大面Ella的个人专页

成日無食過野, 做到訓係度>< 返到屯門先食第一餐, 入到去順酸第一時間叫左個雞扒菜飯同凍檸茶, 等左陣, 諗住對自己好啲, 再叫多個炭燒豬頸肉, 不用10分鐘所有野都黎灑, 心裡面十萬個感動, 真係辛苦搵黎自在食><菜飯多菜到不得了, 啖啖菜, 有咬口, 令個飯無咁乾, 配個炸雞扒就啖啖肉, 外脆內軟, 好味, 個人鐘意個炭燒豬頸肉, 有咬口得黎唔太厚, 重點係炭燒個陣燶與唔燶之間的味道, 十分惹味! 點埋泰式辣醬一齊食, 酸酸甜甜仲開胃! 杯凍檸茶唔太多冰, 幾大杯同好有茶葉味~~唔知係咪太肚餓, 所以這餐覺得真的好好味, 十分滿足, 會再來幫襯^^ …查看更多

估唔到土瓜灣都開韓食既鋪頭！！好野岩晒我呢個韓迷，不過始終都係第一次食，叫得小心Ｄ，叫左牛肉石頭鍋飯,另外有雞肉石頭鍋飯或者鐵板牛肉飯比人揀，我地可以學韓國人咁拌勻加Ｄ辣醬真係超超超超超超正！至於鐵板牛雖然好味, 但水份太多,略嫌唔夠香口, 但整體都係好好味！以呢個質素,幾十蚊個餐算係抵嫁啦！另外值得一讚既係服務,石頭鍋飯上枱後, 韓國人老闆知我地第一次食,驚我地唔識, 專登教我地點食ＫＥＫＥ，佢極力推介加辣醬，其實我識既不過都聽下食完, 當我地準備行出門口果時,老闆同部份員工仲90度鞠躬送我地出門口,好韓式啊真係！！！！果一刻真係以為自己去左韓國！一定會再黎啊！啊！啊！ …查看更多

首先，我睇見有樣叫烏卒卒，好奇怪，想知係乜黎，所以嗌左黎食下，原來其實是用了墨魚汁飯包著墨魚既壽司，壽司大小方便一啖食晒嫁，幾好味， 而且內有一Ｄ脆的東西，墨魚不會太韌身，總之就唔錯啦！！！另外又嗌左太陽泡菜炒飯，味道就唔算太辣，值得一提的是半生熟的蛋黃，我將蛋黃吉爆再溝入泡菜飯食，整體份量都充足，夠一個成人食嫁！！仲聽講卡邦尼年糕好出名，原來係用上意式Carbonara做法，加入忌廉、煙肉碎、洋蔥黎煮，味道夠creamy，煙韌香濃，好過癮！！年糕方面原來仲有一款地獄辣醬炒年糕，因為今次試過卡邦尼所以呢個就留番下次先食！！野飲方面叫左Athie R.Orange，有Ｄ似雜果賓治，香甜橙味，酸酸甜甜，幾好喝嫁！！！ …查看更多

自從上個月本小姐同屋企人去左韓國之後返黎就心思思想食韓國野, 應該係食上癮 今日爸爸生日, 我地一行五人決定再去韓一韓, 細佬揀左依間餐廳, 上到去, 又係一個人都無, 佔中真係令到D人唔出街食飯??? 之後全程係爸爸發板~~我地基本上佢所有既牛肉款式都點左, 最好味係頂級原條牛肋骨肉, 真係超好味, 入口即溶, 服務員好細心咁同我地燒同切, 所以燒得剛剛好, 最緊要係依度唔係用油同你燒係先用肉脂肪下鍋, 用油脂幫你燒肉, 燒出黎多份脂肪香, 再配以豆瓣醬同新鮮蔬菜一齊食, 真係一絕, 不熱氣, 係最正宗韓國食法, 可惜依度加菜係要收錢, 係韓國根本唔洗收錢 一分錢一分貨, 衣度既菜都幾多種頪同好新鮮, 算係值回票價, 我地仲加左個蝦, 又係無得頂, 真係超大隻, 最貼心既係服務員會幫你剪埋蝦尾同蝦身, 等你一燒完成隻蝦就咁拎起就食得, 最重要既係佢重會幫你燒埋個蝦頭, 用炭火燒出來個蝦頭連埋蝦膏真係好鮮甜惹味,...回味中不過前菜款式唔算多, 最重要係份量極少, 5 個人俾2個人既份量, 真係唔多得!! 不過依度服務真的不錯, 價錢都算合理, 都推介來吃正宗韓燒。…查看更多

