Angel Queen的个人专页

將近十二點，呢度只有一兩枱日本客人，叫左魚生飯。呢度好安靜，氣氛好平和，同平時去連鎖經營嘅日本餐廳好唔同，令心覺得可以慢慢食。無趕羊嘅心情，食咩都特別好味。我叫嘅三文魚魚生飯都幾大碗，感覺好似喺一碗大飯上面鋪左至少半磅三文魚喺上面。三文魚都幾新鮮，佢嘅溫度剛剛好，唔係放題果種雪到好凍亦唔係迴轉壽司比啲燈晒到室溫的感覺。朋友叫果碗雜錦包羅萬有，味道都好好。呢個價錢食到又大碗又好味嘅魚生飯，點解仲要幫襯連鎖店？！…查看更多

傍晚買左紫菜牛肉包飯，當第二日午餐食，一樣好食。$25的一條紫菜牛肉包飯，大約有十件，份量足夠一個午餐。入面的材料包括紅蘿蔔絲、醃蘿蔔、菜、青瓜、同埋好多牛肉和飯。呢度雖然係一間小食店的SIZE，但係賣的款式都幾多同埋有好多主食。例如牛肉飯、炒年糕、魚仔乾、熱狗、炸醬麵等，基上食韓國料理食到的食物都可以食到，但係價錢都幾相宜，廿幾蚊左右就可以食到韓國的食物。 另外就係見到個韓國廚師係咁包啲紫菜包飯，感覺好新鮮、好韓國同埋睇到好衛生，唔會好似出面果啲小食店油淋淋。途中見到人買炸醬麵，賣相都好吸引好大碗，可惜個肚空間有限，下次再試﹗…查看更多

二人點了：滑旦豬扒飯三文魚刺身 ($48/8片)芝士豬扒卷 ($35)蟹籽沙律 ($35/ 大盛)應該仲有一味唔記得左。大壽司果然食物如其名一樣都係大大件，我地叫嘅食物足夠三個人食，好飽。滑旦豬扒飯係比較hea嘅作品，好多汁，但係唔算好味，而且成碗都比旦cover晒，完全睇唔到入面果塊已經浸到淋晒的豬扒。所以，唔食也罷。三文魚刺身夠新鮮，48/8片感覺好似有點貴，但係都算厚切，咬落去都幾有滿足感，值得一試。蟹子沙律配料有青瓜、粟米、蟹柳、沙律醬同蟹籽。有點兒似home make 的沙律，不過勝在青瓜夠多，感覺清新。芝士豬扒卷係我最滿意的。熱騰騰的吉列豬扒、生菜同芝士比飯卷，等同一碗整齊嘅吉列豬扒切開一件件喺你面前。因為夠熱，芝士半溶，加埋吉列豬扒真係好好食，而且一碟都有六夠，份量比滑旦豬扒飯仲要多。飽到撐死的一個dinner，味道不錯，樣樣都大大件，比較適合真係想食晚餐飽肚的人。如果平時鍾意食下放題或者鍾意食精緻野的人，可能會失望啲啲。不過overall 黎講，間唔中想過下壽司癮的話，呢度係一個平靚正的選擇。…查看更多

第一次食巴蜀風，食到我一肚火。一肚火，唔係因為d services 唔好、d 野唔好食，係因為好好食，不停食，食到個胃都頂唔住d 辣，攪到成晚都一肚火。點左蟹黃豆腐 ($28)好大煲，蟹黃應該唔多，但係有好多蟹柳、豆腐，同埋有非常多o既咸蛋黃。味道好好，因為有蛋黃，所以感覺好rich，但係味道唔係好濃，可以話係非常易入口。不過好漏，3碗都好夠。夫妻肺片 ($24)用牛脷、牛心同牛肚炒成。好強烈o既四川味，但係呢3樣材料有3種好截然不同o既味道同口感，所以食落覺得好豐富同好耐人尋味，非常good。水煮牛肉 ($32)我個人喜歡食魚多d，但係我見有食評話多骨，我怕要食好耐，所以叫左牛肉。牛肉都好出眾，因為上面加左d n 味粉，更火辣。牛肉份量超多，件件都好滑，食極都仲有。另外墊底有油麥菜，我好喜歡食，但係真係太多辣油，個胃真係頂唔順，不過都好爽呀。好好味o既一餐，而且服務都好好，地方又靚又乾淨，開心呀﹗…查看更多

食左四人餐石頭鍋飯 x 2烤肉拼盤湯x 4西瓜x 2 set汽水 x 4炒年糕石頭鍋飯幾好，個鍋夠熱，但係辣醬唔夠。味道係冇咩特別，配料多，份量夠。烤肉拼盤好好，雖然唔多野食，但係有牛仔骨、豬頸肉、蝦、牛肉同洋蔥等，唔洗落水烤，一d 都唔痴，味道都幾好。湯冇特別，清湯，不過d 昆布太淋。炒年糕真係有如其他食評所指，泡菜浸腸粉。不過我都幾欣賞，甜甜地，d汁又多，仲有隻旦。野食基本上都ok，不過格調同services 都同葵芳差好遠。最可憐係食烤肉冇冷氣，熱到個個都要抺汗，真係要改進下。…查看更多

