Bugis@叻沙・海南雞飯

营业中

休息中

鑽石山其實無乜好野食，黎得呢度行街就預左求其食，我對海南雞飯其實冇乜特別愛，會選擇呢間餐廳完全係因為未食過，加上假日下午茶時間唔使等位幾好。肉骨茶湯麵幾好食，我對馬來文化認識唔多，總之個麵黎到時好香，但係唔係好濃做湯麵啱啱好，入口味道傾向清香多過濃郁，麵方面無乜特別，清清地。沙嗲雞串燒啲沙嗲汁幾惹味香濃唔辣啱我食，食得串燒就唔好對啲肉有咩期望，呢個係合格有多嘅。叻沙就真係不得了，好好食，我唔知係咪因爲之前食過啲劣食叻沙，覺得呢個又香又濃郁，甜口，非常非常輕微辣味，真係湯都想飲哂，雖然好肥........至於麵，呢個麵入味過肉骨茶個麵好多，讚👍🏻整體黎講唔算平但大商場合理價錢，性價比甚高。