天上雲的个人专页

懶惰咗好耐好耐冇寫過食評，但係今次食呢一間居酒屋令我忍唔住要寫下話說我個friend好鬼鍾意食串燒咁就提議去居酒屋,打開OpenRice見到呢一間嘅新開，評語都正面,咪諗住去試吓囉我哋當日Walk in上到去得兩台客,我眼觀成間鋪容納到30至40人左右,裝修都算幾骨子,感覺都好乾淨,服務都唔錯,但食物質素差，廚師煮嘢食真係好唔掂,非常有進步空間,真心講如果收咁嘅價錢食啲咁嘅嘢真係冇人返轉頭首先佢俾咗個前菜我哋，係中華沙律加牛脷，個前菜係OK嘅所以以為啲嘢食都唔差，鱈魚乾❌一啲都唔脆，有啲淋雞腎⭕️呢個係OK嘅（亦都係最好食嘅一樣，但都係屬於正常）燒和牛❌❌佢切開六件上碟第一，裏面係凍嘅，第二，全部都係油，我只感覺到成口脂肪冇肉冇牛味，我同個朋友一啖都吞唔到全部nu 返晒出黎🤮燒雞皮❌正常日本居酒屋燒雞皮應該係脆嘅，我冇食到因為我唔食雞皮，但我個friend形容係食緊豬大腸裏面嘅脂肪，淋啤啤，佢冇食到免治雞肉棒❌完全冇味，唔掂大蔥雞肉❌個雞完全冇味不特止仲要係生嘅，呢個佢肯幫我哋退咗佢（佢冇收我哋錢仲燒多一次俾我哋，但係我哋話唔需要所以唔接受到）炒雜菜❌任食都好食過佢，冇味，又係原封不動擺喺度燒淮山❌正常係我至愛，基本上食居酒屋或者串燒我都會叫，但係我咬咗一啖食唔到落去，又冇味又淋，發生咩事😓燒茄子❌❌呢個真係離譜，當送到上枱，我個friend問係咩嚟😂，再咬一啖，頂！原來係茄子，佢係將條茄子蒸熟佢然後林啲豉油上去，真係好冇heart，我哋一舊都冇食到枝豆⭕️本身個枝豆係話用和牛嘅脂肪一齊煮，我個friend叫佢唔好搞咁多嘢，白烚枝豆加鹽OK喇，佢照早俾我哋，所以呢個係正常，但都唔係靚嘅枝豆整體來講服務環境衛生係可以嘅！但食物質素真係完全唔掂，所以之前嗰啲食物係冇影相，食食吓覺得真係要寫下食評俾人知，連埋枝750ml sake,2人埋單$1500幾！平均@750人頭….唉！呢間居酒屋應該諗吓點樣可以煮得好食啲吸引多啲客人囉！…查看更多

想打邊爐，咁啱朋友諗起呢一間可以坐outdoor 佢試過話OK, 即日Booking又有位,就試一試好唔好食一入到去都幾full下，outdoor 每張枱都有風扇，但如果真係好怕熱的話都係建議坐裏面，因為如果你食辣的話食食吓都會係咁出汗覺得好熱，環境方面都尚可但係網絡收得好差，員工服務一般，我哋食到一半有員工同我哋講有人客想坐外面問我哋介唔介意轉枱，我哋梗係介意啦，食緊野無端端要轉另一張枱仲要係打邊爐😤食物方面，每一碟都係細細碟，幾十蚊，其實咁樣都好，如果份量好大的話，人好少就唔可以選擇太多，牛嘅部位都多，Order左5款牛，牛嘅話淨係覺得只有一款好食，其他牛嘅部位都麻麻地，其餘嘅食物都尚算平均但唔覺得真係好好時間可以坐到10:00，打邊爐的話都有啲緊迫，埋單平均每人$500以上，如果$500以上嘅邊爐可以選擇其他地方更好！只能夠講句不過不失！…查看更多

