yfcfor的个人专页

呢間糖水舖裝修雖然比較中式，但內在卻非常光猛乾淨，係會另人樂意係入面慢慢食慢慢坐☺️我同女朋友好快就揀好想食啲咩啦！因為一入去就聞到好香既芝麻味，咁就打孖上黎個芝麻糊豆腐花兩溝～然後牆上面又有好大張poster介紹自家製既楊枝甘露，所以亦都好快決定好啦～🍽芝麻糊豆腐花兩溝相當高水準既一個甜品！好濃郁既芝麻味，但又唔會過甜，非常香！豆腐花相當滑溜，無乜甜味但好香豆味，配埋芝麻糊既甜就perfect😚🍽楊枝甘露同出面食到既真係唔同味！食得出碌柚明顯係人生拆肉，成碗楊枝甘露食落比我既感覺係：相當真實！唔知出面咁假既味道👍🏻係九龍城食飽飯一定要黎食糖水，咁就圓滿晒啦😎…查看更多

無聽過朋友講都好，搭車經過都會比佢門口隻吹氣公仔吸引，相當有動感😂 一場黎到，見到呢隻野心情都靚番啲！入到去發現居然連live music performance都有😮 而且都幾好聽，都算係驚喜☺️ 呢一餐既食物真係相當高質素！👍🏻🍽 鐵板馬拉盞炒豬頸肉通菜必點之一🌟 超大份量，濃郁惹味，豬頸肉好軟腍，食完碟菜都飽左一半！🍽 海鮮孖寶海鮮孖寶又係一絕！強烈建議嗌鹽燒盲鰽，真係好大條好厚肉！一揭開焦燶既魚皮，入面係啖啖嫩滑魚肉，真係好滿足😋另外嗌左牛油蒜蓉燒帶子，差啲想加個白飯呀！☺️🍽大蝦炒金邊粉味道都相當唔錯，而且蝦唔似出面又梅又細隻，呢度足足有3大隻爽口既蝦，而且有蝦味！非常推薦🌟總括黎講，呢間既份量同味道都好過水準，黎九龍城食泰菜果然係明智之舉！😎…查看更多

銅鑼灣一向都好多樓上韓國餐廳。今次黎呢間Bingo & Cook, 環境都相當唔錯！樓底好高幾舒服，位置亦係非常就腳～行到好口渴，先嗌左野飲，我杯柚子梳打非常正！之後嗌既野食都幾辣，呢杯野中和番就岩晒啦！朋友話佢杯彩虹都唔錯～講番野食先，我覺得亮點一定係個炸雞🍗炸得脆就不在話下，加埋蜂蜜同芝士鹹鹹甜甜既味道，個平衡做得好好～ 食到最後過左個幾兩個鐘，個雞仲keep到好脆口，值得一讚👍🏻芝士年糕鍋有魚糕拉麵年糕，咪道不過不失啦，略嫌湯底太稠，凍左更漿住晒啲食材。泡菜五花肉煎餅份量都幾大，好滿足！…查看更多

早排已經聽朋友講登堂唔錯，所以就會一會呢間係觀塘the wave既登堂😎 位置亦相當方便！一入到有驚訝既感覺！地方大不在話下，樓底更高，枱與枱之間更闊，再配上休閒寫意既格調，相當舒服👍🏻同樣有live band，歌曲走輕鬆抒情路線，正🥰野食方面，個羊架真係好好食🤤 連高要求既女朋友都表示滿意！perfect medium, 好嫩滑，配上幾款醬汁，超好味豬肋骨都幾抵食，百幾蚊有5大條肋骨同配菜。一上枱熱辣辣，多肉汁又惹味，但擺耐左會比較乾，最好就快啲食啦！其他食物都水準之上，加上一流既氣氛，推薦同朋友談心😎…查看更多

