Airiairi的个人专页

今日黎美林邨探朋友，她說帶我去冬菇亭食，我心諗應該食大排檔之類？點知原來有間咁別緻既日本料理店，十分驚喜！因為我最中意食日本野！好食唔好食都試過好多，而呢度既料理頗為高水準，竟然可以喺住宅區食到，而且價錢大眾化，值得一贊！日本料理一定要叫刺身啦，我們選了幾樣:三文魚腩、珍寶赤蝦、帶子。人數不多所以叫的份量不算多，但想不到擺盤咁華麗！影相一流呢。刺身真係超級新鮮。特别是赤蝦，激大隻！鮮甜到不得了~明太子雞翼非常好食，金黄可口，肉質嫩滑，火喉剛剛好不算油腻，很推薦的小食之選！雜錦天婦羅是以小見大之作，幾乎間間日本料理都會有，但好難整得好。呢度都好符合到我喜好，不會太厚粉漿，食材新鮮，又香又脆，蝦肉爽口彈牙，good！飽肚就一定係食飯。蒲燒鰻魚飯抵食，鰻魚很厚又大塊，吃得出用上了上乘食材，醬油惹味，好正呢。呢度雖然不算大，但座位寛敞，沒有為求放多D枱而擠到密密的，每枱客人都可在舒適的空間下邊享用美食邊聊天，唔錯唔錯~…查看更多

親友從外國回來，指明一定要試老夫子餐館! 原來佢一直有睇開老夫子漫畫，最近喺網上知道開左主題餐廳，見到d裝修咁靚，未返香港已經期待左好耐呢！今次叫左好受歡迎既招牌火焰雪山，份量比想像中大，叫得火焰雪山，當然有火啦，看侍應點火的一刻，大家都覺得好刺激! 微焦的幕絲和香軟的雪糕，混在一起頗有冰火二重天之感，非常可口! 另一道甜品是夢幻雪山-棉花糖雪糕，擺盤十分有趣，是很大的一捆棉花糖蓋住雪糕球。大家吃的時候一起撕開來，玩得又食得，開心!飲品是柚子鮮果冰茶，比想像中大壼，即使和朋友一起分享也很足夠。水果食得出是新鮮的，不是那種放了很久的罐頭，味道天然，清新好喝。估到呢度門通向邊度嘛？答案是女廁! 真係去廁所都要欣賞多兩眼!呢度d裝修好精緻，務求任何角落都有老夫子~令食客更加投入漫畫世界呢！親友都表示十分滿意! 仲話會叫埋外國d朋友去香港都要黎食~…查看更多

一班朋友仔好耐都未見，最好約食飯既地方梗係就大家放工附近啦XD 要喺呢個静中帶旺既地方找好野食真係唔易架，朋友講起先至原來有家好食既韓國料理叫梨滿園，藏身喺樂富商場 ，唔講唔覺，真係以為普通商場呢， 原來幾年冇黎，已經擴張得又大又靚!韓燒就最岩一邊慢慢燒一邊傾計，梨滿園一定係個好選擇! 這裡環境清雅，地方夠大，位置之間分的挺開闊，不論情侶或大班朋友聚會，也能自成一格，好好享受呢! 開始燒肉前, 先上來幾碟前菜. 有泡菜, 芽菜, 跟菠菜等, 味道都夠爽脆, 不錯不錯~供應的肉類都頗多, 有牛肋肉, 豬頸肉, 牛仔骨及牛脷等黎呢度一定要叫帶子呀, 睇色澤已經知靚野。燒到金黃色，漲卜卜後一啖咬落去，哇，鮮香彈牙!好正海帶湯是我其中一個至愛，料足味濃! 蜆和肉類帶來的鹹香恰到好處，鮮甜惹味，要不是還要留肚吃烤肉，我一人可喝兩鍋啊！人參雞湯好軟棉! D雞按侍應教路，沾上少許鹽巴後，真係完全不同感覺! 湯內除人參外還加入了薏米，潤滑滋補!推薦!大蝦大大隻，肉質好爽如果除左自己燒外都想試下其他食法既話，咁就要叫呢個秘制豬手啦，唔使動手，啖啖肉，肥瘦皆有，店家味道調得十分好，有d似食叉燒呢~牛肋骨超級好味，醃得好入味! 燒一陣就香味四溢，而且好軟，唔舔牙，good~!不經不覺燒燒下就過左好開心既一晚呢。胃量有限，下次一定會再黎試埋其他美食!…查看更多

