PP星人的个人专页

今日嚟到利東街睇完燈飾，天氣涼浸浸，想飲啖熱湯暖肚，但係個鼻就比煎餃嘅香味吸引嚟到依間「餃掂手工餃子雲吞專門店 (灣仔)」，好在兩個願望都係度一次過搞掂。最忍唔住想試嘅係軟心芝士餃，煎餃外皮兩面都煎到金黃香脆，一咬落去就爆出濃郁芝士，創新嘅做法超邪惡又好令人滿足。 而韭菜豬肉煎餃一上嚟，我就發現個種香味就係吸引我入嚟嘅原因，而且佢嘅餡飽滿多汁，簡直係煎餃愛好者福音。 雲耳豬肉同芹菜豬肉湯餃雙拼就最啱選擇困難症，清甜雪白嘅湯底無論係配爽口雲耳餡，定係配上清新芹菜餃都好正。 四川涼皮酸辣開胃，配埋回味手拍青瓜，清爽解膩，越食越停唔到口。最後配埋自家製山楂雪梨水酸甜清潤，飲完解渴又消滯。 餐廳環境簡潔，出餐雖然要等一陣，但係誠意同 CP 值都好高，下次一定會再返嚟試其他口味。…查看更多

今日嚟到銅鑼灣百德新街附近買嘢，時間嚟到4點幾，食一個豐盛嘅晚餐，又好似唔啱氣氛。咁啱好俾我見到依間環境好chill嘅Burgeroom。而且6點前仲做緊套餐優惠，滿足晒我依刻嘅要求。我哋揀咗兩個套餐，黑松露芝士大烤菇煙肉牛肉漢堡層次細膩，松露香味與牛肉漢堡鮮味交織，烤菇多汁同香脆嘅煙肉令口感更添豐富。牛肉漢堡套餐展現出簡單但係經典嘅口味，肉質嫩滑、肉汁飽滿。配餐薯條都熱辣辣好香脆，配埋兩杯冰凍嘅啤酒，令我十分滿意。想chill住食一餐，Burgeroom係值得一試嘅地方。而且走個時華燈初上都好靚，下次可以夜晚黎試吓。  …查看更多

今日收工經過山林道，唔經唔覺比牛扒嘅香味拉咗入嚟呢間金鳳大餐廳。本來天氣熱無咩胃口諗住隨便醫下肚，點知畀兩個牛扒套餐吸引咗！一睇門口就勾起細個每次慶祝都會黎扒房嘅溫馨回憶。 首先上嚟嘅係鬆軟嘅小餐包配上香濃嘅忌廉湯同埋酸甜嘅羅宋湯。先講安格斯肉眼扒餐，上枱嗰陣鐵板仲滋滋聲，叔叔提醒我哋用餐巾擋住自己，然後淋上濃濃嘅黑椒汁，肉香撲面。一刀切落五成熟嘅肉眼度，肉汁流曬出嚟，外層焦香，入面軟嫩。配埋脆卜卜嘅薯格同清爽時蔬，真係停唔到口！ 另一道帶子西冷牛扒套都超有驚喜！係今個月精選晚餐，包括前菜沙律+餐湯餐包+主菜+餐飲+甜品。西冷牛扒紋理清晰，咬落肉香四溢，帶子鮮甜彈牙，一啲腥味都冇。甜品係朱古力雪糕，雖然冇味道揀，但都勁滿意丫。 環境充滿港式牛扒餐廳風味，服務員熱情親切。人均200+就食到咁高質嘅牛扒晚餐，喺尖沙咀真係好抵！ …查看更多

今日嚟左食大埔嘅一間隱世日本居酒屋，佢係一個橫巷入面，環境好小巧精美。一踏入去，就感受到一種自然同埋放鬆嘅氛圍。啲燈光溫暖，令人感到舒適。坐低嗰陣，就彷彿進入咗一個隱世嘅世界，遠離煩囂。叫左松葉蟹海老丼飯定食，我真係滿口蟹肉同蟹膏，加埋新鮮嘅海老，真係爽味到冇得頂！先話蟹肉同蟹膏，真係好好味！每一啖都飽滿咗蟹肉嘅鮮嫩同埋微甜，再加埋爆多既蟹籽，咬落去真係食到停唔到口！加埋啲濃郁嘅蟹膏，真係味蕾爆炸！佢嘅金黃色澤同埋濃郁蟹味，真係絕配！咁好味，真係忍唔住一直食！唔好忘記佢哋嘅新鮮海老！每一隻都鮮嫩多汁，一口咬落去就係滿口鮮甜！同蟹肉同蟹膏一齊食，真係絕妙組合！整個丼飯就係好濃郁海鮮味，真係令人嘴巴開花，停唔住啊！定食入面小食漬物青瓜海藻可以解膩清新又開胃。呢啲小食真係平衡咗整個餐，令你一路食到底都唔會厭膩。仲有個味噌湯，好足料，好好飲丫…查看更多