今日同一個老朋友去到彌敦左岸食飯，同個好朋友好耐冇見，呢個係一個好好嘅地方談心。餐廳嘅地下座位唔多，係露天嘅，啲人通常會喺度飲下酒睇吓大電視咁樣。上到去一樓，係一個截然不同嘅氣氛。樓底唔算好高，反而營造到一種熱鬧、充滿朝氣嘅感覺。有齊酒吧、一班人坐嘅大枱、現場音樂演奏、桌球枱甚至K房！應有盡有，食又得飲又得總之就chill啦！講返啲嘢食先！我哋兩個嗌左一隻慢煮乳豬件，芝士煙肉焗薯仔皮，鵝肝蒜蓉包，紐西蘭刀貝同埋兩杯嘢飲。其中慢煮乳豬件係特別出色！肉質非常軟腍又好味。鵝肝蒜蓉包大件夾抵食，鵝肝味道雖然唔係好濃郁，但係食落口都好夠creamy! 反而刀貝有啲失色，食落去有啲海水腥，同埋太大隻有啲難咬開。平時食既大蜆花甲會好食啲😋總括而言食物加氣氛好正！👍🏻…查看更多

呢間cafe swan係大埔都開左好多年嗌，間唔中都去幫襯，今次一於寫番個食評先！首推一定係軟殻蟹炒意粉！大大隻軟殻蟹加個意粉，一百蚊都唔洗！價錢親民，而且味道非常之好。軟殻蟹微脆得黎仲有肉汁，又唔會話好細隻，食落好滿足😋意粉用左乾蔥等配料炒過，食落好有層次，非常之抵食！嗌熱飲仲有個咖啡師識拉花，我想要隻熊仔佢就拉左比我😊 好靚呀差啲唔捨得飲，味道都好ok!其他小食如雞翼同bbq ribs就不過不失啦，係一間值得推薦慢食既cafe~…查看更多

港島番工既友人極力推薦，就黎呢間試下佢既名菜，咖哩豬扒飯炒底。唔平架，要成90蚊一個飯😮食落味道唔錯，豬扒算厚但食落都軟腍。不過咖哩無乜香味，炒飯亦唔夠乾身惹味。反而個櫻花蝦肉碎茄子煲同乾炒牛河有驚喜！價錢都唔平，不過非常值得一試，岩晒重口味既食家們😋…查看更多

新界終於有美登利分店啦！二話不說同女朋友即刻去試。大家可能唔知可以用手機app拎定飛。5點幾開始我就金睛火眼monitor住個情況，計好晒數拎籌，7點半去到等左15分鐘就有得食啦🤩 推薦各位都要善用app!講番食物先，初業期間有3款壽司半價，包括係三文魚，中拖羅同赤身，緊係全部都嗌！味道都幾唔錯，特別中拖羅質素都幾高😋 不過會有切割唔完整既情況出現🤔特別想提舊長鰻魚壽司，成隻筷子咁長超級好食！encore左兩次添呀！不過要成78蚊一舊...壽司普遍都幾貴，難得一次就嗌左88蚊一舊既極上海膽壽司，但真係唔太抵食，特別係早排先去完日本，講緊廿幾三十蚊已經有舊同等質素既～…查看更多

同朋友係the one睇完戲，一出黎就見到棋哥燒鵝，久仰大名架啦其實，二話不說就入去食下啦😎一場黎到，緊係嗌佢個燒鵝脾飯。無錯係有啲貴架，百幾蚊一個燒鵝飯，但食過真係發現物有所值🥰剩睇外表，已經見到鵝肉飽滿，表面油光滿溢🤩 食落口好香燒過既味道，而且皮都幾脆口同埋好易咬，肉質軟腍。食落滿口油香但唔膩，好快就比我地清左😋另外仲食左五寶飯，味道都ok。不過同燒鵝脾飯相比，就真係高下立見啦！為左個燒鵝脾飯，絕對可以再戰！…查看更多

