chersha.cravings的个人专页

平時lunch hour就會好full既窩子,要提早少少去攞位先食到。lunch menu係可以俾你揀任何一道熱食/沙律加$30配湯同野飲。可以加一份兩人share！慢煮手撕豬腩窩夫 $108窩夫有4大舊。重蛋香味，外脆內軟！水準不俗。手撕豬既份量店員好重手筆，食到啖啖肉。果gravy汁都唔錯，如果pulled pork再林啲就更好。鹹食配窩夫都唔錯。8小時慢煮豬軟骨飯 $138果飯一上到里嚇親我！3大條豬軟骨，第一次見原條上，份量又大。豬軟骨滷得好入味，軟骨入口即融，豬肉一啲都唔啲韌。送飯一流！跟餐仲有沙律送，可以俾肉食獸食返啲菜！是拉差蒜香口水雞扒意粉雞扒煎得啱啱好，仲係好juicy！意粉配埋蕃茄仔炒，酸酸辣辣，都算幾開胃。不過我唔太食得辣，成碟意粉同雞扒嘅辣度係譚仔10小以上。椰香忌廉香煎帶子意大利飯個意大利飯好似係食緊成罐椰漿咁。鍾意椰子嘅人可能岩食，不過我覺得個味太濃。好易膩。帶子煎得唔錯，加番分。…查看更多

終於試到office附近經常排長龍嘅西餐廳！超級旺市。午市menu既價錢，好啱一班打工仔！青醬蘑菇煙三文魚意粉 ($78)呢道青醬雜菌煙三文魚意粉嘅口感非常好，奶油感同青醬完美咁中和，呈現出非常creamy同refreshing嘅口感。呢道意粉入面有好多蘑菇同煙三文魚，味道同份量絕對加晒分！必食！跟餐仲送一款twining熱茶！🍵perfect龍蝦汁海鮮意大利飯 ($78)同青醬粉相比，龍蝦汁意大利飯失色少少。因為青醬同忌廉嘅味道太夾。不過意大利飯都有好多海鮮。而且意大利飯煮到好軟熟，份量又多！好飽肚。檸檬蜜糖香烤雞翼 ($68 for 6)呢道檸檬蜜糖香烤雞翼嘅口感算唔錯，雞皮脆度啱啱好，上到里熱辣辣！而雞肉就保持咗多汁嘅口感。可惜雞翼鹹味有啲唔夠，口感過淡，只有檸檬醬既味道。總而言之，依間小店值得幫襯。份量味道好有誠意！每到餸上嚟都熱辣辣！店員都好nice! 好有溫度既小店👍🏻…查看更多

放咗工諗住同同事搵個坐得耐既地方聚一聚☕️ 就去左雅蘭中心既Phi cafe. 可能係閑日，所以唔洗等位就入到。👍🏻雞胸肉蜜糖沙律碗 ($92)賣相靚之餘，沙律都有水準。雞胸肉唔算好柴，仲係好Juicy! 配上guacamole醬食好清新🥑🍅。沙律菜既數量一啲都唔少。有菠菜苗同烤杏仁片喺面，好refreshing同nutty! 絕對岩晒鐘意打卡同想食得green啲既人食！慢煮牛面肉迷你紅蘿蔔意大利飯 ($89)牛面肉好嫩，除左肉之外仲有啲軟骨關節，好有咬口。啲意大利飯既sauce充滿住甘筍嘅味道，超creamy同時有中和到奶油既膩。份量都夠4人share.巴拿馬火腿吐司 ($89)一上到里就覺擺盤有心思。Parma ham配法式丹麥酥係唔會錯既配搭，Parma ham唔會好鹹，丹麥酥盒子焗到金黃色，好脆。佢仲有guacamole俾人當醬咁食。不過同其他主食相比，份量就較細份。可以當係下午茶/小食。唔係必食既dish!油漬蕃茄烤吞拿魚意粉吞拿魚有啲柴。失色咗少少！意粉既蕃茄醬岩岩好，酸甜取得平衡。有啲油漬蕃茄喺面，味道好濃郁，配埋淡淡茄蓉係okay既蕃茄意粉。可惜作為主食嘅吞拿魚扣咗唔少分。經典伯爵茶梳乎厘 ($158)個梳乎厘好有蛋香味，食落去入口即溶。仲有啲焦糖薄脆同啫喱，earl grey 醬好濃！係唔錯既甜品。期間限定芒果椰子梳乎厘一上到里就聞到清新既椰子味，不過椰子味搶晒芒果味。雪糕都好快融。都係經典伯爵味好食啲。…查看更多

