annick的个人专页

門口接待位好特別，仲見到生蠔做緊 6隻 $128，所以就試試。店員好細心提示食嘅次序，滴檸檬汁落去見到蠔嘅邊邊都係識郁個人喜好creamy 嘅南非Namibia係我杯茶2個人好自然就叫左個2人餐前菜青蘋果鵝肝多士 + 巴馬火腿蜜瓜有生果做前菜特別醒神，都唔記得有幾耐冇食過青蘋果，個種酸味真係冇野可以取代，完全去除左鵝肝嘅罪惡感蜜瓜甜加咸香火腿，對比強烈，開胃主菜1忌廉海蝦墨魚麵分量十足，墨汁並沒有腥臭味，每條麵都沾上醬汁，不俗主菜2澳洲牛柳扒，5成熟一切開牛柳已經有陣肉味升上黎，肉汁鎖得好好，沒有水汪汪咁肉本身嘅調味已經足夠，所以不太用附上的汁甜品草莓奶凍Milk Top造型，但係就完全2種風格奶凍做得好厚身，有d似cream cheese嘅感覺，加上酸甜嘅草莓汁，頗特別的另外提一提，好鍾意餐廳的環境，燈光柔和，好舒服，啱晒情人撐枱腳…查看更多

灣仔道係中學時代的地盤，見證了大大小小的店舖特別是一番風味這個位，以前店門口就係巴士站。但係唔個點解從來都無幫襯過。直到十多年後終於有機會啦一走入店內發現原來裡面空間頗大，平日時間竟然滿坐，真係有點驚訝因為只有2個人，所以點了3樣食物，怕浪費蒜蓉粉絲蒸蟶子，上枱熱辣辣，蟶子清理得好乾淨。粉絲底應該係預先調左味，整體係惹味韮菜炒咸肉，有驚喜，好有穫氣。咸肉係五花腩位，咸味不重，突出了咸鮮味，如果唔係叫左蟹粥，應該可以食2大碗飯蟹粥算係必點食物，幾乎每枱都擺放左一煲。蟹的體積比想像中大，相信是劃一的，因為睇到附近的都係一樣。蟹膏大部份都融入粥裡面，成煲都染成咸蛋黃色，加入蔥花已經足夠。粥底係稠稠的，同水蟹粥形成強烈對比，十分飽肚滿足ps. 如果係2個人去食，要考慮清楚叫唔叫蟹粥，因為份量真係頗多。…查看更多

旺角女人街2旁其實隱藏左不小特色食店，只要花小小時間就會搵到驚喜。今次就去左食雞煲打邊爐，位於地鋪但價錢比起MM Club 牛X，米走X，合理得多。明碼實價，仲要可以食足2個半鐘，邊到搵呢?因為同行唔食得辣，所以點左芝士雞煲，份量十足(圖為2人份量)。一上枱就有店員幫手計時，完全唔駛驚會唔識整。8分鐘後見到芝士完全溶掉，店員一翻炒，所有雞件已經沾滿芝士仲可以拉埋絲雞件明顯係全雞斬出黎，並不是只有雞脾位那種，咁嘅有骨位先係比較惹味好快就清左個雞煲開始打邊爐，湯底其實可以加少少錢用d指定湯底，但因為唔想浪費本身雞煲內嘅香甜洋蔥，所以最後揀左直接加豬骨湯。見到食物紙有自製咸蛋魚皮，當然要試!出奇地薄脆，咸蛋味有，但唔係一般起沙果種，所以不停食都唔覺膩，唔錯因為雪花牛一向唔係我地杯茶，所以揀左$198安格斯牛。特別嘅係食物紙上肉類係用件數為單位，即係唔係預先切定pack好有order就一盒盒咁上枱，感覺比較好同環保肉的厚度明顯比其他連鎖店厚，感覺自己係食緊肉，而唔係食緊淡如無味嘅薄紙。海鮮類雖然不多選擇，但勝在質素高，色澤好蔬菜揀左皇帝菜，第一次出街食會見到cut走咁多菜頭，留返正常size嘅一半，好新鮮好嫩口，不得不讚飲品係任飲，當中竟然有清涼爽咁冷門嘅野，二話不說就先隊左1罐，堅爽!行旺角想搵個地方可以坐耐少少，邊食邊詳談，依度真係唔錯! …查看更多

