kikiapple's Profile

平時見到都幾多人排隊，無諗過係咁差。餐牌上好多野都係無得order…而個侍應連邊d有邊d無都唔知叫左兩款口味既炸雞，成舊雞大部份係炸粉都算，居然係凍既:(過份左少少，真心我食kfc d 雞都無咁嬲。個甜辣炸雞就咁加d醬上去，仲要自己撈既…..咁既價錢，俾d凍既炸粉我食。芝士年糕拉麵，無見過咁多湯… d年糕淋晒，一度懷疑自己係咪食廚餘:(明太子玉子燒，又係煮到咁多水，又散野飲其實無野好講，但我估唔到收我$38一杯，熱情果梳打，一粒熱情果都無….雖然明知都係飲糖漿，但會唔會太過分。對呢間野極度失望…Read More

想食點心，好多點心小店可以揀，就例如喜惶，唔洗一定要去酒樓。芥末汁三文魚春卷幾特別，炸到好脆，食落口d芥末汁咇晒出嚟，酸酸地幾好味，而且包既係煙三文魚同青瓜，成件事好夾。牛肉燒賣就唔洗多講，鋪頭主打牛肉，一定唔會伏。海苔蘿蔔糕，飲茶食點心我必點蘿蔔糕😂加左少少海苔又幾ok 喎。混醬腸粉，d腸粉蒸得比較淋，食落去會少少一pat pat 既口感，不過主要靠d醬搭救。下次會想試下蜜瓜炸鮮奶，好似幾特別。想食點心，絕對會推薦喜惶，雖然未算非常好食，但勝在夠抵食。…Read More

終於唔洗ot, 當然係約朋友出嚟食飯girl talk。尖沙咀呢間鳥語想試好耐。「手沖玫瑰牛茶漬飯」賣相好吸引，非常適合打卡。我自己都幾鍾意食茶漬飯，但賣相同味道都幾大出入。用生牛肉砌成玫瑰花，所以一上菜就要馬上倒入熱熱既湯汁。但d年肉全生，好難熟，加上倒入湯汁之後，飯要一直浸住，又好快索晒d湯...「月見海洋梅子麵伴茶壺冷麵汁」食落口味清新，冷麵汁有紫蘇味都幾特別。而且粉紅色既麵又真係幾吸引。「柚子蜜糖雞翼」柚子蜜糖都係清新既配搭，唔會油膩，可以食多幾隻。「榛子朱古力配懸浮棉花糖」係為左影相而點，獨角獸🦄️棉花糖好可愛🥰今次有得坐榻榻米位，不過其實張枱好細，坐得耐都幾辛苦，睇相以為間鋪幾大，點知原來好細，應該食過一次有排都唔會再去。…Read More

「雞絲拉皮」這是必點涼菜，芝麻醬加雞絲和粉皮好像是絕配，菜單上見到它就是想吃它。「酒埕醉雞」😻非常喜歡吃醉雞，淡淡酒香味，也是必點小吃。「松露香菇」望落去真的很像一隻大冬菇👀，松露味很香。「脆蝦雲吞」有芝士的炸蝦雲吞，又脆又香，又芝士又蝦，點都要食一食。「白玉王鴿」嘩，這也是必食！脆香乳鴿，非常入味。「肉鬆抓餅」真的很愛吃手抓餅，充滿油香的酥皮，配搭肉鬆一齊食，一個真的不太夠。 「荷花蒸飯」涵料充足，味道隱陣的荷葉蒸飯。…Read More

摩洛哥風格的泰式餐廳，到處都是打卡位。幸好有預約，不然長長的人龍都不知要等多久。我們一下單，便以極快的速度上菜了。「蛋包泰式炒金邊粉伴扒大虎蝦」賣相已非常吸引，金邊粉炒得很香，大虎蝦惹味彈牙。外層的蛋皮反而只有裝飾的用途。花生和辣椒粉伴在旁邊，可按個人口味添加。「浦燒鰻魚牛油果薄餅」日式燒汁加上鰻魚的薄餅，口味創新，令人食指大動👍🏻加上牛油果🥑作伴，非常配合，讚！「蝶豆花芒果糯米飯」必點菜色之一，紫色糯米飯，絕對打卡一流。味道方面，糯米飯送上來時仍然暖暖的，有淡淡的椰香味，煙煙靱靱。「泰式青芒果沙律」原本不知道是辣的，所以第一口食落去有驚喜，後來愈食愈有味道，青芒果的酸酸甜甜加上一點點辣味，是會令人上癮😋「澳洲和牛肉眼扒，紅酒汁」不過不失，比較喜歡旁邊燒烤過的伴菜，反而紅酒汁有點失望，只有甜味，不用醬汁也可以。粉紅佳人 士多啤梨菠蘿特飲…Read More