Book錯咗餐廳,去到先知原來唔係呢一間,不過已經坐低咗,當日去到大約2:00未有客人,店內有好多擺設,疑似老闆嘅男人好Nice,室外有兩張細枱可以坐,店舖雖然細小但感覺上都幾溫馨,環境對我來講覺得算唔錯食物方面,就真係有啲失望,打開餐牌又西式又日本好亂啊！外面bar枱有自助沙律bar,我就每樣夾一啲嚟試吓,除咗個飯卷同蕃茄可以食之外,其餘都唔OK,尤其是個南瓜又硬又冇味午餐點左牛扒六成熟，朋友叫咗鱈魚柳朋友嗰個我唔知好唔好食，但我個牛扒係全熟，又乾又韌，我自己求其煮都好食過佢😅總括嚟講食物質素唔掂，但如果淨係坐低飲杯嘢我覺得幾chill, 西環呢一帶坐低飲杯嘢享受下午就可以考慮呢一間,想食好嘢可以不用…查看更多

朋友嘅生日飯揀咗呢一間Cobo House,提早幾日打去book位，員工要我哋自己上網book位而每一個人頭要先比$500嘅Deposit，佢就話今次係生果嘅主題純粹係因為朋友生日想環境靚啲所以先揀呢一間餐廳，而且見食物都幾特別要睇佢嘅 Menu，就要Scan 木嘅QR code有兩個價錢嘅餐，$10xx 六道菜,$14xx 八道菜,我見佢每一道菜都好似好細碟,怕六道菜唔夠食所以叫咗八道菜!我哋仲叫咗一支紅酒，紅酒我就唔係好識咩為之靚，淨係識睇價錢😅我哋已經叫咗支價錢算係平嘅紅酒,成為$1080餐廳介紹有八隻小熊嘅糖果喺我哋面前,每食完一道菜佢建議我哋食一粒小熊糖,呢個諗法係幾特別!因為我都唔知啲菜式叫乜嘢名,連佢每一道菜裏面係啲咩都未必知道🤪,整體來講食物質素可以,但唔算真係好好食,某一兩道菜式係有驚喜,最失望係個main course，本身係羊，但因為我哋三條女都唔食羊，所以轉左牛俾我哋食，首先佢冇問我哋牛要幾多成熟，不過都唔緊要，好食就得，但我覺得佢哋嘅牛唔係咁靚，而且每一塊都有渣，我完全咬唔難,呢個係最失望整體來講環境係唔錯,想氹吓女朋友開心,食下生日飯都可以試吓,因為啲菜式係幾特別,食一次就夠!因為始終平均一個人要$2000，而且佢食環境多過食佢嘅食物，唔係咩特別日子都唔會嚟…查看更多

元朗就出名食甜品，不過之前食過元朗好多間甜品店，都係覺得一般！唯一呢一間我覺得係最好食同埋最足料嘅甜品店，之前已經食過好幾次，今次特登過嚟買佢嘅榴槤甜品！講真佢嘅貓山王榴槤爽真係好食，當然食貓山王榴槤價錢就一定會貴啲，但我又真係覺得值呢一個價！另外再買咗碗芒果西米露，本身想要芒果四重奏，但因為天氣太熱我哋係外賣，坐車要半個鐘先返到屋企！所以決定轉做芒果西米露！之後我哋叫咗的士因為未黎到，疑似係老闆嘅人勁貼心，將我哋嘅甜品先放入雪櫃，話車到先幫我哋拎出嚟！雖然店舖細小，只有幾張枱，但食物質素好，服務也好！如喜歡食甜品或榴槤的人不妨一試…查看更多

專登由上水揸車入元朗食宵夜元朗出名多甜品食，因為好想食榴槤製造嘅甜品，兜下兜下就見到呢一間比較多選擇，就坐低喺街邊度食，佢哋會喺條街度鋪咗好多張枱，條街我覺得都尚算乾淨同埋有其他唔同嘅食肆，好熱鬧下！叫咗個榴金歲月，XO炒腸粉，墨魚丸榴金歲月：個榴槤味道超怪，好似有浸氣打咗落去咁，芒果都OK，但D榴槤其實真係唔好食，食咗三份一都冇XO炒腸粉：呢個唔錯好惹味，係油咗少少但正常嘅！墨魚丸：麻麻哋整體來講又未去到真係好差叫過得去，如果住得近當買下宵夜我都覺得可以繼續幫襯，但如果專登要揸車過去我就會選擇真係好食啲嘅糖水舖…查看更多

