見到餐牌上竟然有唔係好多地方有既豬潤麵! 特別要試試呢。公仔麵底配合得剛剛好，不會太咸太濃。豬潤都幾多，切得又大片，惟一就是薑味略有不足。
奄列份量好夠!蛋味十足。而且火腿滿滿!好食!
多士香脆新鲜，有咬口，唔錯。
同行友人覺得始終要有米下肚才飽，於是叫左兩個小菜一齊食。涼瓜煎蛋、梅菜扣肉煲都是易學難精的家常菜。我地一致贊同金記呢方面真係有一手! 兩道菜都好有水準。煎蛋金香，涼瓜甘甜，火喉又夠，即使友人對涼瓜一般般，都食唔停口!
梅菜扣肉煲雖然一聽就覺得肥腻野，但食落又唔會呢。入口嫩滑，肉汁惹味，伴飯好正!
見到餐牌上仲有好多想試既菜式，下次一定再試。
