kiko_kiko的个人专页

好朋友為我慶祝生日, 預先選擇了這間荷蘭菜餐廳, 香港比較少可以食到 地點係中環, 好方便.友人預先book好時間, 到我地去到安排左一半sofa位, 坐落同隔離台有D隔離,唔會點聽到隔離台講野, 基本上星期5晚去都好多人去食.前菜^ 傳統小食, 好懷念, 食落同係荷蘭食真係差唔多, 夠熱佢青口有2種選擇, 好清新, 好食呢個海鮮意粉都唔錯, 有青口, 蝦等side, 叫左薯條最後,友人一早安排餐廳係甜品上面寫字, 而個tiramisu甜品都係真係好好味, 唔會太重酒味得黎好滑; 最後仲送上shots, 好重酒味好正, 唔係亂咁送D平shot, 成晚既服務態度都好好, 有機會一定會再黎食…查看更多

係荔枝角番工成日係億利食，最好就12點去食，1245先去其實已經要等位。裝修:飯堂裝修，橙色為主，入去一開頭有大x樂或者以為入錯大x活，預你食完快啲走。等位位置係收銀隔離，如果太多人要出店外企。食物:有海南雞同泰式野，有飯有米線，我次次都叫雞翼米線，係生炸既，所以等好耐，但有4隻，好好味，唔係細隻既，keep住食左成年都咁大隻佢配一個汁，好食，好Thai feel無呢個汁我就唔會再黎。雞飯可揀湯or野飲，油飯加錢。總括而言，會再食…查看更多

約左同友人們食生日飯, 揀左係尖沙咀既paper moon< 知道係LCX最入, 但當個人係尖沙咀站行去既時間唔知點解覺得很左好遠好遠先到, 係LCX最最最入就會見到paper moon, 因為一早Book位既時候係都講左想坐窗邊同朋友生日, 咁就好好安排到window side比我地跟住我地就叫野食啦,3個女仔叫左3,4樣野share一齊食, 因為大家都唔係食得多. 最搞笑既, 唔知點解係咩野食都未開始食既時間, 個員工無啦啦扲個生日甜品出黎,真係唔知比咩反應, ...... 野食黎講係幾好食,環境好好, 如果唔係甜品事件既話會比好高分, 但係佢地員工同員工既溝通真係有D問題..... 好彩友人唔介意, Pizza好抵食, 好大份都好好食. …查看更多

同友人想食個Brunch, 決定左黎到食 因為coffee出名, 我自己唔飲coffee所以就揀左杯熱朱古力, 味道幾好,唔會太甜, 但都有D貴 LOL環境: 有2層, 眼見地下個層係好逼同好細, 我地坐樓上, 可以自己落去點,或者有員工會上黎落order, 坐上層如果傾計係會好D, 因為無樓下咁逼, 相信如果一心係享受咖啡既, 樓下星期6係逼到你講1句隔離都會聽到既. 但樓上樓底唔高, 有小小壓迫感, 睇下自己選擇野食我地share 1個Pan  Fried  Chicken  in  Garlicky  Cream  Sauce, 好好食, 出餐好快, 但唔係hea, 好好食真係.之後我地再叫多個Brioche French Toast with Caramelized Bananas and  Maple Syrup, 係我人生中食過最好食既toast, 係一定要食, 最好2個人share, 唔係既話可能會覺得太多.日後會為左個toast再番黎食, 但會揀weekdays, weekend真係太太太多人.…查看更多

要好早Book位, 好full, 唔係飲食但都係用餐時間2個鐘. 係中環出口出左向上lkf hotel行就岩, 都好易搵既.  一行6人去食, 同行有外國人諗住帶佢地食下香港hot pot,中環最方便大家, 上網搵發現中環好食既hot pot真係好少, 嚴格黎講好D野得1,2間....一入到去就會見到呢個兵馬擺設, 跟住個場就一眼望哂, 好逼,樓底係好底, 完全係食完要馬上走既格局,不過由於中環打邊燼既地方唔多所以都想黎試試.6個人叫左好多野食, 每樣野食份野都係比較細,但都OK既, 預左. 野食係幾好食. 個湯底都好正.揀左spicy同豆腐, 同行外國朋友話魚滑好好食.牛肉真係好有牛味, 推介 同唔知點解有魚生食, 我地都有叫, 都OK既, 啤酒種類都好多, 一定揀到酒飲.食完之後會有甜品送, 幾好食 好得意, 但係未必會再食下次, 實在坐得太逼.…查看更多