今日朋友請食飯，揀咗依一間居酒屋環境舒適裝修唔錯，有花過心思食物方面都唔錯串燒來講唔算係我食過最好食嘅一間不過已經唔錯，前菜小食幾好味，可能人手唔夠上菜比較慢。油甘魚刺身：覺得一般拖羅厚切+薄切：呢個好新鮮炸雞軟骨：覺得油咗少少炸墨魚咀：好味鱈魚魚乾：好味不過份量少咗啲明太子雞翼：好味厚燒牛脷：牛脷好厚，非常Juice青椒仔：正常燒豬大腸：幾好味多汁又唔乾燒雞腎：正常燒冬菇：乾咗少少整體來講係唔錯嘅一間餐廳，服務亦都好好…查看更多

今日約朋友去新城市食lunch，其實新城市都冇乜特別嘅餐廳係好食嘅價格亦都比較貴！不過見呢一間都比較多人like就試吓Lunch set最平都$98食個湯麵來講算係貴我同朋友分別嗌左兩碗唔同味道嘅湯麵蝦湯麵$98：鮮蝦配美國肥牛，飲咗一啖湯試吓，湯底比較淡但都會有蝦味，但份量就比較細，如果男士一定覺得唔夠飽特龍喇沙蝦湯麵$118：鮮蝦配美國肥牛，湯底明顯比蝦湯嗰款濃一啲，其實湯底味道係唔錯,但牛肉就麻麻哋，蝦就正常，最好食係個豆卜加$15多一款小食小食分別嗌咗春卷及雞翼，味道都唔錯，都應該係即叫即整，因為上碟時係好熱加$10多一杯嘢飲埋單差不多$300，其實以佢嘅環境食個lunch來講算係貴，因為份量好少,其實食唔飽！環境又唔算坐得好舒服，但味道我覺得係OK嘅,冇其他人講到嗰啲評價咁差…查看更多

突然約朋友食飯，但又唔知旺角有咩食，打開OpenRice見到呢間都算多人讚，所以就揀咗呢一間！好彩平日唔算好多人，我8點15 Walk in排隊，前面有幾枱人等緊，大概等咗10分鐘就可以坐低見佢賣相唔錯，都係看圖揀下食啲咩食物免治雞肉棒：食過其他餐廳嘅免治雞棒比較，呢度唔算好食牛油果蟹肉沙律：正常蟹肉沙律，唔算特別好味唔知乜嘢卷：壽司卷裏面夾住係魚皮，呢個就一般！雪魚乾:脆卜卜幾好食👍🏻牛舌芯：算係好食：冇渣又唔韌👍🏻明太子芝士山藥：三種口感幾特別燒白鱔：味道幾好夠厚冇乜骨👍🏻我諗買單大概$800左右因為朋友請所以唔知道價錢店舖比較細,室內環境唔算大每位員工都好有禮貌,服務及態度都好!…查看更多

每個月總有幾日好想好想食米線之前有朋友話荃灣有幾間米線好食，一直都好想試！咁岩去開荃灣終於可以去試下！因為真係唔識路，去錯另一間叫云x米線，坐低左之後覺得點解同網上D相唔同先知道去錯左立即起身走人，勁唔好意思🙈好啦終於搵到，當天係平日約三點幾，所以唔洗排隊☺️，我眼闊肚窄叫左4個餸！有大腸、牛肚、墨魚、籮白小鍋米線唔~~~牛肚好韌，咬唔到！大腸有D淋有D韌，味道是可以的！墨魚算是新鮮，但完全沒有味道，韌到咬唔到，好似夾硬吞落去咁😑籮白甜，冇渣，好食💜喜歡湯低及米缐，但食到一半夾到張膠紙😱就同伙記講，伙記立刻講唔好意思話換過一碗俾我，因為我都食到一半，另外覺得牛肚及墨魚根本我都咬唔到只係食咗少少，叫佢扣錢俾我，佢都好好即刻話冇問題，然後都有換過一碗全新嘅俾我！覺得服務算係咁👍🏻不過就算佢換咗全新嘅一碗俾我我都只係食咗少半，整體來講米線及湯底係好食的，但我就唔覺得墨魚好好食，因為真係冇味道同埋好難咬！但我都會再嚟，試吓其他的餸…查看更多

