銀杏館 (已結業)

依到係一間社企黎嫁,當然要黎支持下,聽講係由一位老人家主理依間鋪頭，果然有心又有力，一開開門就見有個老人家歡迎我地,估唔到個感覺係咁開心,感覺好WARM，有D似新年見到長輩既感覺，一坐低無耐,佢就好細心咁同我地解釋個晚餐,真係辛苦你喇,我就揀左set dinner,仲同我地講水準絕對唔會差,叫我地慢慢食唔洗急,感覺好舒服,等左一陣就黎喇,依到全部都係用有機既蔬菜，食落非常之咁鮮甜又夠爽，之後就係依個北海道帶子同法式田螺薯蓉,羊鞍同雞柳配有機瓜蔬薯條,依兩個食落都幾好嫁,唔會太差,最後甜品出埸,依個朱古力心太軟配薑餅曲奇係我既推介，細細舊既心形造型都幾可愛，不過份量唔算太大。味道我自己覺得好好呀，朱古力食落好濃郁，無好過份既油味,中間流心既部分都出面食既有少少唔同,佢比朱古力醬既狀態，雖然唔算好流心,但食落好厚個口感,好正。