waiiaw713的个人专页

咁啱路過觀塘，遇著大雨，中午時段周圍商場食店都好多人出動食晏，忽然醒起之前食過呢間喺附近。喺疫情之下，心諗呢度應該多卡位又唔駛同人迫，就急急腳過來...🚶🏻‍♀️見到有厚燒牛脷火腿意粉(可改飯)，太耐無食牛脷，好想試，再跟一杯熱奶茶。嘩～牛脷真係好厚，仲有4塊，再加埋2塊火腿，確實大堆頭還好食落無失望，正常，飲埋杯熱奶茶，就已經滿足了我太耐無堂食，又得1個人，好在搵到間自己坐，可以食得安心又放心:)…查看更多

午餐時段，知道呢間要預更多時間等位（實在很旺場😅），所以都有晒心理準備，大概都等咗半個鐘才入座...(夏天等位真係要好有毅力與耐性😓)同友人一行4人，叫了4個主食share, 都加＄12跟餐，估唔到上菜速度幾快，好快有得食（因為之前聽聞上菜速度也是一大考驗），今日還好還好。👌🏻4個主菜都好食，咖啡都好，最特別係食西餐，配中湯，真係我估你唔到🤣總括嚟講，我地都好想有下次，不過真係要預更多時間才可（想食午餐時段都唔係咁易）💪🏻期待下次再食。…查看更多

食車仔麵一定諗起呢間~份量一定無得輸午餐諗唔到食咩，叫車仔麵就最方便。依家加咗少少價，要＄40，3餸1麵。不過都唔緊要，本身都已經好值，因為包埋熱飲/冷飲唔好以為外賣就少啲，實在都係一樣咁大堆頭一打開蓋，啲餸就已經堆到滿晒。我叫咗豬紅（多到食唔晒），牛腩（好正又夠冧），蝦卷（必食之選），配埋個粗麵（比足1個半麵餅，勁），可惜我唔食辣，只加了惹味的醬汁，但都已經好滿足。不過飲品就應該凍飲抵啲，其實我杯奶茶係未飲的，沒有沖到滿杯，但都唔影響我對佢嘅喜愛。…查看更多

繼續抗疫不堂食，買外賣午餐買到嚟呢間～原來外賣都有驚喜！雖然要收外賣盒＄1，但同時外賣亦有折扣減＄10，故以呢個份量及賣相來說，是很讚我叫咗流心蛋豬柳·豚肉·炊飯·湯，飲品揀咗凍蜜桃紅茶。店員會問你即時取還是去行一陣，我就即時取，所以雪糕會同時出。（你去行一陣的話，佢應該係等你返嚟才準備雪糕，夠細心）外賣分開了飯及餸，豬柳蛋有流心效果，豚肉好味，椰菜墊底，炊飯仲有及木魚碎及紫薯伴隨，麵豉湯用杯上，最驚喜係甜品的冬甩同雪糕都會分上，雪糕球雪得硬，亦伴有紫薯，拎返公司都無咁易溶，可以放入雪櫃冰格待吃。整體感覺很良好，味道保持水準，加上有折扣（門口唔見寫有外賣折扣，睇收據才知），真係令今個Happy Friday很Happy下次再食過～…查看更多

抗疫期間，我都儘量外賣回公司吃，比較安心又放心。今日走入人來人往的後巷，終於一試得龍嘅外賣午餐，都係＄40 (太爺雞飯要$60)，就選了即煎芙蓉蛋飯，附送紙包飲品(另外可選例湯/蒸餾水)。這間的芙蓉蛋飯無落豉油，不過都已經好夠味好香，材料亦好足夠，有叉燒火腿蝦芽菜洋蔥，真材實料，只係白飯偏乾。雖然唔知佢喺邊度煮(現場唔見有廚房)，但整體係好食，呢個價錢可以食到舊式酒樓嘅味道，已經好好，下次可以再試其他。…查看更多

