cynicalice的个人专页

二刷，因為今次book到又多人食，所以可以坐樓上，不過樓底偏矮，啲聲音trap住，個環境ok嘈。食物水準仲keep到嘅，試咗四款意粉，lobster tail出奇地嫩同彈牙，左口魚有驚喜，令我諗起某連鎖壽司店🤣，肉醬仍然出色。仲叫咗蒜香蜜糖雞翼同炸蠔，烏龍芝士蛋糕，同埋紅茶心太軟，啲甜品茶味夠濃。不過今次又寫食評係想講下佢啲安排 😵‍💫 晚市第一round係5.45，第二兼last round係7.30。不過佢last order係8.00 😵😵😵 真係遲入座就搞唔掂。今次上菜快好多，不過佢地趕收工都趕好多。8.45到就同你講差唔多收工，最遲9.00一定要走人，所以今次食係趕咗好多 🥲 食呢間餐廳啲時間一定要拿掐得好好…查看更多

間餐廳係逼到爆，同嘈到爆，枱同枱之間係ok貼～ 我地三個人，佢俾咗張二人枱。張枱細到擺兩set碟，兩杯水，兩杯酒，餐包就乜位都冇。我地要個waiter hold住上菜，慢慢黎，真係唔多夠位呢～～張枱仲要係角落，腳又伸唔到，手踭撞手踭咁食，幾驚整跌啲酒杯，真係惨過坐economy 🥲不過個waiter算係咁，我地成日問佢可唔可以換張大枱，雖然最後係繼續逼，佢全程係好有耐心答我地，同幾好笑容。至於食物方面，整體ok，冇太大驚喜，同埋tap water free flow係要收90蚊。…查看更多

見社交平台啲ads sell到爆，冇幫手推，冇followers，純honest review，我都係俾佢😋我地食第一輪，大概5.45到，已經見有兩枱walk-in客坐咗係度，唔洗點等就直人餐廳。佢地大概預留樓下8個位俾walk-in，樓上多數俾book咗嘅，所以walk-in都要早，唔係要等成個鐘 🫨。原本我地先安排坐張一人圓枱，後來隔離有個人食完埋單，個侍應哥哥都好好咁拼埋兩張枱，俾我地坐得舒服啲 😊見網評話啲人walk-in，等好耐，最後得個🍊 我見其實算有系統，個侍應哥哥時不時check隊，有walk-in，又有no show waiting隊，算係咁，而間舖又真係唔算大。至於出餐，係嘅，我地都等咗半個鍾先上第一個pasta，十零分鐘先第二個，啲cake就快上，所以食main係要少少耐性，不過都限90分鐘用餐，60分鐘last order，整體清楚，好趕好肚餓就未必適合。食物質素係好，蛋面，粗管，朱古力basque，奶蓋茶basque都好好食，朱古力cake尤其出色，pasta啲sauce好多料，所以話佢地portion細又好似。。。。。除非你真係好大食 🤔 價錢唔算太平，不過以佢嘅質素，值嘅。值唔值排成個鐘呢？我就建議book定先或排walk-in頭位，企成個鐘係辛苦嘅，不過侍應哥哥話唔好打電話，一定冇人聽，記得whatsapp，五月5.45pm仲book到。同埋最好食埋甜品，成件事係圓滿啲。…查看更多

跪求加返芋泥底！！！🥹🥹🥹今次我係第二次食，除咗想返兜佢個芝蛋三文治，仲有芋泥底！上年食過，好好食，好滑，好芋，又唔太甜，又唔漏，好襯啲芋圓。結果佢冇咗呀 😭😭😭😭 轉咗養生底，唔差嘅，不過冇芋泥底咁wow。其他地方通常係「糖」水底，有啲心機就豆漿，紅豆底等，芋泥底係好少見 🥲 芝蛋三文治同蛋餅keep到水準，不過建議夾豬扒，今次叫咗雞排，有啲筋 😅 希望餐廳有睇食評，加返芋泥底 🙏🙏🙏 熱切期待強勢回歸！😍註：純個人意見，本人冇受過餐廳任何優惠待遇。…查看更多

