gax2的个人专页

復活節假期裡面既一日我地一行五個人過左十二點先去到旺角,點知發現好多壽司鋪都閂門。咁岩見到呢間未閂就話過左十點定唔知幾多點有八折,咁咪問下門口個侍應佢地閂左門未, 因為我地只係想食壽司同搵個地方坐。跟住個侍應好似好好笑容咁話未,咁我地咪入去LOR。總括黎講佢D 壽司質數都係OK 既~不過不失，但係D STAFF 同你入去個時好似係兩個人咁。入去個時好似好好態度,但係之後就唔係。佢最終催我地LAST ORDER既時間比我地入去個時佢同我地講既早左十五分鐘。佢仲要你仲食緊佢就收埋哂D 豉油同WASABI (都唔好講唔係每一個ORDER台都有WASABI)。我地都明白佢地要收工要執野咁所以都OK 既，但係最大問題係佢收埋左我地D 豉油但係我地支用完,咁我地咪問佢可唔可以俾D豉油黎,之後佢講左幾句係度話我地先拎俾我地，我仲要見到佢D壽司BAR 師傅係度黑口黑面睥住我地。所以我地最終有D 野佢好明顯走左單但係我地食左黎左既野都即刻埋單走人。佢地咁既服務態度真係好難叫人再去,無客人會想睇到佢地變臉。如果開頭佢唔係笑笑口咁叫我地入去咁我地都唔知佢地咁介意人地阻住佢地收工, 入左去就俾臉色人地睇，好似黑店咁。 另外就係佢個廁所，要拎鎖匙行出去之後又要轉過去有一度搭小巴附近既一個地方，如果一個女仔夜麻麻去都會驚,同埋佢係無廁紙供應，好唔方便。…查看更多

兩三個星期前左右我同朋友一行幾人去呢間CAFE度幫其中一個人慶生。環境:一坐落去間CAFE 既裝修都係悠閒風無咩特別。不過我地張枱就有兩張椅係特別低左既籐椅,佢低左坐呢兩張椅個兩個人同其他人傾計怪怪地..不過都唔算咩大問題。本身都無咩野，但係我一坐落去就由頭到尾不斷俾野咬，痕到我係咁抓,搞到我依家過左兩三個禮拜我隻腳都仲係好多痕。之後我就去左佢個廁所。佢個廁所都幾大,本身裝修係無咩野，但係個垃圾筒D抹手紙已經多到跌哂出黎都無人清理,令人覺得個廁所污糟。食物：最終我地叫左D PASTA, SALAD 等野食,詳細既名都唔記得喇,可以睇返D 相。D 野總括黎講都幾好味,但係就得好少,每人食左一湯匙基本上就無架喇,以佢既價錢黎講真係好唔抵，而且佢個MENU 得好少野揀, 同埋佢上菜都唔快，我地D 人食左幾樣野都覺得好似無食過野咁~所以最終我地決定去第二度再食過。重要之後我地埋左單之後發現我地個餐裡面有杯鮮奶佢一直都無拎過黎俾我地。SO BAD。服務其實呢間CAFE唔大,可能佢都好少人,加上佢係CAFE形式,可能就因為咁所以次次叫野都要我地自己行出去佢個BAR台個度叫佢地過黎,大家夾完錢之後自己拎返出去俾佢，非常唔方便。呢樣野我當因為佢係CAFE俾多D 私人空間D客人咁都情有可願，但係我地個壽星女好聲好氣問佢可唔可以幫我地影相時個個STAFF 黑口黑面話:你等等啦。之後要我地再叫人幫我地影相先得，即刻覺得呢間野真係好唔OK。呢三方面加埋之後都覺得唔會再去。如果要食PASTA ,有好多地方好過呢間, 例如尖咀好多人去慶生的WONDERLAND D PASTA 味道同份量都好,大把選擇。而且呢間CAFE雖然係CWB 但係都唔係特別就腳，不過呢類食PASTA OR BREAKFAST既地方CWB都有唔少~環境仲可能好D 。…查看更多

