or#Tm65996113的个人专页

屬於大埔人氣小店，預咗一定好多人，所以早於一星期前就訂座，果然晚上一去到，已經有人龍出現。/餐廳有好多唔同打卡位，樓上有種美國餐廳嘅感覺，氣氛非常好，只係略嫌地方較細。雖然人多，但不得不讚佢哋嘅服務態度唔錯！/🔅德國腸拼盤🔅卡邦尼意粉🔅松露忌廉芝士雞翼🔅牛面頰墩意大利飯🔅甲羅燒蟹膏燉飯🔅 手工啤酒/好鍾意佢哋嘅手工啤酒，款式好多，亦分咗唔同濃度，有易入口嘅水果香味，又有較濃嘅朱古力香味，我哋5個人都搵到啱自己口味嘅啤酒！食物方面無令人失望，卡邦尼意粉好creamy又彈牙，2款燉飯味嘅濃度剛好又非常香，連小食德國腸同雞翼都好好味，雞翼好脆，又有陣陣黑松露嘅味道，簡直誠意十足！我一定會再去幫襯😆/…查看更多

總係有啲時間突然好想食炸雞，所以今次去大埔行街就順便係下午時段試下呢間都算出名嘅餐廳。/🔅大韓廚師炸雞🔅芝士牛肉卷伴炒粉絲🔅脆薯條🔅Lychee Blue Butterfly🔅Jeju Island Beach /其實個炸雞真係好好食，好juicy 又惹味，咬落一啲都唔韌，只不過真係太辣喇，係好辣好辣，辣到我食一件雞要飲半杯特飲先無咁辛苦，坦白講因為我本身唔食得辣，所以就食到流晒汗，相信如果係鍾意食辣嘅人，一定會比好高分！另外牛肉卷伴粉絲好味道，粉絲既唔乾又唔硬身，值得再試！…查看更多

知道西貢有好多又靚又chill 嘅餐廳，所以趁平日早上唔多人嘅時候，就專程入去，然後好快就路經呢間餐廳，被簡約舒服嘅裝潢吸引住。餐廳有地下同一樓，我哋選擇坐係一樓，好好享受寧靜。🔅The Full Breaky🔅Egg Toast 🔅Mocha🔅Matcha Latte我真心想講句，呢個係我暫時見過賣相最好睇，而味道又非常好嘅All day breakfast 🤍好鍾意佢哋嘅紅菜頭多士！會唔會太少女心同太靚喇🤍 ？ 食落好香，微甜，又鬆軟！真係一試難忘💓 喂呀佢哋仲將啲食物擺得好靚，我對呢份早餐感覺充滿驚喜！同時亦要讚個炒蛋，好滑呀，而且份量好多，啱晒我呢個蛋控😆最後配埋杯熱嘅 Matcha Latte，好喇呢個早上真係大滿足，呢間餐廳啲食物飲品都夠晒誠意，絕對值得一試👍🏻…查看更多

Hopewell Café/上個月去灣仔合和，點知突然落大雨，於是決定係合和中心揀一間較少人嘅餐廳，發現17樓有間cafe，一於試試！當日中午時間，唔多人，去到馬上入得。/🔅日式燒汁牛肉飯配溫泉蛋🔅咖喱豬軟骨配烤包及飯/首先講下牛肉飯，好乾，好少汁，牛肉味好淡，而個溫泉蛋更加係一啲味道都無，食落覺得似一隻凍咗嘅生蛋一樣...咖喱豬軟骨飯，個咖喱完全唔香，偏水狀，味道一般，重點係個豬軟骨好韌，真係第一次覺得豬軟骨竟然可以似擦子膠... 雖然成個 lunch set 有湯有飯有甜品同野飲，但食物質素真係有待改善...…查看更多

前排去尖沙咀，中午時段經過厚福街，見到呢間新開嘅餐廳裝修唔錯，所以決定入去試下。餐廳空間較細，而且擺放好多餐枱，所以比較逼。/🔅慢煮黑豚盛丼 150g🔅海膽牡丹蝦雜錦刺身丼🔅雞軟骨棒餃子🔅朱古力曲奇沙冰🔅藍莓青檸梳打/食物賣相算吸引，所以對食物有期望。首先想講黑豚盛丼，好淡，雖然表面加咗好多醬汁，但真係好淡...雜錦刺身丼方面，味道無特別，亦唔算特別新鮮，不過不失。餃子 $48 / 4件，又係無咩味...但係點解連杯藍莓青檸梳打都要咁淡，明明咁深色，一飲就覺得好似叫咗杯淨梳打咁。最後杯沙冰終於比較夠味，但係個杯好窄身，幾啖就飲完... /我諗呢間餐廳比較適合鍾意淡口味嘅人...…查看更多

