c6c6cha的個人專頁

食過唔少urban bakery既牛角酥今次想推薦番呢間既牛角酥全部都係法國空運到港架20蚊內食到 真心覺得值有時仲買二送一鍾意食可以買幾隻唔同款混味 幾正小編食過原味 杏仁 菠蘿 焦糖 朱古力 芝士 仲有最近節日限定既紅牛每款都唔錯既係每日店舖師傅新鮮發酵完即焗出爐架有味道既就係即場再加toppings咁覺得呢間野做得都算幾有心每逄節日都會有特別牛角推出好似最近既新年 就有紅牛 金牛就係避風塘爆蒜 同咸蛋黃味個人最愛一定係原味同焦糖啦原味：唔洗加野已經勁好食！外層酥脆內部都層層分明又唔會食落好油膩超吸新鮮 啖啖都好滿足焦糖味：燒過既焦糖皮脆卜卜仲帶甜味香味好正正過咬薯片xd呢款成日去都食唔到(cry杏仁：相對覺得普通不過杏仁片焗過脆身啲有咬口都帶微甜加埋牛油香係店舖幾受歡迎既口味之一有時去到都賣曬菠蘿：其實係好似菠蘿包既菠蘿皮舖左係面幾有諗頭都係脆脆甜甜咁個人覺得呢款都值得試朱古力：面頭佈滿左朱古力漿仲有少少oreo餅碎唔會好甜配搭牛角既牛油香又幾夾既芝士：最吸睛既一款底部係一大片芝士面頭都有芝士碎不過個人覺得偏鹹紅牛：蒜香味好出微辣烘焗過仲帶焦香幾特別係少有既辣味牛角酥真心值得推介既一間店舖比起市售既牛角酥正好多如果鍾意食牛角酥真係要試下佢…查看更多

冬天想暖又飽肚走左去間食湯飯既村爺爺😂見到68蚊有雞煲翅即刻試啦一上黎真係有大半隻雞喎🤣仲有d翅 花膠 同螺片每樣都有2 3舊好正d雞肉都好嫩滑聽講係用湯浸熟既正到不行雞絕對唔係瘦個d啖啖肉架最後我拆到成隻冇淨清曬😎湯就可能油d因為連雞皮煲就無可厚非加$10可以轉套餐有油菜 飯 同餐飲不過細食就唔好加啦會食到好滯😂佢係比埋刀叉同手套你撕雞既好方便唔怕整污糟下次黎都想試下龍蝦湯見周圍d人都食到好滋味店家都好細心拉曬櫈比你擺野繁忙時間都好好招呼唔錯…查看更多

睇食評見到呢間sell 7小時慢煮豬軟骨好吸引就去左試lu叫左個 7小時慢煮豬軟骨定食 $69包一碗湯應該係清湯黎既再有一杯茶一黎到個飯超大個成座山咁既豬軟骨haha係好正既不過一見到就肯定自己食唔曬啦豬軟骨的確煮到軟骨都呈膠質既狀態好腍好正但肉質部分就比較韌唔算食過最好既豬軟骨佢其實下面舖左d椰菜係底所以顯得更多但我總共都食左3大舊豬軟骨份量一d都唔少細食真係食唔曬而飯佢可以加錢轉特色飯有d栗子椰菜咁今次冇留意冇試到添仲有沙律🥗不過唔太鍾意d醬同豬軟骨d汁夾埋有d漏但佢話係自家調製既醬汁應該都比出面有質素同健康d既💚湯就係d雜菜清湯咁有少少蘿蔔唔知係咪日日一樣茶都普通冇味可以叫番熱水😂總括黎講唔係話太特別不過認真幾抵食大食既人都一定夠滿足欣賞佢都有菜 沙律健康d不過d醬汁就唔岩我個人口味啦一試無妨…查看更多

