fai3cing1的个人专页

疫情盡量留在家中食飯，此乃舊相🔥澳洲草飼西冷 ($98抗爭價)🔥黑松露大菇意大利飯 ($78)🔥法式焦糖燉蛋 ($62)🔥熱朱古力 (餐加$10)西冷：個紋超靚🤤打卡一流！而佢嘅肉質唔鞋唔硬，配埋個汗真係😍😍義大利飯：個size超大🙈不論個菇定飯嘅size都好巨型😋不過略嫌個菇唔夠juicy，稍為有啲乾身，同埋啲飯食耐咗有啲dry，其他都好好。燉蛋：落咗order後佢會因應你食嘢嘅情況再問你上得燉蛋未，佢大約整5mins。焦糖唔苦，蛋好滑，可以一試🙈但注意佢都幾大件！…查看更多

獨享餐(雞胸) ($42)每日淨開兩轉，1pm & 6pm嘅肥仔黎🤤哈哈終於到我，個個人都話好多人好快賣曬，要早15-30minutes 去等😗好幸運可以一試佢嘅滋味嗌咗芋絲、芭樂、玉米荀我有做功課，睇外台灣人食鹽水雞通常嗌乜配料，所以揀芭樂同玉米荀。第一次試佢哋，都係最後一次，因為覺得冇乜特別，唔知點解世人會加佢哋😂不過我諗我試任何一間都會唔鍾意，所以唔係呢間店嘅問題。啲雞好滑、好惹味，份量都唔算少，晏晝加杯嘢飲都有6-7成飽(refer to我嘅食量)小辣到後面都幾辣，可能配飯食會更佳😂😋…查看更多

😋烤酸種麵包+煙三文魚配忌廉芝士+牛油炒雜菌 ($78)😋慢煮黑毛豬柳配芒果莎莎醬 ($168)😋Cappuccino (餐+$20)個包好煙韌，如果share個陣切開就有啲難😂😂啲肉好厚好正🤤不過唔鐘意食隔離啲菜類😂聽講一個好拉花係飲到最尾都唔散，而我成日亂飲嘢，但佢都未散！！所以佢拉得好好🤣間小店好靜，環境優美。有室外室內揀，不過夏天坐室外就太熱😪可以約埋知己去傾下計chill下😋…查看更多

😋Set A ($209)😋鰻魚壽司($6/件)😋油甘魚壽司($11/件)😋火炙左口魚邊壽司($8/件)*建議大家最少早一日預訂，特別係Set呀，因為太多人買🤣 啲嘢由2位老闆親手整，估計因為咁而每日會有限量。試過前一晚嘅10pm order都已經full咗😩視覺及味覺效果一樣豐富😍平時麻麻地蝦刺身嘅我都覺得好食好新鮮🤤不過以上面嘅份量嚟講，4人食略嫌唔夠🤔佢哋好nice😍😍😍#黃店#黃色經濟圈#HongKongfood …查看更多

即興去到長沙灣食嘢，嚟試下朝朝暮暮咗好耐嘅Neighbor🤩啲嘢食非常打卡able! *🥴溫馨提示：落單係出去點餐㗎!😣叫咗個大烤菇牛肉漢堡同埋鄰居特飲~漢堡：足料大份! 烤菇個size同塊肉一樣😍一啖都咬唔曬成舊包，最後我食咗洋蔥同一面包底先，跟住其他先夾埋一齊食😂超多汁! 食完之後成張包紙都係汁，同埋舊菇食到最尾都仲出緊煙🤣特飲：特飲相對就冇乜特別，可以話係fresh啲嘅果汁，但放心唔係糖水佢哋上菜嘅時候會好似圖一圖二咁擺開，再另外上一張紙比你自己夾個包入去，所以大家記得帶定酒精清潔雙手先再掂啲嘢食呀！…查看更多

算早去食，所以唔洗等位，直入。小店好貼心，每張凳都有個籃畀客人裝嘢。今次叫咗手製意粉同埋薄餅~•忌廉汁鳳尾虎蝦菠菜配手製闊麵老實講有少少失望，不過係因為我食唔慣陣味🤦🏻‍♀食落覺得意粉味好出，好大陣手製粉味。我唔知點形容，但係唔鍾意🤦🏻‍♀不過外形好靚，又唔會太漏，份量都足夠嘅。•菠菜葉、車打芝士及馬蘇里拉芝士手作薄餅 芝士食落唔漏，啲葉唔似草(er姐係唔生)😂餅底軟硬適中餐配自家製凍水果冰茶，好fresh好正😍可惜太飽，我仲想試埋個甜品😢店員態度好好，埋完單之後仲急急腳幫我哋開門🙈…查看更多