2020年開工第一餐，食餐好嘅~第一次去搵呢間，個門口都幾隱蔽，但入到去就知內有乾坤雖然呢度出名食瑞士汁，但同同事揀咗午餐“蒜茸汁西冷牛扒飯”，同埋“男人浪漫” ，聽個名都知勁同事食“蒜茸汁西冷牛扒飯”($47)，可揀意粉的~(目測是幼身意粉)。佢話個蒜茸汁好味，塊牛扒都好大塊，我食咗少少都覺得唔錯👍🏻，整體係好評。我就揀“男人浪漫”($52)，跟菠蘿油(可選熱狗)，實在比個名吸引住就試一試🤣果然無改錯名，真係啱男人，份量好大，除咗個菠蘿包唔夠鬆軟，同埋豬扒太淋之外，其實係抵食夾大件。至於飲品就叫熱奶茶同熱阿華田，正正常常吧～今年嘅開工第一餐總算安全，平穩渡過今年要繼續順利!…查看更多

懷舊冰廳買少見少，入到嚟就好似返咗去細個時嘅感覺。呢種要喺舊區才食到嘅味道，今日就一於嚟喚起自己兒時嘅記憶。Lunch都好多人喺出面等，還好一個人來就即入，叫咗個五香肉丁一丁拼奶醬多，熱奶茶($40)。奶醬多好香脆好好味，出前一丁拼五香肉丁都無得輸，奶茶都好香滑，連帶身處嘅環境，成件事感覺好良好🤩下次可以再來👍🏻不過順帶一提，店員落單比較舊式，無枱號可跟，只靠店員記住，好易漏單or送錯，記得要自己mon實。同場有客人等好耐，催咗兩次都仲問要咩...最後忍唔住走咗😅…查看更多

聽就聽得多，食就第一次。咁啱嚟到九龍城，就諗起呢度有出名西多士，剛剛下午茶時段就最啱~必試嘅法蘭西多士，金黃色嘅厚包，再加大大舊牛油，加埋糖漿，好香好鬆軟，確係聞名不如試食。雖然店員有推介我地加雪糕球，不過第一次嚟，都係試吓原味道先再試埋特餐，舊式茶記必食之選，意粉份量多，而且沙爹牛嘅汁都偏濃，所以都惹味~火腿炒蛋多士就是預期之內的味道，穩陣的。總括嚟講，終於一嚐呢間，係掂嘅~就是價錢偏貴了點。😅…查看更多

撞正嚟到發現改咗午餐menu, 加咗啲新款~生煎豬扒飯（限量供應)（$39）同事見係新野，又限量，重點係平，所以一試。同事激讚塊豬扒大而厚又juicy, 醃得好好味，連骨都lun埋，生煎果然唔同啲~我都痴咗一舊嚟食，真係正呢個飯確係性價比高。我當然就叫返我至愛: 咖喱牛腩配炒蛋飯（$48）食咗咁多新蒲崗茶記，都係呢間啱我口味，咖喱夠濃又香，薯仔又入味，不算太辣，炒蛋都多，仲有少少沙律菜伴碟，賣相掂，呢個價錢係值嘅~😋…查看更多

今日lunch time嚟食，唔算多人，叫咗午餐A意粉($52)，望落好大份，配菜亦好多，但肉眼豬扒薄得濟，有兩大塊但醃到偏鹹，連埋個香濃蒜蓉汁，雖然是撈意粉吃，但仍偏鹹，就是比較失望了。。。而奶茶就茶味比較澀，但還ok。整體就是餐廳格局比較吸晴(懷舊戲院feel)，份量大，但味道一般，走懷舊冰室的茶餐廳喔～…查看更多

同朋友慶生，又因為方便其中一位回家，專誠揀選北角呢間德國餐廳，又可以喺openrice訂位，方便~4個人，叫咗4人餐($798)~(但唔記得影餐牌)餐湯: 南瓜湯👍🏻前菜: 巴馬火腿蜜瓜沙律👍🏻小食: 德國腸拼盤👍🏻主菜(4選2): 德國鹹豬伴酸椰菜 & 龍蝦燴飯👍🏻豬手上碟已起肉，夠入味，皮是脆的，問店員有冇醬料，佢就比咗兩樽醬我地，一樽係芥末，一樽唔知咩，酸酸地。伴碟就有蕃薯條同酸椰菜，仲好食😆呢款確係必叫~😋龍蝦燴飯都正，大大隻龍蝦又多膏，燴飯入面仲有好多料，汁又香，每人食4份1碟，都好夠飽~甜品:一去到已經向店員提及有朋友生日，想喺甜品旁寫祝福語，一問就ok😊而set嘅甜品係雪糕窩夫，點知到我地叫果陣竟然賣晒，店員提議揀兩款cheese cake代替，生日個fd見到有雪糕布朗尼，問可唔可以將其中一件轉呢個，點知要加$20，但佢想食，加就加吧！最後分兩碟甜品上，一個手寫字，一個插牌，哈~飲品: 番石榴汁/芒果汁/蜜桃汁/熱情果汁臨食完才order, 點知蜜桃汁又無晒🤦🏻‍♀️我揀芒果汁，好飲，飲落舒服唔算好甜，唔似有加糖水，原汁原味~其他就唔清楚。總括嚟講，食物方面係好，環境舒服，但可能假期前夕，店內人手確實不足，出菜亦比較慢，希望有待改善~😊…查看更多

