小黃鴨的个人专页

懲罰到停唔到手 🥺 今次試下呢間泰菜，喺尖沙咀好方便。【鴨腿湯河】鴨腿原隻上，我最近牙骹出事，怕隻鴨會韌，點知原來用筷子都可以將肉同骨分開。鴨肉煮得腍身，個湯幾香濃，配粗河粉同芽菜，好食 😋 Remind me of 清邁夜市嘅美味鴨腿湯粉 😭【水門雞飯】雞肉好嫩滑，雞皮薄薄唔肥膩，飯味偏淡。點佢個泰式醬汁會比較惹味，不過我覺得醬汁偏酸，會鍾意同名另一間黃店嘅醬汁多啲（之前我都有評論過 🤭）。【泰式辣生蝦】一向係我最愛，見到必點。呢間餐廳嘅生蝦幾爽口，唔太辣，不過冰凍至較硬身，如果唔係我牙骹痛應該食得更開心... 🥺【泰式凍奶茶】好橙色呀 😂 泰式奶茶一向偏甜，但都好香滑，又大杯。埋單兩個人百幾蚊，係一間好食得黎又有良心嘅泰國菜，我推薦黃色經濟圈朋友去試下佢 😌…查看更多

懲罰黃店系列 must go on! 今晚「走肉」。【日式咖哩炸漢堡扒飯】塊「肉」真係似肉，炸得好香脆，無論質感定味道都似真豬肉喎。男朋友都話勁似真漢堡扒，不過佢嫌咖哩汁太少。咬開近鏡 🥺【口水雞】我估係菇菇扮？分開唔同方面講先。味道：坦白講唔似雞，啲菇菇味本身太濃 質地：究竟係點整到連肉絲都有嘅呢？賣相：我俾滿分! 痴線連雞皮啲質感都整埋!! 😫醬汁：麻而不太辣，但唔似傳統口水雞醬汁你地評下理，個雞皮質感點整出黎架？沙律、白飯、湯、糖水，一律任裝。有無人同我男朋友一樣好鍾意食酸蘿蔔？佢話5分滿分嘅話佢要俾100分啲蘿蔔!! 🙄好似我之前評另一間新派素菜餐廳咁，做素食一定有心，齋搵錢就不如賣垃圾快餐同肉食好過。我覺得呢種新派素食真係好適合嗰啲唔想殺生，但又放下唔到屠刀食全素嘅人 (like me)，你地快啲同我一齊黎幫香港積下陰德啦。…查看更多

懲罰黃店已成習慣，就算飲杯珍奶都一樣要俾良心小店賺!【圓圓珍珠炭培烏龍奶茶】Sorry 我過馬路時先醒起，好求其咁snapshot左幅相，無靚背景，我男朋友隻手又無交戲喎! Sad 😑我飲過咁多間珍奶，對圓圓嘅評價係：香滑、好飲，稱職嘅珍奶先耐喝。微糖少冰啱我，而兩種混合珍珠Q彈，大杯嘅份量又夠兩個人飲。貫徹小黃鴨一路以來幫襯黃店嘅宗旨，消費力量影響好深遠，香港人店舖香港人自己撐起! 大家都慢慢習慣下幫襯各式各樣黃店啦，洗錢都洗得條氣順啲架。P.S. 如果圓圓轉紙飲管，我會更愛佢囉!…查看更多

又出動支持良心小店! 今次懲罰嘅係番茄師兄，佢好早期已經出聲出力，敢言有良心。叫左【一貝子】，顧名思義就係貝類 —— 花甲同帶子。茄湯好香濃，烏冬好索湯，入哂味又彈牙。美中不足係番茄略生，我比較鍾意熟番茄 🍅好彩有加$5滑蛋，好滑呀~ 🥺【豚豚圓圓】就有豬頸肉同豬腩肉。頸肉香，腩肉肥，我覺得$5菇菇偏硬，但男朋友鍾意食硬野就拍手叫好 👏🏻雞翼係我最愛，梗係要叫【麻香瑞士汁雞翼】試下佢。好食喎，好稱職嘅瑞士汁雞翼，皮肉都入味，美中不足係有少量雞毛。播住國歌食飯，真係食食下都想起立。小黃鴨一定會再幫襯，除左因為食物好食之外，亦都因為今時今日有良心又坐言起行嘅小店，sadly真係唔多。…查看更多

特登去懲罰呢間良心餐廳，講下喺一餐飯嘅時間，我點樣被佢打動 😌點左日式咖哩炸「新豬扒」意大利飯，叫得「新」，你都知係素食豬扒。賣相靚、咖喱香、素肉似豬肉，仲怕你膩，有蘆筍、車厘茄、蘋果。我覺得素豬係似肉嘅，講真咖喱汁，又炸得咁香脆，瞇埋眼食我都未必分得出囉。「肉」質係鬆散過真肉，但我覺得像真度都有80%，對於想食齋又甩唔倒肉食嘅人黎講，係幾唔錯嘅! 🤭拿，你地自己望下個質地。仲點左杯特飲 —— 青蘋果西芹羽衣甘藍燕麥奶。一聽就知堅，堅健康! 😂比我想像中淡，青蘋果味為主，無乜西芹味，質地又幾滑。我會推介俾想擁有健康人生，但又怕西芹嘅人（即係我）😂黎到打動我嘅位喇! 講真做素食唔多唔少都啲 heart，想sell呢個意念俾大眾。純粹想賺錢嘅話，整啲迎合絕大部分人口味嘅野（=肉）仲好啦! 🤷🏻‍♀️ 大家有無發現，佢連飲管都係紙造架? 🤭 環保、不殺生，我覺得間餐廳好consistent囉!!仲要有良心，抵去幫襯啦? 喺長沙灣政府合署對面隔條馬路咋嘛，睇完唔該同我 go try try!…查看更多

特登去懲罰呢間良心小店，食完竟然被感召到要寫我第一篇評論.... 🥺🥺位於food court，$35海南雞飯，+$5轉雞脾，包湯。價錢平過出面好多，雞係少啲，但絕對對得住個價錢。飲第一啖湯，oh wow，勁似我媽煲嗰啲南瓜湯，I like it! 😂😂想點名讚佢個醬汁。我平時食海南雞只點甜豉油，但佢呢個醬汁好有泰國feel，味濃、少少辣，撈飯同點雞都得，I am surprised，點佢點到青瓜都食埋。總結：又好食又有良心，一定有下次。…查看更多