moonique的个人专页

錦繡海鮮盤🦐 $720這個海鮮盤絕對是一道令人驚艷的開胃菜。這盤菜色擺盤精美，融合了各種海鮮，威化海鮮卷有帶子粒、海班粒、蝦粒同芹菜粒，炸得好酥脆都保持到海鮮嘅鮮味。西檸琵琶蝦每一口都充滿鮮甜味道，原隻游水蝦釀上蝦膠，再以薄面包糠炸成金黃色，加上西檸汁的酸甜味，味道層次極為豐富！翡翠麒麟帶子嘅原粒帶子中間夾住金華火腿，其鹹香味讓人胃口大開😙仲有冬菇片同西蘭花相襯，一絕！活花蟹炆斑頭腩 🦀 $時價活蟹炆斑頭腩結合了花蟹肉的鮮嫩和斑頭腩的濃郁，搭配上豐富的醬汁，入口酥軟多汁，肉質彈牙，是配飯首選🤤原燉鮮蓮冬瓜盅🍲 $980他們的冬瓜盅也是一道精湛以及很有營養價值湯品。湯的口感清爽，湯底鮮甜，完全沒有味精。原來餐廳會生劏田雞取骨，再以老雞煲湯，配上燒鴨肉、蟹肉、瘦肉、田雞肉、鮮蓮子長時間燉成，每一口都有不同的材料味道，帶出蓮子的芳香和冬瓜的清甜🥺富豪正式古法鹽焗雞🍗 $660富豪酒家的招牌菜之一是它的古法鹽焗雞。這道菜以傳統的鹽焗方法烹調，雞肉長時間在多層沙紙埋係粗鹽入面，用適量溫度鹽焗，保持了雞肉的鮮嫩多汁，每一口都帶有淡淡的鹽香味，亦可以點蔥薑油加添對味蕾的刺激😋瑤柱水晶炒飯🍚 $320這個炒飯口感綿密，米粒粒粒分明，瑤柱的香味與蟹肉及蔥香完美融合，每一口都能感受到炒飯最重要的「鑊氣」😲加上靈魂材料瑤柱、蟹肉、蛋白，為這個炒飯更添風味甜品🍵🥮西檸蛋白花馬蹄露、阿翁溏心月餅甜品是一餐飯的句號，馬蹄露清涼甜美，加上西檸汁，酸酸甜甜十分解膩。而溏心月餅也不用多說，內餡十分香甜，加上奶黃流心，這兩道甜點為整餐劃下了美好的句號🥰🫡富豪酒家員工服務非常周到，也會慢慢介紹每道菜的材料、做法及特色，除了品嘗美食，更可以學習菜式…查看更多

記得之前已經去過食一次，戈次話下次會食all day breakfast，不過今次去都係比佢個晚餐menu吸引左哈哈。每次去都覺得成件事好chill，係個大草地入便，啲燈光又好柔和，仲有啲書，好似去左文青cafe咁。其實細鋪黎講個晚餐menu真係好多野食，有主菜、意粉飯、pizza同埋小食可以簡，仲有一堆野飲。今次就叫左芝士煙肉意式茄醬扁意粉、日本西京味噌醬焗豬鞍架同埋蜜糖雞翼，野飲就簡簡單單叫左杯凍檸茶少甜。唔好睇個芝士煙肉意式茄醬扁意粉既碟好似啲法國餐廳碟咁，但其實佢一啲都唔淺，有好多意粉係入便，正餐黎講份量係正常既。個味就真係典型肉醬意咁，不過啲汁就稀啲，所以唔會話好濟，最緊要係個芝士都唔漏。仲有個好西利勁既日本西京味噌醬焗豬鞍架，睇落真係好似成隻豬手咁，個味就鹹鹹地，如果配個飯或者意粉就真係完美啦！不過最鐘意係佢個皮係unun地，好有咬口，加埋入便啲肉，個口感真係好正。然後就到蜜糖雞翼啦！超超超超正，又脆又熱，好明顯真係岩岩炸起，加埋個蜜糖真係好好味，又甜又熱氣哈哈，係小朋友最愛！不過睇番個menu仲有好多野想食，又係要覆卓啦！…查看更多

