jokerlover的个人专页

正所謂無期望就無失望，屋企有現金卷想用左佢唔好嘥先黎。康城無咩好食大家都知，呢款商場都唔會容納倒細鋪，有時逼住食連鎖店，但連鎖餐廳都有質素之分，康城呢間敏華都算出色。價錢就算間間都一樣但呢間可以喺其他地方俾人不停扣分。上菜速度真係好慢，一直聽倒隔離左右都話乜乜乜未黎，人地唔係叫啲製作需時嘅野，係下午茶榨菜肉絲公仔麵咋大佬，你估整公仔麵會唔會整到Fine dine 咁。服務亦都係無服務。服務員講嘢嘅態度我好主觀係唔friendly，但又唔係rude 嘅。上菜果陣一野掉落枱，有心又好無意又好，好難體諒，睇一間餐廳係睇埋呢啲㗎。好啦可以講野食，叫左Tea 蕃茄牛肉燴意粉+紅豆冰，意粉正常發揮，唔使扣分但絶對唔係好食，足夠維持生命。紅豆冰反而可以讚，其實唔係讚佢好好飲，係讚佢冇做到好難飲，因為而家好多餐廳嘅紅豆冰都勁難飲。總結一句，作為藍店，佢應該要做得更加好，起碼性價比要好啲先，以上。…查看更多

早餐時間成條街得佢一間係開咗舖，非常eye catching 。不嬲都好鍾意中式菜式，即叫即整嘅腸粉我都十分喜歡，自然就吸引左我去試一試。呢間舖之前完全冇聽過，點知一睇個餐牌原來咁有特色。腸粉係加咗雞蛋整到黃金色，呢個點子很新鮮。款式有傳統亦都有啲好新潮嘅例如泡菜牛肉腸粉，第一次食試啲傳統野先，叫咗蔥花蝦米黃金腸，$25非常合理。一打開個外賣盒就聞到蛋香撲鼻，呢一點令到人哋食慾大增👍🏻。味道上都唔錯，腸粉加雞蛋原來係可以完全冇違和感，真係好值得一試。比較可惜嘅係唔知係咪因為叫外賣嘅關係，我覺得腸粉唔夠滑身。總括而言仍然係會再去試其他味道👍🏻👍🏻👍🏻。…查看更多

話說有朋友話俾我聽有間食漢堡包嘅鋪頭嚟咗香港好多人食好受歡迎，點知原來係Five guys. 今次同朋友去試一試Burger. 下次有機會試試佢嘅奶昔，今次真係冇勇氣試，因為我仲未想像到Bacon 口味嘅奶昔係乜嘢味。Burger 選擇唔係好多，乜嘢都想試嘅情況底下，叫左bacon cheese, 之後揀topping 揀all the way 即係乜都有。叫個細薯條兩個人啱啱好，因為聽人講都幾大份。最後真係好好笑，俾左個半制成品burger 我地，一問之下先發覺原來應該係佢地發夢中未整好就包埋，不過唔緊要，佢哋啲員工好好二話不說即刻幫我重新整過，變咗無啦啦我哋又可以食多個包好好笑，佢地都真係黑人問號加全場笑鳥🤣🤣🤣講返個漢堡包先，原來一個完整嘅製成品真係幾大個，一個男人肯定夠飽，而且質素真係幾好，漢堡扒係即刻煎，好香好juicy，Bacon 唔知佢點解做到好脆口，初頭我仲以為係煙韌會同個包唔夾，點知原來真係好鬼夾，初頭覺得$95幾貴，但係食完之後覺得好合理，有份量又有質素👍🏻附上半製成品同埋真正完成品合照(嗰本製成品本身連上頭塊包都冇)另外值得一睇就係呢度特色係花生任食👍🏻可以無限J 不過同個friend都真係飽，食唔落花生😅…查看更多

近排同朋友玩懲罰餐廳嘅遊戲，呢間正正係懲罰對象之一，加上我又觀塘返工，啱哂！餐廳位於工廠大廈上面，超近觀塘站，喺一樓，唔好等𨋢行樓梯吧啦，唔算難揾的單位。晚餐時間，原來好多人同我哋一樣，都喜歡懲罰某類型餐廳，所以要等位，冇相干，我有的係朋友，佢一早攞咗位坐低左😎thank you very much.食物選擇唔算多，而且價錢都唔算特別平，不過喺度叫的飲品全部都係賞茶黎(賞茶當然係另一間要懲罰的店舖)，所以抵返黎數喺度，加上食物質素唔錯，希望今後食物種類會增加👍🏻…查看更多