男朋友生日，tst分店太full就揀左灣仔。係地鐵站行5分鐘就到，好方便。安排坐卡位，環境比想像中細但都okay, 係位置比較近門就比較凍。我地2個人叫左crab cake,一個意粉，黑松露薯條同海鮮袋，甜品作結。野食出得比較慢，等好耐然後一次過出，個crab cake 同薯條係慢過個海鮮袋同意粉黎，但都okay, 海鮮係熱既加分，我地揀左蟹腳，八爪魚同蜆，呢間係比尖沙咀貴。我地揀左佢地個signature 汁，辣得黎帶甜，好惹味。薯條不過不失，crab cake 有驚喜。總結係好食，可以一試…查看更多

約左朋友食久違既下午茶, 一早BOOK左去到唔洗等,平日關係無乜人,但都建議BOOK位,咁先可以坐到sofa side,唔多SOFA位服務OK, 環境都幾好, 食物方面係行好睇麻麻地好食既路段,得1個SET, 由於3個人既關係所以叫左1個SET再叫多D野飲,摩天輪下午茶, 個摩天輪比想像中大...好多, 野食都OK,無乜貴野食所以價錢都幾平,338 1SET坐到530就走, 整體黎講幾好坐,但野食無乜特別所以好難會再去第2次.BTW,下就到3點幾就會好哂,過左一陣會好D…查看更多

同男朋友慶祝拍拖紀念日,佢揀左呢間係K11附迎既餐廳, 地點都唔太遠,比較靜得黎但都好易搵.本身無乜睇OPEN RICE所以入到去亂叫,哈哈,咁我本人就好鐘意食鵝肝,所以我就揀左作為appetizer,再揀左Risotto-燒帶子野菌意大利飯同西冷扒 SHARE,.食物方面: 鵝肝好似賣AROUND200,但好好味,認真,好正,一定要點燒帶子野菌意大利飯好正宗,西冷扒我叫5成但出黎都有6,7成,不過都OK既 個人覺得唔洗咁熟我都係鐘意食5成飲品方面: 如果白酒只想飲一杯但唔係開一支就無得揀,得1個選擇所以我飲完一啖覺得唔係咁好入口就叫多左杯COCKTAIL環境幾好,唔會太逼,服務都好好,不時會行過黎問下有無咩需要,唯一唔好係冷氣太大>< 原本我想叫生壕但因為太凍所以我無乜MOOD食,好彩帶左外套但都凍到走哈哈.…查看更多

一早打電話BOOK 16個, 再三問係咪有位, 我地唔要分開太遠,經理話最多只會2張長枱加埋,唔會多,仲要我地扲500蚊做訂金,咁無問題,我地就去左比500訂,咁諗住多人,人地怕我地唔黎要我地比訂都好正常,點知個晚去到,佢叫我地等一等就馬上入得,都好好既,點知去到....係4張4人枱,分開,仲要帶到我地去我地問下,點解咁,佢就答無哂架啦得呢到,咁我地洗乜BOOK洗乜比訂,真係好激氣,因為我地見到佢地其實有其他位係可以拍埋2張長枱同有房,真係好嬲,仲講大話話係電話答未必有,最多幾張加埋一齊坐,但宜家完全唔係一齊坐-,- 咁我地當中有小朋友同又咁多人仲要比左訂,唯有食, 但D經理態度真係好差,完全覺得比人呃左上黎.野食黎講係幾多野揀同幾好味, 魚生果D都幾新鮮,但服務真係,唔會再有下次去呢間野,眼見OPEN RICE好多勁既食家話好好乜都好好,真係心諗真定假,建議去前有心理準備先如果你好多人去,但如果2-4人,就無問題,佢大部分都係4人枱.…查看更多

同男朋友行開灣仔就去食，因為二人都愛辣。環境ok,兩個人黎就一定無得你坐卡位，都好旺。叫左個麻辣魚卜煲同炒荀，呢兩樣野出面都比較難搵到黎食，加上都煮得好好味，所以次次都有叫。魚卜煲其實幾辣，係麻個隻，所以如果唔食得辣就唔好味，因為上菜會連埋個火一路煲熱上，所以係會越食越麻辣到出汗。但係會辣得好過癮，之後配炒荀，清下油膩，好爽，好綠，加兩碗白飯，十分飽。有高力食，不唯當日太飽就無叫到。…查看更多

睇完戲就同男朋友決定係呢到食晚飯，環境好舒服，兩個人但都比左四人枱我地，好闊落因為太掛住之前去日本旅行食個差不多既野食，太回味，就決定黎試。一人叫左一個set , 我叫左雞扒，男友叫左豬扒。等左二十分鐘到就到。賣相好好，先講個湯，有肉，唔係整係用粉開，飯都好味，椰菜我用左芝麻汁，好開胃。雞扒都炸得岩岩好。但豬扒就因為太厚關係唔知係咪怕唔熟所以炸得太耐老左，係鞋既。飯同椰菜都係任添，但如果女仔就唔洗加都夠了。成餐用左300幾，食食下個待應拎住茶過黎想加。但先發現我地飲水，之後我都換左杯茶，但其實一坐底應該問下我地水定茶會好啲。啲待應好個好新咁，係經理專業啲。…查看更多

