Mashamasha的个人专页

今日去咗嘉亨灣對面有間西餐素食Cafe，叫咗個超級能量碗Lunch set，朋友叫咗杯Caramel Crunchy Latte同埋煲仔飯(唔記得影相)，大家都覺得好好味，佢話個煲仔飯唔講都唔知係素，而且仲好好味；我覺得間唔中食下素都幾健康，重點坐得好舒服，又有陽光自然光，淨飲杯咖啡吹下水都好過去大型連鎖cafe (我個人覺得好飲過)，一定會再嚟encore。門口仲有幾個位， 好pet friendly總括嚟講，唔食開素食嘅我，都會心思思再去，就算去飲杯嘢都好正…查看更多

西灣河雖然多嘢食，但冇乜邊間話好食，又感覺乾淨；不約而同聽到幾個朋友講文興記新舖好好食，喺西灣河太祥街，近太古城邊邊，新樓盤隔離；個新嚟嘅廚師做開上海菜式，所以有幾味新款上海菜；咁啱有一晚又諗唔到食乜，就去買個外賣試下喇。⭐️⭐️⭐️⭐️⭐️花雕雞髀：正到冇朋友，我最怕食雞胸，佢就啱哂我，全脾又冇骨，勁入味，睇佢細細盒，但因為全部都係肉，所以好夠食，我個人覺得係必食之選。⭐️⭐️⭐️⭐️香茅豬扒：唔講嘢食，淨係睇廚師好細心地炸嘢，再加埋佢用食物盒前，放張隔油紙先放炸物，同埋會切到一口一啖，又冇肥肉，里個對我嚟講，係絕對感動；嘢食放面， 炸到金黃適中，鬆軟味道夠，食落唔油膩，美中不足係，因為我用嚟餸飯，冇汁，就有少少乾，但本身件豬扒係唔乾嘅，用嚟餸酒或當小食或湯麵，我相信會好好多。⭐️⭐️⭐️⭐️濃湯浸津白：上湯好清甜，唔似有味精，津白係即煮，所以時間長啲，仲有好多蒜頭同冬菇片，仲超大碗，如果細碗少少，平少少，會更加好。總括：我覺得幾樣都好好味，價錢ok喇，似家常便飯，可以再去試其他。但我建議，最好打電話落order先，唔駛等咁耐。…查看更多

朋友送咗兩件黑森林蛋糕比我 ，最初望落個樣都尚算ok,，點知準備拆開嚟食，見到側邊，好奇怪，咁多白色位嘅⁉️ 心諗，可能cream 入面係蛋糕呢。。。嘩‼️ 事實係，「半件」蛋糕都係忌廉，真係冇誇張，忌廉cheap成咁，唔駛錢咁；係半件‼️ 感覺好似唔夠蛋糕同cherry咁，用 cheap cheap嘅cream 填滿佢，雖然係叫忌廉蛋糕姐，都唔駛填咁多掛，而且，啲cream仲非常難食。我真係見識少，一路以為靚嘅黑森林，係一層cream、一層蛋糕，先叫做靚，原來咁先叫「靚」蛋糕‼️ …查看更多

「非常失望」芝麻卷：好實，冇味，好似放咗好耐，隔夜貨咁，食食下好似有怪味，食兩啖都唔要。龍鬚糖令我仲失望：諗住一嚿一大啖食，點知成口都係糖粉，吸到喺鼻噴出嚟咁濟，沒有一絲絲，只感覺一嚿好奇怪嘅嘢，有花生、有芝麻，完全冇味，食咗一嚿都全盒掉咗。好在冇買埋芝麻梳打餅，因為佢每包都冇詳細資料，例如產地，問咗位售貨員姐姐，佢聲稱香港製造，之後攞個原裝餅乾罐我睇，比我發現原來唔係香港製造！:(價錢唔平，食物品質差，唔會再幫趁…查看更多