唔知係咪而家佔中既關係, 旺角真係靜左好鬼多, 平時要等位既和民竟然唔洗等直入, 食完飯見對面開左間抹茶館, 又係少人到喊, 今日是週末呢!!!我就忍唔住入左去食我至愛既抹茶雪糕, 花多眼亂樣樣都想食, 見到有個名叫抹茶最中, 覺得好得意, 就叫左黎試下, 下單時問點解叫最中, 佢話係日本譯過黎既, 無意思既, 好好笑上枱之後同相中一樣, 有士多啤梨, 抺茶雪糕, 紅豆蓉同日式丸子,  抺茶雪糕好重抹茶味同奶味, 唔苦, 好滑, 正, 配埋紅豆蓉真係一絕, 抹茶配紅豆係無得輸, 不過最敗筆既係佢裝住雪糕個塊餅, 超難食, 如果因為塊餅所以叫"最中" 我下次會叫返普通抹茶紅豆算數 …查看更多

係香港, 呢一間絕對係本小姐去過既餐廰最有心思既一間, 點解我咁講? 係因為一入座每枱都會有WELCOME SWEET, 係印有"開心D"字眼既手拉糖果, 應該係想祝我地"開心D", 食完一餐飯, 重頭戲就係怪獸雪糕黎同朋友慶生, 因為我地揀平日黎, 所以消費滿$400 就會送俾你, 個雪糕真係大得好跨張, 仲要用DRYER's 雪糕, 最令本小姐驚喜既係仲會送一張卡連即影即有既想俾生日個個, 仲提供埋筆俾我地畫, 我真係覺得好有心思, 咁既服務小店都做到, 定係而家得D小店先做到? 大型餐廳係咪都要檢討下???食物方面, 推介煙三文魚沙律, 有三文魚,切碎的生菜,羅馬菜 和車厘茄, 份量好多好新鮮好爽口, 配意大利酣酸酸甜甜幾開胃, 不過小食以炸物為主, 略遜一籌, 而家香港人比較鐘意健康食品, 主菜方面都唔錯, 碟碟都好似大鑊飯, 推介芝士海鮮焗飯, 首先超足料, 有青口, 魷魚, 蝦, 帶子, 蜆肉, 配以忌簾汁(唔稀又唔太漏) 好好味, 而且好多芝士, 焗到熱辣辣好香微燶脆脆地, 汁又多, 撈飯一流!! 重頭戲係名為怪獸雪糕既招牌菜, 大過足球, 上面係DRYER's 雪糕, cream, 士多啤梨, 朱古力同士多啤梨醬, 下面全部係沙冰, 上枱時成間鋪會熄灑燈, 開返燈見到真係嚇一嚇, 真係好鬼靚我地不停同佢車輪轉影相都溶灑都未開始食, 不過DRYER's 雪糕唔會唔好食, 有我最愛的石板街@@ , 有心思既餐廳真係好值得推介, I WILL BE BACK!! P.S. 可能間鋪太細關係, 只係收現金, 如果下次黎既時候可以碌卡就好了。…查看更多

今日去玩左一日,依個時間食番杯冰涼既雪糕,當然係最開心既事,，玩左成日,黎慢慢排隊食雪糕喇,第一次黎依到Yo mama,佢有提供3種唔同既口味。今次有我鍾意食既黑朱古力。仲有另外2種就係原味同綠茶味。當然朋友緊係揀其他,可以試埋嘛,依個仲有2種份量可以揀，有大既當然都有細，另外就一款topping。玩完當然食杯大喇，黑朱古力真係好好味,配料就要左依個小麥胚芽。先講味,佢個綠茶味唔算太濃，味道就比較酸酸地，不過食起上黎就比較清新，唔錯。另外個黑朱古力就有好濃既黑朱古力味，甜甜地又有少少苦，質感又夠哂軟又夠哂滑，真係好好味。要推介既真係黑朱古力味,真係非常濃郁,少少苦苦地，黑朱古力濃度真係好高,食既時候真係有少少懷疑自己係咪食緊YOGURT, 價錢同質素都非常好。 …查看更多