聖誕慶祝同朋友去食放題開心一下今次2個人叫得唔太多加上我地都幾遲去到刺身 幾新鮮都係厚切唔會比少油甘魚係我最愛d壽司都好新鮮大件海鰻壽司好大條好正但左口魚變左爽口feel 麻麻地卷物我食左有芝士個兩件芝士味好濃舖係面一咬就好出味係舊飯都幾大食呢舊野都滯左唔少小食都係一般般啦但千祈唔好叫冬菇串！佢勁鹹燒個陣應該落左超多椒鹽omg中華沙律就好香麻油味好少放題見到都係refresh一下既好選擇冇影到既蒲燒鰻魚都唔錯架好厚身好juicy推介最後要左haagendaz朱古力雪糕鍾意奶味重d可能叫movenpick會岩你d但我地都愛濃朱古力味朱古力粒粒超多超正由於我地去個日聖誕都幾多人所以成日有職員過黎問有冇漏單搞到有d野食黎兩次 有少少亂但職員服務態度唔錯多左都會收番話漏左餸都即刻遞番比我地整體都可以啦…查看更多

和朋友試了新的這家拉麵店看食評還不錯款式選擇也不錯被黑豚拉麵的照片吸引了貴些也打算一試黑豚叉燒舖在碗邊大滿足的感覺我走了葱所以顏色會少些湯底濃厚 但味道不太足夠又是奇怪的形容 希望大家明白而黑豚叉燒也很軟腍可也是味道略嫌不足和溏心蛋一樣 比較鹹味重這個湯底和黑豚拉麵應該一樣的是叉燒換了腩肉叉燒沒想到腩肉叉燒比想像的好吃味道更突出 調味不錯油脂分佈讓它口感更爽雖然沒黑豚叉燒那麼軟但整體口感好好這家拉麵算我吃過最沒特色的一家不會是難吃只是很普通再吃也不太會選它了…查看更多

想食放題好一排今日終於約到家姐同fd一齊食揀左呢間家姐話唔錯既放題因為假期 我地係食午市既去到大約一點有兩個鐘食都叫左好多野食下xd由於我同家姐病病地都要左唔少熟食刺身個人認為都算新鮮好大件下黎左兩輪都冇縮水我全清雖然唔係話一食就超正個種但都算係中上質素壽司我地都要左超多壽司飯係個人鍾意個種唔會凍冰冰火炙左口魚 同牛肉露筍卷物 我特別鍾意另外熟食都有幾款要推介燒牛柳粒西京燒比目魚(好滑 汁好食炸紫心香芋丸(夠香 鍾意甜野既人會岩d蒲燒鰻魚(夠肥美呀雞軟骨串都係個人比較偏好既可見我比較鍾意佢d熟食岩曬d唔想食太多生冷野人啦~佢仲有個自助bar除左有野飲拎之外仲有d小食 甜品咁我家姐同朋友都話榴槤雪糕正同埋好少有榴槤控必食！其他食物就普通啦 唔太吸引不過佢幾好有個細櫃仔有d紙包熱飲少款d 檸檬茶 維他奶都有咁冬天就岩曬不過呢間餐廳既服務員有d態度幾差下拎野都粗魯 冇乜禮貌但上菜都好足 冇漏單可能係午市唔多人整體價錢質素合理下次可以再食…查看更多