最近朋友話搵到一間高質素嘅打邊爐餐廳，好期待，結果果然無令人失望🤍 絕對值得推介！當晚叫咗好多野食，普遍都係好味道，其中幾樣係特別值得一提⭐️⭐️⭐️/🔅寒天翅瓜滑雞煲🔅邊爪牛🔅白鱔片🔅炸午餐肉🔅老友鬼鬼/首先，寒天翅瓜滑雞煲(湯底) 真係好正！味道非常濃郁，而冬瓜搭配鮮雞味道好甜，我哋未開始打邊爐已經一人一碗湯直接飲😆而邊爪牛算係晚餐主角之一，肉質好嫩，脂肪分佈唔算多，啖啖肉之餘又一啲都唔韌。而炸午餐肉同老友鬼鬼可以直接食，非常香口又唔油膩，我哋忍唔住要encore 😆 / 雖然餐廳有2層，但眼見好full，建議先訂位，我哋嗰日book咗7點，可以食到10點先散場，慢慢邊食邊傾計🤍 🤍…查看更多

店舖裝潢日式風格，有種簡單居酒屋嘅感覺，當日揀咗卡位坐，好寬敞，服務唔錯。👍🏻👍🏻👍🏻🔅石鍋玉子鰻魚飯🔅豚肉生薑燒定食聽聞佢哋比較出名刺身，但由於當日腸胃問題，只敢叫熟食😂。鰻魚同豚肉味道唔錯，食物水準不過不失，豚肉份量可以再加多啲。🙂總結算係唔錯，最後仲會有雪米糍送。🤍🤍🤍另外我哋仲追加咗2款小食，分別係小丸子同炸蠔，雖然份量少，但味道亦都okay!🤤下次有機會，會再試佢哋嘅魚生。…查看更多

下午茶叫炸脾+薯條配紅豆冰真係無得輸😆😆我已經幫襯過N次呢間茶餐廳！雖然佢哋無特別嘅裝修，係一般地道嘅茶廳，但有佢哋嘅炸脾，已經俘虜我嘅心😂😂當日又再次點咗我嘅例牌下午餐：🔅炸雞脾配薯條🔅紅豆冰呢度有嘅係生炸脾！ 落order 後要等大概10分鐘，即叫即炸👍🏻 食落熱辣辣好juicy!! 炸脾啖啖肉，啲肉好嫰，味道剛好，唔會油膩！配埋炸薯條同埋透心涼嘅紅豆冰！真係非常大滿足，呢個地道下午茶，我比90分🤍🤍…查看更多

有無人鍾意台式美食🙋🏻‍♀️？當日於下午茶時間經過，心思思想食台式野，身為港女嘅我第一時間睇睇餐廳裝修，都唔錯喎，感覺舒適，一於試下先😆/🔅台式滷肉一口雞飯🔅半筋半肉麵(牛肉湯)🔅珍珠奶茶🔅荔枝玉露/牛肉麵嘅湯底好正～好濃郁又熱騰騰嘅牛肉湯，配上特式煙韌粗麵，真係好有台灣地下街正宗牛肉麵嘅風味🤤另外，鹽酥雞美味可口，配上滷肉，又一絕配👍🏻因為下午茶關係，仲可以配埋台式飲品🤍🤍…查看更多

晚飯後，想與好友 chill 一下，然後看到這間空間感十足的餐廳。🔅Dirty🔅非洲寶石（茶）🔅松露風味薯條Dirty：凍奶+ 咖啡，賣相好看，味道不過不失。非洲寶石：茶味夠香，配薯條一流，夠消膩👍🏻薯條：略嫌軟身，味道一般。…查看更多

