rubywong1102的个人专页

想食韓國野，見到呢間好似幾好坐，嗌咗半半炸雞（濟州柑橘&芝士），雞軟骨，海鮮煎餅，全部都熱辣辣，好新鮮！雞軟骨唔係平時食一粒粒嗰啲炸粉，係真嘅雞軟骨，好surprise!!飲品嗌咗個提子奶蓋綠茶，好特別，好飲～～甜品係開心果窩夫，又係超新鮮！可惜已經飽到有一半要打包🤭…查看更多

平時食雞蛋仔通常都喺街一路行一路食，第一次喺餐廳坐定定食，仲要個雞蛋仔係幾好味，入面有蛋撻蛋醬feel!! 可惜係個港式奶茶真係太太太甜！建議俾糖漿個客自己落最fesible啦～瑞士雞翼同芝士條薯條都ok!! 比想像中大份，都幾抵食！！…查看更多

今日下午茶去咗買呢間蛋餅試下，嗌咗3個餐，承惠$2xx:鹹牛肉芝士蛋餅 + 凍mocha芝士肉鬆蛋餅 + 凍檸啡芋泥麻糬蛋餅 + 真.士多啤梨奶昔3款蛋餅中我最愛鹹牛肉芝士蛋餅！鹹牛肉同芝士好襯，而且勁多芝士，好滿足！ 芝士肉鬆蛋餅就普普通通啦，正常味道～芋泥麻糬蛋餅又係另一傑作！我見到店主妹妹係落咗2大個雪糕球嘅芋泥落去塞爆咗個蛋餅！飲品方面，Mocha 雖然係細杯裝，不過好濃好飲！檸啡我嘆開咖啡嘅朋友都話正～士多啤梨奶昔我無問朋友好唔好飲，不過佢極速飲曬相信都唔錯嘅🤭$2xx 食飽咗4個人，我絕對會再encore!!…查看更多

朋友介紹下去咗試呢間cafe，聚所周知，大坑係美食天堂, 今次試咗呢間cafe......佢都唔例外!!嗌咗芝麻雞翼，炸雞軟骨，魔鬼•天使鴛鴦意粉，肉醬意粉，黑松露薯條，心太軟。芝麻雞翼真係首推！炸得好脆好好味！！炸雞軟骨都好食，不過略嫌份量少咗啲！唔夠喉魔鬼•天使鴛鴦意粉聽聞係signature, 係堅好味嘅，而且有帶子有蟹肉，俾足料～肉醬意粉就普普通通正正常常啦～黑松露薯條好新鮮，上檯仲係辣口，不過個黑松露醬唔夠點呀！！！咖啡我飲凍Mocha, 都唔錯，自動少甜，啱晒健康new trend唯一美中不足係無cake 食…… 不過老細話就快推出！！ 希望下次去就有得食啦…查看更多

Openrice外賣自取，韓式牛肉炒粉絲，講真諗住韓國野＄70個餐正常價啦～點知原來仲有小食送，都幾大盒，仲有湯同泡菜＋野飲，＄70就變咗好超值，而且炒粉絲最驚係成底都係油，好彩今次好正常，只係略嫌粉絲太淋身，無乜咬口。Anyway, 可以encore😉…查看更多

同事講咗好多次呢間餐廳食物質素好高，終於決定一試～礙於疫情我哋本來諗住外賣自取，但同老闆娘傾完，佢話老闆好支持醫護，唔想我哋行上行落自取，所以破天荒由老闆自己揸私家車送上嚟東區醫院！！真係好感動～～！！食物質素真係唔錯～我哋第二日決定落去餐廳堂食，因為好想試下牛扒！！（牛扒無得外賣）果然牛扒不負眾望～～勁燜身，又有肉味！！認真值得一識～～～支持良心小店～btw, 佢哋weekend晩巿仲有live music~食個fine dinner 應該好有情調呢～…查看更多