星期六七點頭去到新城市決定上七樓睇下有咩食,原本睇完d 餐廳既餐牌之後想去銀座藏人，但係個間餐廳好多人等位，跟住我地見到呢間既餐牌有蟹粥好似幾好,價錢又唔貴,而且等左幾分鐘就有位所以入去左。環境：呢間餐館裡面係暗既,我同個friend 兩個人坐張二人枱,但係佢d枱同隔離係好近,所以基本上你講既野同隔離枱既人講既野係一定聽到。一坐落去個時我地發現我地張枱係搖既,係好搖個隻,係如果放左d 野上去其中一個人突然將重心放落張枱d野係真係可以跌落地。不過我地同侍應講之後佢幫我地將張枱移返左d咁就ok,但係都因此同隔離張枱更近。另外就係雖然呢張係二人枱,不過你點得多少少野張台已經放唔落,所以我地拎咩都要就住就住驚會掃d 野落地,所以坐得唔係好舒服。服務：我地一黎到有個著黑色制服既女人幫我地叫餸,佢就算問我地叫d咩餸同埋覆返我地叫咩佢d語氣都好似好趕同埋好惡,so我同我個friend 點完餸已經覺得有d無奈,我地都只係普通有禮貌地點餸但係就唔知做咩好似俾人鬧咁。跟住之後有個男侍應拎個蠔餅黎既時候因為其他野已經黎左,所以無乜位,跟住所以我同我個friend 就係度執開d 野諗住俾d 位佢~但係佢又等唔切咁將個用黎蘸魚露既兜放落黎時d魚露整哂落張枱度加我隻手度..搞到我成隻手都係魚露味,但係佢只係講完唔好意思就好快走開左,完全無諗住拎d紙巾/濕紙巾黎。仲有之後上菜又係無位,我地又係執位俾佢地,但係個侍應就係我地執緊既時候自己叉隻手埋黎夾硬放d 野落張枱度就走。最尾埋單既時候有個女人放低左張單,咁我放低左張信用卡佢就即刻合埋左本野超快咁拎走,我同我個friend 想睇下張單都唔得。本身其實做得快唔係唔好,但係都要顧下客人既感受lor, 如果唔係就好似d 菜餐廳咁。總括而言，serve我地既職員d服務都唔係好得..，係除左一個姓huang 個名係疊字既女仔幾好笑容同埋有禮貌,,所以我地專登睇返佢個名牌。食物： 煎珍珠蠔餅。佢既蠔餅同出面係唔同既,無出面個d 咁香同好食。出面既蠔餅係食完一舊會令你想繼續再食,但係呢度既係令我覺得好咸同滯唔想再食。呢度既蠔餅唔難食,不過唔係好食,點左魚露會好食d。不過最奇怪既係我地發現裡面有條炸魚(見相片1的右上角)。雖然我地明白d 煎炸野用既粉漿可能都係一樣,但係佢咁大條魚放埋係裡面度個廚師無可能睇唔到吧..佢咁樣會令我地覺得好似好污糟同埋求其，成件事就好奇怪..白灼菜心。其實小至係d粉麵鋪度大至去酒樓度食菜基本上應該係最安全唔會出問題既，但係我地碟菜唔單止黃,我同我個friend 食落去都覺得係苦既,苦到我地唔會再食落去。所以最終叫佢取消左佢。椒鹽豆腐。不過不失，係d豆腐舊舊既形狀都唔同同埋佢比起出面既椒鹽豆腐淡。蟹粥。個粥無咩味，不過個friend 如果多返少少味個粥都算唔錯。係唯一奇怪少少既係佢一碗粥應該有一隻蟹，但係我地碗粥度就出現左三隻蟹鉗jei。總結呢間野除左d 服務唔得之外,d 食物都唔係幾好,成間餐廳俾我地既感覺好奇怪，所以我地決定以後都唔會再黎la..。…查看更多