💢職員冇禮貌，做嘢危險，食到一路一驚心- 掉張牌叫我掃code落單，係啪一聲咁掉。- 上菜時，我地禮貌地有講唔該，問佢可唔可以轉頭比2隻碗，佢冇反應冇望人，極黑口黑面嬲咗成個世界咁，放低食物擰轉身走左，唔知佢有冇聽到…唔知再唔再問好，幾分鐘後，佢放底2隻碗係枱，原來係有聽到。- 上第二樣菜時，枱面有個豆腐煲，煲底點左火，佢用碟菜推開個煲，是但一樣打翻都gg…嚇到我同朋友調低筷子去幫佢，但佢另一隻手冇拎任何嘢。枱面嘅另外一邊亦有空位。💢座位位置危險- 我地坐2人枱，側邊有張凳放野/坐？差唔多每張雙人枱隔離都有一張，但張櫈凸左出行人通道，唔敢放野上去驚職員收碟淋到，啲職員行過又成日幾乎踢到，每逢見佢哋拎熱嘢行過都好驚 💢食物質素差差差！！！- 食店以蟹粉做賣點，但所有蟹粉都好腥，特別係個小籠包。我平時係食魚唔落薑都得。- 蟹粉小籠包，勁厚皮，仲厚過7仔叮叮，好似北京水餃皮咁，厚到揸筷子唔叻嘅朋友夾反左幾次都唔穿，一咬開啲腥味衝出黎。- 除咗塊炸豬扒，所有食物都只係暖，完全唔熱。上菜唔夠5分鐘凍晒添- 蟹粉娃娃菜，啲蟹粉凍咗又腥又杰- 蟹粉豆腐煲，底部有蠟燭都冇用，食到底都唔熱- 湯麵，好鹹- 炸豬扒味都唔錯，唔鞋。但切啲唔切啲…連骨位置冇切開，又冇刀…用筷子難分開，又因為佢切開左幾下，個形狀成隻手咁…用口咬會係咁整到下巴整到面，成面油…食得好辛苦………..價錢唔算貴，正常價錢，相對食物嘅份量都唔係大份。…查看更多