Happy Friday lunch，揀了環境舒適的The stadium。我們各選了四個不同的lunch set,試試各種口味。Rib eye steak 🥩肉眼扒，點了五成熟。lunch時間非常快便上菜，不是即叫即煎的。但肉質不錯，不會韌。配上一點點醋味的醬汁，口感和味道都很不錯。Fish & chips🍟魚塊炸得香脆，份量也很多。雖然這款等待的時間比較長，但上菜的時候魚塊是熱騰騰的。薯條一般般，如果全部吃完應該非常熱氣。安格斯牛肉漢堡🍔漢堡非常巨型，中間除了厚厚的牛肉漢堡扒，還有芝士，蘑菇，洋蔥，煙肉，蕃茄和生菜，應有盡有。由於太巨型，要切開逐層吃，應該很難一口咬下去🤣中間的漢堡扒不是全熟，有很濃的牛肉味👍🏻Stadium hot dog🌭也是非常巨型的熱狗🌭️香腸上面有豐富的沙律醬，還加上栗米脆片，增加口感。他們的lunch set會不定期變更，之前吃過的黑毛豬都非常不錯👍🏻…Read More

「波士頓龍蝦喇沙」原隻龍蝦🦞配大大配喇沙湯麵。喇沙湯味道很不錯，而龍蝦亦算大隻，肉質也飽滿彈牙👍🏻「秘制肉骨茶配飯」材料豐富，沒有偷工減料！有頗濃的中藥味，不過胡椒味不重。「馬拉盏炒通菜」馬拉盞炒菜一向惹味，菜不會炒得很老很黃，份量亦很多。「香脆鱸魚配青芒秘製醬汁」鱸魚已起肉切塊，烤得香脆，保留整條魚骨，上面鋪上大量青芒絲，非常青新可口，再沾上酸酸甜甜的醬汁，清除油膩。「軟殼蟹紙米卷」包得非常豐富，但由於本身不太喜歡青椒，味道不是我喜歡的。「cool爆鮮芒冰沙」超級大杯，物有所值，甜甜的芒果味，而且還有很多果肉。「berry gaarden」士多啤梨hoegaarden，也是超級大杯，很多果肉。價錢親民，大件夾抵食👍🏻…Read More

訓到自然醒的中午，忽然很想吃壽司，又想起旺角有間美登利，便過來試試。我們二人不太餓，所以隨便點了幾款壽司試試。「茶碗蒸」這是我到日本餐廳必點的，軟滑的日式蒸蛋，加入粉絲和香菇等配料，味道大大提升。「灸燒手握壽司盛合」分別有三文魚、吞拿魚、魷魚、熟蝦、還有一款我也分不清是什麼魚了（可能是鰈魚！？），就是一般的火灸壽司，比較喜歡的是熟蝦上面燒過的那塊芝士😊「火灸吞拿魚腩」吞拿魚都是切得大大一塊鋪在壽司飯上，大大一口咬下去是滿足的 美味しい😆，新鮮度還可以，不過當然比不上日本店。「三文魚三貫」分別就是鋪上蔥，芝麻，或是魚子，沒什麼大分別。「海鰻青瓜卷」很不幸地還分到了尾巴的部分😓最突出就是青瓜味，至於上面那片鰻魚其實沒什麼味道。香港的美登利自然比不上日本，材料不夠新鮮，價錢亦更貴。不過與其他壽司店比較是比上不足，比下有餘。想吃壽司也是不錯的選擇。…Read More

今次來試試將軍澳新開的炑八。晚餐時間，都頗多街坊幫襯，大排長龍。我們一坐下，侍應便立即倒入爐邊蛋和芝士粟米。然後便拿來沙律和前菜。他們的海帶非常好吃，而且各種前菜、爐邊蛋和芝士粟米都可以免費添加，很不錯。我們二人點了4款肉，每款份量都不少，旁邊都伴有南瓜和野菌，加上有包生菜，不會因為食太多肉類而油膩。個人比較喜歡吃護心肉，肉質不會靭亦很入味。炑八一向質素不錯，而且前菜和爐邊蛋又可免費添加，值得推介。…Read More

我們平日7點左右到，沒有訂位但都不需要排隊便可入座。原來還很期待的，打開菜單，可以選擇的款式不多，而且只有一兩個是可以DIY，已經非常失望。千房不能DIY，等了很久才送上來。賣相差，味道一般，粉漿還未熟透。這樣還可以作為主打...真是無言。特盛海鮮大阪燒，可以DIY，相比起另一間同樣可以DIY大阪燒的餐廳，這個真是非常一般，材料不算豐富。而且更奇怪的是明知道客人要DIY，為什麼連油也不給要客人主動要求，還只是隨便擠兩下便收走...沒有油是要人怎樣芝味豚平燒，不過不失，沒有驚喜。香蒜牛油野菌，味道是不錯的，但份量少得可憐。什錦日式炒麵，同樣是煮好再拿過來，非常多油，非常咸...份量極少狂熱雞翼，比較滿意的一道。這間店的鐵板似乎毫無作用，每樣食物都是煮好再放上去。而且最令人氣憤的是他的爐還會滴油，我的鞋子上面全是油污絕對不會再去！…Read More

