彭小姐的个人专页

上星期朋友帶路食好嘢，閩南菜午餐，即管試試。店舖裝修不錯，坐下來感覺舒服，店員為我們送上一小份紫菜。前菜的冰浸苦瓜唔錯，脆口唔苦，點蜜糖食，入口清涼兩個人點了興化米粉、椒鹽豬手、酥炒芋芯、莆田扁肉湯，是有點過份，但真係想試無計扁肉湯忘了影相，係睇到店裡播片而點的，味道很好，一定要試👍椒鹽豬手，好入味，炸得酥脆，值得推介，但要等近半小時酥炸芋芯，真係要試，好食興化米粉，特色家鄉菜，料好多，最好落辣醬伴食，酸酸辣辣勁好食最好還有這客黃金京粿做甜品，口感一般，感覺似煎梗水粽咁…查看更多

早兩日去尖沙咀排舞，落堂已經近九點，見難得無乜人排隊，即管坐低食。點了一客草莓鬆餅，賣相一流口感好正，格仔餅夠厚身，個漿調得好，蛋香十足，配了一球草莓雪糕、一球吉士、一大堆鮮草莓這客黃金𥖁見到就好興奮口感比預期遜色，略嫌太多cream，酥皮不太脆，但算係好味的，可試兩個人就點了一客鮮果茶，主要係見隔離位有點，賣相不錯味道不錯，不太甜，生果粒都多，有橙、蘋果、檸檬，酸酸甜甜，幾開胃其實之前在台北旅行都有食過咖啡弄，過江龍來說，這間算係能保持水準，價錢唔太貴，但開咗咁耐都只仍是只收現金，呢樣有待改善…查看更多

第二次來食，主要為了個烤鴨，即點即烤堅好食，可惜一定要全隻點，兩個人用餐，想點其他嘢都要就住點烤鴨全隻有成兩大碟，皮脆肉嫩，麵包都係即烤，香噴噴，但要快食，凍咗會硬；配料中的山楂條好正，中和烤鴨的油膩感小籠包，一客四隻，皮夠薄，睇得出師傅功力，一口一粒，爽，我一個人可食兩客😜魚香茄子，辣度適中，香口，下次要加點白飯擔擔麵，不過不失，以我這餐計，最普通，但麵條係唔錯，可選系列是夜連茶水，兩個人食咗六百幾，埋單時，侍應問有沒有渣打咭，原來渣打做緊promo，正價食夠五百即減二百，仲要係即時優惠，成餐飯食咗四百幾，抵👍👍👍…查看更多

早幾日去文化中心睇相展，hea咗兩粒鐘見肚餓就入美心cafe開飯，咁大集團點都有保證啩，好在趕得切食tea，價錢唔會太貴，同個仔一人一個丁麵，志在有個位坐下又唔太貴，這裡特別在可點生啤飲，估計係多鬼佬遊客。餐肉丁麵，好耐無試過有厚切餐肉食，口感一定正，雖然唔係梅林牌，但都可接受，出面茶記多數薄切再煎，完全兩回事麻辣肉碎五香肉丁炒出前一丁，呢個堅好食，香口又惹味，又足料，辣得過癮，係愈食愈想食嗰種，下次再去都會食…查看更多

之前試過中午飲茶，覺得好正，見環境唔錯，又多明星幫襯，所以約個客嚟食鬼佬鍾意Trailor made menu，經理好細心幫我set咗個餐前菜有胡麻鮮淮生、燒腩仔、椒鹽魚，每樣一件，不多不少，夠就得，燒腩仔五層肉，勁好食試了個茶壺湯，係響螺煲花菇，紫砂茶壺保溫、隔油，個湯好甜，鬼佬對呢個湯讚不絕口鮑魚炆得好入味玻璃蝦球，蝦肉脆口彈牙上湯杞子花膠浸時蔬因鬼佬想試港式地道菜，所以加咗客叉燒、燒鵝，係黑毛豬叉燒，入口勁冧，燒鵝係店名菜，廚房每日即燒，超香經理話必食甜品，又係鎮店之寶，三十年陳皮紅豆沙總括來說，呢間真係食得過，堅正，鬼佬食得開心又滿足，張單即晚簽成…查看更多

第二次來光顧，喜歡餐廳裝潢，感覺幾舒服，人流唔多，即使午飯時段，入座都只係七成，可能價錢唔太大眾化上次試過藍青口墨魚汁意大利飯覺得ok，所以再來，可惜餐牌已轉午飯時間只得set Lunch可點，選擇有八款，意粉、飯、漢堡乜都有得揀因本身鍾意食意大利飯，所以點了個淡咖喱雞肉意大利飯，聽落個名怪怪地？沒錯，就連賣相都嚇咗跳，料係多的，至於個咖喱味就一啲都唔淡，濃濃咖喱香，帶點微辣，成件事有別一般意大利飯，可試試另外點了個黑松露蘑菇薄餅，薄餅焗得薄脆，鍾意脆口的實鍾意，面頭蘑菇很大片，香味濃郁，黑松露味弱，可能我係第一張單，爐頭溫度未較準，黑松露被焗燶咗，焦黑又苦跟餐餐湯是薯仔湯，熱量頗高，味道唔係太夠，感覺麻麻，下次都係點沙律就算…查看更多

復活節假期，出街難免遇上很多很多親子遊，一家大細出門開飯自然想要平靚正我們未坐下來便「被通知」用餐時間只有1.5小時，好，那坐下來就快點餐吧；我們點了一客滑蛋豬扒、一客滑蛋雞、一客三文油甘魚丼、玉子卷等個滑蛋雞賣相還可以，雞肉幾滑招牌吉列滑蛋豬，明顯賣相靚，但要趁熱食，凍咗唔得，肉好硬跟了個野菜set，幾抵食呢個三文魚油甘魚丼，削咗啲，CP值低，無下次呢客玉子卷係難食，去過唔同地方食，呢客食半嚿已停手，其實好大機會係叫現成貨，如果係即做會好味啲…查看更多