紀念日需要一啲儀式感，所以特登揀咗依一間由日本人主理，位於中上環的一間日本餐廳品嚐Omakase。先付け清新的海苔湯底配上爽彈的螢光魷魚以及鮮甜嫩滑的北海道帆立貝「伊佐木刺身」白裏透紅，只需掃少許醬油，就帶出鮮甜彈牙的味道。 兵庫縣生蠔點上金箔與新鮮海苔深海池魚腩刺身和背刺身，脂肪結實、肉質肥嫩，用火輕炙令它充滿油份與魚香。刺身質地纖細柔軟，口感順滑鮮甜，鮮味更濃厚，嚼完仲會喺口腔留下一股淡雅嘅香氣。而油脂方面，取得一個微妙嘅平衡。唔單止入口滑順，不膩口，肉質爽脆仲帶有彈性，喺嘴入面越咬越香。燒金鯛配海苔醬：鱗片烤得香脆可口，紫菜醬汁，少許海鹽吊起魚肉鮮味，回味悠長お握り鮨八貫師傅好用心咁為唔同壽司，配搭唔同既調味。赤貝壽司墨魚壽司鳥貝壽司金目鯛壽司中拖羅壽司海膽壽司真係超級清甜紫菜包磯燒赤鯥，油脂含量非常豐富，磯燒後肉質更是鮮甜無比。 煮鮟鱇魚肝配木之芽鮟鱇魚肝口感綿密滑順，油脂柔嫩香醇入口即化。江戶前玉子燒，將白身魚和周氏新對蝦等擂身，加入日本薯蕷的山藥泥，用糖調味，小火煎製成，與一般的用糖和出汁調味，做成甜味的出汁卷卵不同。蜜柑 靜岡密瓜 草莓…查看更多

一行入呢間充滿韓式風格同情調既餐廳，就已經聞到濃郁香味迎面而來，未食就開始有啲期待。黑椒味的Black無骨炸雞第一眼個感覺外酥內嫩，每一啖咬落去，酥脆外皮迅速展現出黑椒香氣，而內部雞肉則保持了豐富肉汁同嫩滑口感。呢款炸雞既黑椒味道唔過分刺激，恰到好處咁同雞肉既鮮嫩相融合，nice。大發！芝士鐵板泡菜炒五花肉一上枱就已經係吸睛，鐵板上既泡菜同五花肉加埋芝士就已經好香啦，第一口咬下去，五花肉同泡菜既酸辣，兩者mix埋，再加芝士既拉絲，真係好好食丫。泡菜酸味中和左五花肉既油膩感，而芝士的加入更增添了豐富口感。蕃茄韓式辣海鮮湯配中華麵湯底鮮美而濃郁，蕃茄酸甜味同辣椒既辣味完美結合。海鮮新鮮彈牙，中華麵完美咁吸滿湯汁，成個整體都好match，簡直係今晚既VIP。仲叫左兩杯特飲，分別係酸甜First Crush同清爽既Tiki-Taka。First Crush係一杯用粉紅岩鹽同埋荔枝，燒酒調配嘅酸甜可口嘅飲品，散發住水果芳香。酸度和甜度恰到好處。而Tiki-Taka就係一杯清爽既飲品，有淡淡既檸檬香氣和微微氣泡，非常適合配炸雞飲。…查看更多