我都從來未試過食飯可以食到咁嬲, 幾個月前都試過堂食, 食物就一般, 但總算入不過不失, 其實當時員工態度都真係好差, 當日記得去cashier 落order, 個女職員只顧玩電話, 落單時, 我話要乜, 佢又唔聽, 分晒心, 到佢魂魄返番嚟, 又不耐煩問我要乜, 黑晒面, 好似我阻住佢咁, 當日喺堂食, 佢冇問我係堂食定外賣, 就幫我default我外賣, 我之後就奇怪, 點解冇個remote alert嗰部機嘅 (我見人哋有)? 問佢喇, 佢一粒聲都冇出, 就搶咗我張單去厨房 (係open kitchen, 所以成個過程都睇到晒), 同厨房改我張單為堂食, 就好晦氣咁同我講叫我"企喺度等", 留意到佢哋厨房嘅員工, 原來個個都係咁, 玩電話, 做嘢散慢, 只有一個似店長嘅男員工好少少, 出我碗麵時發現有問題, 就攞番去同佢啲員工講, 搞完一輪先比番碗麵我, 但番到座位, 又發現佢哋漏比酸菜, 返去問佢哋攞, 態度都係一樣, 總之當日已一肚氣.  咁今日繼續抗疫唔出街, 叫咗外賣, 諗住唔駛受佢哋員工氣喇, 我叫咗紅燒牛丸牛筋麵 (全碗不是湯, 真係冇誇張, 成碗都係油), 油到只食咗幾粒牛丸都唔想再食, 食到想嘔; 另一個係滷雞翼肉燥乾拌米粉, 嚟到發現冇滷雞翼, 話明乾拌米粉, 但係隔水都冇隔到, 好多水, 變咗湯麵, 係比碌麵水混成嘅肉燥拌米粉, 難食非常; 同時, 打去外賣CS同佢哋講漏咗雞翼, CS轉述回覆, 話百芳員工話肯定有雞翼, 佢哋唔肯承認，最後只有CS為佢哋處理。好嬲好嬲, 以後都唔會再食 - 百芳池上便當 (太古城中心) …查看更多

大多數去太古城店都會選擇堂食, 一來感覺外賣都會比較麻煩, 擔心有湯, 會倒瀉或d麵會"lum"哂, 二來好多時外賣賣相都唔太好.  疫情關係, 都盡量少出街, 但又好想食春水堂, 咁唯有試下叫外賣喇. 一打開個袋就放心哂, 湯同麵係分開, 完全好乾淨企理, 尤其個便當, 賣相一流有驚喜;  食物質素同堂食一樣咁好, 亦感覺員工好細心, 嚟到嘅外賣, 唔係求其放埋一盒就算. 價錢方面: 我估計外賣送餐關係, 比堂食貴今次因為第一次叫外賣, 唔太熟識, 所以打電話聯絡店員查詢order, 接聽電話嘅店員黃小姐, 唔怕我煩, 非常有禮貌和耐性, 值得一讚.  一定會多多幫趁.…查看更多

今次唔記得影相服務 : 非常貼心 - 我們一行四人, 其實已安排很好的卡位給我們, 但因我們每人都有個大袋,  所以主動加多張枱比我哋放手袋食物方面 : (1) 燒牛肉定食 : 份量很大, 很美味, 尤其個湯, 有兩隻大隻又新鮮嘅蜆, 因為好多時食定食個湯都比較行貨, 所以好感動, 價錢尚算合理 (2) 壽司定食: 很新鮮, 份量就正常適中, 有兩隻炸蠔都非常好食, 當然都有個蜆湯, 但價錢就偏貴, 差不多要三佰蚊 (時時去食會破產) (3) 牛肉烏冬 : 份量都很大, 湯底偏甜, 但都幾好味, 烏冬質地都很好 (4) 燒魚定食: 好好味, 連皮都好味, 一樣都有個蜆湯, 價錢都係適中…查看更多

之前有朋友介紹，話好抵食，服務又好好，咁就二話不說即刻過去試下，果然好味，最值得讚嘅係，員工們嘅工作態度，超級好嘅服務，星期一晚都坐滿晒人，仲發覺有好多係熟客，有個仲疑似退休人士嘅伯伯，自己一個人食，叫一個蒜蓉開邊蒸蝦，加個白飯食，一個人的晚餐都不錯😋目測大部分黎嘅食客都係港人，唔覺意聽到captain 嘅對話，當日有幾個熟客郵差又上黎食；我今日兩個人叫多好多餸，叫到captain 叫停😬，見到好多客都叫冬瓜盅同片皮鴨，等我下次試下先✌🏻, 最後仲有蛋散，紅豆沙，糯米糍，里三樣甜品都不容錯過，最後埋單都唔駛$800，好滿足，值得支持💪🏻…查看更多

高手中嘅高手， alien嘅質感都煮到出黎！正！以前不嬲都有黎食開，唔算講得上好食，但總算入得口，佢個咖哩雞仲不嬲都ok，正正常常，而唔係今次咁嘅樣。以前都有食開佢哋嘅茄汁牛肉飯/茄汁煎蛋飯，都係正常茶餐廳嘅賣相；里輪唔知厨師係咪改咗「配方」，煮出了一個與別不同嘅「茄汁煎蛋飯」，好犀利，碟飯黎到O咗嘴，個茄汁有滿佈一嚿嚿透明物，啫喱狀，白飯係一嚿嚿帶濕，好似滴咗d倒汗水落飯面，加上白飯帶黃，相信米嘅質素都同以前唔同，見到都冇胃口，食咗兩啖即埋單走…查看更多