為食妹仔^^的個人專頁

介紹台灣朋友來尼度開心下午茶☕叫左凍.熱奶茶.凍鴛鴦,覺得奶茶太濃有d苦澀,同侍應阿姨要淡奶來加,阿姨居然比成罐價錢唔平既黑白淡奶隨便我地落!真係好大方啊😍😄點左招牌波蘿油.酥皮蛋塔,菠蘿皮脆甜包中夾住塊凍牛油,咬落嘴度口感香酥.味道甜中帶鹹好滋味!蛋塔皮好鬆化,蛋漿幾厚又有蛋香,其他點左菠蘿豬扒包.西多士.雞批,不愧係知名老店,食物都好有水準！…查看更多

同朋友下晝去吃韓燒加迴轉壽司,有多種燒烤食材如肥牛.魚.豬扒.雞翼,肉醃漬既味道也幾好,夠味又唔死鹹,仲有金妹芝士腸.芝心丸.蟹籽丸.海膽丸.生菜.韭菜.金針菇.脆玉瓜.茄子等等.....壽司比較普通且醋飯幾大舊,好容易就飽了！其他食物有韓式泡菜.涼拌青瓜.木耳.咖哩魚蛋.炒烏冬.炸薯角.咖哩角.咖哩醬.白飯.面鼓湯.木瓜雪耳糖水.西米露.飲品有汽水機.芒果冰沙.五花茶.奶茶.豆漿.蘋果綠茶.蜜桃紅茶.熱咖啡.紅茶,甜品有抹茶凍.涼粉.雪糕,咁多選擇價錢只要$78加一服務費就可和朋友輕鬆的邊燒邊傾度過一個愉快既午后~非常划算!…查看更多

中秋節本想去食燒肉應應景,但老公怕上火就改吃日本料理放題,因為尼度有自取的熱食沙拉甜品吧所以選擇這裡,訂了第一輪的用餐食間有優惠,一進去眾多服務員就喊日語歡迎光臨~之後既服務態度亦好好,想剔紙仔時發現冇筆,後邊既女服務員就自動送上支筆,收完碟男服務員又送上濕紙巾話比老公抹手服務周到,這裡食物選擇眾多,刺身新鮮,鐵板赤蝦大隻肉質鮮甜彈牙！上菜速度都好快,有好多唔錯錯既雪糕同榴槤雪條任你揀,仲有密瓜味軟雪糕任你擠同埋多種配料可加,最後食的飽飽捧住個肚走…查看更多

今晚用網路上既優惠減左10蚊,$28.9試肯德基的雙層雞扒軍艦田園版,原本以為食落會很油膩同滯,因為...🎤🎼🐔全部都係🐔全部都係🐔🎶😂但有好新鮮既生菜同蕃茄,再加上大量既千島醬調合,令味覺變的清新!雞扒都幾Juicy,出乎意料都唔錯!餐後忍不住買🍦來吃😜完美既ending…查看更多

來這裡慶祝老公生日,9月份是主打阿根廷烤肉,看過食物介紹有麵包蟹,最喜歡麵包蟹的蟹蓋,有好多蟹膏食落口中好滿足,但今晚去到卻沒有麵包蟹,令我感到非常失望,連我中意既Blue cheese都欠奉,今日真係唔好彩😩阿根廷烤肉幾好食,肉質軟腍再配埋附上既2款醬料好味!鴨肝煎的恰到好處,表面微焦,加上醃漬既無花果同洋蔥絲,擺入口度一咬即溶,油潤甘香,回味無窮!蒸左兩條黃花魚尾,火候都掌握的好好,魚肉鮮美!今次生蠔得一種比較細,雖然細但蠔都幾肥,蠔味淡小小。食唔到麵包蟹唯有食甜品洩憤,今日食左9球Haagen Dazs雪糕,真係好Crazy😆雖然冇食到麵包蟹同Blue cheese,但總體來講都算唔錯!都係比返個好評😉希望下次可以食到麵包蟹喇😋…查看更多