處於銅鑼灣心臟，地點超方便，商場細店為主，正好避開大媽來襲擊天氣熱，先來一杯沙冰，估唔到柚子可以配合綠茶雪糕，so fresh點了2款前菜: 帶子青蘋果沙律，加上焦糖合桃，少少甜同芥末味的醬汁，清新，啱晒炎炎夏日粗薯條係見到隔離有人食吸引到要點，因為炸粗薯係本人杯茶，如此粗長係坊間難得一見，配sour cream同泰式辣醬又幾特別主菜1: 墨汁魷魚扁意粉本以為係正常的墨汁味，濕濕地咁，但完全喜出望外，意粉乾身但唔'柴口'，加上少少車厘茄同辣椒粉，好有東南亞風味。魷魚夠惹味，唔駛10分鐘已經KO成碟主菜2: 黑松露大蘑菇蘆筍Risotto一上枱已經石油氣四溢意大利米軟硬適中重點在於底層，厚厚的蘑菇填滿整個碟底，夠晒菇味同juicy，好有一種禾稈冚珍珠的感覺最後用個邪惡嘅心太軟做甜品，睇相已經知道有幾邪惡，拖肥果仁再上淡淡酒味嘅提子雪糕，心當然軟再食多幾啖啦…查看更多

好彩有用Apps排隊，唔駛等到夜深盲目地片呀片5個人叫左一隻，分量頗多，暖暖的鴨皮下有肉片適合不好淨食皮嘅人有驚喜，驚喜的係蝦的size有掌心之大肉質彈牙結實，可惜蛋黃味不太夠前菜馬蘭頭菜，味道淡淡，沒有特別鍋巴，比較失望，青豆幾粒，蕃茄幾片，急凍蝦仁幾隻，加酸甜汁有進步空間…查看更多

店名已經呼之欲出係主打西班牙菜前菜點了2款:烤牛舌牛舌要做到好食係有一定難道。尤其是這樣厚切到牛柳粒咁但又做到入口無渣就更加難超級軟滑，沒有濃烈的膻味，可以食得出花了不少功夫。肉丸表面看似普通但一食就發現味道超開胃，蕃茄的酸味剛好，作為前菜真係一流，印象中好耐都無食過咁醒胃嘅starter Frutti di Mare, 海鮮扁意粉Pesto sauce偏淡味沒有蓋過海鮮各自的鮮味。虎蝦特別做得出色，剛好熟，鮮甜彈牙，讚Suckling pig, 乳豬經典歐洲南部菜，是西班牙炒飯之外，不可不提的。餐廳用了特別方法處理，令到豬肉異常軟滑，可以直接用叉一梳梳肉弄出來。表皮不是太脆，有重重的膠原質感Tiramisu絕對係MUST try item !!有生以來最合個人口味的Tiramisu，cream味道不膩十分輕身，酒味偏淡，濕潤嘅Ladyfinger，偏厚的咖啡粉....每啖都有感動嘅感覺，終於都搵到my cup of tea !!餐廳設有特別offer，Monday 係Seafood night, Sunday Steak night, 以上item係50%off仲有530~730 係 happy hour，咁就可能淨係去食個Tiramisu 啦…查看更多

平時去旺角食飯都比較少行去依個位，只係一街之隔就可以遠離大媽!一開𨋢門就係大poster 同節奏明快既K POP - 放題110分鐘，$248，有開門見山感覺肉類，海鮮，蔬菜小食各有一張點菜紙豬牛的種類同部位係最多選擇，特別既係有羊肉同豬皮燒海鮮類我就揀左有蝦，蠔，帶子同扇貝幾款海鮮都不錯，蝦點了3輪都是爽口鮮甜的蠔味濃厚，帶子非縮水既貨色水冷麵好有驚喜，大熱之選對住熊熊烈火食冷麵真係會有冰火既感覺最後將近時間到，店員提醒last order同攞張甜品紙俾我揀。…查看更多