每年中秋送禮都得考慮下送哪款月餅予親朋好友才最適合，尤其婆婆年事已高，更要注重飲食健康，今年送她金記冰室的低糖雙黃白蓮蓉月餅就最好不過了。包裝是用簡約又懷舊的紙盒，環保之餘又大方得體。上面印有經典的嫦娥插畫，用來送禮自用皆宜，不論老幼都禁不住欣賞一番呢。餅皮的厚度適中，不太油膩。而內餡甜度因為低糖也不會太甜，既留有傳統風味，仍保持豐富清爽的口感，可見金記冰室多年來嚴選食材的堅持。幼滑的蓮蓉、鹹香的蛋黃，真是令人回味無窮，家人吃過都好滿意，出年繼續encore~…查看更多

家傳戶曉的老夫子，是我童年最愛的漫畫之一，內容幽默諷刺，既有小人物的百態，又見大智慧的哲理，簡潔勾畫的四小格已耐人尋味。身為小粉絲的我，今天乘著朋友慶生，又來探望老夫子了。不經不覺老夫子餐館已開業一週年，門口的等身高老夫子塑像，令每位訪客不論何時來都有回家的親切感覺。這裡裝潢處處見心思，樓梯上方似是壁畫，仔細一看其實是不同期數的老夫子封面，不禁跓足欣賞。入口的一角特別開設了小小的紀念品攤位，款式應有盡有，不論送禮自用都有新意又實用。可見不少客人皆一邊忙著和不同造型的老夫子大番薯拍照，一邊選購各種特有商品呢。凍櫃內另有多款可供外帶的甜品、蛋糕，造形相當別緻。老夫子陪著不少人成長，餐館卻並非走懷舊復古路線，裝修摩登時尚，配合舖天的漫畫，衝擊力十足，特顯老夫子的與時俱進，幾多歲都咁型格~一定一定要提的是這車形座位! 上面是老夫子作者王澤先生的親筆簽名! 到此一遊必拍點啊! 餐牌精美，全彩，菜式名字皆是漫畫標題的四字成語。配上生動的人物插圖，仿如又看了一本新出的漫畫。太多菜式想試，全部都很吸引，糾結一番後只能叫了部分呢。大蕃薯玩意原來是棉花糖加汽水，光看造型已是全場矚目，看似十分大的棉花糖加進汽水，卻出奇地不會過甜，加上涼粉中和口感，聰明的配搭!我是羊肉愛好者，一見羊必嗌! 烤紐西蘭羊扒火喉剛剛好，七成熟不帶血絲，肉身紋路清晰，外面微焦而肉質保持嫩滑，頗有入口即溶感! 肉汁澎湃，帶淡淡羶香而不濃重，我相信坊間即使大部分有名氣的西餐廳也未必做到這水準呢！配搭的薯菜以薯塊最為出色，金黃香脆 ; 吸了醬汁的薯蓉亦好好食!此法式焗田螺好毒呀! 薯香撲鼻， 男女老幼只要喜歡吃薯蓉的，試過必定停唔到口! 明知好多牛油好高脂，但咁好味惟有食左先算啦。田螺入味又大粒，很軟熟，非常可口，正呀! 蒜蓉大蝦番茄汁意粉: 蝦又大又鮮甜，肉質彈牙; 蒜蓉番茄汁爽不膩口，淨食意粉都好惹味!不會太油! 如果席上有人是要有五穀下肚才覺充實，這個一定是飽肚之選!最後唔少得要甜品收尾吧，眼闊肚窄之下，必定揀d印有老夫子既樣啦，好食又睇得! 開心~焦糖吉士布甸-奶味和蛋味都特別香濃！水果鮮甜! 脆卜卜的焦糖、柔滑的布丁，輕易引出不同層次既口感! Yummy~香橙梳乎厘外-表輕盈內裡軟綿綿，充滿空氣感， 吃起來很蓬鬆，好似熱慕斯咁，質感十分有趣呢~…查看更多