香港人鍾意打邊爐，雞煲、蜆煲、蟹煲、麻辣鍋，基本上出得街都係食呢啲之前經過見呢間煲王開張，花藍放滿兩條街，勁誇張，門口阿叔（可能係老闆），講到自己啲嘢有幾巴閉，今晚見泰菜排長龍，即管轉場試下點了個麻辣鍋+豬骨鍋，牛肉、手打墨丸等等豬骨鍋算基本嘢，麻辣鍋係唔麻唔辣，齋得個鹹字，都算失敗四寶丸千祈唔好點，$46 有四粒丸，貢丸唔好食，粒墨丸霉嘅，衰過去街市買嗰啲粉丸個所謂嘅「自家製鮮蝦雲吞」唔好食，可能真係食慣好嘢，呢粒雲吞唔得利申：我唔係貪平嘅人，而呢餐亦唔叫平…查看更多

觀塘工廈間中有驚喜，見呢間piazza 店新開無耐，即管試試店內裝潢，美式格局，感覺幾舒服，座位不多，很難想像要我喺門口等位，因啲pizza真係好香，等待時間愈長，應該更難捱兩個人點了一個8吋Truffle、Caesar chicken、Mozzarella sticks，埋單兩百算抵食個Truffle pizza個樣麻麻，料有Truffle醬、菇、mozzarella、德國芥菜，跟平時食的松露pizza唔同，不會有一堆松露淋面，但當你食落去冒煙、芝士拉開嗰下就知，堅得！Caesar chicken 不過不失，價錢$50 都okMozzarella sticks 就有啲失望，因炸over咗，芝士無拉絲，附送的醬汁太稀…查看更多

真係好似貼錢買難受，朋友約食飯，話呢間越南餐廳好抵食，特登12點半到埗攞位，sorry，人未齊有枱都唔俾你，我朋友轉埋彎到都唔俾，結果因為咁，張枱俾咗其他客，我就要淋雨人齊喺門口罰企15分鐘先有枱入座餐牌早已睇，越南嘢咪又係食嗰啲，點了兩碗生牛河、一碗雞絲河、一客越南春卷，唔叫都唔會俾芽菜、椒粒、青檸粒，咁叫啦，三個人只提供兩小碟....生牛河的牛肉過熟，成碗得三片牛肉，湯底似有味精，飲兩啖都覺口渴，基本嘢碗麵食完一放低對筷子即被執枱，朋友杯檸茶仲有半杯，俾人掟垃圾入去收走？？咁都得？唔出聲都唔俾返杯茶我哋，我點青檸梳打，支梳打仲有大半支都想收走，係要大嗌先識停，一句sorry都冇，真係唔知咩態度諗住去個廁所先，頂，污漕到成地水，差點跣低，炒場都唔係咁做嘢，污漕唔去返回位，阿經理姐姐黑晒面咁趕客，催埋單，其實我都係客，我都知你門口有客等位，但我係有俾錢食的，而且我杯梳打都未飲完，催乜呢？咩道理？如果好介意客人食完碗飲埋杯嘢先走，大可以唔賣飲品，咁大家食完麵咪走囉，仲有，我選擇堂食，係俾足錢食，咁趕客，真係唔使有下次…查看更多

第二次到訪，依然係人頭湧湧，所以根本無人得閒睬你，等咗十分鐘先有人肯落單點了烏頭、獅酣、蠔餅、欖菜肉碎飯、椒鹽骨、鹵水鵝片等。真心講，當碟獅酣送來時都嚇一跳，邊有咁細粒？仲有半碟開唔到，開到我啲指甲崩晒....朋友話細粒甜啲、半生熟啲肉嫩啲，佢係阿Q我唔係烏頭上枱，啖啖肉堅好味，可惜個醬唔得，而且無黃油，為證明係香港養殖，連個牌都唔除原條上，有這需要嗎？蠔餅人人話必食，可能我個人口味獨特，我唔鍾意；其他菜式ok順帶一提，相信大家坐低點菜都試過，伙記問你食唔食甜品，阿姐講到好搶手，要就先落單留俾你，實情係驚你食飽唔order，因大多數餐廳將甜品拆出來俾伙記分，所以佢哋好積極叫你落order，咁你堅持唔要住會點？咪好似我咁囉…查看更多

工廠區能找到這地方確係正，可以飲酒睇波掟鍊篤波，基本上可消磨一整個下午Set lunch選擇都算多，可選肉扒意粉飯或漢堡，有餐湯有沙律，埋單百多元，抵！這天我點了個芝堡set，另單點BBQ雞翼，份量大，塊牛肉好厚身，配料有煙肉、磨菇，味道不錯，雞翼就香口惹味，一口氣食三隻都得，下次再試其他…查看更多

早排聽朋友講全民皆知嗰粒脆脆叉燒包出自車氏，今日專誠去試，堅好食！出面那些雜牌軍真係可以收工。午巿有點心食，蝦餃灌湯餃必食，皮薄饀靚，師傅每日即製，完全唔係工廠貨色，價錢唔算貴，還有那客煎薄餅，據聞謝霆鋒每次去必點項目，食完就知點解，唔係求其葱花蝦乾厚粉漿，真係落埋乾瑤柱去造，仲要係脆口惹味，堅足料👏🏻👏🏻車氏出名鮑魚正，我諗母親節可以book枱孝敬老媽，鮑參翅肚埋單唔使7000，計落有so，600有找做孝女…查看更多