喺旺角識捐窿捐隙其實在好多有heart嘅食店，女人街2側係其中一個地方。一鍋瘋，食物如其名，一人一鍋，性價比crazy.正價198有6款海鮮+丸物拼盤+3款蔬菜+美國豚肉+每人3款自選配料! 最後仲整埋個粥俾你食!瘋!癲!打邊爐前先黎個沙律，咁大個仔都好似未試過，crazy。因為有海鮮，所以特別叫左個椰子粥底等佢鮮上加鮮一盤海鮮上枱，有姿勢有實際。新鮮程度自己睇相，有圖有真相另外，加左2隻象拔蚌，清洗得好乾淨粥底可以令到d海鮮保持滑溜，比起湯底火鍋容易控制好多。味道又唔會俾湯味搶走食完海鮮其實都開始有d飽意，parts再黎個自選，迷你拼盤，蔬菜共冶一爐，眼看這所謂2人份量可算係有d over。最後加入南瓜粒芋頭粒黎做個粥。因為實在太飽，只好2個人share1個粥。蟹+椰子嘅味最為突出，正是我揀椰子味粥底嘅動機PS. 1，醬料中的蒜蓉好好味，應該係用熟油淋生蒜，好有家嘅感覺2，食粥之前記得清空個碗，因為聽到隔離枱話d粥有辣椒味3，Openrice 做緊3折優惠4，砵蘭街有分店5，老闆係幾個後生仔，要多d支持創業人士(因為本人都係，所以好明白)，加油…查看更多

自從有左港鐵南線後, 上環再不是山旮旯地方.Green Orange喺正地鐵站附近好方便一坐低就聽到隔離枱傳來一陣脆卜卜嘅聲，好奇之下偷望了一眼，見到如來有人食緊脆豬手，餐牌都未睇我已經決定要叫隻黎食。另外，叫了一個小食，一個意大利飯。餐廳做緊生蠔推价，仲要係 Gillardeau，但好可惜有人唔太舒服唔食得生冷嘢，咁唯有下次啦。餐前麵包是溫暖暖的，已經不是每間餐廳做得到。軟硬度剛好，份量適中，食得到麵粉的甜味。忌廉白酒煮青口，賣相好靚好立體!可能是難控制烹調，所以現時一般餐廳都係提供藍青口，好少會在餐牌上這種大青口。肉厚鮮甜來形容是最好不過，大隻又嫩滑，完全沒有渣。忌廉汁好得好出色，奶油味重但又唔會蓋過青口味，如果可以配上法包就頂呱呱!食厭了藍青口嘅你，真係要黎試試!黑魚子香煎帶子墨魚汁意大利飯，有驚喜。意大利飯一般都好重cream, 食少少已經要停手，但係依個就好唔同，加入左爽脆嘅甜椒中和，配合得好好。墨汁味不太濃，可能是怕影響帶子的鮮味。帶子香煎夠惹味，成個飯好快就KO左脆焗豬手配伴蜜糖芥末汁，期待的豬手份量十足，原本是原隻上枱，之後店員提示我們可以幫手代切，nice service.終於都輪到我享受卜卜脆嘅感覺! 此脆是鬆脆，而不是坊間的硬脆，硬到成日插損上顎的實豬手。平時出面食都係一切就是皮下脂肪不停標油果種，但這裡是脂肪少肉質嫩嫩的，十分讚讚。另外不可不提的是蜜糖芥末汁，好新鮮的味道，配豬手是一流，怪不得隔離枱要encore個汁啦朱古力布朗尼伴雲呢拿雪糕，同麵包一樣，Brownie係暖暖的，與雪糕同吃確實不錯…查看更多