每日都係打邊爐既吉日，今日就去左試下尼間劉一手。一入到去成個鼻都充滿住好刺激既麻辣香料味，口水已經留晒出黎啦！咁講得咁香，我同朋友就當然叫左個正宗重慶麻辣鍋試下啦，不過因為都有朋友係唔食得辣既，所以就叫左少辣，同埋仲叫左個椰子滑雞鍋中和下。一上堂真係比佢個麻辣鍋個色嚇左一嚇，超級紅，再加上頭先入門口戈陣香料味係放大左10倍！然後因為我地係宵夜時段9點後先入座，佢仲有個抵食火鍋套餐，4人餐包左招牌劉毛肚、老重慶鮮鵝腸、海鮮拼盤、蔬菜拼盤、丸類、牛豬雞、同埋2個麵。咁我地就再另外叫左2份脆肉鯇同埋和牛極品。我地本身諗住佢每一份都唔會好多，所以先叫咁多，但點知一上台戈陣真係比佢嚇左一嚇，樣樣都勁多舊，劇透好彩我地最後都唔係淨左好多姐，冇做大晒鬼哈哈。咁多野食最想特別講既就當然係個和牛拼盤啦，唔單只勁香牛味，戈啲脂肪分佈真係好靚，令到塊肉好好食。然後仲有個寬粉都係想提一提，本來我有個朋友真係唔喜歡食薯粉戈啲麵，但佢食完寬粉之後真係愛上左，仲包埋底。不過個人黎講，我覺得寬粉用麻辣鍋煮真係正勁多，如果食唔到辣既朋友都可以去調味料區拎兜麻醬撈黎食咖。一個4人餐咩都有齊晒，真係好perfect好飽。…查看更多

哈哈我又去左尼條街搵野食啦，不過今次唔係唔係上樓，係係地舖覓食。然後行行下就見到尼間好有趣既恐龍店。舖面真係好迷你，一眼睇晒，所以成間野都只有企位，不過我都唔係好介意，因為啲恐龍仔太可愛啦哈哈。成間野啲裝飾都有種vintage(?)既感覺，唔識形容，但係覺得好可愛好靚。最後戈個人頭我當時睇左陣先留意到佢係裝餐具，好有趣。一間咁迷你既餐廳黎講，佢個menu都算多款式，我同朋友最後係叫左爆汁肥牛丼配三文魚豆腐味增湯、三文魚牛油果腐皮壽司、鰻魚玉子燒絲腐皮壽司、明太子三文魚飯團、蔥吞拿拖羅蓉腐皮壽司、黑松露帶子粒腐皮壽司同埋蟹膏飯團。湯個杯就真係好可愛，不過影出黎係影唔到啲咩哈哈，係好飲既就得啦。個飯就真係好香咖哩味，就exactly就係咖哩肥牛飯既味道，而最開心既就係啲飯係珍珠米阿！真係好喜歡食珍珠米。其實個肥牛飯都唔係重點，尼啲壽司同飯團先係！講真，佢啲飯團食落仲好食過華乜結，價錢又係差唔多，覺得可以一試。而啲腐皮壽司就仲西利，超足料，絕對係要分幾啖先可以食完。不過食戈陣就要小心啲拎，因為佢上面啲料真係好多，睇下粒巨形帶子就知啦，啲料大啖食戈陣好易跌，唔好晒野就要小心啲食啦。…查看更多

