首先我地叫左蒲燒鰻魚同豆腐沙律，鰻魚好長，好入味，肉質嫩滑彈牙，好新鮮。豆腐沙律既豆腐好細滑，連同啲芝麻醬一齊食好香，沙律好清新。
我最期待既燒鵝肝果然冇令我失望，燒完既鵝肝外脆內軟少少燶燶地味，有口感又唔會太肥膩。三文魚煙肉卷都係燒得外脆內軟，煙肉既煙燻味同三文魚好夾，調味適中，唔會太鹹。
因為已經試左鵝肝，所以叫個帶子釀雞翼試下，靜係聽個名都一樣令人期待，雞翼去左骨將帶子放入雞翼入面。雞皮好香脆，鎖住入面啲肉汁，帶子同雞肉都好軟滑，帶子好有鮮味，兩樣一齊咬仲好食。
芝士年糕炸得外面金黃色，入面煙煙靱靱有香濃既芝士味，好食！
