koalabear5的个人专页

行開海港城發現左依家可以通去郵輪碼頭，而個到有幾間新開嘅食肆，因為冇訂位嘅關係我地要等左一陣位！入到去坐低勁大風吹住個頭，於是叫啲staff可唔可以幫我閂左個風，啲staff係好好人即刻幫我閂，真係要比個like！由於我地等嘅時候已經唸好食咩，所以一坐低就叫左鰻魚炒飯同蕃茄鍋。之後再叫左杯green farmer、綠茶啤酒同wisky coke。Green farmer係青瓜加青蘋果味，個味好fresh好消滯，至於綠茶啤酒個人覺得太苦同好多泡！食物方面…鰻魚炒飯味道足夠，但應該係香料嘅關係食完條脷有啲麻麻地嘅感覺！蕃茄鍋主要嘅食材係蔬菜，有幾舊雞、幾粒肉丸同火腿！食材就一般，冇乜大驚喜，但係可以食得清淡啲，都係唔錯嘅選擇！不過佢9:45就last other,想食嘅就早啲訂位同早啲去等喇！…查看更多

之前其實都食過一次喇，不過就忘記左寫食評，今次再食就一定要推介！今次我就叫左鰻魚蛋包飯，佢嘅蛋包飯係即叫即整嘅，所以等嘅時間會比較耐。個蛋拎到出嚟仲會彈下彈下咁，好搞笑！食嘅時候開蛋中間啲蛋漿就會流落嚟包住啲飯，食落口蛋漿同啲飯溶為一體，正！我好中意佢個蛋漿好滑入面有少少洋蔥，冇青豆同蘿蔔粒。至於佢個鰻魚味道唔錯但略嫌太多骨，好易會嗆到，但係鰻魚汁撈埋落蛋漿到加埋啲飯一齊食好有層次。上次就食左個咖喱豬扒有埋咖喱汁撈埋落蛋漿到加埋啲飯一齊食都唔錯呀，絕對係食辣人士之選！蛋包飯嘅份量都幾多，女仔食可能會食剩少少嘅。佢舖頭唔係太大，好多時都要等位，所以最好早啲去等位，唔係就會餓死😂…查看更多

女人街最近開左好多間新食店，其中一間就係主打蕃茄嘅，我都幾鍾情蕃茄湯，所以成日見到有蕃茄湯就會想試，今次就試下佢嘅下午茶餐ｰｰｰ招牌蕃茄滑蛋濃湯。先講下呢間嘅蕃茄湯，有辣味亦有唔辣揀，我鍾意食辣就當然揀辣味蕃茄湯喇！佢嘅辣度適中，唔會太辣但又有個種刺激嘅感覺。蕃茄湯好足料，有好多茄肉係到，唔似有啲舖頭嘅蕃茄湯係冇乜茄肉，所以食落會感覺層次豐富好多。但係若果唔鍾意酸嘅客人嚟講，可能會覺得佢酸啲，但係我鍾意偏酸嘅蕃茄湯，所以我覺得好好味！至於配料，有意粉、螺絲粉、公仔麵同飯揀，另外免費有一個餸，之後每個餸加$5、$8兩款。我覺得呢間嘅配料比較健康，因為有多款嘅蔬菜揀，例如：粟米粒、西蘭花、椰菜花、金菇、鮮冬菇，好啱素食人士選擇。我就揀左金菇同魚片頭做餸，份量就比較少，不過同其他地方比都差唔多。價錢方面，我覺得略嫌偏貴。下午茶最低都$32蚊一個餐，其他餐就$44-58不等。…查看更多

上星期同朋友試左呢間近期好Hit嘅Mi.S.S.蜜絲米線嘅鐵板燒+火鍋。鐵板燒+火鍋有3款牛肉可以選擇，北美特切牛肉、南美特切牛舌同北美肩胛牛肉粒同樣配埋。我地就揀左北美特切牛肉同南美特切牛舌。先講下食物，牛肉同牛舌算係幾靚，不論係鐵板燒定火鍋咁煮都唔會好韌。湯底我地揀左番茄濃湯同辣味番茄濃湯，另外有招牌惹味酸辣湯、酸麻辣湯以及豬骨濃湯選擇。火鍋拼盤有蟹柳、芝士腸、午餐肉、響鈴、金菇、番茄、冬菇及生菜同米線，店員仲好細心話比我地知米線大約十幾秒就要夾起，唔係就好易黐底。飲品可以選擇1杯熱飲或汽水。若果你唔夠飽仲可以加配菜添！至於環境方面，Mi.S.S.選用木製嘅枱櫈、湖水綠色為主色嘅背景，有種好似置身於歐陸嘅感覺，感覺好舒服。Mi.S.S. 米線專門店地址：油麻地彌敦道 566-568 號僑建大廈地下電話：2363 8339註：不設加一…查看更多