今日黎左依到食野,一開始我自己就叫左依個鍋燒雜錦烏冬鍋,佢就係用清湯做佢個湯底，仲有另上既一個雞肉串，至於料就有蟹柳,少少菜，冬菇同埋蟹柳等等。食落夠哂清清甜甜，唔錯唔錯,如果唔食濃味既,食依個都係一個唔錯既選擇,之後就叫多個廣島蠔味贈鍋,依個真係幾好食。佢D廣島蠔十分之大隻，而且仲有四隻咁多，夠哂足料。入面仲有好多好多菜，豆腐，草菇，佢個菜既配料多到差唔多好似蔬菜鍋咁,之後又吸埋個湯既味道,令D料變得非常入味，而湯底就當然比頭先既清湯更濃味，加埋有蠔既鮮味，食落我同朋友都十分之喜歡，不過我就鍾情自己個清湯鍋。之後就叫左個燒帆立貝，意想唔到咁好味，雖然一碟只有兩個，,但都夠哂因為一個殼裹面有兩粒帆立貝,加左紫菜,汁同埋草菇咁焗，特別入味。 …查看更多

依到係一間社企黎嫁,當然要黎支持下,聽講係由一位老人家主理依間鋪頭，果然有心又有力，一開開門就見有個老人家歡迎我地,估唔到個感覺係咁開心,感覺好WARM，有D似新年見到長輩既感覺，一坐低無耐,佢就好細心咁同我地解釋個晚餐,真係辛苦你喇,我就揀左set dinner,仲同我地講水準絕對唔會差,叫我地慢慢食唔洗急,感覺好舒服,等左一陣就黎喇,依到全部都係用有機既蔬菜，食落非常之咁鮮甜又夠爽，之後就係依個北海道帶子同法式田螺薯蓉,羊鞍同雞柳配有機瓜蔬薯條,依兩個食落都幾好嫁,唔會太差,最後甜品出埸,依個朱古力心太軟配薑餅曲奇係我既推介，細細舊既心形造型都幾可愛，不過份量唔算太大。味道我自己覺得好好呀，朱古力食落好濃郁，無好過份既油味,中間流心既部分都出面食既有少少唔同,佢比朱古力醬既狀態，雖然唔算好流心,但食落好厚個口感,好正。 …查看更多

依間鋪頭都算幾特別嫁,叫完野食之後就佢就會將D肉,咁有扎肉同埋豬蹄咁既野,放入D普普通通既法包裹面，咁佢會將個包,再係包既上面噴番少少水咁,之後就開始放入焗爐慢慢焗幾分鐘,佢都算焗得幾快下嫁,拎左黎之後就慢慢帶D紅蘿蔔絲,同埋少少料落去,食落個法包非常之鬆脆,唔知有咩秘訣,但真係未食過咁脆既法包,不過真係要小心食,因為咬一啖就真係會成手都係麵包碎，咁樣睇就真係就真係夠哂脆。唔單只個醃菜，裡面個豬手好香,幾好味，扎肉都唔錯,有少少香甜都,兩樣野個口感都唔錯,不過真係一定要熱食,如果唔係既話因為個豬肉脂肪太過多,一放凍左個脂肪就會變左硬哂,食落會變左好怪,好似食緊成條怪怪地既野咁,但熱食就真係好好食既。…查看更多

之前黎左依到食左一次,就係一次就已經愛上左佢,所以決定同朋友一齊黎一次,因為依間小店係真正既平靚正,兩個就當然要兩個套餐而小食我地就揀左依個雞絲粉皮同埋小籠包分別都要加錢既,好快個雞絲粉皮就黎到,真係好好食,個雞絲鮮甜多汁,粉皮夠哂爽滑，醬汁個味道夠哂濃，而且佢個麻油味非常之重，有少少日本芝麻醬既風味,幾特別既都, 之後就有一個酸辣湯,佢個酸辣味都真係岩岩好,好好飲,唔會太酸太甜,好正,另外就依個小籠包味道都唔算,幾好既不過未到出色既地步，不過湯汁非常夠,食落好多汁,好味道。朋友就揀咗豆漿做餐飲,當然要偷下黎飲,豆味都算唔錯好夠味，唔會太甜，味道幾好，不過唔會太滑,味道就夠既。至於生煎包個外皮煎得非常香口，不過就比較乾,而個餡料就有少少唔夠肉汁,不過都幾先,最後加多左個芝士小籠包，中意食芝士都真係要去試下,真係好正，芝士味夠哂濃郁,皮薄多汁,真係唔錯。 …查看更多

