鼎點點心專門店

星期日想食點心，但又唔想出街，就試吓外賣app, 因為有運費優惠，點知屋企附近外賣app淨係做呢間外賣點心，見未試過即管試吓，叫左牛肉腸粉$31，蝦腸$36，臘腸排骨飯$40，蠔油鮮竹卷$34，奶黃包$31，燒賣$36，蝦餃$40，炸雲吞$24，糯米飯$40，牛肉球$30，粉果$26，鳳爪$28。大約由落單到到屋企30分鐘左右，時間可接受，但點心賣相見到已經打個折，咁諗住外賣都接受啦，點知入口，嘩，大鑊，未食過咁唔好食既點心。個牛肉球成口粉，腸粉d皮厚過乜，排骨飯正常少少，但都唔好食，個豉油應該溝了好多水，糯米雞又係好難食，粉果又係超厚皮，鳳爪正常，但鳳爪拌碟既南瓜酸的，蝦餃又係超厚皮，所有點心只有炸雲吞係比較接受到，超碼個皮係脆的，叫了12樣點心，未計運費$396，計埋優惠$376，但真係無下次，令我下次真係唔敢再嗌外賣app平台嘅舖頭

$396