同朋友食放題，6點半去到都已經坐滿左9成人。個位好迫，但係只要大家掛住食，就唔會有問題。可惜我隔離果位三八不停講野，超高頻。講反野食：刺身：基本上寫幾多有幾多，全部都算新鮮，不過吞拿魚有勁筋，食到好失儀；三文魚切得唔夠瀟灑，同塊皮好近，所以唔係勁好食。有個叫醋鯖魚刺身，好特別，值得一試。壽司：並無特別，但係有迴轉o既質素，仲有火灸牛肉，都幾特別主食：鰻魚飯、冷面、冷烏冬。不外如是不過不失不值一提。燒物：燒蝦好味炸物：天婦羅蝦ok、蕃薯香甜、南瓜ok、雞軟骨好鯹、薯餅好多味精千祈唔好叫。煱物：北海道牛乳海鮮鍋，個人覺得用豆乳會正d，但係用牛乳湯煮出黎果d 蝦、娃娃菜同豆腐，係非常好食，又香又滑，只係d 湯有d太蘇。有一個唔知係咩type o既野食，係清酒煮蜆類似，非常美味，encore 幾次都ok。服務都ok，係有d 急，但係都算ok。因為有個咩環保88折，唔浪費食物就有88折，2人total 330，我地食早輪。…查看更多

任飲任食火鍋 $105創興有好多間打邊爐，格完價之後就黎左呢間。呢間野講明只可以任飲任食2個小時，超時每小時每人$30蚊，好驚囉﹗我地入座果陣問知客小姐係咪一夠鐘就要走，知客小姐就話可以埋單先，然後繼續食未食晒o既野。我地食左接近2個小時果陣，聽到阿姐提附近枱果d 人：「你地夠鐘啦﹗」呢句說話都幾恐佈，心情唔好的話都想講句「你夠鐘我都未夠鐘啦﹗」講反d 野食，因為我地都好餓，所以一口氣就order 左勁多野食，全部都份量多，同埋黎足我地叫o既野。當中最好食係肥牛：夠新鮮夠大碟，食完再encore。鮮牛肉：非常滑，但係唔係太牛肉味。芋頭：都差唔多過晒當造o既時間，但係仲夠粉，好味。粟米：非常甜同埋新鮮。魚腐：冇骨，彈牙，魚肉份量多。我地足足食左4個小時，飽到頂，亦好滿足。估唔到105蚊可以食得咁暢快。不過services真係一般，尤其是久唔久會有人黎數下你枱仲有幾碟野未食，同埋叫得太多佢會同你講食唔晒5蚊一兩，有d似「大」下你咁o既感覺。另外環境係勁迫，我坐近路口都仲可以方便上菜，坐入面果d 要人幫手傳黎傳去至得。…查看更多

原本想買隨您鍾意，但係見佢地d 客人多到入都入唔到去，所以去左海鮮王。我之前未幫襯過呢間，但係見到三文魚$68/lbs o既價錢真係好吸引，仲要有9折。我選左一盒60蚊o既三文魚刺身，少少地，試下先。成盒野個樣都好企整，用放壽司果d 黑色盒裝住，個感覺好過隨您鍾意果個發泡膠兜。味道都好新鮮呀，不過我選左背脊位，所以唔係特別肥美。如果鍾意慢慢揀o既人，去呢間會好d，因為人唔多，個sales 又唔會勁sell 你買好多野。我會再幫襯架﹗…查看更多

因為上個星期食左覺得好食，所以今次叫埋朋友一齊食。有d 令我失望。因為我上個星期同今次都係叫冬蔭功湯泡飯，上次食果時係好熱辣辣，d 蝦隻隻差唔多大，而家加埋一定唔會失望o既凍horlick，所以我覺得係正架。今次我再encore 冬蔭功湯泡飯，因為覺得唔係好夠湯，所以request 添d。點知果個人拒絕我地囉，攪到我碗飯勁乾。另外係今次個d 湯唔係好夠熱，亦冇上次咁好味，有d似"不"到落底剩反果d 咁。朋友叫左豬頸肉炒飯，有幾片豬頸肉only，醬汁炒飯為大部分。醬汁味，所以都ok好食，不過份量係少o既。我地都叫左椰汁紅荳冰，豆唔稔、但係好椰汁，鐘意大家樂紅荳冰o既人會失望。…查看更多

經常會去呢間食LUNCH，因為平靚正。我個人認為呢度O既粥材雖然有D 奇特，例如艇仔粥入面有叉燒，但係個粥都幾稠，ONLY 食粥都食飽。我覺得皮旦瘦肉粥都幾多料，起碼有1/3 係材，幾乎成隻皮旦O係入面，所以好有滿足感。另外係蝦米腸粉，稱不上爽滑，但係軟綿綿好好食。唯一覺得好過頭O既係D 員工O既服務。佢地收盤O既態度有如拜山唔小心踩到人地個山墳咁。「唔好意思，唔要我幫你收左佢先呀，阻住你SORRY 呀﹗」不停咁道歉，又唔係有碰撞又唔係做錯野，成日SAY SORRY 攪到好唔好意思咁。…查看更多

