jam yam eight的个人专页

慕名而來，結果吃到一半，已經非常口渴，味精太重，而且沒有空調，只有風扇，粥未到還可以，一開始吃熱粥，整個背都濕透了，濕到透透的，所以不會有下次，因為粥真的就是很一般的粥，而且下了太多味精，很多粥店賣$38都不會下味精，還賣$49 一碗，$49買一碗味精粥，真的不值。怪不得有奶茶，檸檬茶賣，就是因為知道吃了他的粥會很口渴。大牌檔衛生真的一般，地下濕濕滑滑，很容易滑到。應該也有不少遊客慕名而來，但真的沒必要。…查看更多

星期日想食點心，但又唔想出街，就試吓外賣app, 因為有運費優惠，點知屋企附近外賣app淨係做呢間外賣點心，見未試過即管試吓，叫左牛肉腸粉$31，蝦腸$36，臘腸排骨飯$40，蠔油鮮竹卷$34，奶黃包$31，燒賣$36，蝦餃$40，炸雲吞$24，糯米飯$40，牛肉球$30，粉果$26，鳳爪$28。大約由落單到到屋企30分鐘左右，時間可接受，但點心賣相見到已經打個折，咁諗住外賣都接受啦，點知入口，嘩，大鑊，未食過咁唔好食既點心。個牛肉球成口粉，腸粉d皮厚過乜，排骨飯正常少少，但都唔好食，個豉油應該溝了好多水，糯米雞又係好難食，粉果又係超厚皮，鳳爪正常，但鳳爪拌碟既南瓜酸的，蝦餃又係超厚皮，所有點心只有炸雲吞係比較接受到，超碼個皮係脆的，叫了12樣點心，未計運費$396，計埋優惠$376，但真係無下次，令我下次真係唔敢再嗌外賣app平台嘅舖頭…查看更多

睇開「飲食奇X]youtuber, 見佢講到呢間新開舖頭好似好得咁，今日去開太子，特登去會－會。結論係以後呢個YouTuber介紹嘅野可以唔使信。佢介紹的舖頭亦唔需要去。因為又係收錢的。收錢係正常的，但起碼要講返啲中肯嘅嘢。佢介紹鮑汁花膠花菇，於是我哋就嗌咗呢個招牌鮑汁花菇花膠撈粗麵，$56，花膠係最cheap嘅嗰種花膠，不過明白嘅，只係賣$56 ，所以合乎期望的，但嗰鮑汁就真係冇乜味，個冬菇同個汁係唔同味嘅，所以好明顯個花菇係分開處理，花菇可以，夠厚，但個汁唔得，非常之淡味，而花膠又冇味，只能話佢唔硬，唔似其他舖頭嘅花膠煮得好硬。食完只能夠話係非常之一般嘅冬菇花膠，唔會黎第二次。另外亦都叫咗個雲吞麵試吓，竟然同一粥麵嘅雲吞麵係一樣，完全唔得。個面係好一般嘅面，如果佢係以麵作為佢嘅招牌，咁呢間可以唔需要再幫襯。雲吞就係一粥麵之類嘅雲吞。只係鋪面夠乾淨企理，未食過嘅人，都會被新開張吸引入嚟，但應該通常冇下次。另外叫咗個油菜，腩汁菜心，如果老人家嚟食應該好開心，因為個菜係林到入口即溶，完全冇咬口。總之叫了三樣嘢食，冇一件係會令我返轉頭再食。但佢有gimmick , 就係只要每張枱食滿$100 ，就可以去抽幸運輪，我哋抽中招牌雲吞麵，好在佢話唔需要任何收費拎住張券都可以嚟食，決定捐出去。無謂浪費咗自己嘅quota。…查看更多

話晒逸東軒都係米芝蓮一星，所以今年就諗住試吓佢嘅月餅，買了三盒逸月薈萃，$348一盒，買了$1044，裏面有六件迷你裝月餅，差唔多$70一隻，諗住自已食一盒，另外兩盒送人，今日滿心歡喜去拎月餅。回家一拎出嚟睇，嘩好大浸甲醛味，應該來自個木盒嘅油漆，即刻好驚囉，話晒都食落口。話晒米芝蓮一星，竟然咁小嘅細節都可以忽視，木盒裝嘅月餅之前都試過其他店，但從來冇試過會有甲醛味，太令人失望啦，而家都唔知啲月餅食唔食好。…查看更多

今日假期去了科學園，見呢間意大利餐廳環境幾靚，入面好似仲有個薄餅焗爐，諗住應該OK，入去試吓。點知個薄餅普通到不得了，上枱只係暖的，個餅底林晒，完全冇麵粉香味，竟然夠膽收$288一個。真係Pizza Hut都好過佢。另外叫了個燒豬，佢話出名既，竟然有雪味，唔會係出名有雪味卦，同埋上枱又係只係暖的，但係今日係23度的，個皮又要燒得唔脆，仲要收$378，完全諗唔到點解可以收咁貴嘅價錢。最重要係啲service好差，裏面人手係多，但啲人行嚟行去，周圍望，唔係做嘢嘅，望到你張枱好亂，但唔會收拾。竟然我哋跌咗隻义，啱啱跌喺個侍應腳下，佢竟然望一望我哋，跟住行咗去，又唔俾返隻新义我哋，又唔執返隻义，結果我哋要自己去隔離張枱攞隻新义用。食完個麵包隻碟又一直都唔收，啲水飲晒，又冇人針，我以為收咁貴嘅價錢，就算食物唔掂，都應該係包Service，原來唔係嘅。咁真係唔知究竟點解值得收呢個價。不過有好多家長帶細路來玩，寫明人均消費$200 ，我諗佢應該係靠呢樣先至維持到，如果淨係靠食物，應該執咗好耐。…查看更多

聽同事介紹，週末專登安排屋企人上水單車遊，去羅太食放題豆腐花，滿懷希望，去到原來已經無咗豆腐花放題，伙記話無咗半年啦，唔知係咪因為疫情多咗人去，所以而家唔憂做，變咗每碗十元，豆漿也是十元一支，好多人都唔知，仲以為放題，豆腐花ok既，同其他店豆腐花無乜分別，無乜特別，如果沒有放題，未必值得專登入去。其實講真，俾你任食最多都係食到兩碗啫，而家無咗放題，我會照單車遊，但不會專登去嗰度囉。可能好多人唔知無咗放題，所以好多人，多到唔夠枱同櫈，好多人要企住食，地方是有點污糟，糖係自己加，疫症期間其實不是太好。也食了豆卜，夠脆，十粒左右三十元，平日少食，唔知其他地方是否差不多價。…查看更多