Lunchtime去左朗豪坊The Point醫肚🍴餐廳空間感十足，又有唔少適合打卡嘅牆身同裝飾📷 平日下晝唔算多人，坐得舒服而且枱同枱之間唔會太迫👍🏻 值得讚既係侍應會主動幫你refill水，好貼心～Lunch set都幾多選擇。我同同事分別揀左西京燒三文魚配烤菜同烤紐西蘭羊柳配烤菜 ($148)先講木盤—西京燒三文魚配烤菜 ($108)前菜有得揀沙律同湯。由於主菜已經配烤菜，所以今次揀左時日餐湯-南瓜湯🎃 . 果餐湯好creamy同滑，而且好rich南瓜味。飲到啖啖南瓜蓉，唔會成肚忌廉。飲完都唔覺膩～至於前菜西京燒三文魚，日式醃法好開胃。味醂同麵豉醬既味道幾出，甜鹹得宜🤤 而且三文魚扒嘅份量都算大份。魚肉煎得岩岩好，唔會太老！👍🏻 不過烤菜有啲少，份量再多啲就更好。甜品係Tiramisu Croffle🧇 本身expect會好似窩夫一樣脆身，不過依個Croffle就比較鬆軟，重牛油香。配埋可可粉加忌廉，令到味道更加豐富。由於Croffle都幾厚同大份，所以食多幾啖都會好full同膩膩地。不過係guilty pleasure里。🤪飲品我揀左熱香橙檸檬烏龍茶。唔會太甜既橙茶可以解膩🍵 雖然木盤份量望落好似好細，但對女仔里講都算飽肚。而且擺盤賣相都幾有心思。最後，就係同事order既烤羊柳。羊柳上面有一層芝士醫，幾邪惡同惹味。不過略為鹹咗少少。嚿羊煎到medium既火喉，切出里大部分都係粉嫩嘅顏色。👍🏻 portion都算幾多。價錢：3.5/5味道：4/5回頭：3.5/5…查看更多

湊湊火鍋·茶憩中午去左家樂坊食lunch. 見到湊湊火鍋·茶憩午市有做台式套餐，岩晒我地依啲打工仔lunchtime去食。門面都幾fancy, 仲有茶俾等位既人飲。認真幾貼心😗午市唔算太多人，所以坐到卡位。地方相當闊落，而且樓面乾淨。值得一讚！午市餐牌都幾多選擇，我就揀左酸菜魚麵套餐 ($88) 🍜先講主菜—酸菜魚麵。依個湯底同平時食開既好唔同。酸菜味唔算太出，比辣味搶左🥺 平時食開譚仔10少既我，就覺得越食越辣，完全食唔出果種花椒酸辣湯底。雖然湯底麻麻，但勝在足料搭救。有大量雲耳同大豆芽，加上魚肉保持水準，好嫩滑！👍🏻配菜有鴨血滷蜂巢豆腐。吸晒啲汁。有台灣滷水嘅味道！鍾意食鴨血嘅朋友，絕對岩食～ 至於隻雞蛋🥚，略為有啲苦澀。可能係茶葉或者滷水汁嘅問題🤔 我就麻麻地like.果涼拌魚皮好開胃，配麵食一流！可以解左湯底既辣。魚皮爽脆，醃料帶點微辣，幾惹味😋 仲有個肉燥菠菜配甜粟，粟米香甜冇渣，菠菜配上肉燥即刻冇咁寡。由於酸菜魚湯底太辣🌶，我跟餐半價加配左杯凍水蜜桃綠茶🍑🍵 ($16)杯野上到嚟勁大杯，超抵飲。飲到有蜜桃味，甜度尚算OK。如果可以加埋淡淡桃肉，就會更佳😎份午市套餐真係好大份。👍🏻 超級抵食。嚟到家樂坊，可以一試湊湊嘅午市套餐。…查看更多

晏晝要係佐敦搵食，先知逸東酒店樓下有food court! 一見到有好評既鰹烏冬，就去左試。結果都冇令我失望👍🏻熱鰹魚中湯烏冬 ($48)問左店員，原來中湯嘅意思係指特濃湯底。咁當然要試下。上到里，店員會俾啲天婦羅脆脆俾我地加入湯到食，可以吸晒啲汁。湯底醬油味係出既，不過少少搶左鰹魚既味道🤌🏻 手打烏冬彈牙，正常發揮！跟餐加骨付雞 ($37)真係唔可以唔加配骨付雞🍗！幫成個烏冬加唔少分。原隻雞脾上，份量夠！骨付雞底下有爆蒜，好惹味！一啖雞肉一啖蒜蓉，超級正！而且雞皮燒得好脆，迫晒啲雞油出嚟，零罪惡咁！調味都唔錯，唔會好鹹！真心食完一試難忘。…查看更多