冬天，食客會流連係唔同嘅火鍋店之間，尋找個一啖鐘意嘅味道。今次吸引我嘅就係依間好有香港式創意嘅「肉浦團火鍋放題」。佢哋唔單止有創意仲有實力，比如湯底都有好多選擇，有、青酒味噌卜卜蜆湯、藥膳花雕醉雞、秘製麻辣湯、日式壽喜燒等等，我揀嘅係暖胃嘅胡椒豬肚湯。今次揀咗C嘅無限時套餐，入面包咗好多靚牛肉，最吸引嘅係油脂分布均勻嘅A4和牛牛胸片同埋A4和牛肩胛肉眼，嫩滑嘅口感不愧和牛之名，而澳洲M5和牛牛肩胛同美國安格斯牛版腱、牛背峰、薄切封門柳都非常出色。除咗牛肉靚之外，仲有廣島蠔、虎蝦、墨魚片等新鮮海鮮，同埋好多唔同嘅小食，包括有燕餃、牛肉水餃，韭菜豬肉水餃等等，豐富你嘅選擇。肉浦團係正經嘅肉浦團，肉係好食嘅肉，而且仲有個闊落嘅地方可以舒舒服服咁打邊爐，一個字：正。…查看更多

依幾日天氣熱到一個點，令人食慾都降低咗，行完旺角都搵唔到心動嘅感覺，直到見到串爆。佢哋係一家以四川成都串串香出名嘅食肆，所以我揀咗2小時任飲任食冷鍋串串香，擼串串唔似扒餐咁要完整食曬一份，佢哋切成一啖一粒嘅大細，絕對係想試多啲口味，又唔想浪費食物人士嘅天堂。一進入店，麻辣香氣撲鼻，令無胃口嘅我有流口水嘅感覺。串爆的菜單實在令人垂涎欲滴，包括又香又滑嘅麻辣牛肉、風味特別嘅泡椒牛肉、爽口嘅千層肚、鮮嫩嘅孜然牛肋、鮮魷魚、五花肉、軟糯嘅肥腸、午餐肉、豬頸肉、鴨胸肉、雞肉、黑胡椒腸、單骨雞翼、雞軟骨、芝士腸、成都小香腸、花枝丸、牛肉丸、鵪鶉蛋、火腿金針菇、冬菇、杏鮑菇、豆卜、百頁結、魔芋、腐皮、白蘿蔔片、麵筋和魚片頭等等。多樣性嘅選擇確保了每位顧客都可以搵到自己鐘意嘅口味。除咗串串香，串爆仲提供各種美味的小食，例如棒棒雞，撕成一塊塊嘅雞肉配搭切得均勻纖細青瓜絲，係麻醬嘅調和之下十分惹味。仲有藤椒雞軟骨、麻辣千層肚、蒜泥青瓜和涼拌黑木耳等，依啲小食清爽可口。仲有解辣嘅成都老冰粉做甜品，提升咗用餐體驗。無論是辣味控定係喜歡溫和口味嘅人，串爆都可以滿足你嘅需求。每一啖串串香都充滿了豐富的香料和鮮美的口感，令人回味無窮。此外，店內的服務態度友善且迅捷，令用餐體驗更加愉快。…查看更多

水門雞飯，聽就聽得多，今日尖沙咀行街突然想食啲無咁熱氣嘅嘢，所以即刻諗到依間水門雞飯。首先叫咗個小食：香辣牛脷生菜包雖然話食清淡啲，但係見到生菜包都係忍唔住叫咗一份。未上到台前就已經吸引咗我個鼻，香辣惹味嘅肉粒飽含肉汁，清甜嘅洋蔥增加咗層次口感，最後用新鮮解膩嘅生菜包住。為自己一開始嘅決定點個讚。輪到正餐，黎到水門雞飯點可以唔食水門雞飯用雞湯煮好嘅飯粒粒分明，軟硬適中。上面鋪滿用食鹽、薑汁、花椒、八角依啲香料醃好，浸熟嘅嫩滑雞肉，浸熟同平時食開嘅煎炸口感唔同，完全滿足我肉肉獸嘅要求。不愧係水門雞飯，流傳咁廣係有原因嘅。…查看更多