一直都係大家食fans, 荃灣汁左之後就成日去深水埗或者旺角食。每次我都會叫麻辣米線小辣走九芽，腩肉同必叫你麻辣雞翼尖，加杯凍0荼。湯底好正，會見到蝦米，如果鐘意可以落菜圃，米線都好爽。但好多人會叫佢個手搞麵。都好好味。十三會都唔錯但女仔好難食得哂，所以我都係叫我番兩個送算。麻辣雞翼尖真係無乜邊到有得食，同佢有女7,8隻，大隻。所以係我最喜愛叫既送埋單一個人40蚊之內，又平又好食…查看更多

經濟實惠之選，熱狗餐去完𠊙傢行完當然要食番小小野充飢，當然要叫呢個熱狗套餐，10蚊，一隻熱狗加一杯野飲(可再飲), 基本上搵唔地方平得過呢度，circle k 都要成12蚊個熱狗，呢度仲要包野飲，真係好難得👍由於個陣太肚餓無影到相，sorry 😭🙈😭🙈😭個到環境唔同沙田，係無得坐，得一個好細既企bar位比人食，所以大部分人買完就走，當時星期六行完都九點半，都仲好多人買，熱狗都仲係好暖，賣相就要靠自己，因為醬係自己整上去，野飲連冰都係自助形式。最後再叫左個端典肉圓，9蚊有5粒。先講賣相，個盒好精緻，覺得放肉丸實在哂左，細細盒，肉丸係好足料，唔似平時食開啲丸粉粉地，佢地係好足料所以一個人食五粒絕對飽過食熱狗。下次經過當然會再幫襯，一路都覺得佢地公司呢個食物部真係好貼心，行左咁耐揀傢私有個地方食小食，又平又美味，正…查看更多

雞扒真係一流平時食開佐敦分店，今次就放工專登試下銅鑼灣呢間 星期六夜晚八點黎到諗住都要等陣位，但岩岩好有位就唔洗等。雖然好鐘意食呢度啲野，個價錢係銅鑼灣黎講係平，又好味，唯一唔好就係環境真係過逼，相比起佐敦雖然唔係好闊落但都相對黎講好坐好多，而銅鑼灣呢間係真係逼到可以用沙甸魚黎形容，係坐左落去，隔離啲人離開去埋單都需要移動隔離枱，基本上兩邊都出唔到，所以黎講我諗我下次都係幫襯番佐敦果間。一向叫開雞扒烏冬，當然照舊加10幾蚊變套餐(有油菜加飲野)，但係隔離枱遲我地十分鐘叫，八點半都無就已經無哂菜啦，我男朋友就叫左雞扒飯。上菜速度當然十分快，效率高但味道保持水準，值得一讚。榮式雞扒烏冬招牌雞扒好大塊好滑，配稻亭烏冬真係好好味。個湯好有麻油，雖然紅色但一啲都無辣既。但烏冬份量略為小，呢張相係未食之前影，賣相為一般，睇落份量都小，如果份量多番小小會好啲，我女仔都唔夠食lol 菜普通但都幾大碟，兩個人分岩岩好，男朋友個雞扒飯有兩塊雞扒，岩男生食，啖啖肉。埋單兩個人一百蚊有找，實惠，會再光顧，不過係佐敦果間 …查看更多

其實成日都當呢度飯堂，由以前20蚊個飯食到宜家27蚊，但都無阻我對佢既熱情。呢間野係勁大眾價錢，份量不多，但無加一，樓面都好大，不過由於大多人幫襯，星期五六日晚一定要排隊，所以我就揀左買外賣番屋企食。一般order完要等15至20分鐘，如果好彩就有位比你坐住等，但若果太多客就會連收銀前面個幾張比人坐住等既椅都無埋。講下堂食，呢度係每張枱都有個鐘仔，order食物時用，埋單自己行去收銀，野飲方面係有drink bar不過一叫就要成枱人都要加，環境方面，樓底好高，附近係大型補習社兼呢度價錢平所以都好多學生哥幫襯。好啦，我今次叫左一個焗飯加雞翼，加埋46蚊。先講雞翼，焗得岩岩好，微辣，必叫但以前質量好啲，唔知係咪宜家太多人幫襯，雞翼每次叫都越黎越細隻.如果多人食可以叫8隻。呢個飯同一開張個陣係有啲改良，以前係無茄汁底，宜家啲飯係有茄汁再加佢地既特色，落奶再焗。比較膩，但又好吸引，因為十分之香，如果鐘意食較濕既飯，呢個絕對係不錯選擇。…查看更多