登龍街是中學時代留下腳毛的地方, 由一條烏黑的街道, 整條街唯一會光顧的超霸機舖, 變成了一條美食街。今日去食依間勝八其實之前都黎過食Lunch, 我記得依度嘅Lunch set係超多選擇同配搭, 最後要店員介紹揀左好耐先落到order一開門就有日本感覺雖然是居酒屋，但其實食物的種類是十分多.刺身壽司，鍋物，揚物，串燒，鉄板，燒物，煮物應有盡有。最特別是這裡有吉列和牛, 更加還有少不得的日本清酒, 可惜我地唔飲酒, 但我見店員對其他食客講解清酒時好專業, 種類也很多, 不少都是頂級或期間限定.我們一坐下就有店員來介紹食物，基本上沒有必要睇menu. 再者因為店員有時令secret menu, 睇menu都無用.因為過年暴飲暴食關係, 是時間收斂一下, 刺身可算是不錯的選擇. 店員推介1: 時令魚 - 九繪魚, 店員說日本名叫羽太 (即石班科，又長知識). 石班刺身真係第一次聽, 第一次食. 石班魚生片卷著海膽魚子再配上蔥花, 魚肉質結實清淡, 加上海膽魚子配合提升味道, 特別的是魚肉會愈咬愈出味道, 讚店員推介2, 九州牛腸鍋.初時都有個問號, 牛腸都會聯想起韓國, 原來日本人都會食牛腸. 店員說日本人都會在冷凍日子食鍋物, 特別類似這牛腸鍋, 少少辣有暖身暖胃之用.鍋物內有牛腸, 牛肚, 蒟蒻, 蘿蔔, 椰菜再配加上少辣惹味湯汁, 配搭得宜. 食得出牛腸牛肚的軟淋是經過長時間炆煮. 肚餓時配一個白飯加上湯汁便是prefect食效都非常快捷地反映, 我食到一半已經有冒汗情況. 心想我應該早點來, 什麼個位數字溫度的日子都不會怕.建議: 先問問店員推介因為佢地有好多秘密菜單, 真係不合心意先睇menu.…查看更多

要在寸金呎土的銅鑼灣找尋非集團式食店真是有點難道。一般都是中央處理再加熱的食物，局限了款式。如果大家都厭倦了，Y Pasta 是一個十分好的選擇 !! 位置不隔涉，就在銅鑼灣2期附近。開宗明義pasta是這裡的主打，除了推介的指定配搭，大家還可以在7款粉款中自由選擇，配料及醬汁亦可自由配搭。有選擇困難症的人真是會花多眼亂，最終我們還是點了牆上的推介忌廉汁黑松露醬巴馬火腿扁意粉，店員送餐時已經聞到火腿的咸香味，經過一天的工作折磨，食慾終於被喚醒了黑松露醬與巴馬火腿味道十分合拍，醬汁掛滿每條意粉，碟上沒有多餘的份量剛好意粉熟度亦掌控得好好，挺身滑溜，果然係“店名符其實“香蒜白酒煮青口，份量都頗多，煙肉更加帶出青口味，少少辣，如能配上熱辣辣麵包會更prefect香草檸檬焗法國春雞，印象中從來沒有嚐試法國春雞，只有絕跡了的大x樂燒春雞回憶。法國春雞明顯高貴很多，嬌嫩的身軀，刀切的感覺像切乳鴿一樣，骨頭軟到可輕易切入。肉汁亦隨即爆發，肉嫩多汁是這樣解釋吧 沙律菜配黑醋十分脆口新鮮，燒茄子翠玉瓜多汁，最驚喜是細小的烤薯仔，香甜可口，如果可以當小食來點，我們一定會encore !!!…查看更多

一個熟悉的門口，但原來差不多一年沒有來過。因工作關係，已沒有在銅鑼灣區出沒，難得約了朋友食晚飯，二話不說就推介 - 阿麥大蝦占米多，一入口上一次光顧的回憶馬上重現眼前，那種獨特的醬油味可以說是歷久常新。煎鵝肝配焦糖酒醋莓，入口依舊自動化為mousse，沒渣個人喜愛將酒醋莓撈入沙律中，味道很匹配 !黑松露菌忌廉湯，這次是友人點的，沒有試味道，但看她比我快完成，相信水準是和那次一樣，菌味爆發蟹肉南瓜忌廉湯，沒有點菌湯是因為我比較懷念此湯。味道是可以的，但可惜不是之前那種湯質，現在是大路的正常南瓜湯。我懷念的是湯質偏稀，不搶蟹味反而更能吊出鮮味的那碗......德國咸豬手，必點的，不用說，只管看。賣相不同了，多了個鐵筲箕，立體了已經沒有給分量之多嚇怕，皮脆肉嫩，仍然做得出色，可能技術已經是到達"賣油翁"的程度炸薯條是有驚喜的，明顯不是之前的款式，外表更脆，鐵筲箕亦發揮作用，薯條不會像之前一樣在碟上疊著焗到變淋，食得又睇得還點了個蟹蓋飯，可惜掛著將分量頗多的黑松露醬伴入意大利飯中都忙了影相造型很可愛，Cappuccino還是立體的這裡人客明顯比以前多了很多，當日是平日的晚飯時間，但已經全場滿座，所以話"好食嘅理得佢幾隔涉!"…查看更多