睇雜誌介紹慕名嚟食煲仔飯，由於未夠6點，舖頭無人，小店一間，差啲行過咗龍😂入去嗌咗一個臘腸雞煲仔飯，男朋友係咸蛋牛肉煲仔飯，加個腐乳通菜同凍飲2杯~落咗單無耐已經傳出炭火味!! 好期待! 然後坐多十幾分鐘舖頭由無人已經坐咗大半，當時六點半都未夠!煲仔飯上檯，第一眼係佢唔係用平時嗰啲平瓦煲，熱辣辣，豉油淋落去"渣渣"聲，超正~ 雞煲啲雞好好食，好嫩口! 牛肉唔係山竹牛肉嘅texture，有牛味! 最正係超多飯焦! 滿足我食煲仔飯嘅purpose😂食完埋單$200有找，出面已經排晒長龍，店主應該係一家人，非常nice, 充滿人情味~ 大推!! …查看更多

因為哥哥及侄仔生日，預先一星期前喺openrice訂檯，吃飯當天我返完通宵要瞓，到我17:00起身發現已被cancel booking, 我打返去餐廳，佢哋話打咗3次電話嚟都無人聽所以cancel我個booking......好彩我解釋完佢話我18:15去到就俾返張檯我，如果唔係要即時再搵另一間餐廳真係好panic。其實如果真係咁驚客人甩底，提議星期六日只做walkin客。老實有啲嬲。。。Anyway, 野係係不過不失嘅。嗌咗安格斯肉眼，葡國燒雞，蜆仔墨汁炒扁意粉，黑松露薯條，pork belly 係堅出色嘅，個皮好脆，但個蘋果沙律俾我發現到個蘋果貼紙仲未“meet”就就咁切片😅 Overall 都算抵食，但booking方面有待改善。…查看更多

平日晚餐，突然好想食台式香腸，就search到呢間店~同男友2人嗌咗2個魯肉飯，KTV香腸，菜，鹽酥雞，台式奶茶及黑豆漿。魯肉飯比想像中大碗，味道正常，溏心蛋及 醃蘿蔔非常出色! !KTV香腸是真的台式香腸! 很滿足~鹽酥雞的雞醃得很入味，上檯時熱辣辣，yummy~台式奶茶已選少甜但仍偏甜，可再改善!總括不論環境食物也出色，讚!…查看更多

貪佢個$88任食炸雞去食……另外再嗌咗個牛肉飯卷同芝士捲蛋加野飲。個牛肉飯卷嚟先，好大份，但完全無韓式飯卷嘅麻油味😑之後嚟芝士捲蛋，都唔錯，但佢面頭個茄汁好有麥記味😂重點當然係炸雞……我嗌咗4隻味……但……除咗原味我都唔係好分到啲咩味打咩味……原味分到係因為啲雞係無味嘅……係無味！所以雖然係任食，但我只係嗌咗一round ……因為真係食唔落😣Fail......唔會再去食……KFC都好食過佢😓…查看更多

住喺附近，機緣巧合下試咗一次外賣普通墨丸米，個湯好正，墨魚都唔錯，但最搞笑係啲米粉！平時食嗰啲米粉咪直嘅~佢呢間係曲嘅~好搞笑！ Overall 都覺得幾好食，值得一試😊…查看更多

第一次寫食評因為真係覺得太好=）港島區朋友想搵間坐得嘅cafe 傾下偈其實好困難，今次係因為本身訂咗檯嘅cafe 突然跳fuse 所以先無意中上咗嚟moment~上到去無乜人，坐低覺得staff 都幾nice (因為先前嗰間一入去已被黑面），set dinner 都幾多選擇！可惜因為材料問題無晒啲burgers...staff 好細心同我哋講兩個女仔食唔晒兩個set dinner (乜覺得我哋咁細食?!)，最後嗌咗一個肉醬扁意粉set+椒鹽雞翼+黑松露薯條，飲品係拖肥咖啡+榛子朱古力咖啡 (隻杯好靚!），staff 仲好好咁俾多一碗餐湯我哋! 😃 碟意粉嚟到……嘩!大碟到!!我終於明點解staff 話一人一碟會食唔晒😲 但認真足料好味~ 另外黑松露薯粉個醬堅正😋 雞翼個味幾好但略為乾咗啲! 而且我哋嗌呢少少野就坐咗人哋三個鐘，仲有免費wifi,真係物超所值! …查看更多