話說今日同朋友食呢間新開既湘菜，咁大個仔都未食過正宗既湘菜，就同個食得辣既朋友一戰！去到發現原來餐廳係第三個營業月，因為反應好好所以下個月就準備正式營業啦🤩呢間店真係幾有氣氛，職員都係湖南人，無論佈置同味道應該都夠晒正宗掛！我地兩個人首先嗌左皮蛋同蘿蔔絲前菜。特別推介個皮蛋！唔好睇落好紅好辣 其實食落唔算辣，皮蛋做到流心效果，食落好好味🤤蘿蔔絲就比較辣，但都好開胃～然後主菜嗌左老黃炒小牛肉，店員仲話原來有新菜式酸菜魚，咁見咁多野都好辣咁，就嗌左酸菜魚啦。個小牛肉係碎碎地，加埋辣椒粒同芹菜去炒，呢個菜式係爆辣！唔怕辣既大家應該會好中意食😎 感覺撈飯會好好味～成晚最中意係個酸菜魚，好味過番深圳食果啲好多呀☺️ 用上大頭魚片，雖然都有骨，但肉質嫩滑有魚味，正！…查看更多

之前聽朋友講尖沙咀開左間泰國水門雞飯，一直都未有時間去試，今日就的起心肝由柴灣搭車到尖沙咀試一試去到見到門口要排隊都怕要等好耐，點知過左十分鐘就入得去，入面環境都算大，裝修簡約，不過見到一排排水門雞都感覺到好震撼!我當然要叫一碟水門雞食啦，個飯好快就黎左，油飯好香，d雞都都算嫩同滑！而個湯就好重胡椒味，個人認為好正！可以再飲多碗！!:)我朋友就叫左無骨豬手飯，我都試左幾啖，一開始怕好肥好多油，但食落發現豬手好入味！送飯一流!山長水遠黎到當然要食一個芒果糯米飯同一杯thai tea！糯米飯真係好正，可以打包多一個返屋企！Thai tea 好重茶味!💯…查看更多

朋友介紹話南亭幾好食，就叫佢帶我地黎食，佢當然唔介意啦。首先我地叫左蒲燒鰻魚同豆腐沙律，鰻魚好長，好入味，肉質嫩滑彈牙，好新鮮。豆腐沙律既豆腐好細滑，連同啲芝麻醬一齊食好香，沙律好清新。我最期待既燒鵝肝果然冇令我失望，燒完既鵝肝外脆內軟少少燶燶地味，有口感又唔會太肥膩。三文魚煙肉卷都係燒得外脆內軟，煙肉既煙燻味同三文魚好夾，調味適中，唔會太鹹。因為已經試左鵝肝，所以叫個帶子釀雞翼試下，靜係聽個名都一樣令人期待，雞翼去左骨將帶子放入雞翼入面。雞皮好香脆，鎖住入面啲肉汁，帶子同雞肉都好軟滑，帶子好有鮮味，兩樣一齊咬仲好食。芝士年糕炸得外面金黃色，入面煙煙靱靱有香濃既芝士味，好食！…查看更多

今日同女朋友嚟食呢一間快樂小羊！去到旺角嘅時候見到呢一間餐廳嘅門面，就已經覺得非常誇張！因為餐廳樓高三層，地面是接待處， 2樓及3樓係用餐嘅地方。見到個門面就令我信心大增，應該好好食🤪。餐廳嘅環境亦值得一讚。座位非常之寬敞，枱同枱之間距離都幾遠。所以想坐耐啲同朋友一齊打邊爐談心係完全冇問題！我地嗌咗好多嘢食，特別想提嘅係個湯底同埋羊肉😋 湯底通常會揀雙色鍋，即係兩款湯底。而雙拼嘅選擇都非常多，包括有麻辣、蕃茄、清湯等等。我地揀左麻辣同埋蕃茄，兩款都好好味！麻辣湯底無睇落去咁辣但好惹味，岩晒唔太食得辣既人😊 蕃茄湯底就食得出用左好多新鮮蕃茄，微酸好開胃：）羊肉非常之出色！羊肉用上幼羊，食落會特別軟腍😊 我地嗌左推薦既羊一份，非常大盤。每一塊羊肉都切到好薄，一啖食落岩岩好又唔會覺得膩👍🏻 因為用左幼羊既關係，羊羶味唔會好濃，羊味亦十足。真係少數羊比牛好食既火鍋餐廳😋下次肚餓啲既話，一個人食晒成碟羊就好滿足啦😆…查看更多