今日行經荃新天地，先留意到原來荃灣都有金記冰室。見到餐牌上竟然有唔係好多地方有既豬潤麵! 特別要試試呢。公仔麵底配合得剛剛好，不會太咸太濃。豬潤都幾多，切得又大片，惟一就是薑味略有不足。奄列份量好夠!蛋味十足。而且火腿滿滿!好食!多士香脆新鲜，有咬口，唔錯。同行友人覺得始終要有米下肚才飽，於是叫左兩個小菜一齊食。涼瓜煎蛋、梅菜扣肉煲都是易學難精的家常菜。我地一致贊同金記呢方面真係有一手! 兩道菜都好有水準。煎蛋金香，涼瓜甘甜，火喉又夠，即使友人對涼瓜一般般，都食唔停口!梅菜扣肉煲雖然一聽就覺得肥腻野，但食落又唔會呢。入口嫩滑，肉汁惹味，伴飯好正!見到餐牌上仲有好多想試既菜式，下次一定再試。…查看更多

十次有九次黎葵芳都會特登黎食返碗米線。我可以肯定講小雨天係香港其中一間非常好味既米線店。不過真係好奇怪，身邊有朋友反而覺得乜仔乜哥果d味精重到勁口渴ge集團式好食d,只可謂各花入各眼。雖然我對小雨天評價高，但只針對食物而言，因為呢度零裝修、零服務、座位又迫，可能有要求既食客未必接受到。再者，有時食物質素都有甩轆。好似試過好多其他款餸之後，小鍋米線我幾乎次次都點滑雞墨丸小酸唔辣，呢個配搭最岩我口味。有d舖頭好唔識變通，一定係酸連埋辣，想唔辣就得清湯。清湯就即係冇酸菜冇碎肉醬，老實講，搵笨! 果d舖頭我絕對唔會再去!所以話小雨天淨係有得小酸而堅唔辣已經加一百分!無可否認，今次食d滑雞麻麻地，太多皮，冇乜肉。不過計落之前咁多次好食，都ok 啦。而且墨丸仲係又多又大粒，good ar! 最後不得不提，呢度加飲品只要6蚊! 好大杯! 下午茶更加免費 ! 米線都好大碗! 餸都好多!咁既價錢同味道，即使坐迫少少，我覺得都要再三幫襯!希望佢keep到質素啦！…查看更多

朋友喺附近，星期六最岩來嘆個tea, 想食少少又得，飽d又得, 我們叫了最中意既火腿奄列，雞脾，豬扒公仔麵，叫埋杯凍檸茶，超正!呢度既奄列成個碟咁大，火腿多到漲卜卜，比d連鎖餐廳抵食夾大件得多! 雞脾炸得香而不膩，肉質keep到滑溜又入味，每次來都一定要食呀!豬扒公仔麵則是二人share食的飽肚之選，份量足豬扒多，岩晒一人一半!後尾又加左炸魷魚，我都係第一次喺呢度食，果然朋友冇介紹錯，炸完一樣咁有鮮味，如果喜歡喝啤酒的話，十分適合伴酒慢慢嘆，一定停唔到口呢!…查看更多

慶祝好友升職，她又想吃泰國菜，特意揀來公司附近的亞萊嘜嘜，貴為元朗最正既泰國菜，即使平日，未夠夜晚七點半，已經座無虛席，門口仲排左唔少客人。好在姊妹一早攞定位，去到即刻可以叫定靚餸!首先係次次黎到必叫既串燒，豬牛雞任選，火喉十足，又能保持肉質的軟腍 ，入口鮮嫩唔痴牙! 人手一串，加埋秘製醬料，最佳開胃前菜呢!椰汁雞湯白如凝脂， 椰香四溢， 帶冬蔭功的酸辣感，但增添了椰汁的濃滑，口感更加豐富，最驚喜的是竟然有大片雜菇，雞肉很嫩， 拿來配飯一流 !泰式香芒炒飯，舖滿粒粒蟹肉和芒果 ，為味蕾帶來一番清新滋味， 芒果甜，蟹肉鮮，味道剛剛好不油膩，恰如其分，米飯炒得又香又金黃，十分入味! 飽肚推薦!飲品叫了椰青，清甜新鮮，點綴了這大滿足的晚餐呢 !最後不得不讚的是這裡的服務，上菜速度快! 店員反應快! 有禮親切! 絕對不會出現等到餓的情況!…查看更多