適逢星期六保膳轉餐牌，落左去睇下有咩食！見到餐牌吸引，即刻同屋企人入左去食。果到啲店員好nice同細心，見到你唔夠水會主動幫你refill! 寶雲酥羊架 ($188)用咁既價錢食到心機菜真心抵！果羊架面頭既bread crumb焗到好脆！一切入去係煮到岩岩好既medium well,肉質好嫩好juicy! 食羊架一定唔可以唔request佢俾薄荷醬🌱，可以中和肉既肥膩！好refreshing, what a guilty pleasure! 一定要試。而且都有幾舊rack! 份量夠。配菜都唔差！漁夫海鮮意粉 ($168 VIP)一直都鐘意食佢地既意粉。每條意粉都有蕃茄汁掛汁，而且有啖啖蕃茄蓉，唔會死甜同酸，岩岩好。而且啲海鮮種類好多，有蝦，墨魚圈，魚柳，青口，帶子👍🏻 一次滿足晒鐘意食海鮮既我！仲有蘑菇同沙律菜，唔怕冇菜食。煙三文魚田園沙律 ($138)媽咪想食啲light既野。就叫左田園沙律配黑醋汁。啲黑醋汁配埋羅馬生菜同火箭菜好醒胃！keep住唔錯既發揮。份量都夠3人share!煙三文魚都唔差，唔會好鹹！如果多幾塊煙三文魚仲好👍🏻 擺盤都好靚。總而言之，佢既菜式味道絕對對得住價錢！VIP仲有時日甜品送，麵包布丁唔錯！有濃濃既肉桂味！…查看更多

無意中發現好湯好麵竟然係銅鑼灣開分店，就入去試下。睇menu見到咁多款式既麵，睇到我都有選擇困難症。樣樣野都想試。蠔皇豬豬果湯頭同膠膠麵一樣，不過多左蠔既鮮味。可惜鐘意食蠔既我，碗麵得兩隻蠔有啲唔夠喉。而且我竟然咁好彩，成碗麵咁多塊既五花腩片都係肥膏🥲 好彩湯底搭救，而且麵都有咬口。如果啲主菜（豬同蠔）再改善，仲會更好。膠膠麵必食。好濃郁既雞湯，配埋花膠同魚肚，飲完搭湯，果嘴脣係痴住！👍🏻 好多骨膠原！喜出望外嘅係，塊花膠超級厚超級大！阿媽話好抵。加上，啲豚肉係半肥瘦。水準高。絕對對得住價錢。…查看更多

星期五晚同朋友放工食飯，唸住食下串燒🍢同飲下beer happy hour! 串燒堂環境闊落，坐得幾舒服。侍應好nice！絕對係加分位。而且有好多款特色串燒，日式、港式同川式。岩晒咩都想試既我！梅酒梳打 $98梅酒梳打絕對一叫。我唔太飲得，都覺好易飲口，唔會純酒精味，酸酸甜甜。岩女仔飲🫒🥃 而且好大杯。雞皮墨魚滑、牛油果豚肉、雞軟骨都係我認為必點。👍🏻豚肉既油脂配埋牛油果入口即融，我地encore 左幾次。雞皮墨魚滑，外皮燒到脆卜卜。入面既墨魚滑好juicy,仲有一粒粒墨魚，好有咬口🐙。雞軟骨唔會太細粒，比出面果啲相比，一啲都唔乾爭爭。貪新鮮叫左提橙。粒橙色野同食緊雞蛋黃一樣，冇咩特別。啲白色雞組織好似食香口膠咁😢 對我里講唔洗專登叫。啲蔬菜類串燒都燒得好甜同野味。好juicy. 唔想齋食肉，絕對可以叫蔬菜串燒。燒生蠔超爆汁。啲蒜頭唔會搶咗蠔既鮮甜味。都可以一試。想飽肚啲叫左燒飯團。明太子醬爆多，粒粒飯都被明太子醬覆蓋住👍🏻 好似食緊日式版煲仔飯，有飯焦！我地4個人，每人一杯野飲同叫左30串燒加小食都係人均$296。絕對抵食，食到好飽👍🏻 性價比高。一定會再返里！…查看更多

鮨政🍣同晚餐比較，lunch menu既性價比較高。open sushi bar有日藉廚師坐陣👍🏻 午市定食有跟沙律/ 麵豉湯+茶碗蒸。連埋主菜，做完運動里食都絕對飽肚。F餐 $160魚生飯用料新鮮，冇雪味👍🏻三文魚同油甘魚都係厚切！壽司飯暖暖地配魚生食唔錯。女仔食既話，可以叫佢少飯😂 食完烏冬都飽左半成。烏冬既湯底堅唔錯，可以食完烏冬唔夠飽先食飯～特選壽司 $268特選壽司都有沙律🥗同茶碗蒸。份量絕對夠飽。有中拖同北海道海膽，好鮮甜。海膽冇苦澀味！中拖入口即融。其他魚肉質地厚實同爽。用料絕對對得住果價錢👍🏻不過相比之下F餐性價比高啲，都可以食到幾款刺身同海膽。依間壽司店既lunch set值得再里支持。…查看更多