夏天成日都想食越南野，因為啲香料夠清新，仲有凍檬粉加魚露真係消暑良伴！不過依家越開越多越南菜既鋪頭，要搵一間又好食又抵既其實都唔容易，好彩都比我搵到尼間野！越南野既小食都係好深得我心既，尼個素菜米紙卷就係其中之一，唔單只睇落好足料，食落仲有好多層口感，米紙既煙韌，生菜、蘿蔔、青瓜既爽口同埋花生既脆卜卜，真係好正﹐配埋個甜酸醬就更加開胃。第2個小食就係香茅豬排，$48蚊一大碟真係好抵，又脆又香口，仲要好juicy，最重要就係---佢會切成一舊舊比你阿！岩晒我尼啲懶人哈哈。然後就係主菜啦，緊係唔少得檬粉啦！開頭先講完想食，就當然要叫番一碗嘆下。今次就叫左香燒豬頸肉撈檬，睇張圖都知佢又係極多菜，生菜、青瓜、蘿蔔，成件事好健康，可以中和番食豬排同豬頸肉既罪惡感哈哈。成碗野加埋魚露，又涼又酸甜咁，真係好消暑！消完暑就食番啲熱野，去得食越南菜就緊係要叫埋火車頭河粉啦。唔好睇佢好似好多湯，佢啲河粉同啲餸比你想像中仲要多好多好多，應該一碗係要2個人share先至唔會晒野。最後就仲有個金邊田園蛋白炒飯，食完咁多濕既野食埋個飯就perfect啦。佢個炒飯夠乾身，唔會一舊舊，個味好清好舒服。食咁多野就緊係要叫埋野飲啦，我地就叫左紅豆冰，凍青檸梳打同埋凍鹹檸七，佢地都係食越南野一定要配既野飲。最後幫佢地大合照埋就開餐哈哈。…查看更多

雖然已經「🎤夏日熱辣辣～ 好熱～好熱～」 但係無論咩天氣都會好想食Pizza Maru 🤪 呢間餐廳主打韓國同意大利fusion 嘢，兩樣都係我最愛😚 《泡菜帶子卡邦尼》兩樣韓國同意大利嘅代表食物加埋，竟然完全配合，好完美💕 當食卡邦尼食到滿嘴奶油香嘅時候， 泡菜嘅辣啱啱好可以中和翻，所以食多兩啖都唔會（留）😚 提外話：個waiter 好細心咁提我地個意粉有d辣，問我地食唔食得辣，咁啱兩個朋友都係垃圾屎💩 叫咗小辣  《漁夫蕃茄澮海鮮（配脆皮包）》呢個汁真係一絕👍🏻 蕃茄味唔會太酸，都唔係街邊淨係得茄膏😍 但係蕃茄味濃得嚟，海鮮味都好出，而且好多海鮮，有青口，squid, 大蝦🍤  而呢咁正正子嘅汁沾個脆皮包真係好正，通常沾汁嘅包都希望外脆內軟，但又擔心個包會太硬，好彩呢個包係啱啱好！ 😚 沾住個汁可以食多兩塊都得《蜜糖忌廉炸薯條》 呢個係每次嚟都必叫，薯條炸到熱辣辣脆卜卜，加埋啲蜜糖同芝士真係好香🤪 次次都食到停唔到， 朋友就覺得個忌廉冇乜存在感，就咁食都好好食😆 《薯角炭燒雞肉芝加哥Pizza》 佢個批底係我鐘意食嘅厚度，食pizza 批底太薄會好似食空氣咁，驚唔夠飽；太厚又驚好似𡁻麵粉咁，呢個批底就啱啱好，而且唔會一陣麵粉味，明顯佢地有喺批底落過下功夫🤤 而見個toppings 嘅配答真係希得輸，一定係好食，加上佢啲芝士係有得拉絲得嚟唔會好（留）🤩 《蜂蜜牛油秘製炸雞》 兩個字： 必食！ 我地叫咗12 件（圖中為一碟，即六件），我朋友一個人就食咗6件，完全無懼佢啲卡路里，你就知係幾好食啦😂 呢雞炸到又脆又juicy , 配上外面個蜂蜜牛油粉，真係好Match 🥰 最後大家一人一杯飲品加咁多嘢食，都冇過千😚 如果大家冇我地咁大食，大家可以品食叫咁多嘢食，我地係飽到上心口😅…查看更多