今日公司團年飯，終於有好野食啦！泰海鮮係屯門數一數二海鮮專家。今日食的樣樣精品，我地老闆特登去關財記揀，加上呢度大廚主理，務求將每種海鮮既優點發揮到極至!呢度白灼九節蝦唔好睇佢細細隻，肉質鮮嫩，彈牙可口，而且香港唔係周圍都食到，我都係第一次食! 易剥易食，配合店家特製既豉油，大家兩三下就解決左成斤! 下次一定再encore!另一個至愛是海鮮湯，無因為是煲湯而就住，我地揀左足料大大隻瀬尿蝦及大量靚蜆先有咁濃郁幼滑既效果，鮮而不膩，大家都飲唔停口!必食豬扒果然冇講錯，啖啖肉，軟軟的唔會痴牙，加埋魚乾仔更加惹味龍蝦芝士麵呢度至拿手!一定要叫!份量充足， 芝士豐盈，龍蝦大隻，十分爽口!同好多所謂大酒樓都無得比!呢度環境舒服唔迫，最緊要係加工費均真，唔明問到明，仲會推介各種時令食法，有佢地主理都好放心。下次唔使等團年飯，同家人朋友都一定會再黎呀!…查看更多

次次黎都要食的農夫包，今次多人食可以叫真好，唔怕食唔晒，夠熱卜卜脆茄子煲! 茄子唔會切得太薄太少，而且好入味，送飯一流~牛扒是好友特地要order的，佢話上次食過好正，果然非常滑嫩唔痴牙，結果全枱人爭住試哈哈甜酸肉味道調得岩岩好，而且啖啖肉，唔似出面果d配菜多過肉令人掃興呀，我個人就最中意飲呢度d中湯，冇話例湯就求求其，睇得出真有落足料煲，味道天然…查看更多

公司同事生日~我見美心出左一段時間ge布丁狗仲有現貨，二話不說即買啦，雖然有D同事唔識欣賞!不過生日果位好中意，咁就perfect啦~布丁狗100%似，又靚又好食，入面是芒果慕絲，不會海棉蛋糕咁太假又冇味，岩晒女仔~缺點當然都有~就是太细...得一磅.........6-8人已經分好小哈哈, 我們成12人分…查看更多

公司同事生日~我見美心出左一段時間ge布丁狗仲有現貨，二話不說即買啦，雖然有D同事唔識欣賞!不過生日果位好中意，咁就perfect啦~布丁狗100%似，又靚又好食，入面是芒果慕絲，不會海棉蛋糕咁太假又冇味，岩晒女仔~缺點當然都有~就是太细...得一磅......6-8人已經分好小哈哈, 我們成12人分…查看更多

必試農夫包 ，有咖哩同茄汁味任揀，大大個，最岩聚會食，好快掃清! 個人中食少少辣，所以呢個咖哩味岩晒! 牛腩足料~入口軟滑易咬，加上香脆麵包~惹味而不油膩，必食呀 !P.S原來仲有每日限量，想試記住早d嗌呢~茄子牛仔骨!呢個配搭未食過，原來咁好食，平日屋企都可以煮! 茄子軟綿綿非常入味，牛仔骨切得剛剛好，一口一塊，唔韌好好味!炒米食過唔少餐廳既都好易炒到又油膩又咸餸又少，不過呢度冇呢個問題，好快又比大家掃晒w菠蘿雪山， 多到滿瀉哈哈~好多新鮮菠蘿，唔係罐頭，雪糕又香，唔會過甜，岩我口味w例湯都好足料架，最怕味精湯，不過呢度唔會太咸，飲完冇口乾，仲係我至like既粉葛湯 ~good另外仲叫左雞翼,奄列,多士,公司三文治~ 好食過D連鎖店~份量足ww值得一提係呢到既懷舊裝修，仲有洗手盆上既燈泡鏡，自拍自動有美肌加超美白效果! 同朋友忍唔住影左幾張哈哈！…查看更多