太興非常餐其實有好多款，但係睇黎睇去都係比L14吸引住。今日，我又用左我呢個星期果2隻旦O既QUOTA黎食左L14。L14 係有一碗雪菜肉絲米 + 2隻煎OR 炒旦 + 厚多士 + 飲品= $32其實咁樣出去茶餐廳食平好多，但係勝在米粉又大碗D，D 旦又煎得靚D，連件多士都厚過茶記，咁就加加埋埋盛惠32個大洋。米粉除左個湯底唔夠清之外，基本上係好正常，加埋煎旦同多士，仲有野飲，太興真係太偉大。上2個星期有5蚊COUPON 食太興，竟然令到太興坐無虛席。如果太興D野食再平D，應該好多人會幫襯。…查看更多

自從冇左東煌，君臨變左我地o既飯堂。君臨除左裝修同埋個景靚d 之外，野食同價錢都不及東煌。不過人要向前看，呢間都叫食得過。叉燒飽最好食：d叉燒大大粒，汁多肉厚，仲保證熱辣辣，好味。藥材浸雞腳：長期非常入味，連骨都入晒味，因為有紅棗同藥材，食到暖笠笠。家鄉甜薄罉：好似煎左o既糖不甩咁脆腩仔：真係好脆，同埋唔算好肥，成件食就最開心每次必食呢4款，點心冇乜特別大特色。5個人食到飽頂，平均每人$35…查看更多

第一次食面點王，有d 緊張。待應小姐點左我地坐之後，開左張點心卡同埋一wu 冇味o既茶比我地。之後我地觀察左一陣至知點叫野食。有張list可以睇有乜食，我地點左上湯水餃同九菜餃，點知原來上湯水餃同九菜餃係同一樣野黎，只不過係有d 水餃浸o係湯入面，有d 冇o係湯入面，無奈。2個人食左三十幾隻九菜餃後o既感想係，餃子油多、肉少、細粒、量多。真係好有國內o既感覺。我都幾討厭呢種快餐o既感覺，因為個程序係拎住張卡，然後行去個水吧度order 野食，然後會有個人o係15mins 之後送d 野黎過黎，埋單又要拎反張卡去排隊。出去水吧又唔係有d 菜色可以睇，都唔知點解要出去叫，叫見又唔係即刻有得拎，好無謂，所以下次唔會再黎。…查看更多

好耐冇去滿江紅，好似d野食冇以前咁好食咁。担担麵：面質好似唔同左，味道都唔同左。一d 都唔辣，亦冇花生味。都幾失望，因為係為左呢碗麵而黎。水煮牛肉：都係血紅得黎而唔辣，冇果種流汗o既感覺。牛肉稔滑，青瓜、芽菜好新鮮，仲有d 薯粉都好夠，食得好暢快。牛展片：好入味，但係好細碟，唔記得幾錢，但係都好貴下。抄手：味道不變，個上湯仲冇以前咁油，開心左。特別提一提，唔知而家大陸係咪興消毒d 餐具，份份餐具都用膠紙包住，話消左毒，仲要收反消毒費，唔知1蚊定2蚊，奇怪。總括黎講呢間只係一間路過開飯o既店，唔係特別值得由hk 走去食o既地方。…查看更多

昨晚去食生日飯，好在我早黎一步。因為o係我食緊1st round 果陣，唔知邊間公司黎食annual dinner，攪到嘈到真係好似去左酒樓咁，大家只係差在冇大叫「飲杯﹗」冷盤：有d 強差人意。有煙三魚 - 超市一包包果d 仲好食過佢。蘑菇雞肉卷 - 幾特別，好有雞味。仲有好似立立雜雜o既凍肉 - 全部冇名，食左咩都唔知salad 可以自制，但係醬料都係冇名，本來想落黑醋，但係佢好似仲點蝦o既鼓油放埋附近，好離分。凍蝦 - ok，不過間唔中有d 霉左。刺身 - 三文魚太肥、有一種冇名o既太醒同有木味、八瓜魚好味新鮮熱盤 ：不過不失特別好食有 - 羊架、蝦球、意粉、牛扒 呢d煮得好 味夠真。 特別唔想食有 - 田螺、甘荀薯蓉湯同魚柳 呢d 一係煮到一pat pat 一係冇顏色。甜品：突圍呀白/黑朱古力噴泉- 做得好好，整完可以好快變脆皮細件cheese cake - 超常香濃，唔太漏pancake - 即制、可以加埋h 記雪糕，非常好味非常非常好味格仔餅機 - 比黎食annual dinner果d 蝗虫霸住左，食唔到燉奶 - 好滑、細細杯木糠布甸 - 好滑、細細杯、好夠餅碎h 記雪糕 - 唔洗講都知好味198蚊睇反主食質素就唔叫好值不過都叫做refill得快，而甜品吸引，都可以o既都ok啦，不過都係因為有好多蝗虫，攪到我成日都拎唔到野食，同埋環境有d 嘈。…查看更多