行街既時候咁岩行過尼間野，見到個門面同隔離啲鋪完全唔同，因為隔離都係啲車房戈啲鋪，突然有間西餐夾係中間真係幾突出。仲要其實間野其實係係個大馬路邊，好少人行過，但見到入邊都唔少人，相信一定係勁好食，所以就去左睇門口個Menu。睇到又係雙眼發光，全日早餐都係$80蚊，仲要包野飲！係出面食應該最少都要$100以上坎唔甩，然後又要另外叫杯野飲咁，真係幾貴。咁見到咁抵就緊係狗衝啦！入到去睇左陣就同朋友叫左一人一個餐，總共叫左3個餐。澳洲安格斯牛肉車打芝士漢堡  配  香脆薯條、全日早餐  配  芝士烤雞同埋巴馬火腿班尼迪蛋  配  馬鈴薯蛋沙律。本人真係好喜歡食burger，所以一定係叫尼個咁吸引既漢堡黎食。一上台真係流晒口水，個賣相勁高質，塊安格斯牛又好厚好多汁咁。然後啲薯條係真係香脆既，個名冇呃人哈哈。個味就唔洗講啦，係完美represent到佢個名，完全冇伏。然後就係Benedict egg啦，我唔係話好好Benedict egg，但尼個真係幾好食。個蛋唔係好酸，然後個巴馬火腿又中和番個蛋既味。仲有個薯仔蛋沙律，啲薯仔係好粉感戈啲，所以個口感係唔錯既。不過成碟野最可惜都係個蛋唔係好流心。最後就係最性價比，個全日早餐！上台戈陣黑松露味真係好香，因為係個黑松露炒蛋上面有堆黑松露，好正。然後個人黎講就覺得個大菇同塊芝士雞排就最吸引啦。個菇望落去已經係勁多汁，咬落去係真係爆汁！好西利！而個芝士雞，唔好以為佢好漏，真係完全唔會太heavy，因為個芝士唔係好重味，食落好balance。太正了。同佢地影張大合照就食啦哈哈。最後就係杯野飲啦，因為戈日好熱，飲杯菠蘿冰紅茶真係勁清新，仲要係免費既，真係勁開心！…查看更多

上次去左同一幢食飯，見到尼間野個名有啲好奇就搜尋左尼間野係食咩菜色，見到係日本野就雙眼發光，決定左一定要搵一日去食好西！一入到去，雖然有其他客人，但個氣氛都係好chill好靜，好似大家都會專登講野講細聲啲咁。個menu好環保，係可以用marker寫係塊過左膠既menu到，寫錯用紙巾或者手指擦走就可以。見到佢啲小食都好吸引，所以最後我同朋友淨係叫左一個飯，其他都係小食黎，分享黎食就可以食到更多款啦哈哈。我地最後叫左李小龍卷、心之蛋卷、洋風吞拿魚串、三文魚串、蘆筍海老牛肉卷同埋心之魚生飯。野飲就叫左一杯可樂同一杯藍蝶花白桃乳酸。啲小食係好新鮮既，因為張台都比較細所以佢好多野都係分開上，唔會逼到成張台都係野食。我自己就最鐘意心之蛋卷同蘆筍海老牛肉卷。個心之蛋卷係我之前一見到就決定要黎食既原因，唔係話特別喜歡食蛋，而係佢入便仲有芝士同三文魚阿！諗番起已經想再去食個蛋卷。至於個牛肉卷，個牛肉係煎到脆脆地，而又唔會係un都咬唔斷。仲有阿，一直以來蘆筍係好脆口既菜黎，佢煮到好林，所以成啖個口感係幾有趣既。我地個主食就西利啦，啲魚生係多到完全睇唔到啲飯。不過好彩佢唔係好大碗，食左咁多小食真係唔係好想再食咁多飯。而戈一大堆魚生粒粒都好大粒好新鮮，好似食刺身咁，好正。最後就緊係野飲啦。可樂唔洗介紹啦，但另外戈杯藍蝶花白桃乳酸就要啦！一上台係哇左一下，真係好激發少女心既顏色阿！見佢寫藍蝶花仲以為係藍色，點知係粉紫色，好靚，個味道就真係純乳酸味哈哈。成過食飯既過程都係勁開心，好好食。…查看更多