早餐點左即炸吉列豬扒加鮮茄腸片湯通粉，豬扒係幾大塊但唔係即炸，已經凍左又硬又乾爭爭一D肉汁都冇，個鮮茄通粉湯底ok，但通粉林晒食落粉粉地口感好差！因為號稱即炸成個餐要$36.5但根本唔係即炸直頭呃人！真係冇下次！…查看更多

多謝OpenRice送<煞破天刧>電影票,令我們得以欣賞到一部精彩的電影:)電影散場後行到花園街食下野,原本要到標記但老公行錯隔籬入左來尼間既來之則食之,我點冬菇牛腩飯老公晚夜食過飯唔係好肚餓淨係要及第粥尼間雖然係買魚旦粥粉麵,但居然賣埋海膽刺身一板$48起,唔知有冇人想嚐試下呢?冬菇牛腩飯:牛腩較鹹同埋不夠腍要咬多幾下先得,食食下咬到八角味道實在太重係肉裡面挑左幾粒出來,牛筋就入味又腍,最好味就係個冬菇好似係日本靚花菇大大粒又厚身,因花紋同肉厚望落好似個烏龜殼食到好香既冬菇味~及第粥:豬潤.粉腸.豬肚.豬肉片各兩件,豬潤.粉腸煮過籠老晒又硬豬肚老公話係雪藏貨冇味,粥底亦都麻麻地:(如果冇冬菇我應該會俾喊面,看在好味冬菇既份上姑且俾住OK啦~…查看更多

OpenRice送左<煞破天刧>特別場電影票2張,今晚同老公一起去睇老公夜收工,我唯有食D野安撫個肚仔先以免肚仔出聲抗議~行過佳記見到臭豆腐0岩0岩炸起,望落個樣金黃香酥可口好吸引!忍唔住要掏出荷包買一件來食,到手熱辣辣~加左辣椒醬.甜醬美食當前顧不得儀態,張大口大大啖咬落去,嗯~真係外脆內嫩~有左醬料的加持味道更是愈發好味!臭豆腐落肚胃口開,再買多一碗細碗牛雜,份量都幾多下加D芥辣食牛雜入味夠腍,蘿白爽口又甜入口冇渣!滿足了肚仔就可以安心等侯,稍遲又可以俾眼仔飽下眼福喇~…查看更多

下晝食過熊貓後覺得好好味,食完晚餐想食D甜0野時就心思思想再揾多間Froyo來試下~經過登打士街Hot.com見到有人食緊杯幾大杯既Froyo望一望招牌原來佢地都出左尼個近排超熱門既"當紅炸子雞"我估味道都係比唔到個D有名氣的專門店0勒~但睇佢勝在份量夠多,一於俾次機會試下味道係點~價錢:細杯$18可選擇一樣生果.大杯$25可選擇二樣生果仲可以選麥提莎.脆脆.M&MOR多幾種生果價錢$26-$30Froyo得原味生果我選藍莓,我買細杯但份量一D都唔細望落去同感覺手上既重量我想應該都快到200g左右喇~藍莓都幾多,食落酸味夠重好似低脂奶整既所以冇奶味又唔夠滑:(口中感覺些許杰杰地,不過藍莓就夠大粒又夠甜:)對於比較鐘意Froyo酸味多D既朋友或者會鐘意掛~由於比較酸同覺得佢係低脂奶做出來既好似比較健康同冇咩脂肪熱量既感覺,唔知係唔係被0厄左呢?…查看更多