琴晚屋企人生日就打算食下上海菜特別d 唔洗下下食日本野咁無癮我地一行三個人姐事先bk好位不過我地7點3準時到 都未多人仲有好幾張枱咁餐廳環境都好舒服樓底夠高 好闊落裝修都好精緻舒服同平時d中菜館比起黎多左分舒適咁我地人少少就叫左6樣野 唔多唔少咁啦首先黎既係上海燻魚燻魚係涼既 一般都係啦個汁甜甜地 幾好味肉質都算嫩滑不過食個陣要小心d骨因為佢d骨都幾脆幾易斷小朋友可能唔岩食然後就係蒜炒芥蘭啦佢仲可以揀清炒同蠔油既蒜蓉炒就香d不過都幾油下個人覺得食菜都係清淡d好所以唔會特別推介但鍾意食香口野又想食條菜既話呢個都係可以既選擇紅燒牛肉麵坦白講呢個我覺得普通牛肉好似煮得有d耐做唔到軟腍既口感麵就係一般上海麵麵質唔錯既葱油清洋拌麵希望我冇記錯個名呢個算係好食既菜式我媽媽就超鍾意啦佢清曬添成個拌麵撈左好香口好吸引唔會話好油膩不過蝦乾得兩粒 有d少再黎就係招牌既小籠包啦我真心認為佢正因為個人其實對小籠包冇乜好感但呢個一咬落去d湯汁真係爆入口度我真係唔捨得曬左d汁不顧儀態成個放曬落口無得彈記住趁熱食呀最後就係我最期待既生煎包不過可能期望太大覺得有d普通生煎包個人唔會揀加醋首先因為個包既皮都有厚度加醋整濕左個包好奇怪食生煎包梗係想食脆身既包啦講番個包呢個都建議一黎就食左先因為個包好快會索左d汁但佢都係爆汁既我媽媽咬到d汁流囇出黎但可能我食個時放耐左冇咁多流汁反而個皮索囇搞到個包濕囇有d難食但個餡同小籠包一樣好正個包底煎到脆身都好好食都係個句要一黎就食啦應該會好食好多總括而言都值得試下既招牌菜係掂既其他就普通啦ps佢d茶幾好飲 仲有waiter係咁加茶xd…查看更多

同朋友見到呢間麵屋新開幕梗係要試下啦我地今次試左一個拉麵 一個沾麵朋友試左沾麵沾麵汁岩岩好係好掛湯既感覺就咁飲都仲得平時既沾麵就咁飲會有d涸喉feel但呢個我朋友話飲曬都掂呀另一個就係我既白神山豚角煮拉麵佢有叉燒同豚肉揀既不過鍾意油脂既我當然係揀豚角煮啦豚角煮真係好正咬落去好腍油脂同肉融為一體入口即融啊但隻蛋有d失望應該係煮得太耐完全無流心既狀態麵質岩岩好 唔會太軟太硬但個人覺得湯底食落會鹹左少少比起沾麵汁 拉麵湯底就普通d但都算係好足料好濃厚除左鹹都冇乜要彈既下次再黎一定會食沾麵但要留意時間佢夜晚應該係6點後先開始供應早少少去霸位穩陣d唔係都要等幾耐下因為沾麵好受歡迎架…查看更多

午餐想食下飯見屋企附近呢間有韓式拌飯食就心癢癢想試下入到去應該開舖冇幾耐唔洗等位叫完野食都好快送左黎可能係拌飯唔洗點整啦叫左韓式牛肉拌飯($43)一黎見到個飯就好開心真係好多料有菠菜 蘿蔔絲 冬菇 芽菜 瓜 煎蛋 紫菜 同主角牛肉拌個陣完全係覺得超多d料有d撈唔到落飯度既feel因為面個浸太多啦d飯其實都幾多下但都撈唔囇拌得有d唔匀haha但都唔理開始食啦隻蛋黃仲係流心架蛋漿可以流落d飯度多左種香味我最鍾意係佢有冬菇整得好淋好滑令成個味道更豐富出面好少食到有冬菇 幾特別而佢d牛肉加左醬汁煮過所以都好juicy好香口佢似肥牛個種所以煎過都唔會好乾身仲有d蘿蔔絲同瓜應該係撈過辣醬既所以成個飯一齊拌就都有d辣醬味唔洗額外加醬都已經好夠味不過個人覺得菠菜可以切細少少因為難拌之餘仲有d難咬😂但整體都好ok會推薦鍾意韓式拌飯既呢個算係高質選擇…查看更多

