫襯。…查看更多

呢個肺炎市況出街意欲麻麻，但咁啱俾我睇到d youtuber介紹呢間又話抵食，於是捉埋豬老婆黎試。個lunch價真係幾抵食，不過我地食晚飯價，我覺得還可以。我叫左個牛肋肌，老婆叫左個美國牛。一坐好我就走左去裝沙津同湯，沙津有四款醬汁揀，有意大利醋、柚子醋、千島醬同麻醬，我自己覺得柚子醋沙津可以去左口中肉味，有助重新品嚐肉味。湯普普通通，但絶對可以省卻你買氣水嘅錢。牛肋肌相對美國牛較韌，但牛味較重。兩份牛肉份量足，夠我地兩隻小肥豬飽餐一頓。有趣嘅係成餐都好忙，忙住裝飯、沙津同湯，跟住又要拎餐、食具，之後又要切牛同燙熟佢。。。又有得食又有得玩，呢個時勢又唔洗排隊，都食得過嘅。…查看更多

又同豬老婆揾食，老婆隨手一督督左間不太昂貴的日式料理。諗住門口有隻豬公仔，應該主打豬肉飯。結果兩隻傻豬都係叫咗豬肉飯，一個係沖繩璃香豚重，另一個係最普通嘅豬肉飯。普通豬肉飯食得出係有麵鼓味，而沖繩豬係燒汁味加飯多少少。再加埋個非常普嘅餃子，味道亦極度普通。一坐低時俾咗杯熱水，但之後都冇主動Refill。落order對佢講個編號，佢哋都係問返你個食物名稱。唔算冇禮貌，不過可以好好多。同另一個評論一樣，冇選擇嘅時候可以選擇。…查看更多