今日去深水埗行街買嘢，發現咗一間以川菜為主打的餐廳--麻辣佬，一聽店名，個腦不自覺浮現出有鑊氣嘅感覺，所以點咗香辣大蜆乾鍋，辣子魷魚鬚同小食錫紙鴨血，仲有一壺酸酸甜甜嘅洛神花茶。首先是香辣大蜆乾鍋，一上台就聞到濃郁香辣味道，刺激味蕾令人垂涎欲滴。鍋中的大蜆新鮮肥美，配上自己點嘅厚身但依然嫩滑嘅牛羊肉片，軟綿入味嘅金錢肚同炸豆腐，每一口都能感受到鮮美的蜆肉和辣椒的獨特風味，最後加上一啲煙韌嘅紅薯粉真係令人回味無窮。跟著係辣子魷魚鬚，魷魚鬚經過細心處理，外面包裹住一層薄薄但又酥脆的殼，入面保持著鮮嫩的口感，一啲都唔韌，搭配上辣椒和花椒的調味，最後洒上飽滿嘅白芝麻，令味道更加豐富，配啤酒或者汽水都係一流。最後是錫紙鴨血，鴨血內部保持著滑嫩的口感，外面搭配上蒜蓉，辣椒，同小蔥等爆香嘅料頭調味，令成道菜更加豐富多樣。總體而言，麻辣佬嘅菜品非常豐富多樣，口味都非常正宗。店家環境舒適，服務態度也非常好，令人有一種宾至如歸的感覺。如果你喜歡川菜，麻辣佬絕對係一個好去處。…查看更多

今天同女朋友行街去咗一家叫做「相聚一刻」的餐廳，餐廳嘅裝修非常有風格，所以離遠就比佢吸引咗，而且氣氛亦都非常好，令人感覺舒適，最重要嘅係食物都非常美味，絕對不會令人失望。作為前菜，重點係肥美鮮甜嘅生蠔，$68就有6隻甚至任食都只係$308。生蠔非常鮮甜，而且有手掌心咁大隻，口感非常好，配上鮮檸檬同秘製醬汁，更加令人食指大動。女朋友點咗一份黑松露雜菌意粉，意粉嘅口啱啱好，而且黑松露和雜菌的香味都非常濃郁，令人回味無窮。而我點咗一份海鮮雜燴飯，依道菜同其他菜一樣出色，一啖食落去，芝士同海鮮嘅味道非常夾，而且海鮮嘅份量好足，仲切成合適嘅大細，同上湯燴好粒粒飽滿分明嘅米飯一齊，令我每啖都有驚喜。最後，我哋還點咗白酒，非常適合這種悠閒的用餐體驗。可惜黎得有啲早，未等到樂隊上場，夜晚嘅相聚一定更加精彩。整體來說，「相聚一刻」係一家非常值得一試的餐廳，佢們嘅料理非常好味，而且價格實惠。如果你正在尋找一家適合二個人或幾個朋友聚會嘅餐廳，相信依度一定唔會令你失望。…查看更多

夏日炎炎，係旺角依個鬧市入面，有咩會比一杯冰涼嘅青提啵啵茶，更令人身心舒暢，飲落去清甜可口，入面粒粒Q彈的青提，每一口都可以品嚐到青提的清香和果肉的脆爽口感，令人回味無窮。茶的口感也很不錯，清爽怡人，唔會搶咗提子嘅甜味。但係黎得Nuttea點可以唔試佢嘅奶蓋，宇治金時堅果奶蓋茶嘅口感非常濃厚淳滑，令人一飲就愛上佢。奶蓋上面還加了粒粒香甜的紅豆，更為依杯茶增添了豐富的口感同層次。整體黎講，依杯宇治金時堅果奶蓋茶真係非常值得一試，尤其係對於鐘意奶蓋同抹茶嘅人黎講更係必嚐之選。如果你還沒有嘗試過這款茶，我強烈推薦你去品嚐一下！…查看更多

位於荃灣區的川花烤魚不僅環境優美，而且食物也十分出色。來到餐廳大門後，馬上被招牌上的烤魚所吸引。擺設雅致的餐桌和舒適的椅子也讓人感到十分舒適和放松。首先要向大家強烈推薦的當然是主角:正宗巴蜀烤魚，今次選擇咗酸菜味原條海鱸魚，份量十足。外皮煎得黃金，入面的肉質鮮嫩，口感十分豐盈。這裡最重要的一點是這道菜的魚刺很少，唔使擔心受傷，強烈推介唔想食辣既朋友去試下。除了烤魚之外，這裡還有其他美味的菜式供應。羊肉片厚薄岩岩好，唔會好多肥肉，仲有香濃既羊味。新鮮肥牛油脂分佈均勻，肉質特別鮮美。人見人愛既蒜泥白肉口感唔油脂，肉質緊實，香味扑鼻，配埋個醬汁令人垂涎欲滴。墨魚滑，甜美而爽口，讓人忘不了那適中的甜味和鮮嫩的口感。仲有大漢羊肉串，孜然配上羊肉真係世一，外脆內軟，外層充分發揮左孜然既香，咬開亦充滿肉汁，非常好食。簡而言之，川花烤魚是一個非常值得一試既地方，不僅僅是因為它高品質豐富的川菜，還因為它的環境、服務和整體體驗。如果你想要享受一頓十分美味的中餐，這裡絕對是一個不可錯過的地方。…查看更多