嚟到台灣店當然會試翻佢哋嘅特色嘢，所以叫咗啲平時冇食過嘅嘢🙆🏻‍♀原味牛肉湯麵(牛展)叫咗幼麵嘅配搭，本身唔鍾意食幼麵，所以點都麻麻地嘅感覺😣麵嘅份量都算ok，牛展直程偏多，好淋。湯底就清湯，唔會蓋過其他味。滷牛筋牛筋份量好多，食落好得意😂大腸包小腸成日都見到有，但冇特登叫嚟食🙈個腸好脆，兩樣一齊食好夾，不過就冇得一啖食曬，要將佢分開/整一半😂但好味好鍾意皮蛋豆腐+台灣肉鬆本身唔鍾意食豆腐同肉鬆，但一齊食又出奇地好食!!不過皮蛋豆腐放唔曬落同一個匙羹，所以同分開食冇乜分別😣古早味冬瓜茶 (原價$18,餐加$9)清甜，又唔會喧賓奪嘢食主飲完一杯想飲多杯…查看更多

睇到好多人大讚韓閣，終於夾到時間過咗去試😋叫咗炸雞、手卷、湯，味道都唔錯首先個炸雞叫咗蜂蜜牛油味，真係如其他食評咁講，個味唔太出，得陣皮有少少味，但係勝在佢嘅肉質唔“鞋”，半份份量都好夠多。佢好貼心比埋骨筒同手套，個手套較實，唔易漏油落手👍🏻跟住係個牛肉雜菜特色手卷，超正😍個size都啱啱好，既可以一口食(應該唔係我口大嘅...)，又唔會太少而唔滿足。佢成件嘢好夾味仲好香😋好似有啲啲麻油(?)然後到牛骨蘿蔔湯，唔味精，無論蘿蔔or菜or牛骨都好足料，湯連餸嘅份量大約係4碗7成滿想飲藍海傳說同埋酒，但係個日咁啱兩樣都冇😢…查看更多

青花真係好多人，好彩中午用咗openrice 訂枱，所以去個陣冇乜人，不過夜晚冇得訂枱☹️入面環境好靚，好簡約清新。炒飯：蟹肉份量較少，但呢個價算正常。炒飯有菠蘿汁，所以甜甜地，又fresh，平時覺得提子乾加落嘢食會好怪，但呢度個啲好夾，特別係口感相似，唔會有某一樣太硬身。菠蘿甜&冇渣👍🏻👍🏻豬頸肉：豬頸肉本身已經辣辣地，反而點完醬好似冇咁辣(?)😂 雖然個樣偏黑，但火喉燒得好好，好惹味。糯米飯：芒果都甜，啲漿都唔錯，配色又靚🙆‍♀不過同我想像嘅味道有少少唔同，但未食過正宗/其他店嘅，所以評論唔到😂…查看更多

6點半左右去到，個時冇乜人，所以好快入座。(掛住食都冇點影相，同埋我哋嗌親都得好少，餵唔到相機😂)一坐低就極速點刺身同壽司，唔知係咪放題界嘅習慣😅刺身點親都唔會出得啱，今次冇嗌希靈魚，但係出咗😪其他都啱，係數量較落單嘅少。嘢食新鮮，超級推介生蝦刺身！好正🤩，同出面泰國餐廳有得揮。壽司就比較推介火炙類~熟食方面都不過不失，上菜速度好快。推薦食牛柏業🙆‍♀少少辣辣地但好鬼惹味！！！雞軟骨都好好食！😋食到少少茄汁味一齊煮，但係好鹹。少食多滋味😂(雖然好鹹，但我停唔到口)一口牛都幾好，唔韌，數量都多。燒菠蘿又甜又多汁，不過就多渣。燒蠔燒帶子就唔特別推介。嘢飲種類頗多，最尾仲有條雪條食(花輪同學?😂)。呢個價錢算唔錯，4.5/7分店員好nice好有趣😂…查看更多

KLunch最早10am，可以唱3個半鐘學生$79再加一，包嘢飲*1+lunch*1覺得neway嘅餐牌吸引咗，啲選擇睇落好食咗。叫咗個日式饅魚炒飯，望落去好大份好正，但食落去有啲啲怪味😅唔太新鮮，啲菜都唔多夾螺肉唔敢食，個樣都唔太新鮮但個湯佳🤣✨不過以neway嚟講，水準算係咁好食過之前…查看更多