約人食飯自己遲到，好匆忙到達木星街，好自然俾螢光紅色的招牌吸引著，原來也是我的目的地ROJO內裡空間足夠，音樂節奏澎湃，喜歡靜的人士可能會覺得不太自然西班牙菜頭盤絕對不比主菜輸蝕，所以一口氣點了3樣:蒜片蝦: 蒜片脆，帶有香甜味，配上爽口大蝦，簿脆多士。3個字，卜卜脆 !鱈魚.薯仔: 本來預期會像葡菜白烚的樣子，所以上菜時都有d surprise. 外樣都像比較堅固，但原來內都十分鬆軟，鱈魚和薯仔都是切粒再做成球形來炸，軟滑的內涵加上脆漿，一絕。黑松露比堅尼: 內有黑松露，芝士，風乾火腿。味道鹹香，放涼了多士還是脆脆的，想不到黑松露味道竟然更加突出。西班牙海鮮飯墨汁: 賣相已經好好海鮮比例也偏多，飯底粒粒鮮明，軟硬適中，並充滿海鮮及乾蕃茄味。墨汁更加是畫龍點睛一樣，但外表控請點正常版，否則就要不停擦嘴建議2個人點3個Tapas，1個main course就已經好足夠。…查看更多

從河內道一路走過來棉登徑，像走出鬧市煩囂一樣，來到一處柳暗花明又一村的地方。路上比較偏靜，與店內座無虛席形成極端對比，慶幸有訂座，否則也要排隊等候。先來前菜: (左起)海蜇，三文魚頭骨，醃漬牛蒡。其中三文魚頭骨是本人首次食到，亦想不明白如何取出薄切，但味道酸甜開胃，爽中帶有骨膠感，又長知識了北海道毛蟹，不時不吃，中國有大閘蟹，日本也有毛蟹，都係Hairy crab相對於厚實多肉的鱈場蟹，毛蟹肉質絲滑細緻，加上畫龍點睛的酸醋，蟹肉顯得更甜更清秋刀魚刺身，當造魚造刺身絕對不會失禮街坊秋刀魚一般都給予人腥臭的直覺，主要原因是很難找到新鮮刺身級的貨色，大家往往被雪藏貨影響了。單看相片已知道，刺身鮮色亮澤，刀功一流，每件都大小一致。配以香蔥薑蓉，魚香油香蔥香，薑蓉提鮮，絕燒芝麻雞翼，激讚!肉汁被完全封鎖在皮層以下，當咬開鬆軟的外皮，內裡的肉汁差點誇張到像爆醬肉丸一樣噴出來。味道清得來帶有豐富的雞味，本人推介…查看更多

朋友生日飯局入到老遠的大埔區打邊爐，全因主角係一個"大滾友"，無時無該日而繼夜夜而繼日都係掛住滾。生日飯都當然無獨有偶一齊滾。人生唔不熟，都花了一點功夫先搵到。雖然一早訂了位，但人客實在太多都等了一段時間先可以入座。相反，附近的食肆都生意淡薄，形成強烈對比。全牛火鍋當然有理無理叫一個round黎試下啦，上枱都聽唔切店員嘅介紹，估估下依碟係咩，果碟係咩。有d人攞住部點菜tablet睇圖尋肉，我就二話不說是但夾塊淥黎食啦個人認為胸口膀(全白果碟)係最突出，爽中帶油香正到暈ps. 可能係要控制在48一碟原故，所以d肉相對薄左少少，有些食唔出有咩味，如果可以厚返少少就最好啦…查看更多