我地book咗6半，咁有frd要15分鐘後到，呢15分鐘，阿waiter哥哥過咗黎幾轉同我地講張枱食兩個鐘，個tasting menu要食兩個鐘㗎，再唔叫就食唔切㗎喇。之後個frd黎埋，阿waiter係我地張枱閃咗幾round，睇下我地落單未，不過meun得一本，4條友分，快唔到呀～～～咁我地決定à la carte，阿waiter好似鬆咗口氣，話係啦，tasting食唔切。不過每叫一樣嘢，佢都問夠唔夠食㗎。上菜快，收碟仲快，未食完就想收，呢下我個frd就爆咗句，澳牛service黎㗎喎！食完starters，阿waiter就問我地唔洗再叫starter，可以上main？呢度有限唔叫返轉頭？食完紅蝦短粉，阿waiter就收碟，又問洗唔洗再叫，成碟short ribs都未食，食埋得唔得呀，7半咋喎～～Dessert就諗住試下佢個red berries Crème caramel，阿waiter話佢係得啲berries同pat cream 🤣🤣🤣 呢個waiter好似幾鐘意desell 🤣🤣成餐飯係個好chur嘅service下終於準時交枱，張單係8.30分下埋咗。總結，一，嘢食係好食嘅，尤其佢meun有highlight嘅，Panna cotta不了。二，都係叫tasting menu算，價錢差唔多，service可能好啲。…查看更多

叫咗佢個招牌火腿爆蛋菠蘿包，個包係熱嘅，不過個菠蘿皮係完！全！唔脆。上到枱已經腍哂，完全唔好期望係啱啱焗好嘅脆皮，佢應該放咗一段時間。腿蛋大路，不過隻蛋係完！全！唔爆，仲要老到，係好熟好熟。佢有另一款流心蛋，可能嗰款先爆。佢呢個招牌就不建議喇～～至於佢個紅豆冰，係驚喜～ 未飲過咁濃奶味嘅紅豆冰，雖然豆偏少，不過用十字牌奶真係唔同，所以食佢嘅十字牌嘢應該唔太伏。同埋唔好坐近門口位，呢排天氣熱，人多度門常開，等如露天食咁。…查看更多

如果覺得呢度嘅意粉同個sauce唔好食，去意大利都幾難揾食 😅😅叫咗個zucchini garlic cheese波波，炸得好chewy，又唔油膩，雖然zucchini味係唔太出，不過香草cheese味都有，整體好夾。意粉叫咗tagliatelle同cavatelli，tagliatelle一入口係爽，唔係煮唔熟，嗰種al dente係爽，個sauce有濃濃嘅guanciale味，溶哂係個sauce度，就算冇實體肉，啖啖sauce都係肉，而個tagliatelle好掛汁。cavatelli相比冇佢咁濃，同冇咁爽，之前係其他餐廳食cavatelli通常又腍又粉，所以一聽薯仔粉，就no咗先。呢個cavatelli係彈牙，不過友人都係覺得個心仲係有啲粉 😅食意粉就梗係灑芝士粉啦，不過間餐廳要你問先有，如果一齊上埋就好喇～～我地叫埋個cheesecake，成個上，咁始終108蚊，不過就一般般，可以creamy啲。如果想食手工意粉，呢間可以擺係to go list，而價錢又冇p.......i咁貴。…查看更多

我地兩人被安排坐近廁所前面嗰堆枱，除咗逼到班侍應扭哂腰穿插每一枱，基本郁一郁張櫈都頂到隔離枱，仲有呢個位嘅冷氣係好弱。如果咁好彩獲安排呢堆枱，敬請say no。今次試咗佢個周打蜆面包湯，super green salad，同apple pie。周打蜆強烈建議唔。好。叫，湯又少又咸又唔夠熱，個sourdough吸收唔到啲湯，同個包係好難食。如果要挑戰，可以考慮用cup上。佢啲餐前包反而好食好多。super green ok，足料嘅。apple pie就唔夠熱，不過有球雪糕搭救。今次寫黎評以上幾款，下次試其他chef selection可能safe啲呱。…查看更多

前手ethos幫襯過兩次，covid後嗰次就覺得換咗廚，已經唔好食，唔會有下次。知換咗餐廳，仲要係觀塘嗰陣幾ok，環境仲keep到chill，所以有啲期待。裝修似上手，冇乜變過，叫咗4樣嘢，檸檬意粉，壓薯，牛扒同羽衣甘藍，結果係失望。。。。壓薯賣相hea咗啲，好明顯兩條瓜開半，曬芝士去焗，pan壓扁啲薯，曬啲味粉就ko。瓜ok，不過薯偏咸。意粉正常，羽衣甘藍就似用氣炸鍋炸到好似薯片咁脆，加幾件南瓜，都係正常。最失望係件扒，從來冇食過咁多筋，同切唔開嘅扒，靭到。。。。近三舊水咁嘅質素真係唔得咗！不過薯條係大路嘅。冇食甜品冇飲咖啡，不過咸點就唔多ok。飲嘢食tea可以一試呱。…查看更多

