vivianpoon的个人专页

呢間係專俾一家大細/帶住bb既家庭餐廳今次第一次同D朋友同佢地小朋友去試, 順手慶祝埋某幾個大朋友小朋友生日其實設備都好貼心既, 有哂唔同年紀既BB凳, 防敏感既洗手液...etc亦有一個細細角落俾小朋友玩既設施餐牌除左有小朋友餐, 亦有俾小朋友互動既餐點 (例如砌pizza, cupcake)大朋友都有其他西餐既選擇我揀左美式牛肉burger既午餐, 都幾足料呢D都做得幾好既不過有D地方就覺得佢地做得不足, 老闆亦都唔識得處理我地當日係有帶個蛋糕入去一來我地唔知道用膳時間只係去到1:30分, 亦都冇為意時間佢地D員工1:24分先提醒我地要離開, 果時蛋糕都未切...所以我地就打算快快手食左個蛋糕, 已經非常狼狽但一路食一個疑似老闆既人出黎趕人, 話出面10幾人等緊... 態度都唔好如果知道我地留左蛋糕, 係咪都可以係離座前15-20分鐘提一提我地呢?同埋係咪要咁既態度趕客呢?就係呢度扣哂分...…查看更多

同男友試食呢間米芝蓮推介拉麵店坐左吧檯位，可以好近距離咁睇到師傅整野食調味區仲有生蒜、辣芽菜之類任你加我嗌左期間限定嘅魚介湯拉麵（$88配料都幾特別，有啲柚子碎同魚介粉同個湯底撞埋都算幾清新拉麵質地係較硬身嘅蛋麵，梘水味比較重個人就唔太喜歡呢種麵湯底係偏杰身嘅質地，魚介味道幾濃郁👍🏻糖心日本蛋味好淡，有啲失望😔叉燒本身係凍嘅，食落有啲硬同un，麻麻地個麵仲有幾塊雞胸，雞胸比叉燒好一啲、淋啲，會吸到少少湯嘅味道啲筍幾粗幾大條，但就冇乜味道🤔男友嗌左魚介湯嘅沾麵（$98睇得出塊叉燒真係硬哂軚、凍嘅狀態🤯脂肪好厚，沾落湯度都冇乜幫助如果叉燒本身係熱熱地的話應該會更好紫菜未食時已經林左😔除此之外個麵都不過不失另外店內環境都幾窄，背後走廊位置放滿貨物侍應經過我地背後時都要挺一挺直避開佢有啲狼狽😥店內師傅都比較沉默，同客人零交流，冇乜氣氛總結嚟講，湯底同麵都可以，不過不失但係塊叉燒我地就唔識欣賞加上坐得唔係咁舒服，體驗普通，呢間米芝蓮推介應該試一次就算了。…查看更多

與朋友剛巧在九龍灣用膳, 途經此店聽聞其他人說麵屋一平安在其他地區的分店不俗, 故此一試一進店, 店員就用既熱情但又講唔正的日文招呼, 怎料這正是惡夢的開始...打開個menu, 見到D相... 哇, 有D相濛到都睇唔到果碗係咩東東...D design又求奇每一頁又淨係A4紙用clear folder入住, 有D似中學生果D project lor洗少少錢包裝下個menu不是太難吧???叫左個二人餐$238, 諗住每人百幾蚊, 有飯有小食又有甜品, 應該抵啦好, 叫了個鐵板海鮮炒麵, 三文魚生飯, 炒雜菜, 燒玉子等左一陣, 炒雜菜先上桌食落有屋企感覺的炒雜菜, 因為入面只係得三款菜 i.e.椰菜, 芽菜, 胡蘿蔔...略嫌D菜唔夠"雜"若可以加多幾片菇類落去應該會好味一點然後三文魚生飯來了三文魚生就只有很少一埋+切了碎粒放在白飯中央, 其餘的飯面都只是舖了蛋碎而且飯的份量也很少... 感覺成碗野就是很孤寒還有三文魚生係無味道既...接著, 燒玉子跟鐵板海鮮炒麵陸續上桌燒玉子同出面食到既好唔同, 首先, 玉子顏色很淡, 煎出來又很扁塌, 還有不少鑊燶在上面而且口感很差, 很輕很散, 感覺到那蛋汁一定溝左唔少水最後, 碟上是沒有其他醬汁, 只有一堆白蘿蔔蓉+那"白奶嘥"的玉子...是要我乾"芹"了他們嗎?那個鐵板海鮮炒麵又是賣相已經很不吸引麵條上是沒有醬汁的, 只有油掛在麵條上, 口感很膩雖則它有海鮮相伴, 但是麵條只有咸+油味幸好海鮮還算新鮮, 蝦也滿大隻, 還有一隻煎蛋舖面...最後, 可以上甜品了, 我一心以為佢話雪糕兩客, 點都有隻碗仔入住個雪糕球, 最好仲可以俾我揀下口味咁點知, 現實是殘酷的, 亦都貫徹始終, 佢D野食唔掂, 連食甜品都唔會俾你有好日子過那個好明顯是新手的侍應女孩, 一聲不響地放下一隻碟子, 而上面, 是兩粒迷你版維記雪米滋好了, 用百餘元去食以上既野, 除左有肉痛既感覺, 還有被昆的無奈...呢個故事教訓了我, 入餐廳之前, 一定要對一對openrice的評分有冇異樣, 先好入內, 決不可魯莽行事...完…查看更多

唔好食之餘, 亦完全唔值呢個價錢(平均40-50一碟)...佢平D都冇咁嬲。雞絲粉皮: 算係最OK既一碟, 但D麻醬咸得濟, 好似就咁放D花生醬入口咁紅燒肉湯拉麵: D紅燒肉好咸, 又老, D麵一夾就散, 煮到過哂火, 個湯仲死, 味精湯金華火腿津白: 個賣相好唔吸引, d菜好碎, 甩頭甩骨, 好似求奇搵d菜渣煮比我地食咁, D菜又有黑點, 個味道都還可以, 不過我寧願食屋企煮既娃娃菜另外, d檯太迫啦, 又好嘈。總括, 呢間店, 不可一, 不可再。…查看更多