今日有事落旺角辦完後就去探訪近來獲得不少好評的可愛熊貓位置唔難找係接近往旺角火車站天橋既方向有幾個人排隊等左陣間就到,我都係第一次食Froyo好期待啊~女店員唧一杯俾我,toppings我揀左士多啤梨爆爆珠唔知係唔係太受歡迎盒裡面只剩約10粒,仲有oreao.朱古力mochi,選完磅下重量$18.2不過女店員話佢地唔收毫子,知道我係第一次來俾我張咭,10個印花送一杯Froyo第一次既Froyo終於到手喇~店內已有多位女學生係度食只好响出邊食Froyo本身實淨唔易溶,第一口先有微微酸味之後先係奶香味不虧係用北海道3.6牛奶整既果然有濃濃的奶香,酸味就略嫌唔夠重但係又香又滑我鐘意!:)toppings方面爆爆珠加Froyo就變成士多啤梨口味加oreao就有D似食緊oreao餅乾幾香口,mochi朱古力味重但太軟唔夠煙韌食完好似覺得唔夠好想再買多一杯食啊~睇食評先知原來仲有好多種類既醬可以加,揾個時間下次再來食過!…查看更多

係Open Rice上見到麗景酒店咖啡亭午餐有供應老公至鐘意的翡翠螺,依家又有第二位客人半價優惠就揾個時間去試下先~我地11:45就已經到左,雖然未到時間但櫃檯服務員都即時帶領到一個四人座位俾我地有的坐住等Nice:)一坐低就即刻送上凍檸檬水俾我地用來清洗翡翠螺,之後一見水變顏色就及時換上新既陸續換左3.4次(冇辦法老公鐘意食)服務真係細心周到! 等到夠鐘開動老公馬上朝翡翠螺進攻,個個超大隻又新鮮!但略嫌灼既時間耐稍微硬小小. 菜色雖然唔多但貴精不貴多味道大致上都幾好!青口.凍蝦鮮甜,龍蝦仔我唔識欣賞覺得冇咩味, 刺身難得食到八爪魚鮮味有彈性又唔韌,三文魚肥美.豬頸肉爽口.羊架肉嫩冇騷味連唔食羊既我都敢食, 咖哩菜式冇試到.師傅現場即煎的印度酥餅熱辣辣一圈圈層次分明,奶油味.麵粉香兼俱酥香可口~ 甜品我鐘意木糠布甸.自製軟心朱古力波.唧左幾圈軟雪糕食除左奶味唔夠重之外味道都OK~但脆筒淋左好難咬~ 生果方面菠蘿甜西瓜普通而哈密瓜就硬又唔甜 今次成個用餐過程,每位人員都熱忱服務.親切又有禮貌.今時今日咁既敬業態度同服務精神實在值得讚賞!:)…查看更多

落旺角時間中都會揾肥姐買番一兩串過下癮,我最鍾意就係豬心:)以前睇雜誌介紹都試過豬頭肉,但我覺得比較肥麻麻地,都係豬心咬落啖啖肉好味D~尤其加埋甜醬.芥辣食落更滋味,凍得來刺激又爽甜真係過足晒口癮啊~~~…查看更多

今年結婚紀念日想食日本料理放題,本來唔知去邊間好?最後因尼間有其他間少有的翡翠螺.海膽壽司.八吋三文魚.吞拿魚壽司,所以選擇來左村上.訂左6點半入座時仲有好多空位,跟住剔野食時發覺好幾款食物消失左:(消失既食物有:燒魷魚筒.芝士生蠔.香辣魷魚鬚.美國牛肉厚燒.薄荷鹽燒羊仔扒.八吋三文魚.吞拿魚壽司.火焰油甘魚壽司.蘆筍天婦羅(我之前收左佢地宣傳單上面有菜單)食物來的都好快,係漏左味付螺肉同香草龍利柳.魚生未至於好薄亦都唔夠厚,而翡翠螺次次寫6隻佢都係俾2隻,海膽壽司寫4件來2件三文魚籽壽司都一樣,好似全部除2一樣,我懷疑如果翡翠螺寫1件佢會唔會來半邊?但翡翠螺個size都幾大下,我點左份蟹腳肉天婦羅,點知原來係蟹柳仲要1條蟹柳1開2.海膽壽司.三文魚籽壽司第一次份量正常,跟住就越俾越少,吉列豬扒就大大件,豬軟骨有D唔新鮮同唔熱有陣騷味,花魚個皮燒濃左黑晒(咁樣都照俾客食?)海蝦蜜桃沙律比較好味D,沙律醬係自製既唔酸比較甜,尼一餐都算食的飽飽,服務態度都好好,老公筷子唔小心跌落地下未出聲,個經理已經自動送上新既筷子.下次仲會唔會選擇尼間?maybe但希望佢地有改善.貴D既食物份量唔好俾得咁孤寒,既然開得任食就唔好怕俾客人食喇~咁先會長做長有ㄚ嘛~~…查看更多