有時候食邊爐放題食到頹，因為啲野食既質素真係好得有限，仲有啲係真係唔好食添。所以其實都想去食下啲高質啲既邊爐，係比較貴既，但起碼啲野食唔會係伏先，至少今次去尼間一啲都唔伏啦哈哈。雖然尼間野個位置唔係係大街，但尼幢樓成幢都有好多餐廳，所以去到樓下既時候都幾多人排隊上去唔同既鋪食野。入到去唔係好大，但係如果大家去過日本戈啲居酒屋，就會覺得尼間野個裝修真係好似日本既居酒屋！有啲幾隱蔽既卡位，不過因為我係2個人去，所以費是影人地啲卡位，但佢啲卡位係好闊，仲有差電同電視睇，可以同朋友慢慢坐係到吹水食野飲野。同埋尼排好似係沖繩生啤祭，如果係同一大班朋友去既話，真係可以係咁飲哈哈。因為我地得2個人，所以都唔係好敢叫啲套餐，怕食唔晒，所以都係散叫比較好，散叫已經都有勁多野簡。湯底我地任性左叫左個雙拼，因為簡唔到哈哈，所以叫左血池麻辣湯同埋姬松茸冬瓜湯。野食就叫左鮮炸脆響鈴、中size既特尚手切牛、海鮮尚盛同埋羽衣甘藍。個湯底一上黎之後真係勁大陣麻辣味，唔係會大陣到會咳戈啲，反而係令人勁想食野戈種。平時打邊爐食響鈴都係盒裝戈啲，唔知睇張相睇唔睇得出，但尼碟鮮炸脆響鈴係大舊好多，多好多層咁。我就勁喜歡食響鈴既平時，尼個真係勁好食，唔係好快就林晒戈種。然後啲牛，一上台見到啲雪花真係好西利，邊爐戈啲肥牛真係冇得比，食落又有牛味又唔會好薄。至於個海鮮尚盛就更吸引啦，有海蝦、聖子皇、鱔片同埋大蜆，食落係真係有海鮮應有既鮮味，因為平時去放題戈啲都係一般般，尼個就出色好多啦，當然都係性價比既重要性啦。最後我地既菜就係羽衣甘藍啦，成碗野係塞到滿晒，絕對係抵食。…查看更多

係屯門食「放題」正常都只會諗到戈啲牛乜牛物既邊爐放題，但原來屯門依家都有真正既日式放題啦！真係早排先知，可能係因為佢開戈個位唔係好多人會經過，所以以為間野暫時都好似唔算好出名。不過去到戈陣發現都有戈等緊位，原來大家都收風收得咁快哈哈。等左陣就入到去坐，應該因為我係2個人，多人既話可能就要等多陣先會有位入。入到去唔係旺角銅鑼灣連鎖放題戈種size，細細地又唔嘈，幾好，又唔會勁逼咁。因為有時係出面食放題，多人到連郁兩郁都好似阻住隔離台食野咁。一入到就對住個大門口就有尼三個部份，自助飲品櫃、甜品櫃同埋前菜沙律櫃，覺得睇個規模黎講，佢都真係算幾多野簡。不過尼啲就可以慢慢食既，緊係叫左主角先啦！放題最緊要既野阿！壽司同刺身盤！壽司係到左先既，個size完全係好適合放題食，的的色色咁，唔會食幾舊就飽左。因為有時候係出面食，啲壽司真係full size既正常壽司，會唔敢叫太多黎食，會浪費左個胃既quota咖嘛。而個刺身就西利啦，本人就好鐘意食三文魚既，啲三文魚唔係梅梅地戈種，係正常既高質刺身，仲要係厚切添。由其是個三文魚腩，真係勁勁勁勁厚，仲要勁好食，真係不得了。放題既第2主角就自然係啲煎炸野同熱食啦！影左幾張比較好食既野食相比大家睇，有黃金雞軟骨、芝士年糕、吉列蠔、印度薄餅朱古力同埋濃湯煮蜆。啲煎炸野全部上菜戈陣都仲係熱咖！其實好少有放題既煎炸野上台戈陣係熱既，都明白既，咁多人落單，邊有可能一直都係新鮮甚至叮一叮熱都會係浪費時間。但尼間熱得黎仲要係脆口既，都幾西利，希望佢一直都可以keep住都係新鮮既放題啦。至於個濃湯煮蜆就真係幾惹味，真係幾濃味，但唔係話濃到食2隻就太咸，因為我地都叫左2碗黎食哈哈。同埋我係食甜品既時候發現佢仲有任食dreyer's雪糕！會唔會太抵！平時都係咩雀巢阿戈啲，貴戈啲只可以一人一個咖炸嘛！勁開心！仲要食到勁飽添！…查看更多