呢間餐廳真係相當唔起眼，平日行過一定唔覺得會有一間咁樣嘅餐廳係工廈樓上，唔係有app我都唔會知佢的存在，但係佢地點係非常方便，好近隔離大商場。客人唔多基本上係唔使等位，食物方面，西餐fusion菜，生蠔牛扒燒雞，但係又有啲燒物咁。食物質量唔錯，牛扒幾香，份量都足，大男人夠飽，生蠔方面120蚊有半打，唔算好大隻唔係好肥，不過睇價錢分上原諒佢。我次次食西餐都嗌沙律，呢間的沙律其實唔貴幾抵食，不過沙律醬好喊啊媽咪，都係另上安全啲。整體而言，食物質素不錯，地點優，但如果正價食呢間野又好似冇乜亮點，有折扣優惠會抵好多 。…查看更多

唔知幾時開左間咁ge腸粉店喺度，原來都幾出名，早餐時間專登走去幫襯下，原來已經做到有幾間分店，睇黎成績唔錯。腸粉真係即叫即做所以要等，當然你都可以電話落定單先。已腸粉嚟計，份量餡料都唔係特別多，20幾蚊算係貴，不過幾有特式，有紅米黑米揀。味道方面，試過普通的白色同黑米，覺得分別唔算大，可能落少啲豉油會比較容易分辨到有乜分別。即叫即整保證新鮮唔會有放耐左林pat pat 嘅感覺，而且呢種皺皮腸粉亦令腸粉口感比較豐富。整體而言值得一食再食👍🏻。只係可惜未有提供堂食服務全部都只能外賣。…查看更多

呢間factory99唔係乜嘢新餐廳，喺觀塘工廠區好多年，一直都係[招待大廈員工]。今次晚上九點先去食，始終係工廠區，呢個時間唔多人唔使等位，正！內部裝修其實幾有格調，唔好以為工廈就會頹，木頭的桌椅，歐美風的掛字都增加餐廳的品味，而且地方寬敞舒適，幾好坐。食物質素上，唔算特別出色，不過不失，不過份量同價錢上贏左，唔收加一要俾讚👍🏻，高性價比係我最愛😛🤗🤗🤗。整體而言，係會令人一食再食，不過食物款式唔算多的，建議增加👍🏻。…查看更多

市面上放題有好多間，質素唔會話差好遠，試過之後唔會覺得加咗個至尊或者極上就會好食好多。今次試嘅至尊滿屋質素唔錯，食物款式都幾多，落單紙有兩本咁多。刺身方面以放題來講係幾唔錯的，唔會魚無魚味，其他食物質素都唔係得過且過，好似鍋物呢類食物咁，連賣相都冇馬馬虎虎，值得欣賞。呢間放題竟然有梅酒同埋清酒任飲，當然質素上有限制啦，唔通俾十四代你飲咩。另外，一位長很高的男服務員服務態度十分好，很難得，讚👍🏻PS . 雪糕一人一份only, 貴野麻。…查看更多

香港的雞蛋仔馳名海外，但近年好食的雞蛋仔真係買少見少，早排食左連鎖X群的雞蛋仔，竟然係冧patpat 完全無以往的香脆可口，果下失望到想掉左成個雞蛋仔，所以過幾日要食返媽咪雞蛋仔平衡返心理先得。媽咪雞蛋仔的做法同傳統雞蛋仔做法有異，我試過食原味、鹹蛋黃同埋雙重芝士，原味真係好無特別因爲去得媽咪雞蛋仔一定係食比較有特色的味道，個人非常喜愛雙重芝士口味因爲我係芝士控，唔知佢用左咩野芝士但效果好好，而新鮮整好的雞蛋仔亦很脆很香，拎上手重到有啲墜手的感覺其實好滿足，未試過的朋友一定要試下。只係33蚊有少許貴。…查看更多

講到明小店就一定係鋪頭好細，其實呢間鋪冇乜位坐，又坐得唔舒服，更加唔好講環境情調裝修。但係你唔好理佢嘅漢堡包性價比真係超高。如果你要同麥當勞比較，就咁睇餐牌價錢唔平，根本唔使比。要睇返佢嘅質素，呢個漢堡包無疑係一個高質嘅漢堡包，牛肉味濃郁，煎得非常香口惹味，配搭黑松露醬表現相當穩重，其他地方可能賣緊$100一個，喺呢間應該好難話佢唔抵玩。加埋佢尖沙咀地段，亦要加分，如此就打造成為一間極高性價比的漢堡小店。比較可惜嘅係其他小食質素一般，但無壞，漢堡就是這間店的靈魂。值得試👍🏻…查看更多