之前有兩次都白行一躺，原來逢星期日休息，今日出開深水埗依頭，見有D時間就專登再去睇下試唔試到，行左15 min 終於到！門口都有幾個人排隊，要再等多15 min 先有得入坐！見個個都叫豬潤麵，我當然要試吓係咪真係咁正！所以我叫左碗🐷潤牛肉麵，再加兩隻炸雞翼！其實我本身就好少食豬潤，因為始終係內藏，都唔敢食太多，而佢D豬潤係幾大幾厚嘅，一碗大約有5-6 塊！但我食左3塊已經頂唔順，因為太漏，而且每塊都有D渣，咬唔難，不過味道係唔差嘅，而牛肉都算滑嘅！湯底老實講就好一般！而雞翼皮就炸得幾脆，D肉都叫滑，不過雞肉冇乜味！整體其實ok 嘅…查看更多

專登坐車去南豐紗廠睇吓，行入去室內,地下只有兩間餐廳，右手邊嘅餐廳價錢貴少少，而且冇咁多人食嘢，所以我哋選擇右手邊！當日依間KoKo cafe滿座,都要等10分鐘先有枱,餐廳裝修都有特色,如果鍾意飲咖啡傾偈嘅話呢度都係一個唔錯嘅選擇,但打卡影相的話可能另一間餐廳會比較好啲！午餐叫咗慢煮豬軟骨飯& KoKo beef Burger 先講個慢煮豬軟骨飯,味道太甜,個飯好硬,唔知點解配個羅宋湯,最好味係隻蛋,整體都叫OK另外漢堡包賣相唔吸引,味道一般,牛肉好乾我哋仲叫咗熱朱古力及齋啡!Lunch 成為$300呢度係要自己將啲碗碗碟碟放返入去排返整齊，老實講如果Cafe $300嘅價錢完全冇服務我就覺得貴！試一次都OK中中等等，但試一次就算！…查看更多

好耐冇嚟過依度打邊爐，以前呢一度成日都爆塲，依家可能疫情關係真係比以前靜左好多，入到去得我哋一張枱，但食物質素同以前一樣冇變，最鍾意呢一度可以嗌半份食物或拼，如果小人食唔到咁多，咁樣就可以食到多啲嘅種類！相信最出名應該係佢嘅牛肉，每一次都必定會點牛肉，唔知點解佢嘅牛係出面真係食唔到！另外佢其他嘅食物都好好食，餃子，墨魚，豬腳筋等…等，不過呢度個價錢就唔算好平，相對來講佢冇乜裝修而且地點都唔算好方便，但好多人都會專登嚟到依度試吓佢嘅火鍋，我本人就覺得好值得一試，服務方面就一定唔會好好，如果鍾意好服務嘅人就要諗一諗😂…查看更多

本身諗住食其他嘢但係真係唔想行，咁就求其入咗依一間泰國菜食嘢！呢度嘅人手真係唔係好夠，坐低咗起碼10分鐘都捱唔到嘢食，因為得一個小哥哥去落單！但佢服務都幾好，佢見我坐嘅位置風好大，主動轉位俾我，就順便幫我落單，落完單食物都好快送到！兩個人叫咗三樣嘢食一碟豬手、炒雜菜、雞柳炒粉絲豬手味道OK，豬手都好淋炒雜菜就麻麻哋，唔係好夠味，兩個人都食淨一半雞柳炒粉絲我覺得最好食，啲粉絲差不多俾我一個人食晒埋單每人$150左右！…查看更多

下午茶去咗食餃子,餃子都係我鍾意嘅食物之一門口唔算開陽,店舖都算幾大間,有30幾個座位,一打開門，入到鋪員工好有禮貌問我幾多位!之後帶我入坐，仲幫我拉椅，有冇咁好服務啊😂打開餐牌都有仔多種類選擇，都唔知揀咩好，所以嗌咗一個雙拼水餃，薺菜及芹菜水餃，下午茶可以配埋小食,我就配左茄子2件，再叫多一份雞翼，真係眼闊肚窄！水餃到咗，啲餡料好多，皮好薄👍🏻，好味道炸茄子好食，本人可能太鍾意食茄子覺得兩塊唔夠，另外椒鹽雞翼都好食！估唔到依度食餃子嘅地方小食都咁好味👍🏻下午茶都係40幾蚊,覺得好抵,會再幫襯…查看更多