今日過深圳去做facial扮靚,去到東門正值午飯時間,都係祭下五臟廟先再去顧門面.從地鐵一行出來就見到尼間餐廳,一於係度食午餐喇~0益左一碟咸魚茄子飯,見係度食0野加多4蚊人仔就有一杯(凍)熱飲,再0益多杯凍好立克.等了好一段時間我既茄子飯終於送到我面前,原來佢地係落單後即炒,唔怪得要咁耐時間即刻開動咸魚茄子熱辣辣又有鑊氣送飯好好味,份量都好多下,咸魚粒亦落的唔少仲有幾棵小唐菜,凍好立克都好飲雖然甜左小小但冰融左D味就岩岩好!咸魚茄子飯9蚊加杯飲4蚊加埋都不過係13蚊人仔,D(食送)仲係即炒俾你,香港絕對揾唔到!味道份量都十足!下次過深圳一定再來食過~…查看更多

好耐冇假放的老公今日意外得到一天假,於是就去食我最鍾意的酒店buffet 啦~本來要去佐敦的逸東酒店食既,打電話去訂位竟然lunch同dinner全部full晒平日都咁好生意冇辦法只好揾過第二間,上OR睇到尼間好似都唔錯!個職員話今日都幾full只剩門口座位,坐門口就坐門口啦!最緊要係有好0野食就好了~12點幾去到其實門口位都幾好,自成一局幾安靜裡邊人多又有人慶祝比較吵小小,我地既座位旁邊又有一池錦鯉可以睇佢地游來游去都幾悠閒.都係講返有咩食物食:湯:菜亁排骨湯.南瓜湯,麵包種類5種以上我食左一種,咀嚼下好香小麥味忍唔住食左2個刺身.壽司:三文魚.八爪魚.吞拿魚.鱆紅魚.什錦壽司 冷盤:生蠔.螺.凍蝦.青口.淡菜.煙三文魚.另一種唔知咩黑胡椒煙白魚.薄片肉腸,3種切片芝士熱盤:中式炒牛肉.咕咾肉.甜豆炒蝦仁.西芹炒墨魚.肉醬意粉.白汁青口.燉羊肉.火雞肉.煎魚片.咖哩牛肉.青咖哩.紅咖哩.蒸魚塊.白汁疏菜.焗薯角.即煮粉面檔,螺肉鮮甜.焗酥皮三文魚好味沙律:生菜沙律.薯仔沙律.橄欖芝士茄仔沙律.蕃茄亁,生菜新鮮種類多甜品:木糠布甸.楊枝甘露布甸.藍梅芝士蛋糕.朱古力慕斯.栗子蛋糕.熱喳渣生果:種類得三種西瓜.密瓜.菠蘿.切的好細塊密瓜比較甜雪糕:係movenpick好似有8種試左朱古力.臻子.咖啡.開心果.楓糖核桃,最好味就係楓糖核桃最難食就係開心果其他味道SOSO有送一杯餐飲點左凍啡.凍奶茶佢地飲料唔得淡茂茂,我杯奶茶好似溝過水冇晒茶味,仲差過茶餐廳,話晒都係酒店係唔係應該要做的好D呢?食物味道大致上都幾好food counter服務員態度親切有禮,外場加水加的好密收碟都好快,但係今日冇自製waffle同朱古力噴泉有小小失望~:(…查看更多