店舖裝潢好有地道特色，餐廳設有室內及室外座位選擇，有一種好chill嘅感覺。🔅一汁三菜便當 - 鰻魚🔅炸雞軟骨豚肉棒棒餃子🔅雞翼🔅Latte 🔅 百里香檸檬梳打一汁三菜便當相信係餐廳嘅Signature，便當旁有張紙仔，教你食嘅方法。先講鰻魚，好肥美同好juicy, 配搭湯飯效果好好！雞翼方面煮嘅時間剛好，雞肉嫩滑，味道唔錯。餃子係我最鍾意嘅，整到好香脆，味道濃淡道恰到好處！可惜只有4件，唔夠喉😝而杯百里香檸檬梳打就夠晒清新👍🏻建議要先訂座，留意返要人齊先可以入座。用餐時間90分鐘，唔適合想慢慢嘆嘅人。有時間可以閒逛埋整座活化商場，好有特色🤍…查看更多

喜歡工業風嗎？之前路過Proton, 被這間餐廳的裝修吸引，當時應該試業中，招牌還有紅紙遮住。今次難得再去元朗，一於嘗試這間餐廳吧！🔅Alaska Crab Meat Delight 🔅Caramel Foie Gras Angus Beef Burger 🔅Buffalo Chicken Wing 🔅Dirty🔅Matcha Latte 首先，我好鍾意佢哋嘅蟹肉意大利麵🤍 喂呀佢哋呢碟麵真係好有誠意，有蟹肉蟹子蟹膏，蟹味濃厚而不膩，而且佢哋嘅麵好煙韌，真係絕配🤤牛肉漢堡方面，個麵包唔錯，牛肉都好味，值得一試👍🏻但水牛雞翼就味道偏淡。呢度有Dirty飲！🤍凍奶+ 咖啡，飲到咖啡嘅澀，再飲就係牛奶嘅香！Dirty 愛好者不妨一試🤍Matcha Latte，好強烈嘅綠茶粉味，少了一點甜，多一分奶香，恰到好處👍🏻值得一提，佢哋嘅服務態度唔錯🙂…查看更多

一早已聽聞餐廳嘅設計靈感源於巴黎林蔭大道嘅花店，再加上餐廳滿佈情書嘅句子，令到Dear Lily 瀰漫住一種浪漫嘅感覺。今次於OR 訂座，註明想要窗口位。當日下午6點到達，好開心可以邊食野邊享受埋維港由日轉夜嘅靚景😆Set Dinner x2🔅Soup & Prime Beef Ribeye & Ice Cream🔅Soup & Linguine with Black Truffle & Brownie 首先，黑松露忌廉湯真係好好飲，入口好香，而且個質感好厚，更突出到黑松露嘅味道。牛扒方面我哋叫咗7成熟，佢嘅外層有好香嘅炭燒味，塊扒好厚身，入面好juicy，保留到肉汁！另外黑松露意粉亦都好正，非常creamy ，佢哋嘅黑松露真係好出色，好香好濃。食落係似黑松露味好濃烈嘅Carbonara 🙂最後留意返IFC有泊車優惠，消費滿$300以上可以免費泊車 3小時…查看更多

成日想搵啲好chill 而且環境靚嘅餐廳，上OR 係咁search, 比我搵到呢間，見餐廳有落地玻璃，馬上心心眼，一於去試下🤍🔅All day breakfast x1🔅Breakfast set - Baked Chicken x1🔅Flat White x1🔅Hazelnut Latte x1 當日早上11點幾食，陽光好好，真係忍唔住要影相😆 但我老公通常要求影幾張就要收手，好好享受食物😂 好啦，唯有快速紀錄下啲環境同食物。我叫咗一份baked chicken, 雞扒煎得唔錯，層皮好脆啱啱好，而且炒蛋都好香，唯獨我最大期望嘅牛油果蓉就差少少，無咩味道。總結成個餐係偏淡，適合一啲唔鍾意食濃味嘅人。至於老公嘅All day breakfast, 2款腸仔都好味道，芝士腸仲會有少少爆醬🤤啲菇煮到好滑，整個餐唔會太油🤍 都係屬於偏淡。…查看更多

早排去咗呢間位於荃灣海之戀嘅法國餐廳，會揀佢係因為個環境好靚同好chill! 睇埋Menu, 有我好鍾意嘅薯條，一於試下先❕Lunch Set x2 - Burger + French Fries + Soup- Steak + French Fries + Soup首先個餐湯好好飲，南瓜味夠晒甜🤍 至於burger 同牛扒，我哋叫咗 medium well ，burger一般無特別，但個牛排真係煎到啱啱好，又juicy 又軟，加埋 black pepper真係好香好惹味！絕對值得再食🤍🤍而個薯條，炸到好熱好脆，外面再加咗調味粉，又係無得輸…查看更多