聽聞有抵食泰國菜喺將軍澳中心，所以行去望望，6點3拎飛已經要排廿幾張枱，見到有限定推介，$84原隻龍蝦喇沙想試，就照排吓~好在前面啲no.好多走咗，排咗廿分鐘左右就入得🥳牛骨湯河($68) : 湯底好正，河粉入晒味，有牛丸，肥牛，牛栢葉，蘿蔔(睇返張餐牌相先記得應該要有牛腩，但我當時夾極都只見肥牛...🙄)，除咗呢樣，其實呢碗粉所有野都好味，值得再食。波士頓龍蝦喇沙(原隻)($84) : 一心就係嚟食呢碗，數量限定，不過夜晚嚟到都仲有得食~真係好大隻，都多膏，但肉質比較鞋...喇沙就有啲辣(因為走醬，所以少辣)，麵係油麵同米粉加埋一齊，而豆卜可以索晒啲味。可能我食咗牛骨湯河先，先入為主，反而呢碗味道變得普通，但係都抵食嘅~…查看更多

呢間名符其實係小店，以前店舖得黑白灰，係男人主理，依家重新裝修後，門面起眼咗，由兩位女士負責，又多咗啲掛飾，但堂食依然只有4個面壁位~還好今日一人午餐，可以堂食，叫咗蕃茄香煎鮮蝦意粉。比想像中好食，隻蝦煎得好香，又夠爽。意粉係我鍾意嘅幼意粉，又係煮得好彈牙。茄汁有真蕃茄，酸甜度調較得好好，唔會偏重一邊，食得好舒服。👍🏻成個餐$50，包一杯茶(可選凍/熱，成個茶包放喺杯入面的)，每日只有限定兩款意粉，所以要去到先知有咩揀，同埋座位比較窄，夏天亦唔夠冷氣(因為無門阻隔，門口對住路口)，如果外賣就會比較好~(可惜我行離公司太遠，唔方便外賣...😅)…查看更多

新蒲崗少有越南野食，心癮起，lunch time要幫襯吓呢間小店~同事叫咗小巴黎熟牛河($39)，佢話河粉好滑(唔係即食即沖果種河粉)，牛肉又好食，只係湯底偏甜少少，但大致上都讚。我比較為食，叫咗豬扒雞翼扎肉飯($46)，可以多啲野夾，雖然豬扒油咗少少，但整體個飯都好食，仲有配菜跟埋醃蘿蔔，食咗啲油膩野再食呢樣好舒服其實呢間都抵食，午巿都好多人，奉送冷熱飲品(不過我杯熱奶茶偏濃，好重茶味)，學生仲有九折。所以過咗1pm，都開始要等位了。。。…查看更多

下午茶唔知食咩好，太飽又怕食唔落晚餐，就不如食中式糖水。好在諗起有地茂館~呢個時段唔多人，叫咗芝麻糊豆腐花，蛋白燉鮮奶同紅豆沙。芝麻糊豆腐花嘅芝麻糊好香，豆花亦夠滑~蛋白燉鮮奶我揀熱嘅，都好滑，好似食布甸咁，不過食到底果陣就會甜啲~紅豆沙就最正，好香果皮味，又起沙，仲有蓮子~每次嚟都必叫。不過依家中式糖水真係唔平，3碗都已經七十幾蚊，等於叫咗3個下午茶嘅價錢...…查看更多