星座冰室……聽個名好似好浪漫，好似高級餐廳，但其實…佢係一間舊式嘅冰室，入面冇豪華嘅裝修冇浪漫嘅感覺，但有一種好親切好似屋村茶餐廳嘅感覺！間冰室雖然係地庫，好似好難搵咁，但其實個到有個路牌指住行樓梯落去就會見到。就連食物嘅價錢都好平民。我叫左一個蕃茄煎蛋麵$30，我以為係一隻蛋點知佢嚟到嘅時侯係雙蛋，個下真係好開心，仲要個蛋黃係生嘅，正！至於個蕃茄湯，唔係好濃味但都好香蕃茄味同埋好多蕃茄蓉。大家仲可以轉通粉、米粉、米線、意粉做麵底都唔洗加錢！不過就唔係咁建議大家叫小食喇，小食嘅味道我冇試過，不過見到個餐牌$45一個小食仲貴過碗麵，實在唔係好扺。…查看更多

話說有一日同朋友食飯，大家都唔知食咩好，於是我就問第二啲朋友有冇好介紹，然後我朋友就介紹左呢間👉世界の山ちゃん Sekai no Yamachan Japan Restaurant呢間係日本餐廳嚟，係日本已經有好多間分店，佢嘅菜色都係名古屋料理，入面有啲員工係日本人嚟添，可以話係正宗嘅日本餐廳！先講下啲野食，我朋友一早就叫我如果係食呢間就一定要叫雞翼，所以第一樣就係叫雞翼！啲雞翼個味好特別，用秘制椒鹽醬料醃過，臨上枱前燒起，所以有外脆內暖嘅效果，我簡直係一試愛上！所以我地食左兩碟😂不過對於唔太中意食濃味嘅人嚟講就可能會鹹左啲！我地仲有叫左泡菜火鍋、雞肉蛋飯同名古屋炒拉麵，泡菜火鍋就係湯咁，唔係太辣，不過個人覺得鹹左少少。雞肉蛋飯其實都比到幾大嘅驚喜我，因為啲雞肉好滑配埋啲蛋簡直係perfect match！而名古屋抄拉麵有蛋做底，拉麵同菜係上面，食落好有層次感！其實以店鋪咁有名氣，又位於尖東，價錢唔算貴，所以好值得一試！有樣野值得一提嘅係由於餐廳係地庫，所以其實係收唔到網絡嘅，大家去嘅時候要注意喇！1.餐廳門口2.夢幻雞翼(5隻) $483.泡菜火鍋 $684.雞肉蛋飯 $885.名古屋拉麵 $68…查看更多

👍美食推介ｰ小象酪工房👍今日去試食呢間甜品下午茶，先講下佢嘅裝修係以得意嘅小象為主題，而且店內比人感覺係好寫意好休閒嘅cafe,一入到去覺得好舒服好relax😊跟住講下佢嘅食物，我叫左個心太軟加乳酪雪糕，極度推介佢嘅乳酪雪糕，因為佢嘅乳酪雪糕同我地係街買十幾蚊100g個啲好唔同，佢好香奶味，口感好滑，而且仲係低脂添！而佢個心太軟口感好鬆軟，最重要係絕對流心同埋暖嘅，完全唔會又凍又硬骨骨又唔流心！ 值得一提嘅係佢地嘅杯係小象造型，真係好cute😍值得一試👍👍…查看更多

我係第一次食丼丼屋，樂富呢間個環境比較暗同凍，但地方都好大，個感覺幾舒服初初佢地比左個好暗嘅位我，我想轉位，佢地都好樂意幫我轉位，服務態度好好個晚我同個fd一個叫烏冬，一個叫飯個冷烏冬睇落好似好細碗咁，但其實食落好飽，女仔一定夠食，男仔可能會唔夠飽，我個人唔係太中意佢啲小食，因為佢個沙律啲汁係酸梅嘅嘅味，仲有碟酸菜之類嘅野我唔太中意食！但我想要面豉湯，所以加$15就有埋啲小食！我朋友就話個刺身丼好好食，我眼見都好大碗，可以食到好飽喇！…查看更多

其實堂食好快就有得食，餐嘅話有得揀飲湯定汽水，仲有一個小食跟添(薯條、pizza、雞)佢啲份量好適合，食完啱啱好唔會飽到好辛苦咁！佢啲意粉好好味，我好中意佢個意粉，啲汁唔會好淡(可能有啲味精),所以食完有啲口喝，不過個味係幾好嘅！ …查看更多