講真食Lunch既時候簡野食都係貪平，快又唔難食就得，不過今次第一次去食尼間日本野真係令我覺得︰就算得一個鐘食飯都可以食好野咖！行到去附近見到尼間野個門口係寧舍多人等緊，可能咁岩都係食飯時間啦，所以都係門口等左陣先有位。好彩拎飛等位既時候，待應姐姐會比定張紙我地mark低叫咩野食，咁一陣坐低唔洗等太耐就食到，真係好善解人意。門口就有大大個午市餐牌，有幾多唔同野簡，飯啦烏冬啦拉麵，咩都有。真係好多人係門口，所以連個餐牌都唔可以好好地影。我就簡左赤蝦粒粒魚生飯便當配湯，因為戈日實在太熱啦，唔係好想食熱野，姐係拉麵阿，同埋石鍋飯好吸引我都唔係好想食，怕熱到傻。所以就叫個涼涼地既魚生飯食下啦。一上菜係幾驚訝既，雖然佢個飯唔係大，但係2隻赤蝦刺身就真係好西利，勁大隻。佢一個飯盒就真係成個餐既感覺，有前菜青瓜沙律、芝麻雞翼小食、有餐湯麵豉湯、主食有2隻大蝦同足料魚生飯，最後仲有個甜品泡芙同一杯野飲添，咩都齊晒都係58蚊炸！真係好抵食！湯、沙律同個飯都係好好味，係冇一樣野係比較差，都一樣咁好。至於個芝麻雞翼真係要分開講，因為太好食啦！我將隻雞翼都留到最後先食，但我食戈陣佢都仲可以係熱到出煙，個面係勁脆，但啲肉唔會係乾身，係好多汁好滑。我唔知佢其他餐包唔包尼隻雞翼啦，如果冇既話都建議大家可以另外叫黎食下。…查看更多

