Jackie55的个人专页

今晚來到馬鞍山至好最正嘅餐廳"留下"食晚飯，餐牌上嘅Main 樣樣都好似好正，三囝乸其中兩個大食皇就先點兩個湯同四個主食。先黎栗子磨菇湯，見到栗子兩個字，我對眼已經發光。可惜冇伴麵包，有啲失望！不過輪到啲主角上場，首先個新西蘭大蜆闊條麵，啲蜆大大隻，啖啖肉，好新鮮！曾經聽過老闆兼大廚講佢日日到海鮮檔揀食材，証實並無虛言，啲蜆肉鮮甜到呢....跟住上係其貌不揚嘅慢煮雞柳味噌通粉，唔好睇唔緊要，但個通粉汁正到無倫！👍👍 接住係厚切豬扒同帶子花甲墨汁risotto 。個意大利燉飯搶哂鏡，不過點講都好，我最鍾意竟然唔係我揀，而係阿囝話點嘅通粉！真係未曾試過啲汁creamy 得黎又清甜嘅，簡直妹仔大個主人婆阿慢煮雞肉。雞肉跌watt變成配角。至於risotto 的墨汁飯，軟硬適中，煙煙靭靭，趙起來有口感，花甲好鮮甜！比較起來，厚切豬扒就一般般，肉好厚但仍舊juicy, 只係唔夠兩隻意粉咁搶鏡！食到七七八八，我地叫左兩杯飲品，最後埋單每人300。論食物質素，比起市區一啲都唔貴，性價比超高！各位朋友，黎開馬鞍山，記得黎幫襯呢間極難揾嘅樓下喇！P.S. 我地食完離開行回MOStown商場途中，踫巧有一對來自沙田嘅中年夫婦問路，話揾極都搵唔度樓下！哈！咁啱！我地啱啱食完讚緊佢，於是夫人義不容辭一馬當先帶兩位心急人到餐廳。可知呢間小店真係唔易揾駕！…查看更多

很久沒在網上寫野，食評就更少寫，因為自問自己並非食家。不過，好彩我夫人同兒子都係D為左食，鍾意周圍捐窿捐罅，尋幽探秘嘅人。今次係夫人好友特別推薦. 所以我地一家三口跟一眾好友上山試下呢間以壽司同剌身卦帥，走中高檔路線的Sushi Ki。其實我一向不喜歡吃Sashimi的，這可能因為在NX年前第一次在酒店的自助餐吃三文魚以外的剌身（好像是Toro吧），給了我極極壞的印象！那種黏黏糊糊的口感，極其難吃！之後我一直再沒有點過三文魚以外的剌身吃了！不過今次來到Sushi Ki，吃過他們以新鮮蔬菜伴上日式胡麻醬汁的沙律之後，那道以油甘魚、甜蝦和鮑魚剌身除了令我食指大動之外，更令我對Sashimi的印象完全改觀，由極度抗拒來過一百八十度轉變 — 愛上了鮮魚刺身！我們 先由較清淡的油甘魚開始到已醃製過較濃味的鮑魚，再配上既甜又帶少許辛辣的清酒，將我舌上的味蕾，一層一層的添上驚喜！接著下來的和牛，叫我這個本來已減少吃肥膩肉食的車呔男舉手投降。最後他們的廚師即席製作的Toro，池魚和帶子壽司，就讓我知道他們對新鮮食材的堅持！兒子吃完呢餐，已經開始約他的老友記下次再來開餐。不過真的要提醒他一句，記得自己帶錢埋單囉！…查看更多