鳥山名

就算我戈日唔係假期唔係星期六日，係附近一堆Office既午餐時間去食飯真係有少少麻煩，雖然愉景新城已經都好多餐廳，但係當個個都係1點幾尼個鐘數放飯既時候，真係就算幾多餐廳都唔夠裝晒所有人。不過好彩係地下戈層既角落頭搵到尼間日本野，見唔算好多人等緊位就去左加入拎籌既行列，雖然都等左10分鐘左右先有位入，但我覺得其他餐廳等10分鐘都未必叫到一個籌，實在太多人啦。坐低左睇左陣個Set Lunch既餐牌就叫左個牛肉手打烏冬餐，都包好多野食：前菜、沙律、茶碗蒸，仲有個小甜品添。同埋佢所有午市套餐仲包一杯野飲，又或者可以改做刺身，不過我怕食唔晒啲野，所以最後叫左杯蘋果紅茶。

包前菜、沙律、茶碗蒸同甜品

$92

個烏冬等左10分鐘左右就上菜，同埋都真係好熱，係見到佢出緊煙既。啲牛肉雖然係一片片薄牛肉，但係其實個量都好多，再加埋戈兩塊巨形腐皮，真係點都夠飽啦。其他前菜、沙律、茶碗蒸都係整得好好食，唔會好重味，淡淡地，唔會搞到人食到好飽食唔晒啲主食。不過我慣左食野會得閒飲下野先，但佢杯蘋果紅茶係我食野比人收埋個食物盤都未上到黎。中間其實都催左幾次，但都係要咁耐先上到。

蘋果紅茶

可能水吧戈個人係新手定點啦，其實尼啲食飯時間應該要好快手至係，因為人地食完野仲要番番工咖嘛。