之前有朋友推介過尼間餐廳，佢話幾好食又算係抵既西餐。加上我又好喜歡食意大利菜，所以今次就同左另一班朋友去左試下，因為佢地未食過，都有興趣咁。大家都因為個朋友讚過所以都好大期望，點知原來都唔係真係特別好食，大家都有少少失望。雖然間餐廳唔係咩典型西餐既豪華得黎又舒服既裝修，但係就算入便都幾多人食，啲位都唔會話好窄，由其是坐卡位真係幾舒服，所以第一印象都幾滿意既。Menu真係有唔少野食簡，好彩大家都唔係好有選擇困難症，唔係一定會簡勁耐，餓死都未食到。最後我地叫左西班牙小食拼盤 (5品)、蒜蓉多士4件，同埋蝦牛油果法包多士做頭盤。而香辣蕃茄濃汁煮青口、香烤香草羊架配季節蔬菜、西班牙海鮮飯(半份)同埋明太子白汁鮮魷雜菌意粉就係我地既主菜。甜品因為冇乜選擇，我地就叫左個香蕉朱古力披薩就算。講左頭盤戈啲小食先啦，唔係講笑，啲小食應該係成餐野最好食既野黎咖啦哈哈。個西班牙小食拼盤包左意式炸魷魚圈配黑松露醬,、意式薄切三文魚忌廉芝士卷、焗釀帶子大啡菇、巴馬火腿片同埋秘製炸雞肉塊，總共5樣小食。個秘製炸雞肉塊係5樣野入便最好食既，因為好新鮮好脆口，係同KFC戈啲有得比既。而其他戈樣就一般般啦，意式炸魷魚圈配黑松露醬個醬係好好食既，唔會好重松露味，清清地，但個炸魷魚圈就真係有啲失色。個炸粉唔係話好厚，但入便舊魷魚就好難咬，應該因為過熟。而個意式薄切三文魚忌廉芝士卷，舊芝士係就係好厚啦，但係太大舊搶晒三文魚啲味，又漿口，真係唔係幾好食。至於另外既焗釀帶子大啡菇同巴馬火腿片，都係一般到冇咩可以講。但之後既兩款多士就好好食啦！蝦牛油果法包多士同埋蒜蓉多士真係好正，雖然個蝦牛油果法包多士上面因為係沙律所以係凍既，我有啲唔慣之外，佢個味真係好好食！蒜蓉多士就更加啦，又熱又脆又香，想叫多碟咖，不過太多野食所以都係冇叫到。至於戈4個主菜呢，真係唔知點講好。拿，首先個香辣蕃茄濃汁煮青口係出色既，好惹味，雖然佢寫係香辣，但我有啲唔食得辣既朋友都話唔係好辣，如果係鐘意食辣既就叫下Tabasco黎落下啦。但之後戈3個就真係可以講仲差過啲小食。香烤香草羊架配季節蔬菜係冇羊味既，又要熟得濟好難咬，落單戈陣係叫左5成既，出到黎變左well done。西班牙海鮮飯係有好多海鮮，但唔知係因為我地係叫半份定點啦，啲飯真係好細份，仲要好似燒到煲仔飯咁，有飯焦，勁乾身。明太子白汁鮮魷雜菌意粉呢就大份番啲啲，但個醬實在太漏，就算唔飽都唔係好想食晒佢。咁飲品同甜品都係中上既叫做，但同我想像中都唔係好同。叫左Apple Yakult同Coffee Caramel Frozen各一，咁大家都知Yakult姐係益多多啦，咁就自然覺得杯野係蘋果益多多味，但係好似成杯都係沖淡左既益多多咁，飲左成杯都搵唔到蘋果，唔係唔好飲，只係唔值囉。而Coffee Caramel Frozen真係甜到不得了，我自己就接受唔到啦。個香蕉朱古力披薩就唔係好甜既，但都係一般般啦。總括黎講成間野都係一般般，而我地就失望了。…查看更多

我成日都經過尼條街，戈日突然間發現左尼間新開既蘭州牛肉拉麵，門口個大玻璃仲周不時有制麵師傅係到fing下拉下啲麵團，好似表演咁，好西利。睇睇下就同朋友入左去坐低睇下有咩食。雖然個裝修唔係話好中國風，但係一入到去就聞到好香既中式麵味，我真係唔識實際點形容陣香味，總之好香啦哈哈。我地咁岩坐左係個牆邊，有個牌寫住尼間餐廳係中國拎左唔同既榮譽，好似真係好西利咁。而因為我真係第一次食「蘭州菜」，尼啲野加加埋埋真係令我好期待啲野食。餐牌好簡單，得兩頁紙，唔知係咪因為間野都算新開，未肯定個市場需求，餐牌上面吸左個紅印既都暫時未有得叫。咁我同我朋友就係待應姐姐既推介之下叫左一碗例牌既東方宮蘭州牛肉拉麵同埋特色酸菜牛肉拉麵，之後仲加多左個姐姐話係係蘭州製作既特色泡菜。講番啲麵，因為我地都係第一次食，待應姐姐勁好人咁黎左問我地鐘意咩口感既麵，林身啲定有咬口啲。因為我地都比較鐘意啲有咬口既麵，所以待應姐姐就介紹左我地叫二細麵做麵底，大家唔知叫咩麵底好都可以問下姐姐咖。個特色泡菜個樣好似韓國戈啲泡菜白少少既版本，但聞落係有一陣好香好開胃既酸辣味，所以就忍唔住即刻夾左黎食嘻嘻。食落我覺得佢係椰菜黎，然後有一陣淡淡地既辣味，又唔係真係好辣，所以其實真係好開胃，最快上菜就係尼個真係冇放錯位置。我地兩個拉麵主食終於上菜啦，雖然幅圖冇乜對比，睇唔到究竟碗麵究竟有幾大，但其實真係勁大碗！一上到台，頭先我講戈陣麵味真係迎面而黎。第一啖食啲麵真係有少少驚喜，係真係我好喜歡既質地，好有咬口，唔係林pat pat咁，好有口感勁正，默默一推要試下二細麵！如果大家係比較喜歡食辣既話，絕對可以落台面戈碗辣椒油，真係好香 (我真係唔係好識用咩形容詞，總之好食啦哈哈)。咁緊係如果食食下有啲辣既話，係有野飲咖，雖然只係便利店都有既野飲，但最緊要都係可以解渴姐哈哈！…查看更多