依間日式拉麵店棋綱，一直都令我有少少念念不忘,因為之前食過一次就覺得好好味,不過次次都排哂長龍,一黎唔太想等,又唔算太多時間成日黎,所以無黎到。今次同朋友6點幾就已經黎到,只係等左十幾分鐘就有位喇,真係好唔洗點等。一坐低就叫左碗橫綱拉麵，揀左比較少食既麵豉湯底,依個湯底真係味道香濃,夠哂味,而且叉燒又控制得肥瘦適中，好有彈口,麵條都做得好彈牙,同朋友一齊分當然唔夠,之後朋友就揀左依個魚豚骨拉麵，湯底加左魚,比較上有D唔同,一黎到就已經聞到好香既木魚味,超吸引，先試一試個湯，好香而且陣鮮味真係一流，忍唔住再飲,今次依個唔係叉燒而係豬腩肉,好有新鮮感,好香口夠哂林,入口即溶，不過有少少肥膩，怕肥既就未必鍾意,不過湯底真係一流。 …查看更多

茶木‧台式休閒餐廳 旺角彌敦道628號瓊華中心10樓全層依到真係好多人食呀,有位入坐之後先知道原來每枱限時九十分鐘,,不過其實九十分鐘都夠嫁喇, 除非我地係咁傾計喇,所以都算合理,所以我地都快快手叫野食同飲品先 首先係朋友既紅燒牛肉麵，賣相真係幾靚，試左佢個湯都算好香濃而且唔算太油膩，都算係一個推介,之後就係我既鹽酥雞排肉燥飯,賣相好靚用左個便當盒,同埋依到既匙羹都好特別係一個鏟仔黎,好得意，講番個飯先,雞排炸得夠香脆同埋保持到肉汁，仲有D酸菜，應該係想無咁油，不過我唔食既,用埋珍珠米咁樣好正,最後就係我地最想食既主角出場,朱古力雪糕草莓磚塊，一塊暖暖地既多士上面有完全唔同既冰凍朱古力雪糕，冷熱加埋軟硬，反比得好好,口感夠哂特別！諗住快快手食完去有人個陣,因為都差唔多夠鐘,佢地都好好人話慢慢食唔緊要,服務都算好好。 …查看更多

係尖沙咀食完飯當然要食番個甜品,心太軟係我最愛,當然要去D出名既試下,等左一陣位,終於都入得去,一坐低就叫,因為都等左一陣心太軟就好快黎喇,Size就比出面既細左少少,不過賣相就好靚喇,當然要即時食,唔錯,起碼都有D朱古力都有流出黎,當然要食一啖，不過個心太軟唔會話太熱,只係暖暖地,不過味道真係幾好,朱古力幾濃而外層既朱古力蛋糕都幾好食,不過有少少乾,整體都算唔錯,不過唔算係出位既甜品。之後就朋友就叫左個酥皮香蕉卷,佢好貪心,因為依個好多野食,雪糕就有朱古力,雲呢拿同綠茶揀,朋友就要左我唔食既綠茶味,諗住焗既野都要等番十分鐘左右,點知都好快就黎喇，試一試佢個酥皮,好似唔算焗得唔太夠,唔夠脆,不過都夠靚既，香蕉就唔算太甜,有少少酸，伴碟既生果就有士多啤梨同埋奇異果，兩個都好好酸呀,不過朋友話加埋雪糕食就岩岩好。 …查看更多

今日同朋友黎左依到一試,佢自己都話未試過,就叫埋我一齊黎喇,環境都算好好,入面夠哂大,可能未到食飯唔算太多客, 夠哂清靜,氣氛都算唔錯。朋友睇左一陣,就佢話事叫野食喇。首先就係薄餅,大家都鍾意食濃味,所以就叫左蒜味, 依個唔錯好好食, 睇落有層油係面,賣相唔算太好嫁,不過食落又唔同講法,夠哂乾身都幾好味至於青咖喱雞,大家都唔算食得辣,所以就揀左青咖喱,辣味都應該接受到既,不過原來都幾辣下,不過幾好味既,食左唔算太多,雞只係正常,唔算出位,但要提一提就係個咖喱唔夠稠呀。之後就係海南雞,賣相好靚,個飯睇落夠油,但食落又會話成口都係油,依個雞肉同頭先唔同,好食好多又夠滑加埋個酸辣汁,好夾,仲一個泰式炒通菜幾香既都好味道,至於蝦餅就普通雖然夠彈牙,不過就無咩蝦,整體黎講都唔錯喇。…查看更多