多年前食過，今日又咁啱行過，又走左入去一條友食碗麵當作下午茶。地段非常方便，就喺大街大巷。呢間老店無學其他麵店咁有豪華裝修，但佢價錢真係贏哂，質素仲要唔差。22蚊碗雲吞麵，其實今時今日物價，算係幾抵食，四粒鮮蝦雲吞，無錯係比起以前無咁大件，但味道keep 倒，有咬口，算係有質素的。麵熱整得幾好起碼無痴埋，食落爽口有層次的，可惜麵還是有鹼水味，呢個價錢好難要求太多的，唔通仲要無敵海景喺隔離有人拉小提琴咩。…查看更多

又係觀塘放工下午茶時間，今次黎到東廣場揾食，其實呢度都幾多選擇，中西日韓都有。向來都喜歡食啲無咁熱氣的野，見倒呢間明記下午茶36蚊三送麵牛肉湯底送野飲好似幾抵食於是就坐底左。跟住啊姐就叫我揀送，咁我就望住餐牌啦，點知啊姐同我講要睇佢地另一塊updated version 板因為年廿八最後一日收爐好多都賣哂，果下我嬲左，乜叉都無。最後叫羊肉算數，羊米線就唔係揀送，set 好左42蚊有羊肉一舊蘿蔔同半隻蛋。今次要講的係米線有驚喜，一入口已經覺得口感好突出，係比較爽口但又唔會過硬的米線，跟住我先留意倒原來佢有貼野出黎sell 自己的米線，原來係用冷水浸過等等等等，呢個米線真係可以一試。羊方面，夠香唔so，但俾米線的突出蓋過😂😂😂😂😂蛋方面算啦，有少少溏心已好開心。環境就無嫁喇，門口擺幾張枱咁，呢個價位無得要求太多…查看更多

Pizza Hut 其實不嬲都大食夾扺件，係性價比高的餐廳，平時食晚市都無乜問題，今次食下午茶就出事。下午茶叫咗兩個餐一個Pizza餐一個係俄羅斯沙律拼芝士條。點知呢個超級夏威夷Pizza好難食，最主要嘅原因係佢燶得滯。你睇下佢果幾塊pepperoni燶到呢，苦嫁大佬點食啊，除左個over cook 之外，都無咩大問題。但一個問題足以致命，食到我塊面都燶燶地。至於另外一個餐，我仲係好喜歡食俄羅斯沙律，不過果兩條芝士條就好hae，咪就係兩粒扭扭批果條邊，仲要又係燶燶地，不過都叫做好過果幾塊pepperoni。總體來說，今次可能係我唔好彩。…查看更多

鑽石山其實無乜好野食，黎得呢度行街就預左求其食，我對海南雞飯其實冇乜特別愛，會選擇呢間餐廳完全係因為未食過，加上假日下午茶時間唔使等位幾好。肉骨茶湯麵幾好食，我對馬來文化認識唔多，總之個麵黎到時好香，但係唔係好濃做湯麵啱啱好，入口味道傾向清香多過濃郁，麵方面無乜特別，清清地。沙嗲雞串燒啲沙嗲汁幾惹味香濃唔辣啱我食，食得串燒就唔好對啲肉有咩期望，呢個係合格有多嘅。叻沙就真係不得了，好好食，我唔知係咪因爲之前食過啲劣食叻沙，覺得呢個又香又濃郁，甜口，非常非常輕微辣味，真係湯都想飲哂，雖然好肥........至於麵，呢個麵入味過肉骨茶個麵好多，讚👍🏻整體黎講唔算平但大商場合理價錢，性價比甚高。…查看更多

朋友約食飯，佢話食過呢間幾好食咁話。作為一個吃貨，試新野我好樂意。間舖地理位置其實都唔差，旺中帶靜咁。裝潢走精緻小巧路線，但我非常唔喜歡坐得唔舒服，無錯我係XL size呢點我認，但坐得我唔舒服係事實，要扣分。餐牌選擇好少，點了意大利飯 大蝦意粉 同埋小食芝士條。講真食物質素真係普通，談不上烹調技巧，蝦本身幾好食，來貨應該不錯。餐具倒是有幾分雅緻，有點看頭，應該可以俘虜少女心，但我免疫。張枱細到放兩個main 之後都無位放小食，店員都唔幫我拍隔離張枱過黎，當時的入坐率係兩成唔夠，無眼睇。飲品：真紅豆冰店員話係用紅豆打出黎嫁喎。首先我唔知點解會有pat cream ..........我唔想要.........仲有，我第一次用勁幼的飲筒飲紅豆冰，果支飲筒仲要係紙造嫁........乜事啊啲紅豆我完全吸唔倒仲塞住支飲筒🤦🏾‍♂️，俾支匙羹我都無補於事。味道方面其實ok ，同大家樂的紅豆冰差唔多，已經幾好👍🏻…查看更多