今日同女朋友想試吓新菜式，特登嚟到中環SOHO嘅尼泊爾餐廳一嚐尼泊爾菜😋一入到餐廳就感覺非常之良好！精緻嘅裝飾同埋擺設令到我覺得置身係一個充滿異國風情嘅地方。牆上既裝飾亦都非常之特別，未開始食都胃口大開👏🏻店員會首先送上一客免費嘅尼泊爾薄餅。尼泊爾薄餅嘅特色通常都係偏鹹，再配上特製嘅醬汁。而呢一個薄餅就唔太啱我口味啦，因為都真係相當重口味，但醬汁係幾開胃既。頭盤嗌左呢一個蒸雞肉餃子。佢係類似免治雞肉咁樣嘅質感，再加上一種香草調味，食落去同平時嘅餃子都有好大分別，但係味道都非常唔錯。然後就到重點嘅主菜啦！我哋兩個嗌左一個烤物拼盤同埋廚師秘製小洋蔥煮嫩鴨肉。先講烤物拼盤，入面有烤魚烤羊及烤雞，當中我覺得烤魚係最好食嘅！佢有少少似煎鮫魚嘅味道，但係保持嫩滑有汁，仲有一份香草嘅味道，好好食。其次好味既係烤羊，滿滿羊味但唔羶😋另一個主菜用上蕃茄、洋蔥、杏仁同香料去煮嫩鴨肉，食落其實係鴨胸黎既。鴨胸肉好厚，但煮完一啲都唔韌，非常腍而且入味！醬汁有類似咖哩既感覺，甜甜地，不過比較清新。見個醬汁咁惹味，即刻嗌個特色藏紅米飯撈汁食！好正呀有醬汁配有香草味既飯，全新體驗😋（都好大兜，兩個人都夠食）最後再嗌埋個甜品，就Perfect池啦😊尼泊爾菜都幾有特式！係一種特別既飲食體驗～😊 怕辣既朋友仔都唔洗驚，唔算係好辣，女朋友唔太食得辣都食到～值得一試👍🏻（但係前菜尼泊爾薄餅個醬汁就真係好辣啦）…查看更多

熱石牛近排非常流行，發現原來尖沙咀同樣開了一間熱石牛，二話不說去試下先！係尖沙咀N2出口行一陣就到，附近又有K11大型廣場可以行下街，地理位置好好👍🏻一上到樓就聞到好香嘅牛味啦😋有別於其他旺角呀大埔呀果啲熱石牛餐廳，呢間餐廳嘅環境比較好而且座位比較寬敞。當晚我哋大概八點入座，居然可以坐到11點0慢慢傾計！抵讚👍🏻 唔洗速食嗌左食物之後，店員會送上圍裙以防整污糟件衫😀講返食物先，我哋嗌左2份300G既牛扒，包括牛柳同埋無骨牛小排（佢另外仲有非常少見嘅top blade，下次再嚟試埋先），加$30可以無限添加白飯、沙律及湯，仲有一罐汽水。牛扒比想像中更高質😚我食咗無骨牛小排，有肉味居然比牛柳更腍，熱石最後煮至8成熟都仲係好腍！好正🤤 如果中意更濃肉味，可以食牛柳，任君選擇😋 店員仲好貼心咁樣教我地，如果想食熟啲，就要先將牛扒切小塊，咁樣先會做到六至七成熟～另外值得一提嘅係調味料。呢間餐廳提供左10幾款調味料，其中我最鍾意嘅當然就係鹽啦，另外仲有燒汁同埋清新芥末溝柚子醬油，仲有其他如蒜茸、蜂蜜芥末等等，緊有一款岩口味😀我個人覺得牛柳配燒汁最好味，而無骨牛小排配番鹽就最提到味啦！下次食埋另外兩款牛😋…查看更多