今日同fd特登去左旺角就係見呢間店係openrice多好評諗住黎試下自問都成日食唔同拉麵沾麵個d應該都唔會係食唔慣既問題呢間野令我地好失望由於我地個時都多人 要排隊 大約10幾分鐘啦排隊個陣要落單先既有職員會出黎比紙收紙入到去d職員都好好口又好細心拎盒橡筋黎問要唔要紥頭髮 廢時d麵汁會整污糟服務係唔錯既排隊個陣都見有熟客 然後職員仲送多左隻蛋比佢地 然後就上菜我同fd一個要魚介豚骨拉麵($78)一個濃蝦湯豚骨拉麵($88)蝦湯我既一黎個樣唔錯有好多櫻花蝦但一試個湯就伏啦完全冇味既？！？！？！但係好濃厚架喎。。。。。好奇怪配料唔錯既 半熟蛋同豚肉都可以蛋不過不失塊肉係一塊過厚切油脂分佈個人幾中意唔會話好肥好漏亦煮得夠腍蝦湯我覺得就係比魚介湯多左d蝦味但又唔係好出味麵質真係有d唔掂好硬不過佢話可以寫低係落單紙度要煮淋d既見佢出面介紹話個面係水分比一般拉麵少既因為會有咬口d但係食落又唔覺係煙韌個種粗身既麵平時食開都ok但呢個真係不敢恭維仲有d應該係菠菜(?)係側邊個人覺得唔夾唔知點解要加筍同葱都正常我fd既魚介豚骨拉麵評價都一樣但佢話塊肉好韌湯底都係好淡我同fd討論完覺得佢完全係將沾麵湯 加d清湯 再落麵落去既麵完全唔覺得自己食緊拉麵真心唔明點解咁多人食以後都唔會再食呢間拉麵或者沾麵會ok既但都係有機會先試啦對佢冇曬信心…查看更多

琴日放假同媽媽行旺角行行下有少少餓就帶左媽媽試呢間之前自己食過一次覺得真心好食同足料今次都係揀番芝麻糊而媽媽就試左蛋白燉鮮奶其實餐牌淨係寫有凍既蛋白燉鮮奶不過老闆伯伯超細心咁幫我地燉熱左我個芝麻糊黎左先既不過都知道時間尚早我地入去個陣都係3點幾所以d糊都未係最岩食今次個芝麻糊會稀身d但我上次食個陣晏d就超濃超稠身架所以先咁念念不忘芝麻糊好食在佢唔會磨到冇曬口感因為個人好唔鍾意滑到無渣個d糊類呢個滑得黎係keep住有d芝麻粉粒咁唔會話隔走曬咩都冇好岩我口味(第一次食呢碗認真稠身好多而媽媽既蛋白燉鮮奶令我為之動容佢唔會甜不特止 食落仲好滑真係好欣賞老闆唔會靠死甜去帶出個味道我肯定第二度食唔到咁單純既蛋白燉奶老闆真係好用心對待每一位客人既甜品佢之後仲特登走過黎話其實個蛋白燉鮮奶做得唔太好解釋話係隻蛋太細 用多左奶可能會削d 同埋黏身左睇得出佢對甜品既堅持所以我都會繼續支持 努力！…查看更多

今日自己一人晚餐諗起有hungry korean咁岩自己其實好想試番一直好掛住既韓式辣冷麵就睇下呢間點之前都同fd食過不過印象普通今次既冷麵味道幾好一食落口就好juicy辣度正常 甜度反而可以有改善因為我食到最後覺得都幾甜下有d漏同埋個麵原來都幾滯下好快就飽左如果可以加多d配料好似蛋 蘿蔔絲 個d會更加好因為得幾片青瓜 食完就得番個麵既甜辣味就有d唔係幾想食落去不過整體都可接受…查看更多