我地係夜晚食嘅，個場係爆爆爆，完全唔休做。裝修排場擺盤係令你開頭覺得物超所值，食物係新鮮嘅，不過只限部長未攞住張單同你confirm人頭，之後惡夢就開始。詳情建議去睇其他負評，寫得好中肯真實。差唔多食完兩round，頭45分鐘，之後就嚴重甩單，俾人催，催到走為止，仲有個app係離枱前45分鐘就係last order，成個流程係公司策略。如果你抱住食某間連鎖60分鐘嘅心態去食呢間所謂有兩個鐘位位4舊幾嘅放題，個感受即刻好好多，真嘅。如果以為有full個半至兩個鐘，係會好難受。仲有，個場係好嘈，收碟車冇停過係你身邊刷過，完全冇享受可言。今次用餐體驗，只怪我係新手。進食攻略係頭45分鐘，唔好講嘢，食咗先，之後先慢慢睇影食出面啲嘢，再講嘢。唔建議龍蝦伊面，舊蝦鞋咸，食新鮮同燒物好，佢個豆苗好食。…查看更多

見有個午餐set，就叫咗個船面同蝦醬炒飯。咁我地唔太食得辣，同個侍應講咗聲走辣，佢定廚房好似唔記得咗，結果面辣，沙律仲辣，見佢啲辣椒子多到，唔食得辣係完全擺唔到落口 😭😭 面就料少，面量尚可。飯雖足料，但偏咸，一個set就95左右，都唔算平，整體又唔得，應該冇下次。…查看更多

唔知係咪可能離中心同地鐵站太遠，見佢一至日都冇乜人，但間餐廳性價比真係高！高！高！地方大，又寬敞，坐得好舒服。嘢食款式多，定食串燒好好食，好有心，器皿搭配有心思。服務態度良好，又可以係OR book位，唔明點解冇乜人😅，想幫佢係度推下 😊😊…查看更多

本來係為咗佢杯milkshake黎，結果冇叫到，反而試咗佢推介嘅waffle。環境寬敞舒服，叫餐要去收銀直叫直俾錢。叫咗佢和牛漢堡同strawberries sundae chocolate waffle，個burger好食，個包煎過脆邊，不過包就細咗啲啲，最失望係啲薯條太重手，咸到我清唔到，幾杯水都唔得，餐廳可能要注意下 🥲 不過個waffle係有驚喜，好好好食同好夾，朱古力夠濃，waffle脆嘅，所以成餐加咗唔少分，用黎送薯條都得 😆 下次真係要試下milkshake，不過薯條真係要改善下，太咸 🥲🥲🥲…查看更多

冇諗過士美非路上斜有間cafe，行快同大步啲，真係會miss咗個門口 🤣 地方唔大，位得5個，唔似會留好耐，所以鋪名改得好貼切 😆我地點零到，叫咗杯Bailey's Latte，french apple pie同日本桃奶凍。本來諗住叫朱古力，佢話賣哂 🥲 就係見人嗰杯好多marshmallows咁開心，原來係最後一杯。好食好飲，不過驚喜位係佢用嘅餐具，好有心思，好靚，而佢個桃奶凍嘅桃啫喱有大大粒挑，同啫喱冇好勁魚膠粉，成個味同視覺都好match。果然呢度嘅甜品真係名不虛傳。…查看更多

終於等到佢強勢回歸，佢裝修前，食過一次，意粉彈牙，配料足，醬料唔錯，環境尚寬敞，所以佢重開，都有啲期待。今次叫咗兩個lunch set，一個雜菌意粉，另一個肉醬Casarecce配mini漢堡扒，兩個搭蕃茄濃湯。個湯飲落似有薯blend過，兩個粉都冇失望，依然彈牙，不過箘嘅就少少偏咸，同埋份量少咗 🥲 唔太夠飽，反而肉醬就足料啲。裝修前，佢lunch set主打意粉，多啲選擇，今次重開可能餐廳想試新items，意粉少咗choice，我等佢轉新menu先再試lu，或者夜晚又唔同啲，不過意粉控未試過，可以一試。…查看更多