Maxman的个人专页

與太太試一下其他日式燒肉，上網看到這間「上州一頭和牛」就來試一下。有點像以前的JK Bro**火鍋形式。牛肉算是不錯，雖然不是揀最貴那種，但牛肉都是新鮮及美味。而且食得出每款有咩特點。海鮮也還可以，最欣賞是白鱔及生蠔，生蠔連昆布一齊燒，店員說會更美味😋，是真得很好，不過燒完後得昆布在移除就比較麻煩，其他都是普通。飲品有他們自製的烏龍、果茶、五花茶及羅漢果茶，不是太甜。甜品就真係無驚喜，都是一般的韓式雪條，日本咖啡雪糕。…查看更多

買過一次外賣要等20分鐘，今次打電話先落單，接單小姐話十分鐘後有。我12分鐘已經到左比錢，等左10分鐘等老闆都話做緊，後過我打電話同比錢既都攞左，我就再問。一共問左一次小姐姐，兩次老闆，到第四次問小姐姐先話一早做好放左一邊。由落單到比錢12分鐘，比錢後25分鐘，共40分鐘都無人叫號，攞出黎。我就話問左3-4次先攞出黎，有冇搞錯啊？番到去湯又凍左飯又硬，我唔知你呢個老闆點樣管理同跟單？莫非你有智力問題？…查看更多

原本訂左六點半，見咁熱咪早少少（17:50）上去睇下可唔可以入去坐下。點知意外驚喜比我兩人先入，重要係有房坐。自成一角，又無出邊咁嘈，兼且有電視可睇波。點左桃膠雞鍋，ok喎！海鮮都好新鮮，有兩款牛肉既套餐，因有個朋友唔好好牛肉，只係食普通牛肉個餐就算。雖然有點豬肉，但就兩兩轉都無黎到，單叫先有，不過個人覺得無咩所謂。最後就緊係叫番個雪糕做結尾啦！有雪糕同雪條㨂，㨂左個kitkat 朱古力雪條，又ok喎！…查看更多

一生人緊要豪一次，訂左台今日食晏。湯：凍湯，有櫻桃同芝士味芝士係有冰感覺，食落口馬上融化。頭盤：鯛魚他他，魚肉爽，面頭有面膜廣告講既係人都食過既魚子醬，我就第一次食呢種魚子醬，平時食開既係三文魚子，差幾遠吓。中間上個自家製既麵包同牛油(配海鹽)，絕配。第二個頭盤係龍蝦🦞，煮到半生熟，切開唔會散開，又有少少半透明同魚生既堅韌。主菜：澳洲和牛胸腹位，唔同食日式燒肉個種，係好有油脂味，不過牛味唔重，伴碟係野菜天婦羅。甜品：有驚喜，原本以為係好甜既硬身棉花糖，配芝士味忌廉包住既紅桑子醬，好夾！重有兩款日式和果子，不係甜，配咖啡一流。另叫左一款甜品cloudy ，入邊有紅桑子醬，配有食用星型花同月亮型海綿蛋糕，唔錯。…查看更多

星期六，諗住6點過少少去攞飛唔使等好耐，點知都等左一粒半鐘，心諗等咁耐又多人等，應該幾好啦！叫左四樣餸：冬蔭功，菠蘿海鮮炒飯，豬頸肉配青木瓜沙律同泰式東北軟殼蟹。先黎個蝦片，夠脆但有陣燶味。冬蔭功上場，夠多料，夠香但偏咸。菠蘿海鮮炒飯，足料，菠蘿唔似新鮮，飯油左少少。豬頸肉，似肥左叉燒，有炭火味，唔香口同好肥，而且無左豬頸肉既爽。個青木瓜沙律D青木瓜係軟晒。軟殼蟹，勁囉，大廚應該加左酸汁，搞到成碟軟殼蟹又淋，又酸又咸。成個樣似炸雲吞浸左湯一個鐘咁，濕同軟。個醬汁真係多謝晒大廚既畫蛇添足⋯⋯唯一稱讚係杯水，因為解渴夠凍。…查看更多

疫情下又想跟老友暢聚，同老友傾左想食咩菜，一致意見係想烚下烚下，但最理想係無時限可以傾多陣，就楝左鍋霸。叫左個養生花膠雞湯底， 放湯雞唔好煮太耐，藥膳味會太重，唔係幾好食。送既咸蛋炸魚皮好正，唔咸但有蛋黃味。老友食完後意見係：唔使次次邊爐都要飲甜野，有各種凍茶又ok喎烏龍及冬瓜茶解渴又有益。野食都新鮮，牛肉，海鮮好正，脆鯇片及蝦，又有蟶子。最後每人點左一個movenpick 雪糕，消暑。可以再黎下次再食。…查看更多

接近情人節同過年就同老婆兩人浪漫一下去食日本野(個陣七點幾，個待應話食個半鐘)，又聽講呢間係吳彥祖有份開，諗住都OK 啦。點知點左一輪壽司試試，都叫做可以啦！到點熱食：軟殼蟹手卷，串燒等等 ... 微暖既，心諗串燒都微暖，好多人送唔切咩？再看看周圍，六七成人；平時會更多人吧？點解會咁？再點多一個熱食試下(炸薯餅)，都係一樣 - 徵暖！算啦年三十晚費事投訴，結賬走人，叫左一次，等左五分鐘無人比單，再叫，等左兩分幾，比現金，應找番三十幾蚊，等左七分鐘，好火，見到經理諗住問下咩事，點解咁耐，個經理見到我面色都知咩事，即刻Walk talkie問下，十秒內覆我：黎緊！見到有人攞住一堆單行過黎，但跟住返轉頭，心諗又咩事？再遲分幾鐘就過黎比番找贖，一張單都要搞成十幾二十分，我個刻真係好火下。個待應話比張贈券比我這下次當一百蚊使！我話：唔使啦，應該唔會有下次再黎，多謝你招呼。…查看更多