今日同fd搭船過番尖沙咀 就諗住搵下有咩好野食係isquare行左幾轉 都搵唔到 就去左the one因為我fd之前食過 佢都推薦我黎試下呢間泰菜餐廳我地諗住都要等15分鐘 因為前面都有幾臺人排緊點知等左8-10分鐘就入得lu可能因為個陣都8點幾9點 大家都食完飯 加上成個商場都唔係話多人咁聽我fd推薦 就叫左3樣野泰式大蝦菠蘿焗飯 $88軟殻蟹青咖哩配法包 $88蒜蓉炒油麥菜 $58仲有一杯野飲青檸七喜 $28第一樣黎既係軟殻蟹青咖哩呢個佢會比個爐你熱住我地等佢滾起先食但本身應該都熱既可能係驚咖哩凍左會"擎"咁我地一開始就食法包都幾難撕開舊包 就係好鍾意法包硬身既皮 勁好咬咁梗係點左青咖哩汁食啦btw 我fd都怕辣既 但我見佢都食到 應該唔算好辣我就覺得唔算得上辣 食食下連辣味都冇曬咁滯點左咖哩汁認真正 雖然好好好邪惡xddD汁索囇係舊麵包度 絕對唔會覺得冇飯係問題不過反而等咖哩凍少少 暖暖地又冇咁稀身既時候 再點麵包會更加濃味呀佢個煲入面都會有d瓜 係勁吸汁超級正每一啖都係超juicy呀xd點會講漏左軟殻蟹呢 又係放左落個煲度 雖然唔係話特別夾啦 但係味道唔錯軟殻蟹啖啖肉 加埋炸左脆脆地既殻 口感好正咖哩薯仔簡直係我最愛薯仔又飽肚又好食 我fd話d紋係波浪形 切得好靚haha我都好鍾意 同埋佢應該煎過個薯仔 更加香口呢個蒜蓉炒油麥菜都幾油下架 不過味道幾好有番條菜落肚好似心理上好過d但我fd話唔夠油麥菜味😂😂😂可能多d食既人會明白？！xd最後就係 大蝦菠蘿焗飯因為間野冇曬菠蘿 所以碟飯望落都冇咁靚呀有少少失望架味道就一般啦 全靠菠蘿粒吊味個飯都係油架啦 不過都正常同預左既飯身反而冇乜味 淡少少但可接受有d豆粒係入面 個人就冇咁鍾意蝦就整得ok 不過冇搣腸架 我地係自己撕出黎但好易撕姐其實xd肉鬆加埋落飯度會好食d 有d甜味我fd都好鍾意d肉鬆杯青檸七喜就係比d青檸你再自己加汽水我fd都覺得普通佢另外有梳打既 不過就係無糖既鍾意飲甜味要汽水就會好d…查看更多

琴晚同媽媽又試呢間因為上次同fd食過都覺得牛肉麵好好食我地6點幾入去 所以未多人但到我地食到一半 出面已經排曬隊lu咁一黎就點餐lu~冇理由唔食牛肉麵啦 不過今次要左麻辣 見到佢寫住大塊牛肉 好驚喜因為上次覺得牛肉唔夠喉xd仲要左香蔥肉碎豬軟骨麵 見食評都唔錯 諗住同牛肉質素應該咁上下啦另外叫左個小食 魚穌皮蛋豆腐即係總計3樣野要行番去櫃枱比錢先既$156 算抵食啦一黎就係 魚酥皮蛋豆腐（$36）睇menu個樣唔係咁既 我媽媽話呢個樣吸引好多喎haha佢有4舊一舊都幾大件架 好足料豆腐好香 係比我想像中實淨d豆味好濃 仲夠滑 冇諗過比食開既蒸煮滑豆腐夾而且d魚酥吊出左成道菜既味 有d鹹香仲有d魚鬆定肉鬆 加多層口感成件事好好食然後就係我既 麻辣大塊牛肉麵($64)反而覺得唔夠麻辣 普通辣度啦但我媽媽都覺得好辣所以因人而異啦 廢時伏到人最令我驚喜既真係大塊牛肉！佢真係好好好大塊！每件都係普通牛肉麵既double！係超長呀！！而且仲保持水準 係用牛腱肉煮得夠軟腍 亦有d彈牙咬口正！所以黎到就一定係食牛肉麵啦香蔥肉碎豬軟骨麵（$56）呢個就真係比差評啦除左牛肉同小食 發覺其他食物真係好一般。。。豬軟骨簡直令我想比劣評唔好話d骨完全係硬堀堀成舊完全係肥膏omg我想食軟骨但唔係肥膏呀！抱歉冇影到但下次一定唔會食！我係dum左舊肉既 真係肥lum lum到。。。完全擺唔落口堅失望總括黎講 間野令我有個印象就係只有招牌菜掂其他真係差天共地。。。希望會有改善啦…查看更多