位於太子嘅西餐，周圍唔算係食肆區。去之前建議都係openrice book咗枱先，越夜就越full，廢事摸門釘🤣用餐時間大約1個半鐘，我哋嗌咗一個波士頓意蝦意大利飯，一個118啤酒炸雞。上菜嘅速度好快，先嚟咗啤酒，原味同花香味，原味冇咁苦，易入口啲，但其他方面就冇乜分別。原本係250mL嘅啤酒，店員話最近轉咗做500mL😂跟住就上炸雞同前菜。炸雞必配檸檬汁同佢個醬，食落較有層次，食耐咗都唔dry，越食到後面就好似有少少辣味，不過真係超級超級少。最尾食到有啲牙骹軟😂同時嚟咗前菜，我嗌咗沙律，都係正正當當。最後就到個波士頓龍蝦意大利飯，隻龍蝦size都係出面常見嘅size，啲肉好方便起到出嚟。意大利飯就索咗好多龍蝦汁🤤清甜不過當日美中不足嘅係門口裝修緊，有啲嘈…查看更多

1點幾去到，好好彩唔洗等位🤣上openrice 睇個餐牌，見啲扒極平，好評又多，於是特登去試下板燒牛肩胛($55)，凍飲(+$3)，學生又減翻($5)😂所以其實($53)就可以食到個扒餐，價錢認真實惠！沙律配醬正常味，開胃，for均衡飲食😂意粉(不專業估計中)應該落咗蒜同牛油(?)，因為好香好惹味😢越食越想食😋😋牛嘅肉質都幾好，唔會好韌，唔會難咬難切不過對我嚟講份量就有啲少，食完感覺上可以食多個餐😂，但係我朋友係第2款扒配薯蓉，未食曬已經話飽😢不過講句公道說話，份量偏少，建議大食可以(+$10)嗌2塊蒜蓉包/($+10)叫餐湯btw,lunch餐牌冇pizza, 但見隔離枱食緊!🤣可以問下睇下有冇得嗌…查看更多

雖然相醜，但無阻食物嘅美味🙈原本想食豬手+水餃河粉，但係再望真啲個店名同餐牌，唔食翻樣招牌餸好似對唔住佢哋，於是嗌咗牛雜+水餃麵😂呢間位於天瑞街市內，係啲街市出口隔離，如果唔識路/搵唔到，可以圍住個街市嘅外圍行就ok。影餐牌個陣偷偷睇去入面，見到都有幾枱位比客人坐。首先講下金牌牛雜，真係名副其實！啲牛雜首先份量多，係良心小店😭可能呢到已經係街上面某啲食水深啲嘅店嘅細牛雜份量。有時食牛雜會有啲臭味或者咬好耐都咬唔完，呢間嘅牛雜都冇上面嘅問題，仲要配湯底都夾同入味。而鳳城水餃超足料！大大粒，大過隻匙羹，我睇到個陣都好驚訝！😂最後個麵都唔錯！平時唔知點解好抗拒食麵，但呢間條條分明，彈牙有咬口，唔會淋patpat👍🏻 份量都夠，如果係我食量(可睇翻我自介)，今日嗌埋凍檸水，都7成飽😂(sorry大食囉)p.s. 辣醬額外比，可以試下辣唔辣再決定落幾多，又唔會比啲湯索曬搞到極辣，好細心💜…查看更多

食咗兩次，但因為太懶所以一齊po😂天水圍糖水舖唔算多，但呢間係我覺得最好味第一次食個陣係食台式奶凍，食到我🤩眼奶凍好香奶味，又滑，啲芋圓唔難咬，甜度又適中🤤跟住仲偷過朋友啲雞翼尖嚟食，好食過元朗某間出名甜品店😂(應該乾淨啲先)但係小辣都幾辣，食到後面真係好爽🌝可能唔食得辣個啲要額外再叫小啲辣，不過朋友話反映過之後已經比再上一次小辣咗😂自己執生xD跟住第2次食咗個個韓冰同魚蛋，韓冰好足料！又大份，不過最美中不足係冇煉奶😂我鍾意食個陣落極多煉奶🙈如果唔落嘅朋友應該會比5星呢個韓冰。溫馨提示：食耐咗會有啲凍😂為夏天帶來冰冷，所以睇下同朋友share冇咁凍/再叫少少熱嘢暖翻個人(唔知凍熱凍熱會唔會肚痛哈哈)魚蛋就正常水準，但原本嗌咗8粒，食食下又想食多8粒🤦🏻‍♀食完個韓冰之後其實仲想再食😂不過人哋收舖所以下次先啦😭✨今日係紅日12點後冇曬榴槤、腸粉、燒賣、雞翼尖，可能平時都係咁，所以如果想食嘅可能要預早少少去食喇！綜合兩次經驗，佢哋個個都好nice好搞笑🙈…查看更多