第一次見到粥鋪會有那麼多人在排隊，非常好奇到底有何吸引之處。門外排隊的元朗街坊都大力推薦。在門外見到他們手寫的介紹，提到他們簡單如蘿蔔糕亦是用心製作，於是決定要試一試。蘿蔔糕非常足料，有冬菇和臘肉，很有家庭風味。不過蘿蔔糕非常軟身，容易鬆散。炸兩和齋腸。這裡的腸粉口感非常軟滑黏韌。腸粉配上甜醬是絕佳的組口。炸兩亦是到粥鋪必食的，一次過食到腸粉的軟滑和油炸鬼的香口。艇仔粥，最喜歡吃裡面的魷魚。一碗份量已經非常多，而且用料充足，食到最後還有大量豬皮。偶爾來吃一吃粥，清清腸胃都是不錯的選擇。…Read More

來到元朗，一定要試試肥姐蠔餅。當日去到已見一條長長的人龍，店內只有肥姐一人，而且是即叫即製，所以等待的時間需要長一點。熱辣辣的蠔餅，一定要配上自家製辣汁。酸酸辣辣的醬汁可以減少油膩感，更能豐富蠔餅的味道。蠔餅炸得非常香脆可口，粉漿不會過多，蠔仔份量亦十分充足。…Read More

終於有機會去試度小月，門口已經見到師傅係到淆製肉燥，未食已經聞到香味。必食既擔仔面，細細碗，加上肉燥同鮮蝦，完全唔會油膩。祖傳肉燥飯，對比起擔仔面，肉燥配飯真係絕配，米飯吸左肉燥既醬汁同油香，正和風秋葵，一見到係秋葵同蕃茄既組合，唔洗諗就即叫，兩樣都超鍾意食，而且酸酸地好開胃。貢丸湯，去台灣一定會食。兩粒肉丸都好夠份量，爽口彈牙。灸燒胡椒肉，呢個係見到人地叫，望落幾好食，所以再加單。五花肉加上胡椒，有少少油香但唔會膩，可以一試。三杯雞煲，例牌台灣菜，無乜野驚喜，反而係份量的確太少，而且雞有碎骨。溫泉絲瓜蛤蜊，純粹係為左食菜而叫，絲瓜幾清甜，但d蛤蜊就食到有沙。雖然各樣既菜式都唔差，但我個人認為有d名過於實，係一般台灣餐廳都做到菜式，但價錢就略貴，而份量就過少。…Read More

放假同屋企人食飯就搵左呢間食上海菜既試下。叫左三個冷盤，上簽口水雞，味道唔錯，麻辣口味，不過以份量嚟講，價錢就有d貴，唔算特別出眾，就係一般口水雞既味道。另一個冷盤，三色拼盤，都係無乜特別，個倉魚係凍既反而唔係咁好食。鎮江水晶肴肉，之前係杭州食過覺得好好食，所以特登叫嚟試下。食落去唔會好油，入口即溶，不過我就覺得佢個皮太厚，而且仲食到d毛，破壞口感。主菜方面就叫左招牌既北京烤鴨。食落真係有d失望，個皮一d都唔脆，d肉又韌...黑醋小排骨，覺得有d太甜。上湯蒜子浸翡翠苗，我自己本身就好鍾意食翡翠苗，所以覺得唔錯，但有屋企人唔鍾意佢陣草青味，所以食完就扁晒咀。總括而言，就係性價比唔高，菜式好一般，但價錢就比較貴，當然係尖沙咀食野就一定偏貴，如果想食上海菜，可以有更好既選擇。…Read More

放假同朋友去銅鑼灣行街，想搵個地方坐下傾下計。之前搭車經過見到間餐廳個名叫山旮旯都好想試下。其實一路行街都一路飲飲食食，都唔係好肚餓，所以入到去只係叫左少少野食。燒烤combo 少林寺，有原隻茄子皇，焗波特菇，菠蘿，秋葵，baby 紫薯。全部都係蔬菜，叫做少林寺真係好貼切😂老乾媽一口和牛粒炒意粉，朋友唔食得太辣，但係又好想試，就問下店員可唔可以少辣啦，點知佢話唔辣架...但係老乾媽我印象中都係辣架嘛～但店員都咁講咪試下囉。食落去係好香好惹味既，和牛粒都唔會乾，有肉汁，不過點食都係辣既😵😵飲品我地睇到cocktail 個版，就被佢d名吸引，全部都好抵死好特別😂最後我地揀左啪啪啪（gin , grapefruit juice, tonic) 酸酸地易入口，再加埋杯邊有爆炸糖，飲落去真係啪啪聲😂同個陪襯到絕。 見到menu仲有好多唔同款式既菜式，下次多d人再嚟試過…Read More