今日同朋友又食拉麵lu🍜🍜🍜🍜🍜好耐無食過既關係 唔知會唔會有d偏頗唔知係咪因爲時間尚早 大約6點幾啦 間野係冇人既xd我地早少少個陣行過 佢仲係未開曬閘應該係6點先開門留意到別天神係度開左幾長時間 又有幾間分店 心諗應該唔差 想試左好耐所以我地都行左入去食佢都係bar檯對住廚房個種傳統式既拉麵店裝潢店入面得10個位度啦 所以舖仔細細 都坐得幾舒服如果你需要 佢仲有衣架比你掛外套 同掛袋係牆度店入面有d指示 教我地點加配料個d好似想要辣🌶可以加 七味粉+蒜蓉+辣芽菜濃味就可以 拉麵汁+蒜蓉+辣芽菜 咁連芝麻都教我地點加 (因為我同個fd成日都唔識倒d芝麻出黎🤦🏻‍♀️🤦🏻‍♀️🤦🏻‍♀️配料任加既 自己想要乜就拎乜仲有冰水自己酙同紙巾係頭頂比客人用🤧不過我地去個陣因爲冇人 所以d店員好得閒 會用下手機咁而廚房就係開放式既 佢地會企曬係度我地傾計食野好似都會比人聽曬咁就未必個個鍾意啦~ok 番正題~佢有兩款拉麵豚骨湯麵（$75） 同蝦味噌豚骨湯麵（$85）我地就一人一款試左豚骨湯麵❤️❤️❤️❤️❤️唔好睇個樣咁平平無奇認真個湯底好濃一擺落口就係濃厚既豚骨湯味但絕對濃而不膩麵係幼身既太麵 一向鍾意食粗麵既我都覺得個麵身好正同埋個麵都好彈牙 煮得岩岩好掛湯力都唔錯我之後加左d七味粉落去有左d辛辣味 多左陣層次🌶我食到最後直頭有衝動想飲埋個湯去🤤🤤🤤🤤🤤🤤🤤🤤🤤🤤真係第一次 因為平時都覺得d湯底太漏唔敢飲🌚可想而知我有幾鍾意食😍🤣🤣蝦味噌豚骨湯麵❤️❤️❤️❤️❤️我試左個湯底 同豚骨湯比起黎 就係多左陣蝦味 都好濃既 但反而冇豚骨湯咁鹹我個fd就話味噌味冇乜 應該係豚骨味蓋過左佢試完呢個再試淨豚骨湯就覺得兩個冇咩分別 可以呢個個味複雜d 都蓋過左但我都鍾意呢個湯底 蝦味比較少食到會濃d鮮味dbtw 佢d櫻花蝦都幾多 超足料不過我fd話粟米有d多餘haha但整體都係好正既我地另外加左$10要罐可樂貴左d 不過拉麵店係咁上下啦🌚😂😂總括而言 呢間認真必試 真心推介拉麵控一定唔可以miss左佢！真係真係真係好好食 希望推介比多d人食到啦btw 今次冇試到味玉🥚 下次一定會再黎試！(絕對係少數我會想食完再encore既食店(因為quota有限 平時都係試完就算數居多xd…查看更多