喜滿樓菜館

营业中

休息中

跟咗YouTuber馬先生嘅介紹，黎試咗幾款菜。有梅子芋頭鴨，錦鹵雲吞，枝竹豆腐火腩鱔煲，芝麻雞。好食嘅有鱔煲，正常嘅煲仔菜都有少少嘢未，所以如果難食嘅就執得。錦鹵雲吞，我覺得正正常常，汁唔算太酸，正常生炒骨嗰啲汁，雲吞入邊得隻蝦，其實冇乜驚喜。佢哋嘅金牌芝麻雞，我就真係唔覺得有咩好食，芝麻冇煎香，隻雞又冇咩雞味，完全被芝麻味冚咗。最慘係梅子芋頭鴨，個梅子汁其實冇乜梅子味，只係少少酸有啲似生炒骨汁，成隻鴨啲味俾個汁蓋過晒，芋頭又唔係好入味。結果主菜雞同鴨都唔理想。可能各花入各眼，不過我覺得有好多舊排檔都好食啲。