去開荃灣上training,上完全日training人都乾啦😵‍💫😵‍💫😵‍💫所以決定對自己好d，今晚食個靚扒，即刻睇下附近有冇咩選擇，發現左呢間金鳳，地點仲要好方便，好近地鐵，全程仲要有蓋既，落雨都唔怕👍係我眼中金鳳係港式扒房既老字號，一入到好似拉左去某個年代😉，有懷舊點唱機，好想試下佢work唔work，但怕整壞野冇試😂😂😂😂仲有霓虹燈裝飾，紅布既卡座，真係好想當年既feeling 叫左個美國牛小排餐同埋帶子牛柳餐廿（配黑椒汁），兩個都係七成熟，落好單，好快就黎左個紅湯白湯同餐包。湯同包都好新鮮，湯落枱係出晒煙，好熱辣辣🔥🔥，個包都唔會微暖，都係熱辣辣既🔥🔥，咁樣個牛油先會溶到架嘛，正丫😚😚👍老字號係勁既，時間掌控真係冇得輸，岩岩飲完湯，傾兩句，牛扒就黎到啦👏👏👏七成熟岩岩好，冇overcook到，相信係計埋鐵板既熱度。P.S: 真心，落枱淋汁聽到（炸！！！！）有一種自癒既感覺💖💖💖💖牛小排份量一d都唔少，好澎湃有兩大塊牛小排，輕鬆切開，粉嫩既牛小排，一入口就已經有好香濃既牛香係口到化開，不得了💓💓💓💓有時食鐵板，食到一半，個牛就會開始有點韌，overcook，但我食晒成個扒都冇韌丫，nice🎉👍帶子牛柳比起牛小排，相對比較淋身😁,牛味冇咁濃，畢竟唔同部位嘛，不過勝在厚身，厚切牛柳，正丫，帶子好鮮甜，岩岩好，唔會overcook，同埋牛柳係配薯條的😍😍，個人偏愛薯條多於牛小排配既薯格🤣🤣🤣兩個餐各有千秋，一樣出色，性價比都好高，今餐表示好滿足😌😌😌😌…查看更多

燒雞翼~我鐘意食，但係如果你黎過雞翼山，歌詞起碼會加好多，譬如：文青風玫瑰雞翼🌹~避風塘蒜香雞翼🔥~三重芝士雞翼🧀......我都鐘意食😍今日係觀塘裕民坊搭巴士番屋企，又凍又有啲餓，真係想食啲熱嘅小食。好在一入門就聞到佢🤤🤤🤤雞翼嘅香味撲面而來好似我一開頭唱咁🧑‍🎤，真係好多口味可以選擇今次我揀咗人氣No.1嘅文青玫瑰雞翼粉紅色嘅玫瑰花瓣撒係香脆嘅雞上面，賣相非常吸引，而且令蜜糖雞翼帶上淡淡花香🌹🌹令視覺嗅覺同味道都得到充分嘅滿足跟住係🤤邪惡之選🤤，三重芝士雞翼🧀🧀🧀濃厚嘅芝士覆蓋係啱啱出爐嘅雞翼上面，芝士嘅味道同啱啱出爐嘅香脆雞翼簡直絕配🥰🥰最後，天氣涼涼哋，梗係搵啲可刺激味蕾食物啦🔥🔥🔥花醬麻辣傷心雞翼原來一入門聞到嘅就係佢，麻辣中帶著一點甜，中和咗辣味，令我可以感受到雞翼嘅嫩滑🤤🤤🤤仲有支有氣檸檬茶𠺘下口即叫即整，5分鐘左右，雞翼到手巴士都未到🤣🤣🤣…查看更多