尼間賣野飲既鋪頭可能係我少有地好喜歡既一間。本身我個人黎講就好喜歡飲茶，咩茶都岩，中式阿，日式阿，西式都成日飲。雖然話茶真係周圍都買到，但尼間既茶真係比較好飲，同埋係飲得出佢係專做茶類既野，而唔係咩黑糖乜乜乜之類戈啲大眾野。因為其他戈啲鋪頭賣既茶都係可以少甜阿點樣點樣，其實茶應該本身就無糖，係唔需要加糖之類就已經好飲。不過可能飲唔慣既人都真係會想加糖既，各有各喜好啦。雖然佢個menu都有好多唔同種類既野飲，但我緊係飲番茶啦哈哈，所以就叫左杯玫瑰油切。不過講完個名其實都未必知係咩茶黎，除左知係玫瑰味次外，心諗油切係雞定點哈哈。其實有啲飲品既中文名真係未必知係乜，但睇番英文就會馬上知道。我杯玫瑰油切既英文係Rose with Green Tea，姐係玫瑰綠茶。因為尼啲茶即沖係比較花時間，所以佢係有啲存貨係雪櫃，所以客人叫左又唔洗等咁耐，又可以有支凍既茶飲，咁熱既日子真係好需要佢咖。佢仲要好大支，雖然拎住係重啲，但我覺得尼支野個味真係好清，飲落去唔會澀，真係好舒服。再加上有陣淡淡既玫瑰香，好正。…查看更多

就算我戈日唔係假期唔係星期六日，係附近一堆Office既午餐時間去食飯真係有少少麻煩，雖然愉景新城已經都好多餐廳，但係當個個都係1點幾尼個鐘數放飯既時候，真係就算幾多餐廳都唔夠裝晒所有人。不過好彩係地下戈層既角落頭搵到尼間日本野，見唔算好多人等緊位就去左加入拎籌既行列，雖然都等左10分鐘左右先有位入，但我覺得其他餐廳等10分鐘都未必叫到一個籌，實在太多人啦。坐低左睇左陣個Set Lunch既餐牌就叫左個牛肉手打烏冬餐，都包好多野食：前菜、沙律、茶碗蒸，仲有個小甜品添。同埋佢所有午市套餐仲包一杯野飲，又或者可以改做刺身，不過我怕食唔晒啲野，所以最後叫左杯蘋果紅茶。個烏冬等左10分鐘左右就上菜，同埋都真係好熱，係見到佢出緊煙既。啲牛肉雖然係一片片薄牛肉，但係其實個量都好多，再加埋戈兩塊巨形腐皮，真係點都夠飽啦。其他前菜、沙律、茶碗蒸都係整得好好食，唔會好重味，淡淡地，唔會搞到人食到好飽食唔晒啲主食。不過我慣左食野會得閒飲下野先，但佢杯蘋果紅茶係我食野比人收埋個食物盤都未上到黎。中間其實都催左幾次，但都係要咁耐先上到。可能水吧戈個人係新手定點啦，其實尼啲食飯時間應該要好快手至係，因為人地食完野仲要番番工咖嘛。…查看更多